影片
上网睇翻哩间餐厅，居然得我一个写餐厅食评!放弃咗隔离街果间愈做愈差嘅皇城, 都总要揾餐厅落脚架, 记忆中味厨唔太差, 系门口睇睇佢地个餐牌又几吸引, 就入去试试!坐底后待应妹妹笑笑口问我D咩, 先猛然醒觉, 相比起皇城D黑口黑面嘅阿姐, 味厨感觉舒服得多.点咗个香浓芝士蟹肉伊面, 一个黑椒薯仔炒牛柳丝饭.优点 :1, 可能好多食客不满意伊面, 因为话就话香浓, 但伊面上枱时一D芝士味都无! 但噤样先令我中意, 因为我好怕闻芝士牛奶味!食okay, 但千奇唔好被我闻到芝士味, 所以哩碟伊面绝对夹哂我口味!2, 伊面食得出有真蟹肉, 伊面无话煮到断开哂.3, 牛柳丝炒得够juicy 同嫩口.4, 冻饮用高身嘅杯.5, 两碟嘅份量适中, 无偷工减料.6, 冷气足够.缺点 : 1, 黑椒略嫌过多, 而且黑椒粒 size 大咗D.2, 叫冻O茶少冰, 变成冻O茶少甜.3, 如果有送外卖服务更理想.
继续阅读