味火鍋 (華僑商業中心)

一間性價比好高嘅火鍋店，一黎已經有小食，仲有佢哋有火鍋四部曲。第一部係頭盤，我地揀左芝士龍蝦同芝士焗生蠔。兩份頭盤一眼望落都見到有勁多芝士係面，而且火喉掌握得好好，睇見都食指大動。咬落芝士味濃郁，龍蝦有半隻大，份量都唔少，肉質夠哂鮮味。另外焗蠔都唔錯，有3件，味道亦唔會好腥。佢哋仲有四個小菜選擇，食物種類真係唔少。第二部係湯底，因為鴛鴦鍋唔使加錢，所以我哋揀咗四川麻辣鴨血鍋同日式豆乳海鮮鍋。四川麻辣鴨血鍋雖然味道有少少辣，但湯底算係清。另外，日式豆乳海鮮鍋都幾讚，半個煲有3隻蝦少量硯同各種配菜，睇得出湯底方面都唔馬虎。第三部係火鍋拼盤，牛肉拼盤啲牛睇落都知靚牛，夠哂嫩口。而海鮮拼盤係好抵讚，一係好大份，食哂都飽飽地。二係佢哋嘅海鮮係非常新鮮，當佢一上菜時我仲見到佢哋嘅鮑魚係仲識郁，可想而知佢地嘅新鮮程度係幾高。蜆肉好肥美，食落係淡淡肉。蟶子反而爭少少，因為食落仲有少少沙。第四部就係任食環節。佢哋嘅豬牛都唔差，而且有自家製嘅水餃同各款肉丸。最後係野飲方面，竟然有好少見嘅樽裝汽水，望到個陣都幾眼前一亮，飲汽水緊係樽裝先夠爽。

今日去既呢間係旺角新開既味火鍋，我地七點半入座，成10點幾先last order，仲可以坐到12點添，敘舊慢慢傾計就岩曬啦！！值得一提嘅係餐廳裝修好新淨闊落，好乾淨好舒服！🥣 一坐低就先上呢個四式前菜拼盤，有青瓜，木耳，中華沙律同炸到脆卜卜既雞軟骨，好開胃幾好食！📱有個QR code俾我哋睇Menu落單，有刺身、壽司、熟食、丼飯、飲品、清酒等等。📋 首先上既係第一重奏，我地就揀左酸菜魚，雖然唔算濃比較淡，但係肉質就好嫩滑！我地揀左既鴛鴦湯底係四川麻辣鴨血同埋養生牛肝菌湯鍋。跟著就係美國安格斯牛肉拼盤，足足有4款選擇！分別係牛肩胛，封門柳，牛板腱同埋手切牛小排再黎就係海鮮拼盤！好鮮甜既蟶子蝗，龍躉片，活海蝦，生猛既鮑魚，肥美既廣島蠔，兩款手打墨魚丸同埋蝦丸！食完就仲有呢個好齊全既蔬菜拼盤！出面有無限任飲既飲品，選擇都算多同埋有樽裝可樂！食完仲可以自己用qr code落單，免費追加其他食品，一定食到你飽！

今日 嚟咗旺角分店嘗試火鍋四部曲坐底卡位後先嚟四小碟:中華沙律鷄軟肯 青瓜 木耳開開個胃先。 第一部曲先揀前菜我哋就揀咗每人半隻龍蝦, 嚟到買相唔錯,龍蝦肉尚算新鮮好過酒店的急凍龍蝦。 第二部曲揀湯底 ,我就揀咗個花膠竹絲雞湯底 ,還有少量蟲草花 陪襯竹絲雞肉質嫩滑,湯底清甜。 第三部曲 就來了一個海鮮拼盤及 牛魔王, 海鮮材料 新鮮 ,牛肉 亦算是 高水平, 雖不能做到入口即溶, 但亦重牛味,還有什丸及餃子任選任食。最後一步曲就是如果 讚好火鍋店專頁更有一杯 雪糕送,今天我就揀了咖啡味雪糕! 總括來說三百幾蚊黎講質素算是水準之上, 而最後賣點亦是無限時任食,若果有超過四人以上亦可訂vip房但需要十日前通知。

