味食鮮鮨 (已結業)

路過附近，見呢間比較多人，就同朋友試下！坐低無耐，天氣勁炎熱，梗係叫杯啤酒啤啤佢！職員勁好勁細心，用d冰助住，保住溫度😍😍飲落真係好爽😍😍活赤貝好鮮甜，食落爽口鮮甜，好有驚喜！無諗過呢度嘅刺身咁新鮮！另外叫左個五色拼般，三文魚腩好肥美！油脂豐富！入口有溶化嘅感覺。帶子亦好甜，味道濃郁！呑拿魚腩蓉入口即溶，好肥美新鮮。牡丹蝦好大隻！蝦頭仲有膏，好香蝦膏嘅鮮味！芥末八爪魚亦都好鮮不會太攻鼻，好過癮！另外叫多幾款壽司，就完成今晚豐富嘅一餐！蟹肉蟹膏份量勁多，好有口感！灸燒左口魚剛剛好，好肥美！油脂香味正！

好耐未食過咁好食嘅便當，去咗朋友度睇波，點知發覺唔夠嘢食，咁梗係去加料啦，經過呢間日式小店，真係好好味，無論魚生同埋咩啊熱食都超乎我嘅想像，好好味。而且價錢仲非常化算，可以食到唔同嘅選擇開心。😍😍而且最重要嘅係，店內員工服務好好，而且亦都好衛生乾淨。同朋友一齊食下野飲吓嘢，坐喺出面都好舒服，好有特色。食物方面當日師傅入咗啲魚生俾我哋試，好新鮮，下次師傅仲話可以幫我哋預訂唔同嘅魚類。😍😍😍😍

Weekend 唔想去咁遠，到附近朋友屋企，估唔到呢度有間隱世日本美食🤤🤤首先係鹽燒穴子，即係細鰻魚。好甜，醬汁燒得剛剛好，少少焦味鰻魚好軟綿，好食！叫左款平時比較小食到嘅青花魚加自家酸汁。白身魚一般都較鮮甜，呢一款刺身配上嘅醬汁好開胃！魚味濃，食到一片接一片。日本蠔，好大隻厚肉。有淡淡海水味，甜味都不錯但咁大隻實屬少見，餐廳仲加左少少魚子，更見鮮味食日本野當然不少得食d壽司飽下肚！最值得讚係帶子！好肥美鮮甜，厚肉到條脷都feel到個重量！好實在好正！另外海膽呑拿魚蓉都好鮮甜。忍唔住一舊又一舊！呢餐真係surprise 又滿足❤️

今晚試食廚師發板，由小食，刺身，炸物，燒肉樣樣試曬！呢度既烤魚乾雞泡飯乾烤得好乾身又濃味，一條一條咁食停唔到口！炸魷魚鬚同個爽口雞腎同日本原桶既 Suntory 真係絕配。刺身方面，靚仔老闆話日日都有即日開既三文魚，真係鮮同爽！我哋仲試左啱啱落飛機既秋刀魚，甜甜味道唔識講，我哋兩枱八人食左5條🤫 仲有深海池魚又係好香濃。炸物夠乾身，吉列蠔外脆內嫩。到壓軸既燒肉，老闆話係 full blood 和牛，唔係肥肉，係好有肉味，好 juicy! 總結：要 encore! P.S. 黎就唔好揸車喇，要試下佢既黑白溝生啤，同埋熱情既老闆係會俾咁斟酒比人 🍺

疫情期間都好少同朋友出去坐低飲杯野，今晚好好彩約到個好耐冇見嘅朋友喺屯門聚一聚。好耐冇嚟到碼頭區附近，原來呢度都開咗幾多唔同嘅食肆，朋友揀咗一間有生啤飲嘅日本餐廳，估唔到六點未夠餐廳都已經差唔多坐滿左七成。喺門口企一陣店員就已經好殷勤咁介紹我哋呢度嘅招牌菜，呢度嘅生啤都幾特別，出邊比較少見呢個牌子，估唔到佢係黑白啤酒兩溝，飲出嚟係特別香滑同埋啤酒味好濃，唔怪得基本上見到每一檯都有叫呢款啤酒，正👍🏼由於之後仲有飯局，所以都冇諗住食晚飯，純粹想飲杯嘢，但比側邊其他食客嘅食物香味吸引，所以最後都叫咗幾款嘢食雞泡魚乾個份量比我想像中多，而且唔係好鞋個啲，都算燒得好好，好快就俾我地 KO 左另外反而想讚一讚佢個燒墨魚🦑，超級超級juicy，比起出邊食嘅佢更加淋，更加入味，問返店員先知原來佢地堅持用最靚既食材。有時斷定一間小店係咪有心定係粗製濫造，睇佢對食物嘅堅持都可以睇到最後忍唔住叫多幾款壽司，都算好新鮮，店員介紹因為呢度嘅老闆啱啱接手，而且佢本身係做開日本刺身嘅，有專人喺嗰邊負責採購，淨係入最時令新鮮嘅食材，所以會保持食材新鮮題外話：同朋友食食吓途中，有個店員行埋黎問我哋覺得對佢地嘅食物有無咩

