味滿

营业中

休息中

艇仔粥 食材勁豐富，有魚肉，瘦肉，花生，魷魚同生菜等等，口感超有層次，超級足料，粥底都好綿密，配上爽脆既魷魚同生菜，再加瘦肉同魚肉既肉香，非常鮮香美味雞粥 雞粥粥底好鮮甜，粥綿雞滑，雞既份量都好多，每舊都好嫩滑，肉感滿滿，味道鮮美上湯淨雲吞 雲吞皮薄餡多，入面既蝦仁食落超級爽彈，鮮味十足，上湯都非常鮮甜脆脆炸兩 炸兩漲卜卜又堅挺，油炸鬼口感好脆口，腸粉皮厚薄度適中，軟熟配上油炸鬼既脆身，再配上唔同既醬汁，好好食🤤蠔油生菜🥬 豆漿

話說平時係港島出沒 真係好鐘意四維搵好野食今次要為大家介既係 - 味滿味滿係於天后電氣道64號地舖餐廳主打係食local food為主今次我就點左個鯪魚肉湯飯 加個 蝦腸粉嘩嘩嘩佢個鯪魚肉湯飯係超正佢個鯪魚肉係勁大舊 而且個湯底都好鮮味個蝦腸粉同樣無得輸佢勁大份 CP值超高Location : Tin HauPrice : $100-$200/p.pEnvironment (10 is chill): 7/10Yummy (10 is delicious): 7/10

天后附近多左好多新的餐廳，今日放工後就來到天后試左依間“味滿”，主要係吃粉麵粥類。估唔到都幾多選擇，我地就叫了麻辣牛筋湯河粉，鳳城水餃撈麵，脆脆炸兩，紅油三寶同鹹肉粽。個麵套餐奉送油菜及熱飲品。麻辣牛筋湯河粉的湯頭麻辣濃郁，味道十足，但不至於辣到吃唔到。牛筋入口軟嫩，彈牙有嚼勁，河粉煮得剛剛好，唔會糊，吸曬D湯汁勁好味道，整體都好好味。 鳳城水餃撈麵的水餃皮薄而有彈性，有四隻，餡料豐富，個木耳令到好有口感。撈麵的份量都幾大，麵條都整得幾好，加埋湯汁同水餃一起吃，都真係幾好味道！推介！根住就係小食。脆脆炸兩的皮好薄，個油炸鬼就炸得好酥脆，加埋豉油，甜醬同埋麻醬一口咬下去，無得頂！紅油三寶就包括了水餃，菜肉雲吞及片頭各兩件，配上辣辣地的辣椒油增添了味道感！令人驚喜的係個鹹肉粽，個糯米整得真係好好，個內餡是鹹香的肉，加埋其他配料，口感非常豐富，非常滿足！整體依餐飯真係好好味，同埋好飽！價錢又非常親民，間鋪頭的位置不是很多，好彩我們來得早，走的時候已經滿座！所以要來吃的朋友就記得早D來霸位啦！

天后味滿每次經過都會見到好多人等位及等外賣，小店的粥麵套餐非常抵食，而且款式夠多👍🏻今日收工就同家姐去食下，叫左兩份套餐及小食，勁飽，飽到食唔晒🤭但整體非常好食👍🏻👍🏻值得大家去食店舖小小，但坐位及環境也很舒適美食推介：💛全日套餐-粉麵類：選了炸醬麵 、芥蘭，炸醬麵醬汁十分出色👍🏻酸酸甜甜，肉質軟身，撈粗麵簡直係無得輸呀🤭甚少食炸醬麵既我都追住係咁食🤭真心大家必定要試👍🏻💛全日套餐-生滾粥類：選了牛肉粥，套餐會跟油條及腩汁蘿蔔，首先要讚一下腩汁蘿蔔好好食😋清甜之餘配上腩汁一流👍🏻，而生滾牛肉粥粥底綿滑，牛肉肉嫩，而且肉份量也很多👍🏻勁滿足😌💛追加小食-脆脆炸兩：腸粉皮滑夠薄，包著脆卜卜的油條，即叫即整，正👍🏻💛追加小食-香脆炸雲吞：雲吞餡料足夠，熱辣辣炸起即食，脆卜卜，真係好正👍🏻非常回味，諗起又想再食😋有時間會再黎食過，炸醬麵係我最愛的😋👍🏻必試