假日就約下好友聚舊， 大家都想食海鮮打邊爐，佢話見呢間評價都唔錯，賣相都新鮮，就book左去#旺角 #華僑商業中心 #味火鍋 🍲品嘗美食囉☺️。鋪坐下店員先奉上開胃前菜，點左湯底同4選一嘅美食後，我哋便出自助區取醬料同飲料🥤，極多選擇，仲有樽裝汽水☺️。首先上左每人半隻的芝士龍蝦🦞，龍蝦肉質彈牙很新鮮，芝士份量剛剛好，比佢💯分。鴛鴦爐番茄🍅豬骨+芫茜🌿皮蛋，爐的中間會有個清湯，滾菜專用很貼心啊！湯底調配得很恰到好處，不會過咸或過酸的☺️。海鮮拼盤同牛肉、蔬菜🥬併盤同時上場。唔可以空肚打邊爐，故滾晒啲菜食左先☺️。而海鮮拼盤有尚在郁動的鮑魚，鮮蝦、生蠔🦪、大蜆同蟶子，仲有手打墨丸、蝦丸同蟹捧，所有食材均沒有冰味，款款都鮮甜可口。美國安格斯牛肉拼盤，賣相美美的，牛肉呈鮮嫩色，輕輕滾滾便可以食用，肉質嫩滑，真係超級滿足啊🥳。之後可以用QRcode點其他食物，如美國肥牛，西班牙豚肉，各款丸類、餃子🥟，鴨血、午餐肉，當然仲有唔同款式的瓜類、菇類同蔬菜🥬，店員上菜快且沒有漏單，讚👍。餐廳乾淨夠衛生，食物新鮮可口，仲要冇限時，老友已約定家人下星期再過嚟🤓。

Signature hotpot platter 皇牌火鍋拼盤 招牌嘅火鍋拼盤有兩款，好吸睛嘅時令海鮮有蟶子王、龍躉片🐠、新鮮鮑魚、海蝦🦐、青口、廣島蠔🇯🇵、日式蟹棒🦀、homemade 手打墨魚丸同龍蝦丸🍢，而有玫瑰花形狀嘅牛肉拼盤🌹就有牛肩胛、封門柳、牛板鍵🥩同埋牛小排，味道濃郁又唔會太煙銀！Appetiser 頭盤 頭盤叫左芝士焗Boston龍蝦🦞同埋芝士焗美國生蠔🦪，龍蝦肉新鮮、爽口、冇雪藏味，蠔同芝士一齊食好match 🧀，除左龍蝦同生蠔之外，仲可以選擇四川麻辣雞煲🌶️、酸菜魚🐟，幾正啊Hotpot ingredients 火鍋配料 配料嘅選擇非常廣泛，好似係幾款手工水餃🥟、特級黑豚肉🍖、酥脆炸魚皮、多款丸類、健康嘅蔬菜🥦、粉麵🍜等，湯底方面都有大概十款，仲可以要鴛鴦鍋，啱晒唔同朋友口味👍🏻

新鮮食材 無限時放送其實食放題最怕趕頭趕命短時間係咁食 根本食唔到食物嘅味道就係鐘意味火鍋『無限時』$318一位👍食物新鮮，座得舒服，服務又好❤️嚟到呢度首先要4選1揀左先 ( 兩個人可揀兩款，如此類推) 有焗芝士龍蝦 / 芝士生蠔/ 酸菜魚 / 麻辣雞芝士控嘅我，緊係揀焗芝士龍蝦 /生蠔🧀 鮮甜生蠔 + 彈牙滋味龍蝦 😋 yum yum火鍋揀咗四川麻辣鴨血+豬骨鍋🍲鐘意呢度個鍋中間有一格清湯，可以用嚟淥菜或海鮮, 唔怕油又食到食物鮮味之後跟住上：四式前菜拼盤+時令海鮮拼盤+美國安格斯牛肉拼盤+另外有款食物任點任食😍呢度D雲吞水餃都好好食😋皮薄餡靚呢度嘅海鮮勁新鮮，海鮮拼盤包括🐟鮑魚,廣島蠔, 蟶子蝗,北海道大元貝,龍躉片,海蝦,蟹棒,手打墨魚丸, 蝦丸新鮮靚牛，嫩滑唔肥有牛味美國安格斯牛肉拼盤包括：手切牛小排,牛肩胛,封門柳,牛板鐽呢度仲有我最愛嘅懷舊樽裝汽水，夠汽夠gur😂食完贊好佢哋👍社交平台仲送 Movenpick 雪糕添🍦味火鍋 - 旺角店

尼排天氣涼番岩曬去打邊爐，朋友話上次食過尼間餐廳幾好食所以揀定今晚去尼間餐廳食，到達餐廳後，職員好快幫我地安排入座，我地2個人，職員安排座位好大好舒服餐廳有4款頭盤選擇，朋友鍾意食酸菜魚，所以揀左酸菜魚比佢食，湯底可以揀鴛鴦鍋，朋友鍾意食辣揀左四川麻辣鴨血鍋，我揀左日本豆乳海鮮鍋，有美國安格斯牛肉拼盤同埋精選海鮮時令拼盤，我本來以為要2選1，原來2份拼盤都有，其他食物掃QRcode落單，汽水任飲牛肉同海鮮拼盤好新鮮，份量都幾多，食完都飽飽地，剩係叫左粟米同娃娃菜餐廳無限時放題，食左2個鐘左右先埋單，價錢吾算貴，性價比高

