味吉拉麵館 (已結業)

Megabox 除左有Foodcourt 同埋頂層果堆酒樓之外，其它層數都有唔少特色餐廳揀。今日晏晝想食日本嘢，就同左同事去Megabox一樓嘅味吉食晏。十二點幾唔使等位，直接入坐。價錢唔算太貴， 套餐都係六十幾到八十幾蚊到。博多黑蒜油豚骨湯拉麵日式拉麵可以揀要兩塊叉燒或者一件豬軟骨， 最後揀咗兩塊叉燒。拉麵嚟到嘅時候已經聞到好香嘅黑蒜油味， 不過個湯底冇想像中咁黑，個色都幾清。麵質食落都幾好，唔會太淋，好有咬口，而塊叉燒都幾大塊。