影片
港铁牛头角站 B4 出口, 步行约8分钟
继续阅读
营业时间
今日营业
09:00 - 17:30
星期一至五
09:00 - 17:30
星期六至日
全日休息
公众假期
全日休息
以上资料只供参考，请与餐厅确认详情
经过观塘道巴士站落车最便利位置，谂住试下呢间味工房嘅早餐。买左沙爹牛肉米线返公司食。返到去发现啲沙嗲牛肉居然系酸嘅，谂住揾电话打返去至少唔好再卖俾其他食客，无电话提供已经觉得伏 。下昼食完午饭再返去同佢地收银讲返呢件事。佢第一下就叫入厨房话俾我试下啲牛肉。佢自己去试完一啖后话：「哦唔系坏呀，有喼汁嘛系咁㗎」。咁我都无野好讲喇，大家都唔系第一次食沙嗲牛肉呢咪香港经典食物呀吗？请大家唔好以身犯险试呢间不负责任嘅无良饮食 。
继续阅读
贪佢唔驶排长龙， 咁就过去买， 好明显系自己攞嚟衰⋯⋯个收银一开始已经呼呼喝喝劲冇礼貌， 问多一声， 讲究竟你有冇睇清楚， 我又唔系喺度做， 第一次买问下都唔得咩…当左自己系自动售卖机呀⋯⋯啲食烧卖又l干又腥， 粉果又淋化l到爆，以后我都唔会再买， 冇下一次😡
继续阅读
由于见附近无咩小食店先想试下，当日购买$15 4条肠粉，第一次买，不清楚系咪当落单时需要提出走酱，礼貌地问收银姐姐，而收银不耐烦，态度极差表示：咪有全酱，答人态度差都算，而唔听清楚人地问咩先答，我真系感到无奈。收钱时用八达通付款，我奇怪地见到八达通机上显示负钱，我准备行开时即睇单，收据金额$90，我即向收银提出收多钱，收银态度冷淡，似有点质疑，亦无回覆过我一句，同时厨房出单另一名员工即睇单，向收银讲你收左6份钱，收银先肯理会，慢慢同轻挑表示：咁咪找$75，一句唔好意思都无，当我无睇清楚价钱拍卡，其实真系有需要用呢种态度对顾客？各位仲想帮衬，请一定要记得睇清楚八达通金额同即时睇收据，而现金找续都要小心。首次写食评，因此收银员态度极为赶客，真心为极品员工。
继续阅读
我去咗牛头角附近做嘢，落街买lunch，而最近就系佢！见佢menu超多选择，海南鸡饭、鸡扒饭、通通都有！但系我平时最钟意就系食常餐！因为感觉好多嘢食！所以我就嗌咗个常餐D：鸡中翼公仔面全日常餐 $36， +$3 转出前一丁。好彩好快就有得攞。有一块白面包、三只鸡翼、火腿俺列、出前一丁、热饮。味道好普通，呢个价钱差唔多啦，无乜期望，佢哋将个俺列放入个面度，好似一旧烂布咁。卖相真系差，味道都不值一提，无heart嘅一间外卖店！
继续阅读
俾依间快餐店激到第一次写食评!!!!本人叫左个"奶酱多+热咖啡", 等左7分钟都唔见有, 身边迟过我落order既打工仔都纷纷拎晒d早餐走~ 我走去问个职员,佢答我话:烘紧!然后我等到10分钟,仍然都冇, 我再走去问佢, 另一个职员先答话:我冇依张单,你再等等!然后到15分钟,仍然都冇,我再去问佢:不如我退钱啦~ 个职员先问我:你系要奶酱定奶油??我都同佢地表示,我等到迟到, 佢地一句唔好意思,道歉都冇!!!!我等一份早餐, 等到返工迟到!!!!返到公司, 打开杯野饮, 然后发现佢俾错杯热奶茶我我劝大家打工仔, 千祈唔好帮衬依间快餐店!!!! 俾钱买难受
继续阅读