星期日去咗旺角商業大廈裹嘅火鍋放題店，真心推介😍 用餐時間可以由7點坐到12點😆 設有好多房間，私隱度高👍🏻 服務態度仲好好～ 同朋友來敘舊傾計至啱唒啦😆 頭盤四選一，我哋揀咗酸菜魚～ 酸菜魚一碗咁上，酸菜夠多，魚肉滑嫩，好惹味又開胃～四式前菜拼盤青瓜，木耳，中華沙律，爽口清新👍🏻 炸雞軟骨脆卜卜香口😆 火鍋湯底揀咗四川麻辣鴨血x養生牛肝菌湯鍋麻辣湯底夠惹味，鴨血鹹鮮又軟又彈～ 牛肝菌湯好足料，勁多菇菌湯色濃郁夠香～美國安格斯牛肉拼盤有4款選擇手切牛小排，牛肩胛，封門柳，牛板鐽，夠薄切入口軟嫩，點麻油芫荽好夾好好味😋時令海鮮拼盤蟶子蝗，北海道大元貝，龍躉片，海蝦，鮑魚，廣島蠔，海鮮全部食得出勁新鮮好鮮甜👍🏻，仲有日式蟹棒，自家製手打墨魚丸，手打蝦丸～另外仲有多達20款食物任點任食，我覺得啲丸質素唔錯👍🏻 雲吞水餃皮薄饀靚😍最後緊係唔小得甜品啦！讚好佢哋社交平台專頁，就可獲瑞士Movenpick 雪糕一杯！

今次去試下旺角嘅 – 味火鍋！《火鍋四部曲》無限時任飲任食火鍋放題！包括1）自選頭盤、2）自選湯底、3）皇牌火鍋拼盤，同4）精選火鍋配料！揀好頭盤同湯底可掃QR Code 落單，簡單又方便！明亮簡潔嘅裝潢、特多濶落卡位，坐得舒適！自助區汽水仲有懷舊玻璃樽汽水！特別夠氣又好味！ 頭盤🦞：可揀芝士焗波士頓龍蝦 (半隻) 、芝士焗美國生蠔 (3隻)、麻辣雞煲或酸菜魚，我地揀左芝士焗龍蝦，超巨型龍蝦肉肉嫩鮮甜，芝士汁香濃！仲好多龍蝦膏！推介！🥣自選湯底 ：有十款湯底，我哋揀左花膠竹絲雞鍋，成隻雞竹絲雞嘅份量加上大大片花膠，湯頭味道鮮甜無比！🥩皇牌火鍋拼盤：有美國安格斯牛小排、牛肩胛、封門柳及牛板腱；牛小排牛油脂均勻，色澤亮麗！牛肩胛肉質紥實香口，牛板腱肉味香濃、軟身易人口！封門柳帶點咬勁，口感非常好！ 🦐時令海鮮拼盤：🦐有新鮮鮑魚、北海道大元貝、海蝦、大蜆、新鮮龍躉片、手打墨魚丸同蝦丸等；鮑魚鮮味彈牙，海蝦扎實爽口、手打丸都十分足料！全部海鮮都好新鮮！🥟精選火鍋配料：有美國肥牛、黑豚肉、多款自家製餃子、丸類、粟米蔬菜菇菌等；選擇好多又夠新鮮！ 🍦最後食埋Movenpick雪糕做甜品真係大滿足！

放題每位$318，有齊頭盤、拼盤和火鍋，很豐富，記住做齊四步曲：第一步可以揀龍蝦/生蠔/酸菜魚/雞煲！我哋兩個人揀咗龍蝦同埋生蠔，兩款都佈滿芝士。頭盤已經有海鮮食，好過提供沙律/熱葷！第二部時令海鮮拼盤大概有六款海鮮，會按照時令，款式會時刻不一樣，充滿神秘感。今次有海蝦、蟹柳、蜆、生蠔、魷魚、鱔片，新鮮、份量又多。美國安格斯牛肉拼盤，啱晒牛魔王，不同牛肉部位都有，如:牛小排、牛肩胛、封門柳、牛板鍵，打卡一流，砌到一朵玫瑰花咁。不過海鮮仼食嘅時候冇得追加。第三部可以從10款湯底選擇。我揀咗雙拼日式豆乳海鮮鍋、特濃沙嗲喎。一個濃郁，一個清清地，任何配料到合適。第四部丸類、麵食、餃子、蔬菜等多款火鍋配料都可以無限時仼叫追加，性價比高，食材新鮮！

