味道樂居酒屋 (河內道) (已結業)

因訂購了鄰近的酒店，這間餐廳近近地及好評多，故選擇了這間日本居酒屋，雖然在食評中也見到有食客懷疑買食評，但也抱着試一試的心態，但味道真的與好評數量太大分別，令人大失所望。我們被安排了坐到餐廳最後的二人位，位置鄰近廁所及廚房，走廊狹窄，在進食途中不停有客人及職員在旁邊走來走去，特別是有四次搬廚餘經過，亦聞到異味，在疫情期間特別令人反感，擔心衛生上的問題。一共點了5道菜，串燒基本上正常，不過不失。但帆立貝蟹膏卷沒有鮮味，不明白為什麼有這麼多人推薦😅另外牛肉壽喜燒方面，牛肉質素差，很靭。

偶然發現這間味道樂居酒屋的午市套餐好抵食😌美中不足的是服務有待改善！牛肉壽喜燒 $88包前菜、沙律、味噌湯、茶碗蒸、白飯、是日特飲/甜品，全部都不錯！味噌湯不會太鹹，茶碗蒸蛋夠滑，壽喜燒的牛肉好多而且牛味香濃👍🏻👍🏻雜錦壽司六件拼野菜豬骨湯烏冬 $88包前菜、沙律、味噌湯、茶碗蒸、是日特飲/甜品。壽司不過不失，野菜豬骨湯烏冬巧大碗，蔬菜多得不用錢一樣，烏冬滑溜，豬骨湯底加上大量菜清淡卻美味🤗🤗雖然好抵食，不過店員呀姐的服務態度有待改善。即使環境好窄，但呀姐找續給我的時候本應可以放好一點，我真的未曾試過收錢收到跌曬落地🤷🏻‍♀️而且，當店鋪準備落場之際，有三母子不知是想入內用餐定還是去廁所，那個不知是上述那個還是另一個呀姐講完「唔得」就調頭走而剩下人家站在店面，正常都會目送人地離開啦，好在後來老闆出黎有禮貌地KO😕

openrice見到咁多好評就黎試下，只可以講味道非常一般，食材唔新鮮，又煮得麻麻，服務還可以，又唔係坐得舒服，兩個人食左差唔多$900，都唔明點解可以咁多好評，真心唔推薦。

[🇯🇵居酒屋🏮] 味道樂居酒屋———————————————————————疫情之下👾，趕到喺全面禁堂食之前嘅一個Weekend出街食Lunch。今次嚟到尖東站出口，行幾步路就到嘅一間居酒屋🏮，見到餐牌嘅選擇好多，有20多款Lunch Set，價錢喺尖沙咀區都算平民。下午2點幾，店入面食客唔多，坐得好舒服，而店舖內嘅裝修都似居酒屋嘅🎎，有唔少日式傳統裝飾🎏，成個氛圍都令你置身於日本嘅小店一樣。———————————————————————跟餐配送：中華沙律、胡麻沙律、日式蒸蛋、味噌湯、飲品/甜品.食Set最緊要就係有豐富嘅前菜啦，呢到嘅前菜就做到喇，夠多元化唔孤寒，質素正常唔求其。有啲嘢墊下胃，確保食到飽飽先走😋，就算要收加一都抵比啦！———————————————————————火炙芝士三文魚丼 ($68).芝士🧀比想像中多，完完全全覆蓋哂啲三文魚，仲癡實哂好似成餅嘢咁。芝士整得唔夠熔，當分開兩者嘅時候，就明顯見到係超市買到嗰種片裝芝士。如果連埋三文魚食就偏鹹同有啲寡，攞嚟撈飯就OK嘅。.三文魚🐟份量都唔少，而且都新鮮美味。不過可能比大量芝士覆蓋哂先用火槍燒，有部分三文魚做唔到嗰種半

又去到我最鍾意食嘅日本餐廳！食過幾次都覺得性價比好高🤓 芝士吉列海虎蝦卷 ($88)叫咗一個卷物先，吉列蝦好新鮮，炸得好脆，整體都好好食然後另外一樣必叫嘅就係，滿滿幸福海膽丼 ($278)係我最鍾意嘅配搭，有海膽，吞拿魚腩蓉同埋魚子。海膽超新鮮係完全唔腥！然後吞拿魚腩蓉份量超級多好正，感受到滿滿幸福🤣小食叫咗三樣，流心芝士燒年糕($58)燒雞翼 ($38)黑蒜黑豚肉卷($48) 特別推介呢個豚肉卷，連我唔鍾意食蒜都覺得好正，入口係好香油質味加少少蒜味，係完美嘅配搭。

