味道

营业中

休息中

二刷的店，品控稳定✔️猪扒饭的点睛之笔居然在于那一小撮香茅，很特别很下饭，猪扒也脆嫩多汁。长粒米搭配这样的餐食非常合适。✔️泰式米粉➕炸鸡腿 超级好吃的炸鸡腿，非常非常圈粉。鸡皮薄脆香，拥有了独立人格一般！是我难得愿意吃的鸡皮 ！炸鸡肉也紧实入味，好好食！泰式米粉也很棒，口感味道都很好。泰式酸辣汤底很浓郁，之前吃过samsen 没有什么感觉，这家意外被圈粉。唯独需要提高的是服务态度一般，尤其对小朋友不太友善。

朋友介紹到上環畢街味道YumYum，招牌香茅豬扒煎蛋飯，從未食過這鬆化口感既豬扒，職員話配埋自制甜豉油食，加左甜豉油撈埋蔥油、太陽蛋撈飯好好味呀😋，試左個泰式奶茶紅豆冰，泰茶味道香濃配埋紅豆味道好夾。朋友就選了另一個招牌雞脾冬陰功河粉，雞脾好大隻肉質嫩滑，冬陰功湯少少辣微微酸好開胃，個湯底都好多配菜，有粟米仔、魚片、豆卜、草菇，河粉好滑份量適中，越食越開胃，雞脾冬陰功粉$84送一杯熱飲，食物有質素好味道，物有所值值得推薦！

雖然餐廳比較忙，但都幾有禮貌。食物味道也非常滿意，這個小店很多人幫襯。中午時段很多人支持這小店。如果唔想咁多人，店員話晚上嚟，晚上少些人。 生炸雞髀非常好食，冬陰功湯金邊粉酸辣適中，金邊粉和其他餐廳不同不會有很大陣怪味，不會是非常辣的那一種。手揼豬扒也非常鬆軟。完全沒有食到鬆肉粉的味道。配辣椒油加豉油很好味。泰式炭燒豬肉串也很香口配甜甜地的花生醬。有人情味餐廳，我唔夠現金爭兩蚊，店員話下次先俾❤️。

第一次嚟呢間店，見到下面評價話服務麻麻，開頭有啲卻步...不過都嚟到嘞，見到排隊嘅人又唔多，即管試試！餐牌品種好多元化，係港•日•韓•泰•越嘅集中地🤡聽聞生炸雞髀好正，但阿妹我偏好韓式，於是揀咗韓式拌飯（牛肉）🤭加杯羅漢果茶~一上菜，麻油味香噴噴😙菠菜、紅蘿蔔、熟芽菜、泡菜、牛肉，仲有一隻香煎太陽蛋👈韓式拌飯嘅靈魂喺齊度，份量都唔少！撈埋嚟食，有少少laau gaau🤭但真係好正宗、好滿足❤️食完濃味嘢，嘆飯杯熱羅漢果茶，膩感一下全消~為一餐lunch完美畫上句號👍至於服務，我覺得幾好呀~店員喺我排隊時畀定menu我慢慢睇，之後好好安排我地（2人）入座，亦無趕我落單，大熱天時算幾有耐性🤣鑑於小店真係細，都冇辦法啦！香港就係咁🙂‍↕️想食好嘢，唔好帶背囊，帶個細袋就出發😆😆😆

為食花太郎 Fafafoodblog 味道YumYum 上環畢街15號 🍴青檸梳打🌿🍴泰式奶茶☕🍴炸脾配金邊粉 炸脾大大隻皮脆肉滑 帶d香茅味 金邊粉好爽彈 有豆卜 魚餅 盡吸酸辣香濃既冬蔭功湯 正🍴豬串燒 豬肉切成薄塊 食落彈牙 唔會好似平時d豬串燒甘好硬身 🐖 個沙嗲汁出色 香濃 甜度適中 好惹味🍴香茅豬扒飯 🐖飯足料 豬扒大件薄切 好入味 煎蛋半溶俾d飯吸哂 配埋香甜豉油 正#豬扒 #泰國菜 #越南菜 #串燒 #金邊粉 #炸脾 #冬蔭功Score 平均分< 7.9/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#味道上環畢街15 號地鋪~~~~~~~~~#fafafoodblog #為食花太郎 #fafafoodblog上環 ====================