香港人工作繁忙經常出街食飯, 出去食飯多數都係油膩多味精唔健康, 有時懶得煮又想食得健康啲, 食吓粥同粉麵其實都係唔錯嘅選擇, 清清地冇咁油膩價錢又相宜👍🏻除咗散叫之外可以揀套餐, 套餐包咗一個粥粉麵飯配一碟油菜加一杯嘢飲! 今晚試咗雲吞拼自家製鯪魚球米粉😊 每一粒雲吞都包住大大隻爽口彈牙嘅鮮蝦, 鯪魚球鮮味彈牙, 點埋秘製辣椒醬香辣惹味值得一讚係米粉嘅湯底好清甜有鮮蝦嘅味道, 飲完都唔覺得太口渴!牛腩牛筋飯炆得好腍好入味, 而且份量超大碟, 同行嘅男友人食完都飽到捧住個肚離開😂 芫荽牛肉腸腸粉皮口感軟滑, 啖啖都係豐富嘅牛肉餡! 好味😋 有時候, 簡單嘅一餐粥粉麵飯都已經好滿足👍🏻

平時大魚大肉後都會寫下食評品評一下食肆, 今次係第一次輕食也來出個食評以粥麫鋪, 這間裝潢都好雅緻, 店舖光猛, 整潔, 這樣已吸引我地入座品嚐👍🏻👍🏻首先推介柱候牛筋腩撈麫, 牛筋腩非常之入味, 柱候味香濃, 更值一讚, 筋腩不會太淋, 有咬口, 食食下才發現有幾嚿甜美嘅蘿蔔添, 仲有彈牙幼麫, 整體已經好唔錯, 再嚐兩口清湯, 看似平平無奇, 嘩, 試一啖, 真係要講句無得彈, 因為仲可以飲到用大地魚淆湯真係少之又少，必食😍😍水餃係我嘅至愛, 蝦加筍絲, 完美配合, 好正😉不得不提蠔油冬菇, 超大隻, 以為咁大隻咁厚肉, 唔會點好食, 但卻又煮得好入味喎, 一碟咁多冬菇都係$25咋, 真抵食😋佢地原來有豬潤腸粉, 而且係即叫即蒸喎, 果然腸粉滑溜, 豬潤爽脆, 其他粥麫檔已經好少有得食而又好食呢✌🏻熱辣辣嘅蜆介鯪魚球, 一D魚腥味都冇架, 鍾意食香口, 絕對不可以錯過😛

餐牌上食物好有傳統粥麵舖嘅感覺😲 最吸晴係有爽脆灼鯇魚皮🤩，而家真係無咩地方可以食到呢啲花工夫嘅小食魚皮配上薑蔥絲、指天椒，魚皮爽、脆、滑 ~ 食過返尋味🤭 豬潤湯飯塊塊豬潤都好大片，份量十足，煮嘅時間亦控制得好好👍，豬潤唔硬，唔鞋，咁大塊都煮到呢個質感，好功夫 麻辣牛筋撈麵，生麵夠爽口，牛筋好滑，彈牙有膠質，唔會炆得過稔，麻辣汁夠惹味但唔嗆喉。當中有幾舊蘿蔔，清甜無渣 韮黃鮮蝦腸粉🦐蝦肉新鮮彈牙，無腥味，同埋都算幾大隻腸粉皮整得皮薄軟滑，透到內饀😍 飲品有薏米水、羅漢果茶、蜂蜜菊花茶，比一般茶餐廰更多選擇👍而我飲左蜂蜜菊花茶，味道雖然少少偏甜，但唔係死甜，唔似砂糖糖漿嗰類會起晒痰，係幾清潤。 全日套餐，包主食、食品同油菜，油菜份量同出面叫一碟差唔多咁多，啱晒啲成日外食嘅人，而且呢個價位同份量喺天后黎講，真心好抵食

