味皇 (已結業)

原本想食油渣麵，但星期日無開，只能找其他，看見味皇門口不差，入內試試，點知賣相和味道都是一般，份量比較少，價錢不是平最多只能說合理，有得選擇唔會再去。PS:薑蔥雞飯（午餐）

游泳完畢已8,00pm有多，要去找點吃的，經過深水埗大埔道中正大厦這間【味皇】，看進去還有位，再看看門口張貼的菜式，價格實在，也有適合自己想要吃的。進去，顧客幷不多，以卡位爲主，座位黃色軟皮坐下蠻舒服，環顧四週，幹淨企理，燈光柔和，但不見有電視提供觀看，反而夲人喜歡，覺得有一份格外的寧靜。餐桌已備有水和杯方便顧客隨意飲用。從餐牌可見：有四川麻辣烤魚$184、四川麻辣鷄煲$125。BBQ泰式猪頸肉由$52至$56，配老火湯或熱飲。晚飯小菜精選$50至$53，可加$12 配白飯、椰子鷄湯或飲品。鮮魚餐$76 配白飯、油菜 椰子鷄湯或飲品。我們選了兩個餐：鮮魚餐清蒸倉魚 和小菜精選東江豆付煲加$12。很快餐湯【椰子鷄湯】上桌，够熱，足料，味道非常鮮甜，不錯。跟著餐【油菜】翠緑爽甜。【東江豆腐煲】$50，很特別，濃濃的湯泡着生菜、豆腐和煎過兩面的肉餡。豆腐很嫩滑，肉餡是魚肉猪肉的混合，出奇的有咬口，味道相當可以，但湯個人認為偏咸了許多。【清蒸倉魚】$76，火喉控制得相當好，魚肉鮮甜，又嫩滑，半點腥都沒有，超贊。餐【檸茶】，檸檬茶都不錯，酸中帶點香，醒胃。總的來説，價格實在，食材新鮮，服務

想食雞，附近有間味皇，都自稱專門海南雞，lunch 都要$57 ，可以試吓。雞份量不多，無啫喱，無骨，肉質一般唔滑，而且有D似咸雞。但係醬汁有三種，甜濃豉油、蔥油、泰式香草雞汁，汁就幾好！以$57價錢linch,性價比一般！

差不多星期六日都黎呢道食早餐。早餐32蚊一個 係其他區好難搵到物超所值既餐廳。五香肉丁 有好多舊肉丁 完全唔姑寒，辣辣地好野味，公仔麵軟硬適中，時間岩岩好。另外，咖啡係即磨咖啡 估唔到茶記咖啡麵咁有水準，仲有奶茶麵係比一般茶記高質！

今日忽然興起,， 平時唔食早餐的我 ,走落街食個早餐， 茶餐廳位於深水埗及太子中間位置之'味王'，午餐食過了很多次，但還是第一次食早餐。款式選擇都唔少，我選擇了至愛的沙爹牛肉配米粉， 跟多士及炒蛋。 沙爹略嫌味濃，但牛肉很淋， 味道不過不失。 多士沒有牛油，我還是覺得牛油多士比較好食味。 炒蛋如果可以加埋腸仔，變成奄列效果會更好😆近餐熱檸水， 也算很大杯。 唔趕時間可以坐耐一點。價錢中規中矩 ,下次試下附近其他的茶餐廳先。

今日難得有少少時間可以坐底休息一下，經過大埔道見到有味皇，味皇本身就食雞出名啲，之前都有食不過其實佢啲雞反而麻麻地。今次咁早，可以食個早餐。而早餐都係例牌嘢，通粉、多士、炒蛋 嗰啲，所以唔多講啦！反而今次想讚下佢杯熱茶走，估唔到都有少少水準，茶味濃醇飲落去茶香味好突出，令人一飲再飲。 雖然今次感覺幾好飲，不過，其實都覺得只是講彩數，因為印象中之前 喺味皇亦叫過茶走，但唔係今日呢杯咁好飲！

今晚本身去附近食西餐但係去到要等位 間條馬路見到呢間味皇所以就嚟試下 見到厚切牛脷飯諗都冇諗就揀咗，食牛脷要配黑椒汁就梗㗎喇佢個牛脷厚切非常之厚，有成三件非常之林，好食 牛脷本身就冇乜味，要靠個黑椒汁 但個黑椒汁辣度不夠咸度亦都不夠，較淡，但可接受嘅而例湯感覺冇味精今晚係冬瓜雞腳湯清清淡淡好飲老婆食咗個魚香茄子做得唔錯，不過冇乜魚香味份量足，茄子也不油膩但整體係ok嘅 一個飯 ，加一個例湯五十零蚊位深水埗唔算最平但係食味確不錯有一樣嘢必須讚就係冷氣超凍

