味皇 (已結業)

聽爸爸講左好多次味皇好好食 今日終於可以去試下 😋 3個人叫左2個餐 已經好飽 大大碟 味道都不錯 特別是西多士 好少可西多士可以咁好食 來過時還熱騰騰的 環境都舒服 吾會好迫 服務態度都不錯👍

酒雞湯飯，此湯的好處是行氣活血，易吸收，虛不受補體質也合用，特別是冬天畏冷的人。是一種保身食法。 居然可以在餐廳食到自家制酒雞湯飯，食材新鮮，雞件有雞味夠滑，特別隻蛋，十足似溫泉蛋。價錢都係$50元包1杯熱飲。

買左外賣見到塊豬扒都冇胃口，第二日返去同佢地反映話已扔左垃圾埇，叫佢地退返豬扒錢比我，有位著黑衫嘅男同事，睇落去應該高級少少，佢竟然話叫我去拎返件豬扒落黎先肯退錢，我當時著左，我都話左我已扔落垃圾埇，五係叫我係垃圾桶拎出黎嘛，之後佢先肯退錢比我！講真廿幾蚊，五係錢嘅問題，只係我認為根本五值，同埋甘嘅工作態度同對待客人最基本嘅禮貌都冇，十分惡劣！

之前都有食過味皇, 多數是晚上。今日與同事因工作去到附近,雖然寫上深水埗, 但店舖近太子, 平時好少去到呢邊呀 !!附近沒有太多商廈, 變得食客也是居民為主, 今天去到大約12:40, 食肆內只有數枱, 我和同事可以坐卡位,看看餐牌後馬上點餐了。同事點選了 :鎮江豬軟骨手打麵 $42 我都試左一塊豬軟骨, 鎮江汁味唔重, 豬軟骨也算淋, 雖然話手打麵, 但唔算好覺得呀 !!!我點選了 : 魚腐腩肉米粉餐 $38多士炒蛋 (多士熱辣辣上, 配上牛油永遠都覺得好味), 炒蛋夠滑魚腐腩肉米粉餐 (魚腐內的豆腐味唔重, 反而只食到魚肉味), 腩肉都唔會好肥...唔錯...米粉份量夠多, 湯底唔會好咸餐飲要了熱檸水, 檸檬好苦...飲左一啖已經放棄了...有些失望 (忘記影相~)

係門口見到個餐牌，海南雞，我的至愛，價錢比一般市價平少少，好，就試下喇內裏環境算寬敞，仲有免費wifi，坐得舒服，地方亦整潔講返個海南雞，是無骨果種，上碟個賣相幾吸引。一般黎計海南雞是無乜味，好唔好食好多時都要睇個醬，雞方面呢度的肉質就中規中矩喇，唔會靭但又唔叫滑，老實講個醬真係唔叫做好味，連鎖快餐店質數，即是門外漢又做下海南雞果種，好就好在唔係難食，唯獨個雞油飯就似模似樣，咖啡就一般茶餐廳質素，或許下次要試試炒野喇。順帶一提呢度好早就下午茶，1:30開始。

有一次自己唔小心倒瀉一杯紅豆冰，原本以為開始要剃樓面d面色。估唔到個樓面啊姐行前叫我轉car位，中叫我咩都唔洗自己搬，同叫我小心地滑。服務態度超貼心啊。之後免費送多一杯紅豆冰比我。超好既一間餐廳。

今晚唔想出街食, 所以就咁喺樓下買個外賣!見到佢有個二人晚餐, 有好多款式, $158 真係3餸1湯/飲品佢話佢鎮店之寶係無骨海南雞, 咁梗係試試佢, 其餘款式既二人晚餐, 都係芝麻雞,霸王雞....等等, 再配搭一款炒菜同生炒骨等小菜!價錢就咁睇都幾吸引, 好似有好多樣嘢食!最後番到屋企, 先打開海南雞試一試雞都係橫切一片片好長既雞肉, 見到都真係冇講錯係無骨的咬落去就有少少失望, 雞肉唔夠林, 有少少UN, 連埋皮一切食感覺會香D,同埋肉質有少少過鹹, 絕對唔算得上鎮店之寶囉!然後試吓生炒骨, 估唔到都好好食喎, 多肉少骨, 而且做到有少少拔絲效果肉外面脆脆地, 肉質都好林! 有少少大師級水準(驚喜度:8分) 清炒白菜仔就正常冇特別不過茶餐廳級數嚟講都算合格既

