味滿

营业中

休息中

熟客，之前成日食，隔左排好耐無食，今次叫外賣自取，一碗雲吞麵加一碗粥。碗雲吞麵食左2啖發現有飛蟲，之後了了下又有多隻，最後一碗麵仔有4隻飛蟲…勁嘔心..即刻無再食掉左。

本打算光顧華姐清湯腩，誰知有五六人在等候，為之洩氣。去年也如是。四處覓食，找到了這裡。裝修簡單清爽，服務中規中矩。叫了碗牛腩麺，麺身很好彈牙，牛筋腩及蘿蔔軟適中，湯底與清湯腩截然不同，但也不錯。其他人客(女的)很多食粥及油條，賣相也不錯。洗手間也頗清潔。

今日七點鐘都不用等位，叫了一個豬潤麵餐配芥蘭、蜂蜜菊花，一個牛肉粥餐有油炸鬼，再叫了一個炸鯪魚球，二個人十分滿足😁 份量十分足夠，豬膶又淋，粥就牛肉不錯，但粥低就一般。最好味是炸鯪魚球，夠熱👍

這個小店就在維園對面，座位大概只有25-28個之間，勝在交通方便。老婆以前來過說不錯，尤其是她知道我喜歡吃豬潤。於是我點了豬潤撈麵套餐，包油菜一碟和飲品一杯，老婆就點了一個雲吞麵。老婆說她的雲吞麵很不錯，我也試了一粒雲吞，批算挺滑，但蝦仁就是冰鮮比較久的，沒什麼鮮蝦味。至於我的撈麵份量夠大，就是鹼水味道太濃了，不是我喜歡的一種。豬潤雖然就有點硬，但份量還是可以的，總的來說是勉強過得去。就是到維園看花展才順路過來吃個午餐而已！

食物味道幾好唔錯，整體環境衛生都乾淨，但係只係坐低咗35分鐘，就被催促快啲離開，根本令人食得好唔舒服明白有下一位客人等待，但我們的進食速度也不是很慢，坐下去到第35分鐘，已經跟我們說有下一台客人等待，後來還叫下一台的客人進來，坐在我們旁邊，令我們只好急急吃完剩下的食物離開，就算食物好吃，也不會再幫襯了

天后「味滿」小店：傳統風味，價廉物美「味滿」小店主打傳統港式粉麵粥品，價格親民，吸引了不少街坊捧場。點了幾款招牌菜式都很合胃口。醒胃炸醬撈麵： 炸醬味道香濃惹味，帶有微微甜味，與彈牙的麵條拌勻後，非常開胃。芥蘭： 點點豬油超好食酥炸鯪魚球： 外脆內嫩，鯪魚肉鮮甜，而且沒有腥味，值得一試。艇仔粥配油條及腩汁蘿蔔： 個人超愛，粥底綿滑，配料豐富，油條即叫即炸很香脆，腩汁蘿蔔入味，整體味道和口感都很有層次。紅油三寶 (炸魚角， 菜肉雲吞, 水餃)： 三寶都各有特色，炸魚角彈牙，菜肉雲吞餡料飽滿，水餃皮薄餡靚，配上香辣的紅油，十分過癮。十分推薦熱薏米水，清甜解渴又去水腫，推薦！

話說今日帶姪仔去咗維園玩，咁食埋晚飯先返屋企，帶小朋友梗係要食得健康啲見到地鐵站附近有間食粥嘅，主打無味精粥，六點幾已經好多街坊幫襯，應該有質素保證肉片粥$47肉片粥嘅味道真係偏清淡，唔似平時嘅味精粥肉片每塊刀有半隻手掌心咁大，好足料鮮蝦雲吞撈麵$80 (套餐包菜心加飲品)鮮蝦雲吞雖然唔係大大粒，就份量都唔少嘅一碗鮮蝦雲吞都有成7粒，個撈麵嘅鹼水味重，面質彈牙蠔油冬菇$28冬菇炆得又淋又入味酥炸鯪魚球$36酥炸鯪魚球有成六粒，每粒都好似長洲大魚蛋咁大粒，鯪魚球冇腥味幾好食