今日去完聚會， 見天氣不是太好，一家人在附近餐廳食午餐。吉列豬扒拉麵，色相彼好，炸得脆，食落好味，拉麵就一般質素。豬頸肉拉麵， 豬頸肉唔靱又入味，拉麵就一般味道。肉燥酥雞飯，炸得脆，肉燥都是一般味道。點了一杯凍檸茶，一杯熱檸水，及熱阿華田。 都是一般茶餐廳味道。這間茶餐廳最特別的地方是接受alipay付錢， 沒帶現金也可不要擔心。

有個朋友好鐘意食火鍋，成日食飯都whatsapp比我食火鍋D相，引到我都好想食火鍋，終於自己一個人走左去食，我就由細到大都好鐘意食🐟，所以就叫左個烤🐟鍋，其實我一個人一定食吳曬，不過我一想食乜既時候就要去食，如果吳係就會心思思😂食物款式都幾多，坐位都幾好坐，食物味道同質素都屬於吳錯✌️✌️烤魚超巨形，面頭炸得夠脆，🐟肉又夠滑，我又最鐘意食芫茜，所以就將🐠同芫茜食曬，其他食物我就無可能食得曬，因為太多，不過我會每樣配料食一啖試昧，如果吳係點樣寫反出黎😂其餘入面既配料有葛絲——葛絲都好滑菇，芽菜，黃牙白，木耳.........等等配料味道吳錯，又夠滾，又夠熱，食到出曬汗😂即刻叫左杯凍檸茶——涼快😂估吳到茶味幾香濃，🍋亦無苦澀味👍款式亦算多，下次有機會可以試下其他食物😊

下午茶去到，見“雙拼扒麵餐”，但寫得非常含糊，當然先問問......再問之下，那來雙拼？要另加錢！究竟是我理解錯？還是誤導？諸君請自行判斷。反正，我就覺得有點不老實。

講到食雞 除咗快餐店 又點會冇味皇分 佢分店好多 好容易就搵到一間 可以滿足食雞嘅滋味我就叫咗個無骨海南雞套餐 比平時多一個時菜同湯 雞嘅量寔中係差唔多味道而言 啲雞一定冇雪味 有都食唔入口！肉質好滑 好鬆軟👍🏿 加啲醬汁又唔同口味 加埋個椰油飯 一餐就咁過咗 👍🏿👍🏿回想係一餐滿足嘅海南雞！

於11月27日,1點午餐入座,叫服務員馬尾A點餐,她在我桌邊經過大概5至6次,每次叫唔該寫嘢吖!每次都不理睬,最後ㄧ次更斜眼望描咗ㄧ下,走了去出餐位吹水!如果你每次都捧住餐去落,我不見怪的,可惜的是,她手中只有吉托盤及幾張紙。經過十多分鐘後,終於叫到個類似supervisor落單,向她反映A的問題,豈料她完全不在意,没有任何反應回答!哈!我不是需要你提供什麼卓越的服務,只是下單啫,難道都過份???貴店舖的管理真是特别,戥味皇的老闆慶幸,能擁有這些獨特的員工。難道要跟風行澳牛style???

與同學上合氣道班前，來個不知算是下午茶還是晚餐的，正正在樓下地鋪有間味皇。首次光臨，便試一試「魚腐叻沙米線」。本著以前吃過南洋道味的預期，一廂情願以為一模一樣，殊不知味道確有不同。一般南洋風是味椰子味偏重，但這一碗米線，卻是稍稍則重薑味，可謂鹹魚青菜，各有所愛。然而，畢竟是叻沙，同樣會有些少咖哩香辣味，與傳統的類近。遲來的同學，因為快要上堂，所以打算點個輕量的茶餐：「經典常餐」。上菜了，其實，份量亦不太輕，夠你飽足一個晚上。當中最特出的是蕃茄火腿通粉，蕃茄味很濃，容易入口。愛吃蕃茄的必食，因為大大片蕃茄，正一係大「食」夾抵「件」呀！最遲來的同學，是位大胖子，點了一個香茅豬扒蛋炒飯，一上菜他便吃了一半，拍照也來不及，怕且味道應該不錯！注意：6:30PM人流開始多，需要盡早攞位。

其實唔係第一次食味皇好多時lunch都會食佢但一直冇打過食評如果數區內既雞中之霸我首推佢第一佢價錢唔平40幾蚊已經有得食可能你會話，40幾蚊bor我會話40幾蚊食到好味既海南雞，真係唔貴啦佢份量大碟，男人食都飽，女人更加唔駛講除左海南雞，其他好似沙薑雞同埋雲吞雞湯飯都好正我有時仲會加隻蛋，等個lunch豐富d！唯一美中不足係飲品普通不過唔會係難飲！只係冇咩特別但我主打係食飯，飲品既野去隔離買枝津路都得總之推介啦！

豬排包周圍都食到，今日就去左味皇試呢個豬排包。外形包滿，麵包是用脆脆豬仔包加上一大塊肉質鬆軟豬排，還有生菜番茄。食落仲有豬排肉汁，真好食。直得一讚是廚師，切開2件上碟，等食客容易一點食。真細心。下午茶都係30元一個豬排包加杯熱飲，都幾抵食。