店員服務態度奇差，食物質素普通，不值得去受氣。😓😓😓我與友人們知道上環中午時間到到都要排隊，所以專程早啲去排隊，點知店員唔理我哋已經齊人，比後面嘅人入先，令我哋排多咗半個鐘。我哋問佢點解要俾後面嘅人入先，佢哋黑面唔回應。同咗好多個店員講，個個都係求其打發我哋。因為排隊已經等咗10幾分鐘，所以我哋冇轉去另一間餐廳，因為又要再重新排過，逼住繼續喺度等。呢個價錢上環間間都係咁上下好食，以後唔會再去呢間舖頭受氣。呢次係我第一次寫食評，因為實在太受氣。

無敵之失望，永遠不會再來光顧這間餐廳！我們今天下午三人12點到達排第一位，後排有四位排第二位，到我們時店員叫我們讓給後面四位因為店面很少，有一張枱剛剛清空可以坐到四人，所以叫我們讓一樣，他說另一張枱三人位置馬上就食完，很快就可以給我們，那一刻我們答應了。怎料排第二位的那四位客人食物都已經上枱，我們三人仍未能入座，多次和店員表達不滿，他視而不見，我們叫他叫老闆出來，他不肯回答繼續無視我們，我們行入廚房要求找老闆，但是所有店員都不願意幫我們叫返我們出門外再等一等他們會盡快安排，最終我們等了20幾分鐘先入到去坐下食午飯，過程中冇任何道歉，老闆沒有出過來，我們和店員表達投訴沒有人理會我們。咁樣嘅服務態度實在太令人失望，永遠不會再光顧這間小店！係

出色蔥油豬扒飯｜店如其名朋友介紹呢間東南亞小店確實有啲隱蔽🤓佢喺上環小巷內，最近仲比個工程搭棚遮住，但影響唔到好想食佢豬扒飯嘅意欲（註：已回頭數次）🐷香蔥香茅豬扒煎蛋飯🐖🥩豬扒應該係半煎炸嘅，條邊係脆脆地、肉質唔會嚡颯颯，食到有少少肥肉嘅位置仲好香口、唔油膩！！好味…好味😋🍚連白飯都有咬勁，隻脆邊太陽蛋,個流心蛋黃仲動L動L，加埋個秘製醬油，似唔豉油大量稀啲，撈飯一流👍😊食過幾次，水準好平均，keep到喎🥰🥰🍹🍹泰色凍奶茶茶味夠香濃、又不帶苦澀，甜度可選少甜及少冰，完美眼見每張枱每個客都食到清晒隻碟，深信食物質素不容置疑😆😆你本人目測全文炸雞髀&冬陰功非常唔錯，礙於今次一人獨食，食唔到咁多嘢，下次一定要試！

今日學校早放，跟同學一起來尼間食雖然檯唔多但過左Lunch已經接近3點還坐滿左勁誇張自己就叫左豬扒冬陰功河粉豬扒有汁水河粉條條分明，唔會碎曬最重要係冬陰功湯太好飲啦夠濃郁夠味絕對有機會會再幫襯的選擇之一

呢一間鬼鬼鼠鼠收埋係上環既泰菜！😹市道差都仲爆場 肯定有啲野！碟碟7-80蚊 上環黎講算公道仲好多Q大份😱大大隻麻甩佬都夠飽！🤣蒽油豬扒蛋飯 $70🐷見意加多啲蒽油，因為白飯真係好多，好似加左抵咁，夠蒽油可以撈飯食好開胃泰式煮法既豬扒會有少少酸酸甜甜，恰到好處！泰式炭燒豬肉串 $65🍡其實係泰國夜市著名的牛奶豬肉串，有泰夜市既feel而且食串最重要既醬汁都做得好到位青檸梳打 $12🥛青檸的醎香味好出，應該係用泰國青檸！泰式奶茶 $12🧋也是香港的味道，不會好似泰國咁甜！容易接受！炸髀配冬陰功金邊粉 $84🍲🍜金邊粉同炸髀原來係一個餐，即使分開都好多大份量炸髀真係超大隻，冬陰功係跟香港口味，完全唔辣，走辣既朋友值得一試YumYum 味道🤤🤤上環畢街15號地舖

