味滿

营业中

休息中

同朋友去天后食廣東嘅日常菜～ 因為朋友話想食吓粥粉麵飯～ 我哋叫咗肉丸撈麵，蝦籽菜心，韭皇蝦腸，炸雲吞，炸鯪魚球，牛肉粥同埋2個熱豆漿因為餐廳係可以套餐形式咁樣叫！所以我哋係叫主食再加2個小食加一個飲品～ 餐廳係以廣州日常菜式為主，同港式比較似但係用廣州地道一點嘅煮法！店鋪嘅肉丸撈麵係以手打肉丸配上乾蔥撈麵，同埋健康嘅醬汁一齊食，肉丸撈麵同湯會分開上，可以加啲湯同埋個撈麵一齊食！肉丸好大彈牙同新鮮！蝦籽菜心既菜心上有蝦籽粉，食起嚟有蟹醬嘅香味隨住蝦籽粉帶進口腔！蝦籽粉真係好有特色！韭皇蝦腸都好新鮮，好好味～蝦仁好新鮮配埋軟滑嘅腸粉同埋甜豉油～炸雲吞炸得好香口好好味，雲吞皮好薄所以炸出來細細件好岩同埋牛肉粥一齊食～ 牛肉粥超級香滑好夠火喉！係以煲仔嘅形式來煮嘅粥！真係好少見咁細緻既煮法！我哋仲叫咗炸鯪魚球，鯪魚球有一個汁係分開上，呢個汁係腐乳汁！超級特別，咁將佢變成左腐乳炸鯪魚球！熱豆漿清甜好味！配合粥粉麵飯一齊食，真係一流

放左工，經過天后一間新粵菜小店，俾佢既文青、新穎感吸引左入面！見menu到有粥又有麵、小食，一於試下先🤭薑蔥豬肉丸撈粗麵：上面有滿滿既薑蔥，豬肉丸好有咬口，d粗麵食落幾爽彈，唔錯！蜆蚧鯪魚球：鯪魚球食落好彈牙，魚味好重，仲食得出有陳皮味。同一般出面食既好唔同，相信應該係人手打既紅油三寶：入面有水餃同埋腐皮卷，餃子幾足料，金黃脆脆的腐皮，食落好香口。爽脆灼鯇魚皮：白灼魚皮係工夫菜黎，所以其實唔係到到有😍一見到即點，咬落好爽脆、滑身，上面有埋薑蔥醬油，好惹味！蝦籽唐生菜：食落鹹香，唔使另外再落豉油，同埋兩樣夾埋食幾有口感紫薑溏心皮蛋：入面既溏心黏黏地，蛋白醃得晶瑩剔透，口感十足。中間流心部份黏口滑溜，配埋酸薑一齊食，又幾夾！呢間值得再去！當日已經係夜晚成10點，都不停仲有人入黎食，都証明左佢既食物有一定質素。環境：⭐⭐⭐⭐價錢：⭐⭐⭐⭐⭐味道：⭐⭐⭐⭐⭐📍味滿天后電氣道64號地舖

❄️味滿❄️天后❄️中國傳統菜最近天氣開始轉涼，有時個人凍凍地都想食啲日暖胃的食物，今日就同左朋友去這間係天后新開的中國傳統小店，食粥、湯麵等🤟🏻我哋叫左粥灼鮮豬雜、薑蔥牛肉湯麵、酥炸鯪魚球、上湯菜肉雲吞同蠔油芥蘭，上菜時都仲係熱辣辣，係咁凍的天氣食非常適合，而且個味道好天然，相信冇乜落味精，唔會覺得好咸👍🏻豬雜包括有豬肉、豬潤、豬肉丸，每樣至少兩份，份量好足。酥炸鯪魚球相信係啱啱炸起，表皮脆身，入面每啖都好juicy😋我個人認為呢類小店係香港愈來愈少，大家有機會都應該去支持下，特別係冬天🥶

美味滿載港式粥麵專門店餐廳與一般潮式粉麵唔同，用上港式做法，主打特色薑蔥豬雜、濃郁柱侯牛腩、秘製南乳豬手等～～ 當然仲有多款口味的生滾粥♨️南乳豬手撈幼麵豬手配上白蘿蔔，豬手皮爽，膠質豐盛，味道香濃口感軟淋。 蘿蔔吸收哂醬汁，香口爽甜炸鯪魚球每粒都炸至金黃色，入口爽彈，仲有粒粒陳皮絲，蘸蜆芥醬更加惹味蔥花蝦米腸蝦米腸軟滑，加上蝦米及蔥花，味道更清新薏米水最後都要試埋佢地嘅熱薏米水，暖笠笠，材料豐富，味道清新

