味閣・特色餐廳 (已結業)

喺內地想食酸菜魚隨處可食到，香港如果想食到靚嘅酸菜魚都有啲困難，今日路過有間小菜館，有酸菜魚片，於是入去幫蜆，店鋪裝修簡單，座位有限。點咗一個酸菜魚片湯套餐，及晚市套餐飯。酸菜魚片湯$68細細碗，先飲啖湯，魚湯底都好濃味，有大豆芽菜， 生菜墊底，味道唔錯，魚片唔算多勝在夠滑，相比內地出品嗰味道更濃郁，酸味十足 ，惹味出色。 還好送白飯，都可以吃飽。鎮江骨飯$40味道酸酸甜甜，幾好味， 不過可能鎮江骨炆得時間太耐，離晒骨，賣相唔靚。不過這兩款餐都有跟白飯兼送飲品，尚算抵食。

好少寫食評，但食過呢間呢幾次唔share唔得。唔好睇佢係一間普通小店，食過一定會返轉頭再食。主打雞煲，魚煲，無得頂。反以另一驚喜，炸乳鴿，超好味，皮脆肉滑，沙田火炭田果d乳鴿都要行開，收費公道，都闆伙記超好人。

約左朋友聚會諗住搵間細舖坐耐d傾下計，點知d食物有d驚喜，價錢又唔貴個魚湯蜆煲真心唔錯，魚湯好香，同朋友差唔多清晒叫左個酸菜魚試下，最後加左佢五谷粉落去連湯食一流👍🏻事先打去book位時老闆問可點一些海鮮，我地就叫左螺同扇貝，去到即場會問你想點煮，扇貝好好味，螺味道唔錯但可惜有些食落去壞左整體來說係唔錯，價錢公道，同朋友家人唔趕時間的話係一個唔錯既選擇，建議打電話book位，因為有d菜式未必每天都有

大大條 口味自選 建議唔食得辣既揀蒜香味仲有雞煲同牛腩煲 利申只係試過雞煲少辣味道不輸專食雞煲既店 店員十分親切 仲有個係舊生師兄 多多支持 雪碧可樂啤酒咩都有 最適合一大群人食

朋友食過話黎深水埗一定要試下呢間火鍋店😁😁今日黎到深水埗，唔知食乜好。就走左黎試下！！！試左個鉗魚火鍋配鮮魚湯底，真係幾好味，完全唔係味精底，係真魚湯！呢樣野已經值得將來再幫襯多次另外火鍋配料都係正常個d,要乜有乜🐟🐬🦐🦑🐙🦀環境幾好，坐得幾舒服，唔會好逼總括而言，條魚同個魚湯令成個火鍋都升左級，雖然鋪面望落去好平常🙈，但係食物絕對係超水準之作😋😋😋😋😋😋😋😋😋😋😋

係附近睇完中醫，中醫推介呢間餐廳經濟實惠，叫我食完先返去拎藥，6點幾過到去見d waiters好似準備食飯，入去問係咪有野食，佢地都好歡迎好nice一坐低比左杯水同餐單紙我，我見到個鮮魚湯魚片五谷漁粉好特別好吸引，就決定要一個試下，$22咋，加埋生菜都係$27第一次食五谷粉，原來d粉有5隻顏色，用蕎麥、高梁、玉米、大米、紫薯黎整，口感好彈牙，好食健康過譚仔好多，重點係個湯底真係魚湯，好清，食完唔會口渴，生魚片都好滑好香，冇骨，醃得好味😋不過得5片咋好似下次要再去食過！