味珍閣茶餐廳 (已結業)

今日我去左荃灣，揾左呢間叫味珍閣嘅茶餐廳食下午茶。因為朋友介紹過呢間炸雞脾係生炸嘅，所以就去試食雞脾啦😍！等左成15分鐘有多🕧🕐🕜🕑🕝🕒🕒🕞，終於等到炸雞脾啦！一見到隻脾已經覺得賣相幾好，唔乾身，一切開sor sor聲，好脆喎而且d肉汁標晒出黎！食落去果然係好食，唔乾仲有汁，真係好有驚喜另外佢仲配埋個沙律都好好食！另外佢嘅奶茶就香滑好濃，係正常嘅味道！我下次再黎荃灣會再去食生炸雞脾！

今日去左荃灣，食左呢間叫味珍閣嘅茶記。🏠其實我本人就唔多鍾意食炸雞脾🍗，但因為唔想食咁多澱粉質，所以今次就食雞脾啦！不過等左成15分鐘有多，原來係生炸雞脾喎，一見到隻脾已經覺得賣相幾好喎，唔乾身，食落去果然係好食，唔乾仲有d肉汁（食開連鎖店嗰d..好乾架痳）但配個沙律就少左d啦！不過下午茶係咁架啦！跟餐仲有杯凍檸茶嘅，不過成為48蚊，其實都有d貴，不過可能生炸係貴d啦！呢間茶記算有驚喜，下次經過我一定要再食！

叫左個肉燥火腿豬扒飯, 有例湯, 另外叫左杯凍檸茶! $56首先個湯鹹到飛起, 以為師傅一時錯手落多左鹽, 算! 😵‍💫😵‍💫跟住食個飯, 大碟, 望落都正常, 點知一食肉燥, 又係鹹到黐線, 要食返幾啖白飯先好啲! 火腿同豬扒一樣, 落咗幾斤鹽咁! 諗住飲啖凍檸茶解鹹, 點知一浸怪味, 完全唔想再飲落去! 咁多年, 我未試過飲凍檸茶都會出事! 😵‍💫😵‍💫😵‍💫星期六見冇乜人, 唔使排隊等位, 先衝左入去食, 都知唔方好野, 但冇諗過咁差, 應該唔會再有下次!

#味珍閣荃灣茶餐廳有好多，不過搵到一間懷舊茶餐廳，望左一下入面其他客人點既餐都幾大碟，所以就決定去食個Lunch😊選擇其實都幾多，有點眼花繚亂，不過見到一個蔥油雞，好似幾吸引，於是就直接點左蔥油雞飯 $53蔥油雞撈飯簡直就係完美既菜式，大大碟，有一碗例湯，有一杯熱飲，凍飲要加$3☺️冬天就緊係飲熱飲啦，所以最後叫左杯熱杏仁霜，味道都唔錯好味指數：8/10性價比指數：7/10餐廳名稱：味珍閣茶餐廳餐廳地址：荃灣荃錦中心1座地下電話：2415 9491

今日試左間茶餐廳的港式早餐🤗菠蘿包同餐包好好味😋食落口仲有脆脆的感覺👍熱奶茶☕️沖得岩岩好😋食完個早餐就開始新的一日不過始終係舊式茶餐廳，環境比較狹窄，坐得無咁舒服

📍@mcktw in Tsuen Wan Chinese #味珍閣 Food: 💛💛💛💛🤍Décor: 💛💛💛🤍🤍Service:💛💛💛🤍🤍Price Value: 💛💛💛💛💛Price Range:💰 $50-$100Favourite: 💖 beef spaghetti ------------------------------- Nice place for a quick meal- Value for money - Friendly staffs ------------------------------𝙿𝚕𝚎𝚊𝚜𝚞𝚛𝚎 𝚘𝚗 𝚝𝚑𝚎 𝚕𝚒𝚙𝚜, 𝚕𝚒𝚏𝚎𝚝𝚒𝚖𝚎 𝚘𝚗 𝚝𝚑𝚎 𝚑𝚒𝚙𝚜 🐰𝙻𝚒𝚙𝚜 𝚏𝚘𝚕𝚕𝚘𝚠 : @eatwithbunny_ ✨𝙷𝚒𝚙𝚜 𝚏𝚘𝚕𝚕𝚘𝚠 : @bunnymate.official ✨

見到Tiffany blue 牆壁、牆上的復古時鐘⏰、每卡座位都有一支酒精噴霧，再望望水吧，原來係全女班職員，職員有傾有笑，氣氛同一般茶餐廳唔同🤣，有種家庭感覺。☕️熱茶走：茶味香濃，加埋煉奶味道更順，雖然唔算滑，但味道係正宗既。🍴常餐：沙爹牛通、奄列正正常常，而麵包既牛油🧈係搽滿既，偶爾食係開心既🤣。味道：🔅🔅🔅新鮮：🔅🔅🔅分量：🔅🔅🔅衛生：🔅🔅🔅速度：🔅🔅🔅（5🔅為滿分）