朋友吃了好幾天媽媽煮的皮蛋瘦肉粥，她都吃膩了，她說她要出關吃好吃的粥麵，我提議不如去小店味滿吧，除了有生滾粥吃，亦有撈麵和其他小食，保證可以滿足朋友的口腹之慾。香茅雞翼真的很推，雞翼事先用香茅醃製過後再下去油炸，雞皮薄脆不油膩，帶點蜜糖的甜絲絲和香茅的香味，雞肉軟嫩，又富雞汁，香茅雞翼單吃挺有味道。當寒流來襲，氣溫驟降，吃份麻辣牛筋暖暖身子正適合，滿滿膠質的牛筋非常滑嫩，有些許軟綿感蠻療癒，重點是麻辣牛筋椒香迷人，香麻帶勁超入味，光吃好吃，拿來拌麵吃亦很對味。蔥花蝦米腸粉看似簡單，卻很美味，雪白的腸粉加入青綠的蔥花和橘色的蝦米點綴，視覺和味覺生色不少。咬一口熱騰騰的蔥花蝦米腸粉，先是蔥花香味撲鼻，再來是軟滑的腸粉再舌尖舞動，蝦米的鹹鮮源源不絕，挑嘴的朋友都覺得這蔥花蝦米腸粉厲害。喜歡重口味的建議吃南乳豬手撈麵，比較滋味，大塊的南乳豬手滷得極為入味，不僅充滿膠原蛋白，而且軟腍帶些許彈性，是養顏美容的聖品。粗麵吸附南乳豬手醬汁後香噴噴的，彈勁十足的麵條與南乳豬手令人忍不住一口接一口，充滿飽足感。剛喝下凍金裝羅漢果茶，湧現出羅漢果本身的甘香，喉嚨被金裝羅漢果茶撫過後變得平順，不會令人覺得卡喉

維園附近條街,最近多左好多餐廳呢間係新開既粥品專門店今晚早場黎食,先黎一碗雞粥,再黎蠔油花姑,炸雲吞,牛肉粥,叉燒腸粉,紅油3寶即點即做,腸粉皮薄油亮,口感嫩滑,餡料夠多,好食,一份3件酥炸雲吞,皮脆蝦爽甜雞粥,鮮雞件,湯底香綿,口感順滑,粥底好出色,雞肉仍然好嫩滑,唔肥仲好有雞味牛肉粥,生滾粥,牛肉好嫩滑,粥底出色紅油三寶,香辣滋味蠔油花姑,夠厚夠入味#味滿 Full Taste #天后美食 天后電氣道64號地舖G/F, 64 Electric Road, Tin Hau

天氣凍凍地，食返碗熱粥都好。今晚收工之後去左天后一間粥麵舖叫味滿食晚餐。餐牌有粥麵飯，腸粉，小食，油菜，淨食，飲品。呢度都有升級優惠，即係選正價粥麵飯可以優惠價配油菜，腸粉，小食，飲品等等。豬軟骨撈麵 $52呢度係將豬軟骨同撈麵分開上，撈麵可揀粗或幼麵。我地選粗麵，麵質爽口有質感，份量頗多，我加$10加菜，雖然菜就無得揀，不過今日係菜心，份量好多，而且都新鮮，點腩汁食好正。豬軟骨有3大舊，每一舊都有大大舊軟骨，肉同骨都炆得腍，味道都好入味。下底有白蘿蔔3大舊。個汁味道都好唔錯。另外配一碗湯，碗湯好濃蝦味，仲有好多韭黃，好正。麻辣牛筋 加$32麻辣牛筋份量好多，個麻辣汁非常惹味，而唔會太辣，真係小朋友都食得，絕對推介。下底只有3件白蘿蔔，其他全部都係牛筋，牛筋炆得超腍，入口即溶。好抵食。紫薑溏心皮蛋 加$30紫薑溏心皮蛋一共有溏心皮蛋兩隻一開4邊，蛋白彈牙而蛋黃滑溜，絕對合格。中間就係粉紅色薄片紫薑片，味道酸酸甜甜。上面灑上新鮮蔥花。淨蘿蔔牛腩 $80服務員主動建議牛筋牛腩兩樣都要，好提議呀。牛腩份量都唔少，都炆得好腍，又入味又腍，好好味！仲有幾條牛筋。白蘿蔔有幾大舊，上面灑上蔥花。個柱