一間位於天后毫不起眼的粥麵店，是真真正正的隱藏級寶藏。事緣係唔只一次係社交平台上見到有大廚讚好食，仲有廚帶台灣名廚去品嚐。所以將這間餐廳bookmark 很久。我不是好粥之人，因為不能食太熱太熱的食物。 而且粥品食到最後會變成稀狀。所以一直粥品不是我的首選。但是我遇到了「粥灼豬雜」豬雜焯得緊緊熟，還有小小粥掛在豬雜上完全適合我這些想食配料又不想食粥的人火候控制得好好這個豬肚是我唯一可以放入口的豬肚原來有豬肚可以一咬就爛配有麻油薑絲及生菜墊底好好好好食酥炸鯪魚球獨有味道，外脆內軟配上勁大粒的蜆介柱侯牛筋腩撈粗牛筋夠腍，好強柱候味附上的湯是驚艷級 - 真正大地魚蝦子湯底因為這個湯我們決定叫多個淨雲吞淨雲吞正常發揮但個湯真係好好飲好飲到我老公一個人搶飲曬

再訪味滿依然好滿意，粥品好食，麵冇鹼水味，湯頭清甜。🩵及第粥粥底非常嫩滑，粥料好多好豐富，最鍾意大大件嘅豬潤。🩵鯪魚球幼麵幼麵完全沒有鹼水味，爽口有麵香，湯頭清甜，鯪魚球搭配都係唔錯嘅選擇。🩵蠔油芥蘭🩵羅漢果茶🩵紅油三寶🩵韭皇蝦腸🩵柑桔蜜菜品都唔少，咩都想試吓的話可以點套餐就可以有加配小食優惠價。餐廳整潔乾淨，裝修新派，比傳統嘅粥品店更加乾淨企理，粥品同麵食都好食，所以我都好鍾意食味滿。

🥢 及第粥粥底綿滑，唔似其他連鎖粥店得d粥水😝，材料豐富，有豬心、豬潤、豬粉腸、豬肚、肉丸，肉片亦好滑，每樣都大大舊👍-🥢 柱侯牛筋腩撈麵牛筋腩份量好多而且炆得好入味好林🥰蘿蔔鮮嫩無渣，清甜可口🤩揀左粗麵，撈埋牛腩汁好好味！-🥢 魚片頭湯麵竹昇麵果然彈牙爽口！！湯底香濃-🥢 酥炸鯪魚球靈魂一定係蜆介‼️鯪魚球肉身彈牙厚實～口感一流！！魚肉口感爽彈無骨，即叫即炸好香口。蜆蚧醬好正-🥢 薏米水薏米水好清甜，有少少薑汁味，飲落好健康

這間位於天后的人氣粥粉麵小店🥢店舖光猛又乾淨企理 有提供全日套餐性價高 亦有多款小食自由加配而且質素都很不錯👍店員服務亦很親切人情味滿滿的小店✨麻辣牛筋湯麵牛筋好彈嫩有嚼勁 充滿膠原蛋白😍麻辣味湯頭濃郁 麵條可以自由選擇要了幼麵 套餐配上飲品及蠔油生菜🥬✨上湯淨雲吞上湯淨雲吞的湯底清澈鮮美🦐雲吞皮薄餡料飽滿帶有濃郁鮮蝦香味 套餐配上飲品及腩汁芥蘭👍🏻✨麻辣牛腩牛腩煮得軟嫩入味🌶️麻辣醬汁濃郁而不過於刺激✨香茅雞翼雞中翼一份4隻外皮好焦脆🐔肉質夠滑嫩 帶淡淡香茅的香味✨咸肉糭咸肉糭糯米軟糯 裡面滿滿咸肉餡同沙沙的蛋黃 味道咸香適中 ✨腩汁蘿蔔腩汁蘿蔔切得大大塊😋清甜多汁又吸滿腩汁味道好下飯📍味滿 (天后)天后電氣道64號地舖

位於天后的粥麵店，裝修企理，光猛整潔，坐得幾舒服，粥粉麵飯樣樣有齊，一於入去試試！蠔油芥蘭芥蘭整得好食一啲都唔容易，時令芥蘭，食起來特別清脆爽口麻辣牛筋牛筋超腍超入味，麻辣好香又唔會太辣，充滿骨膠原既感覺，好味！紅油三寶包括雲吞、水餃、魚片頭，索哂紅油精華，紅油辣度溫和，份外惹味。淨雲吞鮮蝦雲吞粒粒皮薄餡靚，超爽口又彈牙！炸鯪魚球魚肉口感爽彈無骨，即叫即炸好香口。蜆蚧醬好正，帶有薑和陳皮香味，提升鯪魚球嘅鮮味熱豆漿豆味濃郁，甜度適中凍檸茶食麻辣嘢點少得叫杯凍檸茶，絕對解辣解膩

