味真 (已結業)

行過好多次呢間野都無特別入去食，直至有次發現佢個老細係韓國人，真係好想試下！呢晚想食下韓燒就一於試下！韓菜有一大堆前菜就基本啦，估唔到佢有樣我地從未試過既腌菜，叫茖蔥，腌到甜甜地都幾好食，好特別！另外有生菜用嚟包燒肉，又有芝士燒溶之後可以點燒肉食🍴 泡菜豬肉湯($60)偏辣，泡菜味濃，好暖胃🍴 午餐肉便當($55)估唔到又幾好食，飯上面有小魚仔同其他配菜，午餐肉煎得好香，配搭得好好🍴 豬三層肉，調味豬肋骨，豬皮 ($41/100g)三層肉好肥美，加上韓式魚露，真係好突出個肉味豬肋骨肉質好腍調味適中豬皮係我哋覺得最精彩嘅，好香脆，佢本身係廚房燒咗先拎出嚟，凍咗可以自己再燒，加上佢特別配嘅醬汁，有黃豆粉咖喱粉同醬油，真係好夾好好味店員好細心，不時會行過嚟幫我哋燒肉，又仔細介紹啲肉點樣食🍹密瓜梳打($35)🍹桃梳打($35)整體嚟講每樣食物都有韓國風味，食得出真係韓國人整，尤其燒肉特別出色，佢嘅醬汁全部都好好味，同啲燒肉好夾。個人特別推薦豬皮，同喺韓國食嘅感覺一樣。

在停車場已經聞到烤肉味，入去攞位，8點幾冇乜人。先叫個牛肉套餐，300g原味牛肋肉，300g調味牛肋肉，2條腸。先上一堆配菜，有泡菜、生菜、酸辣沙律菜、腌蘿蔔，另外一堆醬油。有份烤汁同埋芝士放爐上加熱。侍應教，先烤原味，因為調咪牛肉有汁已燶。原味牛肋肉，燒香兩面，剪開再燒一燒邊位，點少少鹽，原汁原味，好正。點知……然後到調味牛肋肉仲正，完全唔駛點醬已經勁好食。加單，調味牛肋肉，豬大腸，豬頸肉。豬大腸冇調味，一般啦。豬頸肉點醬食，ok好食。睇下menu，原來仲有炸雞，叫左全份，味道普普通通，但份量好足。

味真 Korean BBQ 是一間由韓國人管理的餐廳,係韓國已有20年歷史,擁有130間烤肉分店。這是他們在海外開設的第一間分店,更獲得韓國電視節目的推介。這裡提供了豐富的前菜選擇,包括韓式泡菜、醃製蘿蔔、多種沙律菜,以及特色的涼拌沙參和腌製辣椒及茖蔥。除此之外,還有熱辣的豬皮前菜。主菜方面,必點的是道地的韓式豬三層肉。此外,還有令人垂涎欲滴的泡菜炒飯和肥牛麵豉湯。餐廳還提供西瓜梳打和蜜瓜梳打等清爽的飲品,為整頓餐點作出完美的點綴。

一向都好喜歡韓國食品的我, 知道第一城新開左間韓國燒肉餐廳, 當然要約朋友黎試下啦! 餐廳裝修簡約潔淨, 燈光光猛, 每枱都有燒爐可以燒肉食~侍應會先放下唔同餐前小食, 如泡菜, 白蘿蔔, 酸瓜, 沙律, 之後就介紹白蘿蔔, 生菜和角蔥都係可以包住燒肉食, 仲有幾款不同醬汁可以點燒肉食, 火爐旁邊更有一小碟芝士供食用, 還有一款特別醬汁, 當爐熱後, 再點肉食, 更惹味~*伊比利豬肩肉100g @$65 - $130豬肩肉是豬面頰至下顎之間帶脂肪層的豬肉，亦都可以叫做豬頸肉, 每隻豬只有2塊, 所以非常珍貴, 燒好後食落口感脆爽嫩滑勝過五花肉而又不油膩，軟腍多汁讓人慾罷不能~ 我就點左特別醬汁包生菜食再加生蒜頭, 不同層次的味道, 正~*豬梅肉100g @$59 - $118豬梅肉即梅頭肉, 豬肩胛位置, 肉質軟腍，脂肪分佈均勻，燒完之後既爽口又帶點煙韌, 肉質柔軟而細嫩軟滑，味道較濃郁，今次又試下包住白蘿蔔一齊食, 感覺不會太肥膩, 爽脆, 用角蔥包就會喊小小, 我就最喜歡用生菜包住燒肉食~*豬皮100g - $41店用話已經煮熟可以就咁食或燒熱黎食, 個人建議燒熱黎食更有風味, 熱

食物質素唔錯，肉質新鮮店員店長服務態度好好，會主動介紹菜式同幫你預計份量，唔會過份hard sell食物，亦會主動過來幫手剪同燒肉...值得推介，令你覺得身處首爾既燒肉店！

做唔到我係寫第一個食評。一間餐廳要keep住水準真係好難，好多時第一次好好食，但第二次會退哂步。但呢間真係唔同，由舊店的炸雞，到今日的韓式燒肉，都係一直保持高水準！而今次寫食評的"燒肉"，係第二次encore 了！叫左個豬肉拼盤 ($6xx) (份量夠3-4人)- 我個仔一向好抗拒食豬，話豬有豬味=.= 佢第一次黎食時，黑哂面話唔食。所以我地另外再叫左碟牛比佢。但當d 豬一到，迫佢試吓，佢話完全冇嗰陳豬的臭味！就算有d個肥膏位，都唔會有肥膩的感覺。一碟豬有多個部位，有d教你夾菜食，有d 教你食韓式葉食，佢仲有個好特別的source，係韓國咸魚醬，好特別好惹味。唔似得其他韓店咁，只有最普通的醬汁。今次再同多個朋友食，所以叫多個牛拼盤 ($3xx 定$4xx) 就算我地失左手overcook 都好，牛都唔會"un" ，而家每款唔同部位的牛會唔同味。呢個牛餐對比起豬拼盤真係叫做"冇特別" (強調：都係好好食！只係冇特別要推介) 反而最特別係佢跟碟已燒好的豬皮又係唔配佢個特製醬汁。個豬皮絕對唔係香港豬皮的口感，每啖都充滿collagen，而且味道特別！推介！而且，因為係韓國人開，佢地好熱情，會

第一城這小區，食店繁多，繼有日式烤肉，現在又有一間韓式燒烤店。老闆是韓國人，待應也有韓國人，店舖雖小，但乾淨整潔，可能就是韓國人的文化。午餐除了有烤肉，還有石窩飯、飯團、湯飯、餃子、人參雞等，但沒有韓式煎餅和韓式炒粉絲，這兩款菜式是很受香港人歡迎的。盡管如此，食物種類也算充足。價錢算合理，唯一問題是前菜、泡菜都冇得refill，想再食就要比錢order。味道也可以，在一個小區找食店，這樣的小店也算不錯了。