喺天后見完客，諗住食埋先返屋企，行去地鐵時見倒呢間味滿，未到7點已坐滿！而且價錢十分親民！同事立即二話不說就入去揾位！Menu就係 #粥粉麵飯 ！仲有全日套餐，揀完正價粥粉麵就可以再以升級優惠點小食、飲品等！好多選擇！ 🦐菜肉雲吞撈幼麵加水餃🥟 $48 ＋20 太貪心嘅我一次過想試哂菜肉雲吞同水餃🥟，兩種都係自家製咁，皮薄餡靚，非常飽滿！水餃入面有大大粒鮮蝦同黑木耳，菜肉雲吞就有菜同豬肉做餡，撈麵係配幼麵，可配蠔油一齊食！🌶️炸醬撈麵加水餃🥟 $48+20 炸醬入口甜甜地帶點辣，唔係勁辣，但越食越惹味！配埋香口瘦肉簡直冇得彈！撈麵可揀半份或全份，同事揀左半份，佢話咁就夠位食埋個粥！ 🥣皮蛋瘦肉粥 $43超！級！綿！嘅皮蛋瘦肉粥！超足料，好味！夠火候！滿分💯呀！！！跟餐嘅配菜揀左 牛肉腸 $28 / 炸雲吞 $32 🌯牛肉腸就係細個食果種味道！入口綿滑帶點糯米嘅黏性口感！太好味！🥟炸雲吞係用左鮮蝦雲吞！一啖咬落去香脆聲隔離枱都聽倒！炸到金黃色，超好味！地道小店就要繼續支持！下次openrice 買定外賣🥡再幫襯！ 味滿地址 📍：天后電氣道64號地舖

簡單嘅永遠係最好, 有時候唔需要大魚大肉, 簡簡單單食個魚蛋粉炒碟菜已經好滿足! 最近去得太多聚會食得太多油膩野, 正想食番餐清淡D, 天后嘅味滿係一個好好嘅選擇!雲吞米粉 - 一碗好食嘅雲吞麵係好考功夫嫁! 首先雲吞皮要薄, 然後鮮蝦要夠大隻同彈牙, 豬肉同蝦嘅比例要適中, 呢度嘅雲吞粉水準絕對係中上水平! 配埋辣椒油同韮黃食更帶出蝦嘅鮮味👍🏻鮮蝦腸粉 - 腸粉皮望落晶凝通透, 薄到望到大大隻鮮蝦, 而且口感煙煙韌韌, 好好食😋炸豬扒菜飯 - 豬扒炸得酥脆鬆軟, 菜飯粒粒分明, 菜量都唔少, 有肉又有菜營養豐富😇炸鯪魚球 - 採用新鮮鯪魚肉製成, 入口有陣陣陳皮清香味道, 再蘸上非常惹味嘅蜆芥汁, 食完一粒又一粒停唔到口☺️

大氣涼涼地，好想食暖粒粒既粥🥰 係天后地鐵站出，經過地產鋪就見到呢間新開既味滿。全日套餐都幾抵食，可以優惠價加小食，今次嗌得好豐富。鯇魚腩粥 ($50) • 艇仔粥 ($43)首先好足料，鯇魚腩好多件，又唔胜，最緊要個粥真係好綿密！艇仔粥好正，冇我唔中意既豬皮，然後好多魷魚同魚皮，大大碗，食完好warm呀😌炸两 (+$26)腸粉皮好薄，包住油炸鬼，配粥一流。香脆炸雲吞 (+$32)雲吞熱辣辣，即叫即炸，好脆呀，而且餡好飽滿。蠔油冬菇 (+$25)冬菇好厚身同炆得好林，好好食，好有家的味道。麻辣牛筋 (+$32)老闆娘好好人，見我喺牛筋同牛腩之間猶疑，俾咗幾件牛腩俾我地試，蘿蔔牛筋同牛腩炆得好林！我覺得唔算好麻辣，不過都好惹味。薏米水 • 豆漿 (+$10)薏米水有粒蜜棗嫁，清甜又解膩。至於豆漿都唔算甜，唔錯。

Fresh sliced pork with shredded ginger and green onion noodles tasted exactly like what I had as a kid, it brought back a lot of nice memories. Pork trotter with fermented red beancurd vermicelli was very delicious. The soup base had a deep flavour due to the fermented red beancurd and the pork trotter basically fell off the bones. Mala beef brisket came with turnip as well. The turnip was cooked so well it almost melted in my mouth. Beef brisket was also very tender and the mala added a nice ki

