影片
原来味屋对上一篇食评都系我写架~不过今次有少少唔同，因为我食到我喺呢度的最爱 -- 黑松露鲜杂菌意粉，而狗狗爸爸亦试咗从未点过的炸鸡脾温泉蛋饭。过年前特登问店员农历年几时开市，一问之下至知道佢哋只系喺新年前放半日假，新过年照常营业。于是，我哋就决定新正头要带狗狗嚟支持小店喇！！今次点咗黑松露鲜杂菌意粉同炸鸡脾温泉蛋饭，因为隔离负责茶水的云裳餐厅未开市，所以就冇得加钱点咖啡、奶茶。农历年间，好多餐厅都休息番几日，系得味屋咁勤力，食物仲冇加价添。黑松露鲜杂菌意粉好creamy，意粉份量足，杂菇系鸡脾菇同本菇（料方面，再多少少就好喇~~），意粉入面有洋葱，食完觉得满足。炸鸡脾温泉蛋饭卖相几靓，鸡皮炸到脆卜卜，非常可口。当狗狗爸爸食鸡脾时，我睇落鸡肉亦嫰滑，而狗狗爸爸都话鸡脾唔错。至于跟饭个咖喱汁实在太惹味喇，有轻微辣劲，最后俾我哋食到一滴都冇剩，对比狗狗爸爸之前会点的炸鸡扒饭，呢个炸鸡脾温泉蛋饭系吸引啲~~呢度的户外座位属于云裳餐厅，木制台櫈带有泰国度假风情，座椅之间有一定距离，唔逼夹，所以带埋狗狗嚟开餐都几舒服。新一年，希望小店继续用心炮制美食，客似云来！（呢度啲店员真系超级nice，服务A++）
继续阅读
锦田好多餐厅都食到厌，见佢新开打去试吓，有把好热诚既声音帮你落单，呢个系大部分餐厅都系缺乏既。叫左几个小食(麻辣鱿鱼须，无骨泰式凤爪，生菜包，咖哩牛腩饭，鸡髀同鱼柳捞丁。所有小食都好好味，明显系好有心机整，要特别赞扬下只炸鸡髀，个炸皮真系好正，鸡髀好大只，啖啖肉，又多汁又嫩滑。生菜包有泰式味道好惹味。脆炸牛腩好脆，牛腩香口。最后都要再赞扬一次落单姐姐既服务态度，今时今日已经好少见。希望食物服务一直保持，一定会多帮衬！
继续阅读
喺OpenRice揾到间比较西式嘅食店因为锦田大部份都系茶餐厅去到门口有冷气比客吹住等 同点餐 都舒服 然后女店员好亲切咁介绍有咩好食我就叫咗个黑松露鲜杂菌炒意粉和卡邦尼意粉配温泉蛋 即叫即整 味道好 好香 不过就冇乜饮品可以选择 无餐 只有单点第二日用WhatsApp落单叫咗个黑松露炒滑蛋牛角包配沙律 看到在线上 但回覆有啲慢 我比较心急 想放弃时 都有应机同埋送到门口 感觉都唔错既美中不足系无属于自己嘅特色咖啡或者茶类但会继续帮衬 试多啲款式
继续阅读