如果你想打邊爐食最差既肥牛，尼到真係最好既選擇佢地方幾大，無限時，坐得幾舒服。最初攞個龍蝦來食，都唔錯。有朋友叫左酸菜魚，都幾好食。之後來個海鮮大拼盤，蝦、魚片、帶子、聖子都可以，其他都係冰凍冷藏得好緊要。還有來左一碟幾靚既肥牛，可惜每人兩塊就無。之後就只能叫其他野食，係仼點，好戲來啦：無樣野好食，肥牛來的間直係我人生中最難食的肥牛，全台都無人想食。之後叫個d都無樣得。埋單每位收我$350同大家講，去真係要諗清諗楚。

六個人座圓枱，張枱冇位擺食物。人手又唔夠, 又唔比QR code 我order 可任叫嘅食物。個爐滾成個鐘啲水都唔滾，等到我火滾。可以任叫嘅大部份都係丸同餃，餃同丸，真係冇乜選擇，要make sure 你快啲飽。雪糕要like 社交平台 先有得送。加埋一$350，好伏！冇下次。

放題每位$318，有齊頭盤、拼盤和火鍋，很豐富，記住做齊四步曲：第一步可以揀龍蝦/生蠔/酸菜魚/雞煲！我哋兩個人揀咗龍蝦同埋生蠔，兩款都佈滿芝士。頭盤已經有海鮮食，好過提供沙律/熱葷！第二部時令海鮮拼盤大概有六款海鮮，會按照時令，款式會時刻不一樣，充滿神秘感。今次有海蝦、蟹柳、蜆、生蠔、魷魚、鱔片，新鮮、份量又多。美國安格斯牛肉拼盤，啱晒牛魔王，不同牛肉部位都有，如:牛小排、牛肩胛、封門柳、牛板鍵，打卡一流，砌到一朵玫瑰花咁。不過海鮮仼食嘅時候冇得追加。第三部可以從10款湯底選擇。我揀咗雙拼日式豆乳海鮮鍋、特濃沙嗲喎。一個濃郁，一個清清地，任何配料到合適。第四部丸類、麵食、餃子、蔬菜等多款火鍋配料都可以無限時仼叫追加，性價比高，食材新鮮！

餐廳很乾淨 一進去就已經有好的印象分令你食得放心。座位安排很好，中間全部食卡位，適合2至4人用膳，傾計比較方便。周邊都是房間，5人以上聚餐更有私隱度。入座後，侍應同時送上4款前菜，木耳—小小辣拌有陳醋，有種雲貴風味。侍應會讓你選湯底。有10種口味任君選擇。一定有款適合自己。接著可以去自助醬料Bar，選喜歡的醬料。秘制麻辣醬做得唔錯，有麻辣口感，但不算辣。旁邊就是整排的雪櫃，最震撼的就是玻璃樽裝可樂，有原味和無糖款，打邊爐梗係要有可口可樂啦！ 選後醬料，飲品，返回座位，時間剛剛好，湯底送上，要讚一讚爐的設計，它是坐落在檯的中間，這樣，爐里的食物都在視線範圍之內，而且湯不容易濺出來。在等湯底煲滾同時，送上4選1的第一道菜，這個Idea本人認為非常周到，本人選了半隻芝士焗龍蝦🦞，size 一人份量剛剛好，食到笑蝦蝦😆🦐🦐，幸福💯。黃牌時令海鮮拼盤，美國安格斯牛肉拼盤接著送上，湯底也剛好煲滾了。 拼盤賣相很靚，好似刺身拼盤，更重要的是牛肉鮮紅色，口感嫩滑。海鮮的新鮮程度看看這種在跳舞💃的鮑魚就知道。所有海鮮沒有冰味，鮮甜爽口。侍應的服務周到，當碟裝滿蝦殼或貝殼等，就會主動換上新的碟。此外，可以

垃圾餐廳首先上菜嘅時候整污糟條褲。對唔住都冇聲紙巾又唔拎嚟第二通風系統非常之差，又焗又多煙，跟住一碟牛都冇得食，因為佢哋冇晒🤦🏽‍♂️一間放題火鍋店居然冇晒牛。最後埋單叫佢可唔可以俾個折頭因為真係一碟牛都冇食，除咗每人都會送一碟嗰啲（得幾塊）佢話佢都唔想，所以唔俾折頭以後都唔會去食呢間垃圾餐廳去隔離家嫂好過🤦🏽‍♂️🤦🏽‍♂️🤦🏽‍♂️🤦🏽‍♂️🤦🏽‍♂️🤦🏽‍♂️🤦🏽‍♂️