經過過好多次呢間餐廳終於係🦠狼人殺前幾日去左試😋裝修都好有日本feel啱曬止下癮🥺真係好想去旅行🥺🍴日本生蠔($50/1pc)男朋友突然好想食就叫一隻滿足下佢🤣食落都幾新鮮幾飽滿~😋本身仲配左啲酸酸甜甜嘅醬汁更能提升生蠔嘅鮮味~👍🏻🍴火炙北海道帆立貝蟹膏卷($88)卷物入面包住左青瓜絲同蟹柳面層鋪左帆立貝同蟹膏😋帆立貝都幾新鮮其他配料加埋中和左蟹膏嘅咸味~🍴芝士免治雞肉棒($58/2串)雞肉棒燒得好香加埋芝士嘅咸香幾正❤️而且串燒黎講性價比都幾高👍🏻🍴煙肉荔枝卷($58/2串)香港比較少串燒店有燒煙肉荔枝卷食❤️食落配埋荔枝甜甜地👍🏻🍴牛肉壽喜燒($108)壽喜燒嘅牛肉幾靚好香肉味❤️而且都幾多料~湯底唔算係好甜個款~🍴牛油香煎銀鱈魚($178)睇menu嘅時候已經好想食但驚食唔曬所以冇落~但都係忍唔住要加單🤣煎都啱啱好啲魚肉都仲係好滑而且好香牛油嘅香味❤️📍 味道樂居酒屋 (尖沙咀)尖沙咀河內道2號地舖

喺停dinner之前，當然要食好少少，因為之後夜晚基本上都要叫外賣或者直接屋企煮飯食。呢間日本餐廳呀非常好feel，而且裏面都有好多唔同款式嘅嘢食可以選擇。野菜牛肉湯烏冬$98裏面嘅牛肉都幾高質素，好香，而且份量十足。 鰻魚飯$138會見到超級大條嘅鰻魚，你平時出去買都好貴， 但係喺呢度食呢個價錢我就覺得好合理，而且表面好香，分量十足，而且加埋日式嘅珍珠米配搭非常好。海膽壽司$38因為太掛住海膽，就叫咗一個海膽壽司，入口即溶味道鮮甜。 枝豆$38通常食日本嘢我都會食呢個，因為鹹鹹地，而且又香，飽肚得來又好食。芝士鐵板餃子$68估唔到佢呢個都幾多芝士，成件事好夾，而且鐵板熱辣辣，不過唯一要挑剔嘅係鐵板果一邊個餃子比較黑，如果反一反。可能會仲好食～芝麻雞翼$68芝麻人沒有一個是麻菇的～呢個芝麻雞翼就夠晒香脆，外皮金黃而且芝麻分量多，加上入波嘅肉依然保持嫩滑多汁，大大件肉地十足。而家有疫情嘅情況，最緊要保持個人衛生，如果嚟食飯嘅話可能就揀lunch，夜晚都係乖乖地返屋企食飯先，等之後疫情好啲，我都好建議嚟呢度食晚飯！

同班朋友食生日飯，諗住搵間日本野食。網上見到咁多正評就黎試下啦，點知就中伏喇。鹽燒藍鰭吞拿魚鮫 好細件，得幾啖肉，食落似炸多過燒，好乾，唔好食赤貝睇個樣都唔太新鮮，入口前聞一聞，聞得到有雪藏味，入口都算爽口，不過無乜鮮味。鐵板蒜片香煎牛舌，唔香口唔入味，非常失望。鐵板唔夠熱，蒜片因此又唔香，一句講晒難食。跟住到最最最失望既一道網池刺身，白身魚本應入口係有彈性，少少膠質咁既感覺，有淡淡既鮮味。呢到既網池刺身啲肉係食落係偏向梅梅地咁，沒有鮮味。食品水準強差人意。

宜排早收工，６：００就去到ＴＳＴ。原來員工們落左場，６：００先再開返門嫁。所以一開就直入，未有人，又唔洗排隊，宜個時間唔錯：Ｐ食到７：００幾就開始ＦＵＬＬ啦～宜度都幾多野食揀喎，就算唔食生野都有大把野食得。有串燒又有鍋。友人介紹海膽壽司（＄３８一件）好食！ＹＵＭＭＹ！唔係馬糞味個隻（雖然本人覺得臭臭的海膽也好正），但宜度個Ｄ係入口就甜甜的我諗大部分人都鍾意宜款既～我地之後都忍唔住ＥＮＣＯＲＥ叫多左份泥食ＨＡＨＡ蟹膏帶子（＄２８兩件）都很不錯的啊！香蒜牛油炒雜菌（６８）我地爭住食好香又野味

由於疫情關係冇得去日本旅行只可以留港消費唯有食日本嘢彌補番呢間店舖面積唔算大但係裝修就充滿住日式風味🏮係典型居酒屋ge 特色而且食物都係即叫即整上菜速道仲好快🍴牛肉壽喜燒$108 🍲湯底味濃 甜 加菜加菇窩入面有菜、金菇、豆腐、冬菇湯底甜美，D牛肉索左D湯汁之後甜得黎又有牛味，好夾🍴鐵板蒜片香煎厚切煎牛舌$78 牛舌都幾厚身食落有咬口而且煎得幾脆口係稍嫌個面有少少燶🍴火炙北海道帆立貝蟹膏卷$88 🍣蟹膏味幾出不過可惜掩蓋左帆立貝既味道🍴黑蒜黑豚肉卷$48 🍢成份豚肉卷有兩串比較迷你主要靠黑蒜調味味道幾好稍嫌太細卷，口感差D