行過經開天后見到有間小店叫「味滿」未到6:00 已經坐了一半客人，睇嚟都係街坊客人。睇吓餐牌，價錢一啲都唔平入門套餐$70 起跳。我散點了「根腩撈麵加菜」$62上枱時店員將整份撈麵用托盤送上，我喜歡這個樣分開一碟碟，唔會好似打風咁。先吃一口蘿蔔，甜冇渣，但應該完全冇調味。牛根入口即溶，膠質滿滿；牛腩油脂頗多，肉鬆化，兩者也非常入味，重點是腩汁，汁底非常濃郁，黏稠，第一口已經嚐到陳皮和八角香味，味道香而不死咸，撈麵就啱啱好。加菜不是一碟，大概半份左右。第一口幼麵爽口，頗重鹼水味，再下一城將全部腩汁直接倒落去，味道立即升左幾個level ，但咁樣未滿足到我，再加埋辣椒油，其香氣十足，十級辣我比7 分，不過啱我依挺唔食得辣又要扮食辣嘅人，過引！最後再一口氣將湯喝下，有大地魚鮮香，份量剛剛好，好吃！果然貴得有道理。

要搵一間健康無味精嘅粥店真係好困難😢，小編食過好多間粥舖，包括米芝蓮推薦嘅粥店、元朗雞粥等，「味滿」係我近年來最欣賞嘅！💕佢嘅港式粉面同樣出色！😏我哋平日夜晚7點去食，坐無虛席，可見深受街坊歡迎。「味滿」湯麵$38起，生滾粥$40起，價錢貼地，仲有全日套餐，包埋時菜及飲品，$70起。豬膶粥粥底綿滑，唔會太稀，豬膶份量多，有足足5-6大塊，爽滑甘香，☺️完全💯冇味精，食完一啲都唔會口乾。😋跟餐就有油炸鬼和腩汁蘿蔔，坊間嘅油炸鬼成日炸到又硬又油，好欣賞「味滿」嘅油炸鬼係非油炸，食落好似麵包🥖咁，好實在💕。至於腩汁蘿蔔就好大份，蘿蔔一啲渣都冇！跟餐可以優惠價額外加配小食～☺️麻辣牛腩（$35）炆得軟腍入味，柱侯汁香濃惹味！👍🏻個人非常欣賞酥炸鯪魚球（$36）鯪魚球炸至金黃飽滿，入口爽彈加左陳皮、芫荽等令鯪魚球味道更甘香，蘸上蜆蚧醬一起吃，味道👅更提鮮！😋醒胃炸醬撈麵淋上酸酸甜甜嘅肉丁，好開胃！撈麵會送上一碗由大地魚、蝦籽等烹調而成嘅韭黃雲吞湯底，一邊食麵一邊飲湯，味道相當不錯！👍🏻跟餐就有油菜和飲品一杯，蠔油芥蘭份量足，新鮮爽脆！

今日和同事去天后見客，之後搵地方食飯，同事話附近有間粥麵店好好味，不如去試吓！味滿裝修簡潔，除咗有粥粉麵，仲有飯供應。鮮蝦雲吞河：雲吞包入原隻鮮蝦，每粒都有金魚尾巴，餡料鮮味爽口，河粉滑溜，湯底鮮甜。鳳城水餃撈麵：飽滿大顆的水餃包著木耳 及鮮蝦，味道層次豐富，配上彈牙的麵及濃淡得宜的湯底，這經典味道使人飽足又享受。及第粥：粥底綿滑，白米粥熬到米粒全化，材料豐富，有爽口嘅豬心、豬潤、豬粉腸、豬肚、肉丸，肉片亦好滑，生滾粥熟度啱啱好。鯇魚片粥：熟食鯇魚最能嘗其鮮甜滋味，尤其用來炮製鯇魚片粥，粥底綿、魚肉鮮，味道非常鮮甜。叉燒腸粉：叉燒餡料豐富，皮白滑溜，搭配特製醬油食用，醬汁香氣襯托出叉燒的鹹甜肉汁及腸粉的特殊米製口感。混醬腸粉：白如雪又香滑嘅腸粉加上芝麻、麻醬、甜醬混合之後，混醬腸粉的精髓完全引發出來，不但吃到腸粉原有的米漿純香，更將腸粉的味道昇華到全新境界。