天后炮台山一向都有唔少出名老牌既雲吞粥粉麵檔，其中有間後起之秀令人一試難忘，試過幾次，質素出眾而且性價比高，今次一定要介紹下👍🏻今次叫左個「全日套餐」🌻 手打鯪魚球撈粗麵 首先一啲腥味都無，新鮮鯪魚肉打成球好彈牙。麵條無鹼水味，有咬口，爽口彈牙，略加左啲豉油調味，夾埋薑蔥一啖一口，配上一碗上湯，大地魚味重又夠清澈，有韭黃先係傳統正宗👍🏻🌻蠔油芥蘭油菜夠嫩，澆上少許熟油加埋蠔油，爽脆可口🌻熱薏米水店家自行pan制見到有蜜棗同生熟薏米甜度較少屬於低糖飲落無負擔🌻加配小食 - 麻辣牛筋炆得唔會太腍，充滿膠質保持到咬感又香又麻帶微辣，食得出有加左少許腩汁，加埋蘿蔔，清甜又無渣，絕非配角😌成個汁我用左去拌麵，惹味開胃，保證一滴都無剩😋天后炮台山一向都有唔少出名老牌既雲吞粥粉麵檔，其中有間後起之秀令人一試難忘，試過幾次，質素出眾而且性價比高，今次一定要介紹下

下班跟朋友來到天后吃晚餐 經過這家粥店試一下裝橫簡單的一家小店 菜式種類算多 不繼有客人進出 有不少熟客 看來這家蠻受歡迎的🤭淨雲吞 全日套餐 💰68雲吞皮薄 大大粒蝦 鮮甜包括菜 （選蠔油菜心） 加熱豆漿 追加小食- 脆脆炸兩 💰30油條炸得香脆 腸粉皮厚度適中 配上甜醬 豉油 花生醬吃 口感外滑內脆 正！淨蘿蔔麻辣牛筋腩 💰80牛筋跟牛腩炆得很入味 很軟身 麻辣味香辣惹味 辣度剛好艇仔粥 💰43粥底綿滑 材料十足 口感彈牙的魷魚跟豬皮 配上咸肉絲、魚片 味道不會太淡 很開胃凍豆漿 💰10

2023 七月美食攻略天后區粥麵小店,限時用餐都要食既好味小店,套餐由$75起,一粥一油條一蘿蔔限量供應!忙到做唔切,好快賣曬啊~唔係每次都食到小店好有型格,賣完就無!皮蛋瘦肉粥配即炸油條,牛腩汁蘿蔔75蚊,超大碗呢!即煮,個粥底熱到噴煙,好似燙傷,記得降溫先食粥底棉香滑,皮蛋夠香夠味,瘦肉夠碎!!份量好大碗,好滿足,油條都係即炸,貴少少但品質上好高,係要等多5分鐘,但值得呢~腩汁蘿蔔 夠曬甜,中間位煲到甜曬即拉叉燒腸粉,夠薄皮,包住叉燒碎餡,一客3件,好食雲吞麵加配菜加2蚊有野飲傳統細蓉雲吞麵,一絲油都無麵身夠彈,入口湯有大地魚味薄皮蝦爽,好味道位少,只收現金,限量供應,性格街坊店有堅持有味道,值得消費$220評分9/10#味滿

呢間餐廳環境光鮮,舒適,有好多唔同食品選擇,包括粥,麵,雲吞,牛腩等等,我地叫左一碟淨牛腩蘿蔔,牛腩仲有牛孖筋好軟滑,牛腩好大堍,肉厚抵食,份量都好多,另外,仲有一碟淨南乳豬手,豬手整到好淋,唔會好硬,豬手好多件,仲有一碟即炸既魚球,外脆內軟魚肉味香濃必食,仲有一碗好大碗既皮蛋瘦肉粥,皮蛋好多,粥煲到好軟綿綿同熱辣辣,腸粉都有好多款,今次叫左叉燒腸粉,腸粉好滑,叉燒涵料好多,職員好友善,態度親切仲不停幫我地加水。