還以前市區的茶餐廳會比較貴，想不到價錢約$45至$50左右。而且午市有八款快餐選擇，款式相當之多。餐廳出乎意料之外的衛生，餐具好乾淨，又有口罩袋和熱茶提供。下單後，侍應會提供餐紙及餐具。肉燥豬扒火腿飯 - $45一大塊炸豬扒略帶骨，肉質特別柔軟，略為厚切更有口感；肉燥汁有很多免治豬肉，還有兩片火腿肉，送飯一流；今時今日不少得的蔬菜，是清甜的小唐菜。冬瓜豬骨湯老火湯沒有味精，也去除油脂，冬瓜好軟綿，味道好鮮甜。熱檸水跟餐熱飲不用加錢。

星期六既早上，原本想食商場入面另一間既早餐，但早餐時間實在非常多人，D人多到排晒出門口，其實早餐時間要搵食都唔係咁易記得商場樓下都有間茶餐廳，估計果間應該會少人d，於是就行過去好彩呢間有位，可能因為位置唔係太就腳。早餐好似都多選擇喎，本來想揀菠蘿包三文治早餐但賣晒所以唯有揀其他啦飲品揀左熱咖啡，都幾香另一杯就加左$3揀左即磨咖啡，反而呢杯機沖既咖啡比較淡，個人口味鐘意第一杯多d早餐揀左一個多士煎蛋火腿，一個多士炒蛋香腸，多士仲係暖暖地香脆既，其他就正正常常。台式肉燥米粉，呢個米粉比較粗同淋身，餸就只有肉燥，味道幾好但偏清淡另一個揀左紅燒牛肉拉麵，牛肉唔韌味道ok，不過拉麵比較淋

今日晏晝做完野有啲口痕，就去附近食個下午茶。黎到西樓角路天橋底嘅一間茶記 - 味珍閣茶餐廳。由於都有啲晏，廢事夜晚食唔落，所以一坐低就叫左個輕can啲嘅Tea set。芝士焗薯條配熱華田 ($25)呢個set對於純粹口痕想食啲野黎講就啱啱好，唔算太大份。不過個人麻麻地佢淨是用得少少芝士，其餘果啲用白汁撈埋就算。同埋可能啲芝士連埋薯條一齊焗，所以大多數都是稔嘅，得少少是脆嘅。而且杯熱華田走奶有啲淡，得個色，好似飲水會仲好啲。

路組荃灣，先醫醫肚，個人較愛茶記，搵左呢間荃灣情懷，適逢午市已經好多食客，多謝服務員姐姐幫忙搵左個幾好的自閉位俾我食飯用。睇餐牌太花多眼亂，最後叫左個咖哩雞扒飯配紅豆冰，服務員姐姐黎問飲唔飲湯，我話好呀。先上湯，唔會太油，幾好喎。然後係主菜咖哩雞扒飯，好在飯量適中，如果唔係怕食唔曬會浪費，咖哩同雞扒都好正，咖哩唔會太辣，濃味，雞扒鬆軟，唔硬身，食到好感動，份量又足。食完主菜試紅豆冰，紅豆粒粒都夠淋，入口即溶。埋單前再加杯熱奶茶行街，正，我決定強烈同朋友推薦呢間茶記。

今日晏就出街經過呢間，見個waitress硬推話個下午茶熱狗餐幾出色，就入去試下。個芝士千島醬熱狗好大個，其實當係中午果餐黎食都得！幾好味，啲芝士同千島醬落得幾足，呢間茶餐廳值得一試！

食過唔止一次，覺得真係幾抵下！呢次叫係特餐B,有牛扒、腸仔、牛油方包再加個麵都係$40，轉凍飲加$2。牛扒都幾嫩滑，牛油方包既牛油多少，就好睇師傅果一下手勢....我呢份就唔多，但見到有人係算多的...雪菜肉絲米的料，份量都幾足下，唔錯。星期六既近Lunch時間去，地理位置雖然比較偏，但都算多人下，啲枱都滿滿地，每張枱位置都唔算太窄，坐得都舒服。總括來說，呢個特餐的味道雖然唔係話好特出、特別好食，但勝在價格得宜，味道正常冇失水準，值得我再去👍🏻

這天點了紅腸太陽蛋芝士腸公仔麵跟鴛鴦走，上來的不是太陽蛋，但阿姐講咗不好意思，廚房做錯了，問我會否接受，我見已來了，也欣然接受；先嚐麵湯，湯底清淡中略有半點味精味，不算過份，可接受；麵是一般茶餐廳用的大光麵，煮得尚算不錯，入口沒有太淋兼略帶韌度；但明明餐牌上寫着是芝士腸，入口才發現只是脆皮腸，即時有點被騙感，除了這芝士腸變了樣和太陽蛋做錯外，食物還不算太差，蛋只是煎得老了一點，脆皮腸入口尚算皮脆，紅腸也算新鮮，不會發霉，厚薄也適中，有口感；至於那杯鴛鴦的茶啡比例也可以接受，只是練奶太多，有點過甜；直至付款時就出現了莫名其妙的事情，收銀員的態度奇怪，黑面之外還將找贖的錢大力拍放在檯上，令人感覺古怪。

今次來食午飯，份量足夠，今日食菜遠肉片河看賣相已經非常吸引。 肉片好香好好味、河粉唔算太乾、好味 ，整體配合都不錯，奶茶好味道。店員服務也很好~~已茶餐廳來講，真係不錯!!!!!