今日落街食早餐試吓間新嘢叫味皇, 平時成日經過都冇得入去, 因為覺得佢格局同一般茶餐廳冇咩大分別不過當我叫咗個吉列豬扒早餐有驚喜, 一上枱既時侯個賣相我已經覺得好正, 唔係一般茶餐廳質素豬扒真係好好食, 好鬆脆, 好厚切! 唔乾, 幾Juicy, 新鮮炸起(所以要等番4-5分鐘)炒蛋正常, 唔太水, 奶油豬有兩塊, 抵食! 再加埋茄汁豆同沙律菜, $35算合理唯獨是豬扒炸起冇隔油, 上碟見到豬扒上好油, 拎起塊豬扒都見到成碟係油整體上係好食, 如果隔番2-3分鐘油先上碟真係滿分!

早前老婆大人來這裡食過，說這裡的豬扒好得。（她的味覺一向比我好） 所以今日見有時間，決定來一試。因剛好是下午茶時間，價錢更吸引。😁 豬扒公仔麵 ～ 麵應該不是一早煮好，即叫即煮，所以就算是普通大光麵，還有一定口感，讃；豬扒先用坑紋鑊大火煎封, 再改中慢火去煎熟豬扒，把肉汁完全封鎖起來，令肉身嫩滑多汁。 茶走 ～ 這杯就一般了，茶味淡薄，奶味又不見特出。相當普通。一個下午茶的價錢，有這樣的水準，其實真係非常值得幫襯。

冬至到，不想在酒樓吃晚飯，三人到味皇吃晚飯。我們未到七點就到了，不用等位。我們點了一個二人套餐$158, 有三個餸, 2碗湯和2杯飲品, 另外再叫一個客飯。最後結帳$203。冬至吃到這個價錢的晚會,比較划算呢!整體來說,食物味道不錯,只是吃完後有點口渴,如果放少一些味精就好。

叫咗碗"喇沙豬軟骨拉面" + 熱朱 (因為咖啡機壞咗). 湯底唔係喇沙味， 係葡汁加水豬軟骨重好笑， 係糖醋醃嘅， 即糖醋排骨味。 d 所為拉面係油面黎。 坏熱朱 漱水咁唔濃唔淡。 yark!

是在公司收到外賣紙才開始試這傢的，因爲外賣紙上的食物看起來很好吃已經連著叫了三天了，自己吃過 海南雞飯，雞的分量偏少，少少塞牙，汁很好，油飯非常香梅菜扣肉，稍微有點甜，梅菜不是菜干作的，但是很香，不算油膩，扣肉是五花腩，肥瘦剛好，味道也值的表揚，炭燒豬頸肉， 豬頸肉分量不錯，味道讓人想起西貢巷子裏的那傢旺x，口感十足，不知道這個香油飯和海南雞飯的油飯是不是一樣的，也很好吃，感覺單吃飯也可以吃下去好多。咖啡味道稍有特別，好過一般茶餐廳的速溶咖啡。應該會繼續嘗試其他菜式。

天氣太熱不想下廚亦不想離家太遠"覓食"， 所以便到此"開餐" (我家在附近)每天經過都想找機會試下這裏的招牌海南雞飯，因我是"油飯"的"忠實粉絲"！這次我沒有點選海南雞飯，我選擇了炭燒豬頸肉配油飯餐，因我貪其豬頸肉應會比海南雞更香口。二話不說先試油飯~飯已飄來一陣雞油香令我食慾大增！但在雞油香中還有多一種香味..........我相信是椰香~吃下這個看似簡單平凡的油飯，但原來有著這樣豐富的層次感~~~真是意想不到！再細嘗豬頸肉..............可惜.................豬頸肉切得太過薄身令其完全沒有口感，而且豬頸肉亦沒有應有的肉味............相對比這個 "豬頸肉" 完全不配"油飯"，亦令整體大打折扣！希望他們的海南雞做得不太差吧......這才可以配襯到他們這麼美味的油飯！

見到門口有許多海南雞, 入咗去一試結果上咗當, 海南雞肉地非常"un", 撕唔開, 皮厚, 份量又少, 一個餐係一定唔夠一個人食朋友叫咗個咖哩, 味道一般, 份量更少價錢在區內算是不低此店有許多進步空間, 店名真的名過其實!