味滿琴日中午去咗天后搵野食，經過見到店名「味滿」咁得意又多人拎外賣就入咗去睇下間餐廳係咪真係味道滿分先！🤣🤣拎位期間撞正有食客倒瀉奶茶，老闆忙住清潔，可以形容係提早大掃除，倒瀉範圍都幾大，又要忙打包外賣，又要抹地，又要幫我搵個好位方便我泊輪椅，真係唔話得，好好人！呢間餐廳門口有一級，港島區嘅餐廳大多數有級，而且都比較高級，我又要出動塊斜板，餐廳入面唔算大，大約坐得接近30人左右，枱同椅都係移動到，只要解決到一級問題就入去都算方便輪椅人士！👍👍1.南乳豬手撈麵 配熱奶茶$50+$10（9/10）呢個豬手撈麵真係不得了，入面有3大舊豬手，南乳醬唔咸，炆得好入味！😋😋入面仲有2舊蘿蔔，蘿蔔清甜無根！熱奶茶就茶濃，奶唔會搶到茶，唔錯！2.麻辣牛腩$32（8/10）唔算好麻辣，辣度似小辣，無食到流鼻水，牛腩夠淋，一碗有4舊牛腩，3舊蘿蔔，蘿蔔清甜無根！3.爽脆灼鯇魚皮 套餐優惠$48（9/10）初初我睇到炸魚皮，遞上嚟先知自己眼殘睇錯字，第一次食灼鯇魚皮，辣辣地又爽脆，仲要有9大塊，正！4.炸雞翼$38（8/10）一碟有4隻，每隻都炸到好金香，炸到入面雞肉好嫩滑，食到出面唔知係咪加咗蜜糖！5.酥

粥店不一定要食粥，粥灼淨餸更吸引。今天就和朋友分享了兩個淨餸，高質美味。🔶粥灼鮮鯇魚腩（$80）鯇魚腩灼的時間剛剛好，保持嫩滑，再蘸店家自製的辣椒豉油，更覺鮮甜美味。🔶淨蘿蔔豬手（$80）足料抵食，豬皮彈牙有膠質，骨肉分離軟綿綿，蘿蔔無渣，兩樣都非常入味。🔶水餃河粉（$38）水餃雖然只得3隻又比較細，但蝦肉新鮮爽口。凡叫粥/麵/飯可以升級套餐，享用優惠優選擇小食和飲品：🔶炸両（+$26）腸粉皮薄滑，油炸鬼夠脆，豉油和麻甜醬分開上，整齊美觀。🔶咸肉粽（+$18）內有咸蛋黃、花生和瘦肉，質地也鬆化，不過綠豆比例較少。🔶薏米水（+$8和$16）因為只得一碗粉，所以另一杯要正價。真材實料，除了薏米還有蜜棗和薑片，少甜滋潤。

朋友即將要去到加拿大🇨🇦工作，約佢之前我都唔知道佢有咁嘅計劃⋯ 只係突然間腦海諗起佢，就打算約佢出嚟見吓面⋯ 出到嚟，先知道原來即將要講再見⋯⋯·魚蓉湯飯🥣🍚滿滿嘅魚蓉喺湯到，多到唔係好見到啲飯～😂😂 食落彈牙又有鮮味，唔腥係幾好喎～👍🏻👍🏻 飯嘅量多又唔太冧，真係食湯飯就唔係食粥。至於湯底，係陣陣嘅魚鮮味熬出嚟～～😆·爽脆灼鯇魚皮作為一款冷盤，本身會有啲擔心係會好腥⋯ 不過食咗就知唔係啦～ 本身先灼熟咗啲鯇魚皮，再整凍成冷盤⋯ 質感做到爽脆又唔腥，點少少甜豉油加辣椒粒🌶️，就做到提鮮嘅效果。·南乳豬手撈粗超入味喎～ 南乳味好重嘅豬手，真係搞到我哋食指大動，多肉多骨膠原嘅情況下，大家都爭啲食唔晒啲撈粗⋯⋯🤭 不過加埋啲好清好順口嘅上湯飲住食，又食得晒喎～·粥灼新鮮手打肉丸食得出係新鮮手打出嚟嘅肉丸，唔係嗰啲死實實嘅雪藏嘢⋯🧐 同埋每粒都用綿滑鮮味十足嘅粥底去灼⋯ 成件事既有趣又好味，因為我哋得到一種好特別嘅口感！！😜·之後喺海傍食住「甜水」咁傾偈💬，講咗好多好多⋯ 感謝你俾我知道自己有「勸慰」嘅力量！💪🏻💪🏻💪🏻

今日同朋友發掘到呢間位於天后 選擇豐富又抵食嘅粥麵店 - 味滿。套餐非常抵食，揀任何一款正價粥麵飯，加錢可配1-2款小食。柱侯牛腩撈麵$50牛腩肉厚多汁，十分入味，撈麵軟硬度剛好，食落有彈性，拌濃郁腩汁，滋味無比。豬肚粥$45豬肚彈牙美味，白粥底綿滑度令人驚喜，而且唔會過度調味，讚。蝦籽芥蘭+$22 芥蘭加上乾蝦籽，增添鮮味。油炸鬼+14熱辣辣，脆度出色！鯇魚片腸粉+$28 腸粉同鯇魚片都滑一滑，加左薑絲唔會有腥味。紅油三寶+$32水餃 雲吞皮薄餡靚，紅油辣度夠，十分惹味。