喺天后附近上完堂📚, 🧐想搵啲港式粉麵食,  輕盈啲😛🍴味滿-店內環境簡潔, 燈光鮮明💡👯‍♀️門口也有不少人等候座位同外賣🥡🔆全日套餐：🥢粉麵類｜ 🥣生滾粥類｜🍚飯類｜湯飯類*包油菜及飲品 //🥢粉麵套餐//🔸蔥薑豬潤麵 $68 7.5/10豬潤每塊都好大片🤩, 有5-6片😚質感粉嫩, 唔嚡口🥢幼麵麵質爽口😙湯底清甜中帶蔥薑香味🔸鮮蝦雲吞撈麵🦐 $78 7/10✔️麵選擇：幼/ 粗麵雲吞有6 粒, 大小適中👍🏻內餡份量足, 調味恰當👌🏻🔸油菜 (跟餐) 🥬可選： 芥蘭 / 菜心/ 生菜 🙌🏻白烚菜加蠔油, 蠔油放一旁🆙成餐飯感覺好balance, 更健康🥰～✅適合外食族, 菜量很多🥳//小食//🔸紅油三寶 $34 6.5/10＝水餃🥟, 菜肉雲吞, 片頭每款有2件, 面頭加咗啲花椒增添香氣💨🫣好似加咗啲黑醋, 食落微辣中帶略酸😋🔸韮黃鮮蝦腸粉 $36 7.5/10即叫即整♨️一碟有3條每條有2隻大蝦仁🦐🦐蝦肉新鮮爽彈腸粉皮薄滑溜😍//🥤飲品//🥤飲品選擇好多, 共12款😳仲有啲特色健康飲品揀🫨～✔️薏米水/柑桔蜜/羅漢果茶/蜂蜜菊花露🔸凍檸茶🍋 +$2🔸熱薏米水 (跟餐)用咗生熟薏米

呢排食得太多肉間中我都會食清啖啲比腸胃舒適下天后站一上嚟見到呢間粥店店舖唔算太大，但座位充足，乾淨衛生Lunch set有飯．麵．粥 選擇都幾多✨艇仔粥平日食開嘅艇仔粥都加咗碎牛呢度就係用新鮮魚片，好滑唔鯹又無骨粥底綿滑，好足料味道健康無味精✨紅油三寶水餃．魚片頭．菜肉雲吞酸酸辣辣好惹味✨蝦籽芥蘭芥醬爽甜新鮮曬上蝦籽有點鹹香，味道好夾✨酥炸鯪魚球見隔離枱食得滋味外皮炸得金黃，咬開裡面整粒鯪魚肉口感軟彈，沾少少蜆芥更惹味

今次決定下午茶去挑戰食一款未食過的菜式—鯇魚片腸粉，叉燒腸、牛肉腸、蝦腸聽得多，但係鯇魚片腸粉又有無聽過呢？上網Search左一下，發覺呢間餐廳的鯇魚片腸粉在港島區都幾出名下，所以特地慕名而去😎鯇魚腩粥 $50鯇魚腩肥美味濃，與粥配搭不錯👍🏻粥底每吃一口都有陣陣餘香🤞🏻鯇魚片腸粉 $35第一次見到有鯇魚片腸粉，幾特別😂與鯇魚腩明顯不同的是，居然可以無咩骨，適合唔鍾意食到魚骨的朋友們鮮蝦雲吞麵 $38價錢在港島區來說可以接受，雲吞餃皮薄，以蝦肉作餡料，正常發揮😝好味指數：8/10性價比指數：8/10餐廳名稱：味滿餐廳地址：天后電氣道64號地舖電話：24280266

天后粥麵店，有好多香港情懷風味，店舖雖小，但好乾淨整潔，而且好舒適。Lunch 時候有午餐set 可以選擇不同嘅餐，包括生滾粥、粉麵、飯，多款小食、腸粉等，充滿香港傳統特色味道柱候牛筋腩撈麵 $55+5配凍檸茶 牛筋牛腩都好彈牙，柱候醬味香，而且醬汁好惹味，撈麵跟牛腩牛筋分開上碟，可以保持麵質爽口腩汁蘿蔔 $22濃味腩汁加入清甜蘿蔔，好淋好美味酥炸鯪魚球 $40香炸鯪魚球 配有蜆仔汁味道好好味，鮮炸鯪魚球好新鮮，魚肉好彈牙