【味道】是一間簡約餐廳！裝修設計風格使用簡潔的線條和開放式空間，讓人感到舒適及放鬆。餐廳採用木枱及配搭不同顏色的鐵櫈，增添了不少自然氣息。💡💡柔和色調：牆面採用灰淺色，營造柔和通透的氣氛！餐廳內部設有開放式廚房，讓顧客感受到食物的香味及透明度。🍴🍽🥢整體裝修：擁有簡約餐廳感覺，為顧客提供一個放鬆且愉快的用餐體驗🐽越式香茅豬扒蔥油煎蛋飯：🍳🍚結合了越南和中式風味。豬扒經過醃製後散發出的香料味，再配搭葱油的清香，令人口水直流！米飯潔白鬆軟，煎蛋金黄閃亮，葱油的綠色能點綴其中，形成了視覺上的美感。豬扒外焦裏嫩，肉質鮮美，煎蛋滑嫩，米飯則吸收了豐富的油香，每一口都充滿層次感。令人回味無窮。這道菜不但滿足了味蕾，也是一種視覺享受，適合在任何时候享用！🍳🐽🍳🐽🍳🐽🍳🍢🍢🍢泰式炭燒豬肉串4串＄65這道串燒深受食客喜愛店舖選用嫩滑的部位，經過醃製，加入香料讓肉質更具風味。豬肉被串在竹籤上，放在炭火上烤制能散發炭燒的香味！每一口咬下去，讓人回味無窮配上自家制的醬料增添惹味。🍢♨️🍢♨️🍢♨️🍢♨️🐔🍜🐔🍜生炸雞髀冬陰功金邊粉＄84🍗🍗炸髀：拎上手熱辣辣，香氣誘人，炸皮炸至金黃色而帶有肉汁，雞髀頗有份量，肉質嫩滑

佢哋嘅香茅豬扒真係好香，而且冬陰功湯底超級濃郁！ 每個星期都起碼想食一次平時只起碼要排15分鐘隊，所以一般都叫外賣，難得今日唔使排隊就堂食不過座位就比較迫。Their lemongrass pork chop is really fragrant, with the super thick and rich tom yum soup base! Recommend to Thai food lover Usually, i have to wait in line for at least 15 minutes, so I generally order takeout. It's rare that I can dine in without waiting today, but the seating is a bit cramped.

人生無乜幾可比評語，依間真係唔比唔得。企起門口示意兩位入座，個經理望左一眼又扮望唔到繼續做自己野。老實講，你唔想或者唔得閒帶位，你叫其他同事帶位咪得，做咩眼神接觸完要扮睇唔到？然後我睇其他食評，你又要留大檯比其他客，即係點都要等你安排座位，咁你仲要見到客又扮睇唔到，即係我要罰企等你入座？算數見係lunch hour唔同你計較。叫完野食叫埋野飲，叫左豬排飯，另外加錢叫杯特飲椰汁紅豆冰，你黎杯凍奶茶比我。我第一次問清楚你，我叫紅豆冰，你依杯係咪confirm係紅豆冰？你答我係。你當我唔識野，我照試飲幾啖，唔止睇落似，飲落去個味都係凍奶茶。我第二次再叫你，我話依杯真係奶茶黎，你同我講可能比錯左唔好介意，雖然係奶茶但都有照落紅豆，即係變左奶茶紅豆冰。算數，我都唔同你計。到埋單你當我疏忽啦，我唔知你唔收八達通，依個真係我問題，我認。咁但係你同我講咩？你話我阻住你做野？態度需唔需要咁樣？1）見到有客扮睇唔到2）比錯野飲唔認錯3）埋單仲要話我阻住你4）又貴又普通，70一個豬排飯老實講，由入座到埋單，態度咁差，我都完全無話過你，比錯野飲我都無同你計返錢，純粹埋單我唔知你唔收八達通，你就話我阻住你？你有