食物質素好一般 -溏心蛋好熟/石鍋飯冇乜味/蟹膏帶子sushi唔新鮮-係唯一芥末爪魚幾好食價錢又唔係特別平服務態度又唔係咁好 -未食完就收碟-放低野食好冇禮貌環境都幾逼性價比一啲都唔高，係夜晚10點幾唔多鋪頭開，又見到好評先行入黎，好後悔行左入黎真係唔明點解咁多好評囉....有點懷疑係買返黎。平時都唔留言，係見到好評真係太多，想提下大家..真心唔推介！！！！！！！！！！！！！！！！！！！！！！！！！！！

上半年疫情肆虐😷，良久冇約好友飯聚，趁近期疫情緩和，就約吓契妹出嚟食飯吹水交換吓近況🗣。呢間响尖沙咀嘅居酒屋，門面和一般居酒屋冇咩分別，我哋6點45分左右去到，入到去有大枱有細枱。我哋兩個就被安排响走廊嘅二人枱👥，雖然走廊，都尚算唔太迫。我哋點了個豚肉煱，芝士雞棒，雞軟骨，軟殼蟹反卷，燒雞脾菇。Like佢FB仲即送黑松露烚蛋🥚。豚肉煱料🐽好夠，豬肉夠滑冇渣。芝士雞棒係招牌，免治雞肉🐔真係燒得好好味。反卷又係正，軟殼蟹堅脆又香口。燒雞脾菇好大嚿有咬口，係乾咗少少。同契妹傾傾吓舖頭就坐滿人👥👥，好熱鬧。客人都係後生上班族多。開心時間過得特別快，個幾鐘話咁快就過去😃

果然無改錯名，真係味道樂👍🏻今日同男朋友經過呢間日本居酒屋，比佢吸引咗我地入去一試☺️叫咗個火炙芝士三文魚丼同雜錦壽司六件拼野菜豬骨湯烏冬😋火炙芝士三文魚丼味道不錯，雜錦壽司好味🥰不過兜野菜豬骨湯烏冬有少少濃味同咸😛但整體都唔錯😋我同男骨友都好鐘意果度杯蘋果汁😘好味👍🏻會再光顧💕

突然想食日本菜😛岀去尖沙咀，就上OpenRice 睇下有咩餐廳推介今次揀左味道樂居酒屋🎏星期六book 左6:30餐廳位置不多 好彩有book 位❗️餐牌有唔少選擇，樣樣都好吸引🤩五點刺身盛合 $298超厚身。超新鮮🍣流心芝士年糕 $58外脆內軟🍢唔會有好飽肚既感覺芝麻雞翼 $68炸得好香口👍🏻食到冇停口黑蒜黑豚肉卷 $48完全冇諗過咁好食🤩豚肉卷燒到脆卜卜🐽配埋黑蒜醬超惹味煙肉🥓櫻花蝦炒飯 $58下碗飯好香口🍚啲飯粒粒分明啖啖都食到櫻花蝦🦐海膽壽司 (1件） $38唔記得影相🙈尚算新鮮巨峰提子🍇乳酸梳打 $38上菜速度都算快 👍🏻like 社交平台同follow OpenRice 仲送半隻溏心蛋味道好，性價比高有機會一定再食🥰

係尖沙咀行完街，之後OpenRice搵到呢一間都幾多好評嘅日式居酒屋，決定一試！！試後非常有驚喜，會推薦比大家-平日晚上人流都唔算特別多，岩哂同朋友聚舊。呢一間日式居酒屋嘅裝修非常有特色，好似一間充滿日本復古味嘅玩具屋咁樣，牆身都擺滿左唔同特色嘅懷舊玩具。餐牌方面：前菜沙律、壽司、刺身、卷物、燒物、火鍋、串燒、拉麵炒飯.... 基本上樣樣齊，多選擇到要簡返10分鐘雖然平時食得多日本菜，但呢一間嘅食物質素真係有保證，基本上每一樣野都覺得有質素，不馬虎🥰-火炙左口魚壽司及火炙三文魚壽司超推薦左口魚，完全係入口即化，入口係魚脂既酒香🤤三文魚都好嫩滑，而且欣賞呢一度嘅壽司飯細細舊，唔會有飯蓋過咗刺身嘅感覺！高質！大蔥特上吞拿魚腩卷吞拿魚腩蓉都幾新鮮，細細件咁易入口燒汁鰻魚反卷正常水準，填飽肚子之選🤣牛肉壽喜燒呢一個受喜燒係有少少驚喜嘅，因為價錢只係100頭，但係食到嘅牛肉質素唔錯，牛味濃，而且一啲唔靚得肥膏嘅肥牛，入面既配料份量都幾多，性價比幾高最後係呢一度嘅串燒同埋燒物都好推介，呢度有好多款特色串燒，建議大家可以留肚試多幾款，今次我就試咗黑蒜黑豚肉卷，即叫即燒，外皮燒到脆卜卜，食落仲有軟骨，