味珍閣茶餐廳 (已結業)

尋日下午趕report俾老細，冇得同同事出去食午飯，一個人叫飯盒食.....= =''隨手搵下抬面有咩外賣餐紙啦，就打左去呢間茶餐廳度。開頭都冇咩期望，求其是但填飽個肚就算啦，點左個咖哩雞球飯，送黎之後發現有兩個驚喜:1) 外賣好快，十分鐘就有得食，正! (尤其係趕工人士)2) 咖哩幾香，雖然佢d雞球係用雞柳代替，但係冇骨岩我心水可能我個時太肚餓啦，我就覺得以咁既效率同水準係好抵食

估唔到茶餐廳都有糯米雞食呀!!!今日又要諗食乜早餐，好似食左好多日美心，所以去附近茶餐廳睇下有乜好食，去到門口大大隻字寫住糯米雞，嘩咁得意，好一於食你!!!拎到番工司，隻雞仲熱辣辣，一大開出晒煙，正呀咁凍的天氣有d熱辣辣o既野落肚，睇佢大細同美心差唔多，打開佢入面好似淨係有d肉碎、冬孤絲同雞翼，好似冇乜顏色，同好淡味咁，買相一般啦，但食落口先發覺佢d野完來好入味，真係想再食多隻。

早餐︰腿蛋治加涷檸水(外賣)腿蛋治︰一拿上手係熱騰騰，唔係涷冰冰的感覺，而且塊蛋唔係薄依依，係有一定的厚度，最好佢又唔係熟晒，食落口仲有少少蛋汁流出黎，正!!!!涷檸水︰唔似其他茶餐廳咁見你係外賣就成杯都係冰，冰同檸檬的份量適中，成杯整體唔會太甜，ok la!!成個餐20蚊，都算抵食!!!!!

今日下午茶推介，尤魚鬚及薯條雞翼。尤魚鬚 - 送到上黎一打開個盒，成個office都係佢的香味，咬口一流!!!薯條雞翼 - 唔係番炸又番炸，雖然雞翼得三隻，略少，但係薯條搭夠，薯條夠多，送到上黎又唔會林晒，正!!!!兩份下午茶加兩杯凍飲成為$40，ok la!!!

味珍閣已經開了好幾年，本人卻是第一次幫襯，更萬料不到的是我竟然係首位寫此食評的人。是日為賽馬日，而呢度旁邊正是馬會投注站，因此在坐的客人九成都是馬迷，拿著馬經馬報在打躉。若你不喜歡這情景，跑馬既日子可以不用考慮呢度。與一般茶餐廳無異，都有午餐、特餐、常餐等供應。點了一個麵餐，要豬扒麵，飲杯凍奶茶，盛惠$27。麵是大光麵，淥得幾爽口，還有兩條菜，茶記來說算是有心；豬扒幾鬆化好味的，本應不錯。可惜佢將豬扒浸在麵內，放耐了豬扒都變稔，失去咬口，很失策。下次記住叫佢分開上。奶茶茶味太濃，未合我心水。