味廚餐廳 (已搬遷) 新店位置

上網睇翻哩間餐廳，居然得我一個寫餐廳食評!放棄咗隔離街果間愈做愈差嘅皇城, 都總要搵餐廳落腳架, 記憶中味廚唔太差, 係門口睇睇佢地個餐牌又幾吸引, 就入去試試!坐底后待應妹妹笑笑口問我D咩, 先猛然醒覺, 相比起皇城D黑口黑面嘅阿姐, 味廚感覺舒服得多.點咗個香濃芝士蟹肉伊麵, 一個黑椒薯仔炒牛柳絲飯.優點 :1, 可能好多食客不滿意伊麵, 因為話就話香濃, 但伊麵上枱時一D芝士味都無! 但噤樣先令我中意, 因為我好怕聞芝士牛奶味!食okay, 但千奇唔好被我聞到芝士味, 所以哩碟伊麵絕對夾哂我口味!2, 伊麵食得出有真蟹肉, 伊麵無話煮到斷開哂.3, 牛柳絲炒得夠juicy 同嫩口.4, 凍飲用高身嘅杯.5, 兩碟嘅份量適中, 無偷工減料.6, 冷氣足夠.缺點 : 1, 黑椒略嫌過多, 而且黑椒粒 size 大咗D.2, 叫凍O茶少冰, 變成凍O茶少甜.3, 如果有送外賣服務更理想.

優點：1, 點咗個忌廉粟米豬扒飯，忌廉芡汁夠香濃美味。2, 豬扒厚度適中，雖未至於厚切，但唔係D偷工減料薄豬扒，讚！3, 卡邦尼雜錦海鮮伊麵價錢平，唔明點解其他餐廳嘅卡邦尼意粉下下要70~80蚊！4, 凍0茶用大杯，份量夠。5, 兩碟都叫佢加芡，真係會加芡汁，忌廉粟米芡汁更啱自己口味。6, 座位坐得舒服, 枱面Design唔錯，服務唔錯有笑容。失望：1, 飯粒煮得太爛，我中意一粒粒飯粒口感。2, 卡邦尼雜錦海鮮伊麵用嘅係雪藏雜錦海鮮，當然無哂鮮味。3, 廁所好似塞滿雜物用唔到。4, 四維望，都搵唔到餐牌。5, 食西餐無碗西湯，硬係感覺有所欠缺。