影片
开饭介绍
以日本拉面博物馆为概念的拉面店，提供七大日本面食—博多拉面丶扎幌面丶东京面丶函馆面丶别府面丶赞岐手打乌冬及信州拉面。
继续阅读
营业时间
星期一至日
11:00 - 22:00
以上资料只供参考，请与餐厅确认详情
招牌菜
Megabox虽然都几多日本野但大部份都食唔出日式味道而呢间味吉拉面就比较有日本味道今次就叫左辛呢款博多汤底博汤既汤底当然系传统既猪骨风味配上辛调味 汤底味道上尚算可以而面质方面就比较淋个人比较唔钟意作为日本拉面迷当然系钟意硬质既拉面啦叉烧方面就比较普通 而且份量得两块 唔多够随餐会附送水果茶反而水果茶有惊起甜不算太甜又食得出鲜果味整体来讲成个餐都还可以但作为lunch 来讲份量好似不太足成年人应该简特选拉面
继续阅读
Megabox 除左有Foodcourt 同埋顶层果堆酒楼之外，其它层数都有唔少特色餐厅拣。今日晏昼想食日本嘢，就同左同事去Megabox一楼嘅味吉食晏。十二点几唔使等位，直接入坐。价钱唔算太贵， 套餐都系六十几到八十几蚊到。博多黑蒜油豚骨汤拉面日式拉面可以拣要两块叉烧或者一件猪软骨， 最后拣咗两块叉烧。拉面嚟到嘅时候已经闻到好香嘅黑蒜油味， 不过个汤底冇想像中咁黑，个色都几清。面质食落都几好，唔会太淋，好有咬口，而块叉烧都几大块。
继续阅读
夜晚经开零碳天地果头就行左去MEGABOX食晚饭，见有拉面食价钱又合理就入左去试下。门口写住拎aeon卡满$120就有88折。平日既MEGABOX好静，晚餐时间餐厅都系得2-3台客，想坐边就坐边。拉面主要有4款汤底拣，可以加钱配唔同既小食，或者一个面已经包左D配料/小食，价钱就会贵D。除左拉面都有沾面同定食拣。我地两个人各自嗌左一个浓厚豚骨汤底拉面($65) + 蛋($12)同赤吉辣肉碎豚王汤底拉面($65)+吉列猪扒($38)个猪骨汤拉面黎先，汤底望落乳白色好似几浓味咁，但滗起黎质地比较稀，再试一试个味道，食唔到有几浓厚，根本上就系味精汤，个面就煮得岩岩好，佢唔系用幼身果只，面头既木耳都几多，而叉烧有两块，口感唔错，带有少少肥肉，食落几滑同埋好淋。个蛋都几细只，不过做到流心既效果，而且有卤过，系食拉面必选既配料。辛辣汤底有得拣大、中、小辣，我地叫左小辣，黎到见到红卜卜以为好辣，都唔算辣，不过佢只辣系直接攻落喉咙，头一两啖唔系好惯，之后再食就接受到。我觉得辛辣汤底就系猪骨汤加辣油同肉碎，除左辣左同有肉碎咬下其实同猪骨汤冇咩分别。如果呢个价钱既拉面，好食过佢既多的是，而且正宗好多。呢间拉面店食到既味道同质素可以系新式FUSION既茶餐厅都食到，价钱都平D，真系冇必要拣佢。最值得一赞既系个吉列猪扒，个炸皮够薄身，唔会肉同皮分离，大块之余又厚，佢配既系猪排汁，酸酸甜甜，我就比较钟意点沙律酱，成日觉得猪排汁好似跌打味。
继续阅读
同老公行MEGA BOX 行到9点几先舍得去食野，但发现好多餐厅都开始闩门....行行下就入左味吉打算快快脆食碗拉面返屋企，入面都几用心布置，卡位都坐得几舒服，虽然佢地都就收工，但都无好赶客咁款，，餐牌都几多选择，睇左阵先拣到，，老公拣左个北海道牛乳咖喱叉烧拉面，我就要左个博多浓厚豚骨汤拉面，唔洗等好耐两碗面就黎左，食头几啖都觉得正正常常几好味，但食食下觉得个汤好咸，但个面同叉烧本身其实几好味，面唔会太腍，叉烧又肥瘦适中，，如果个浓汤无咁咸就perfect池了，，老公个牛乳咖喱好惹味，其实呢个组合好新鲜，咖喱叉烧都几搞笑，佢都食得几滋味，佢话几好味，，但我都系觉得好个汤好浓，可能个人比较钟意清D不过系几乎要出返MEGABOX揾野食既情况下，舒舒服服食左个拉面都几开心走既时候见到职员同个拖个小朋友既妈妈，帮佢手推BB车又同小朋友玩下，呢到D人都几好，几有爱
继续阅读
#double_面食 #double_九龙湾.【烧鸡翼🎤我钟意食】#🍋👧🏻 早几星期系学校附近食左间日本菜 拉面汤底有豚骨🐖有辛🌶即系辣味 仲有墨汁🦑可以拣~~~~~~~~~~🔹博多特浓豚骨汤拉面🍜加配溏心蛋🥚烤鸡翼🍗拉面虽然不怎么特别 溏心蛋光看样子就知道很好吃了😋还有烤鸡翼 加上了七味粉 加倍惹味－－－－－－－－－🍴餐厅名称：味吉拉面馆 (九龙湾)📍地址：九龙湾宏照道38号Megabox1楼L102号舖.#double_咸 #double_日本菜.#double_official #double_两姐妹#double_mango #double_apple #doubleig #doublefood #相机食先 #hkig #hkgirl#hkfood #hkfoodieblogger #hkfoodie #hklife #hk#hk852
继续阅读