終於有堂食，整體食物好好，有交流嘅服務，sake喺碼頭哩區，簡直有驚喜，壽司師傅手藝高，高，高，刺激味蕾，刺身選擇亦多，聽店主講星期五。六會有原條魚刺身潻，今晚得獎sake配精美食物，大滿足。已約老公下次再食

見咁多人幫襯 就心旭旭想入去睇下 之後坐低叫左個2-3人 壽喜燒 餐賣相好靚 盤肉都好好食 但係份量少咗啲 食完都覺得未飽 最後 叫多咗個牛油果沙律同海膽吞拿魚卷 就剛剛好總括而言 質素不錯值得一試👍👍👍

行過美樂見到有一間新開壽司店，見門面都唔錯，又幾多人食諗住試吓啦，唔好講笑我一定唔會再幫襯。中大伏。叫咗五樣嘢，明知假期一定係需要等，但係我覺得應該要同客人溝通，起碼你都同人講唔好意思大約要等45分鐘左右請問有冇問題，由於後面將太都會咁樣同人客講，我覺得基本溝通起碼都對你印象好啲，我有權揀食唔食，而唔係不停同你講好快又好快有，我等咗25分鐘嘅時候佢哋已經同我咁講失望至極講返食物質素，買外賣唔係即食當然會差啲，所以天婦羅唔作比較，但其實野普通，偏貴，平心而論滑蛋豬扒飯真係唔好食，我想講而且係依個豬扒飯令我等45分鐘，個飯乾身到不得之了唔知仲以為食緊隔夜飯，滑蛋明顯已經係熟蛋。唔好話外賣焗熟啲蛋。同埋我想講堂食仲快過外賣十幾倍，喺我前面排隊嗰台客，食飽走埋同我講我仲等緊😂👍🏻食物質素因人而異，唔阻止人去食，但我自己就一定唔會再幫襯

新開外賣店，門口有2張枱可以舒服吃。另外星期日我選外賣，也有人送上來(滿$400即可)感覺小店很親民，所點食物，店員都有問味道如何。店內有個大雪櫃，部份現成配搭壽司拼盤亦可以劃紙選購炸物，熱葷在餐牌即叫即整我們選了炸軟殼蟹，很脆有5件比較驚喜，因為通常沒有5件。壽司選了6款，水準不錯，食材新鮮。海膽尤魚軍艦，蟹肉蟹膏軍艦，龍蝦沙律軍艦火灸三文魚壽司，八爪魚壽司，尤魚刺身壽司海龍卷很出色附近只得爭鮮，轉下口味都不錯，難得很多熱葷。假期晚上我也有叫外賣。一磅三文魚$144左右，選了壽司派對拼盤，炸軟殼蟹，真的念念不忘軟殼蟹它還送了支叮噹汽水，2人用來自日本，波子汽水味道，誠意不錯，所以在此表揚。希望多些人留意小店，支票新店

呢間之前係雞煲點心店，而家做左外賣壽司走高級日式路線壽司係好鮮味👍🏻天婦羅好好味，佢外賣盒都有講究，有個小孔疏氣😆拎咗返屋企都OK但要即刻落order就要等耐少少，大約5-10分鐘但即炸好好味好推介多春魚天婦羅魚春真係好肥好飽滿，又食唔到中間有骨喎👍🏻其他望落都唔錯，不過自己冇食到🤣因為瞬間已經俾人清晒😅下次再買來自己食下價錢唔算平，但都算值返呢個價錢遲吓會再去試吓👍🏻之前佢仲有三文魚頭同魚骨買，我好鍾意煲湯比小朋友都好新鮮，半個魚頭連埋魚骨兩塊都係$35👍🏻魚骨拎去氣炸，做宵夜一流😁