🥢上環 小街隱藏排隊小店嘆惹味生炸雞髀冬陰功湯粉 越式香茅蔥豬扒蛋飯🥢上環一間小店真係臥虎藏龍，每到食飯時間就會好多人嚟，靜悄悄成為附近上班一族嘅飯堂，好多時都要排隊先食到，因為好多人都鍾意食佢哋嘅炸雞髀冬陰功同香茅埋豬扒飯，聽聞雞髀仲要係生炸大大隻，仲有提供香茅豬扒飯，咖哩飯，越式生牛河等等，今次特登過嚟嚟試試佢👉🏻炸雞髀冬陰功湯粉$84 凍飲+$4炸脾配冬蔭功湯粉都呢配搭都幾新鮮，雞脾size 都相當大隻夠厚肉，即叫即炸個皮好脆，醃到個味道非常香，真係皮脆肉嫩又多汁，冬蔭功湯底辣辣哋幾惹味，好多香料喺入面，所以味道夠曬香濃，河粉仲要幾滑👉🏻越式香茅蔥豬扒蛋飯$70 青檸梳打+$12 香茅豬扒大大塊，鐘意事先已經細心切開方便食，而且表面香脆又軟腍，散發住陣陣香茅味，重點旁邊嘅香蔥油，加埋隻煎蛋一齊食，真係好正👉🏻 泰式炭燒豬肉串（6串）$95係泰國夜市食嘅豬肉串味道，軟軟滑滑嘅豬肉，燒過後有味道香口惹味🥢真係好回味呢到嘅炸雞脾同香茅豬扒，真正香脆惹味感覺，最正食完飲返杯青檸梳打可以降低油膩感，如果喺附近返工嘅話真係會想日日過嚟食，唔怪得成日都好爆場要排曬隊，呢個質素絕對值得📍 味道

味道 Yum Yum上環北街15號地舖坐港鐵上環站A出口 步行約三分鐘 今天約了好友見面，傾談中想食泰國嘢。 朋友介紹上環食泰國"味道"餐廳，一於去試試。 外觀是間橘子餐廳， 室內氣氛柔和和空間感都足夠，光線充足， 開放式廚房，好有親切感。 泰式炭燒豬肉串: 香噴噴串燒來到面前，好吸引立即攞上手放入口咬，豬肉嫩滑，甜甜地，咬入口中間有啲肥肉夾住一啲都唔肥膩，好有汁更有口感，串燒味道不錯😋 炸雞肶配泰式冬陰公河粉:來隻肥肥燒得很靚雞肶，炸到金黃色😁跟住是冬陰功河粉也來到面前。 我們首先，撕開隻雞髀，咬入口肉質嫩滑，肉汁多，咬感不錯， 外皮燒得香脆👍 冬陰公河粉，配料有菇，豆卜和芫茜湯低酸辣沒有油，湯味濃鬱，喜愛吃辣必定要試試😋和滑溜河粉配得配搭合意😋 香茅葱油豬扒煎蛋飯: 大大碟豬扒煎蛋飯放在面前，非常吸引，特別碟放滿切好的豬扒，煎得好靚，顏色非常之美麗，仲有隻半生熟太陽蛋還有多蔥油伴碟🤭店員介紹將甜豉油加在飯和雞蛋上會好好食👍 豬扒煎得香滑入味，肉質豐富，好有口感，加上大量蔥油撈飯與太陽蛋一起配豬扒剛剛好，入口juicy煙煙靭靭，咬入口豬扒送飯很滿足😋 最後:兩杯飲品 THAI ICE