味千拉麵 (已結業)

下午約左朋友出黎行街...兩個人極餓之下...入左呢度食我地都好幾年冇食過...試試先相撲拉麵: 湯底ok...好香豬骨味...不過飲完就有d喝麵質係完全唔得...極淋...完全冇咬勁...好似食緊公仔麵咁其他配料係可以既...除左o個兩片日式叉燒...勁鞋連加一差唔多$50...下次都係去其他食店算

第一次寫食評!我很喜歡吃的哦!希望與大家分享不同種類的美食!pic1:那裡的coffee非常香濃.糖不會過多.但milktea便相反.糖過份多.!pic2:豬軟骨拉麵.$ 35給人騙了啦豬軟骨少得可憐.只得兩件.媽媽都開口罵呢.pic3:味千拉麵(半客)(茶餐)$ 20:想反.這個拉麵比豬軟骨拉麵好.麵的份量也得適合胃口小的人哦.pic4:冷麵(茶餐)$23:天哪!!!!!!!it's really really really salty!!!!!千萬不要嘗試這個!!!興別的味千拉麵作為比較.沙田的那間差很多!所以大家可以去其他分店吃哦

正常拉麵好食,,,但早餐食左個 雪菜肉絲+沙嗲牛肉麵..碗巳經夠細..份量又小..味道又中下..湯底見住廚房拎住d奶,,推斷係落左奶係d湯,,所以有陣奶味..但只係第1啖新奇感..之後無乜特別..係落單前問佢凍利賓納係+幾多,,,服務生有d遲疑答兩蚊,,但落完麵之後,,再決定係飲凍利賓時,,佢寫+3....杯野仲要好淡..落濃縮支野小好明顯.個男生單係計佢真係好傲慢..唔知未訓醒定點啦...整體真係10$都唔會食..早餐好重要,,,可以係準備開工前放鬆心情既餐,,亦可以係挨左成晚通宵慰勞自己既餐..唔可以食到A面..

呢間味千拉麵, 招呼唔錯一行入來, 不論經理或一般侍應, 都幾好笑容不論點菜, 上野, 埋單, 都幾有精神的豬肉生薑燒 $45, 份量好似少左, 但味道可以KEEP到相撲拉麵 $45, 以為好大碗的, 但上來到又同一般拉麵無乜分別配料有兩片鳴門卷, 一隻炸蝦, 一隻福袋, 加上粟米和紫菜無叫其他小食 / 飲品, 連加一 $99, @50一位, 老實講, 價錢係偏貴的

收工來呢度食麵，呢次好夠膽的試個特色冷麵，而工友則點左個九州辣麵，再share一份金菇牛肉卷﹗牛肉卷做得很不錯，薄牛肉仍帶點點嫣紅，六至七成熟左右，食落軟熟肉汁豐富有牛味更充斥金菇的濃烈清香，好味道啊﹗工友的九州辣麵，未食就咁睇都知勁辣，我伸個頭埋去聞一聞，味道是辣得叫人流淚的，麵上有半隻鹵蛋同埋一0的叉燒咁，不過0的餸全部都係配角，成碗麵既靈魂係在湯上的一大舊超辣辣醬，應該是辣椒與少少肉醬既混合物，搞開佢成碗麵即時紅噹，嗜辣既工友一路吃一路要抹鼻涕，可知一二﹗佢話呢次係佢第二次食呢隻麵，辣得超過癮，有興趣挑戰自己的話可以一試﹗我就清清地叫左個冷麵，賣相相當骨子，面頭有青瓜絲、蛋絲蟹柳絲及雞扒，醬汁酸酸甜甜的十分開胃，最正既係0的冷麵相當彈牙有嚼勁，條條分明晶瑩順滑，一路食一路感受不知不覺已成碟食鬼哂﹗值得一試再試的美味﹗呢餐一人都係六十蚊，好吃的食物就叫人開心，有咩煩惱都係聽日再算吧﹗

之前有日想食拉麵，在新城市找找找都找不到，仲以為執了，原來呢度有一間﹗我點了一個秋葵海鮮拉麵，而工友就點左個麵豉拉麵﹗再加多個蒜片牛肉粒做小食﹗先談湯底，飲落很有豬骨濃香，不嗆喉，好味﹗麵身彈牙有嚼勁，最緊要係佢有蒜粉俾你任落，我呢0的蒜怪倒左大半樽落去，好惹味呢﹗海鮮係青口、墨魚仔，都係普通冰鮮野啦﹗仲有條無味既蟹棒，送料真係一般﹗蒜片牛肉粒勁多炸蒜，牛肉炒得老左少少韌韌地，不過又係多蒜既關係我很喜愛﹗睇到呢間野個店長管理得很好，全部員工都好有禮貌同埋有規矩，連傾計講笑都唔會，很難得呢﹗

9月23號，六點先掛八號波，從國內立即回港避風．有些食肆關了門，行到沙田廣場，見到新開的味千，未試過，因平時好多人，今日得幾枱客，便入去吧．看Menu都有幾多食物選擇，要了個粟米拉麵．個麵湯幾好味，麵同粟米都得，但那兩片叉燒簡直係兩片肥豬肉．另要了一支橙味有氣飲料，都幾好飲．今次無帶相機，所以沒有影相．總結是味道不錯，除了那兩片肥豬肉，下次都會去(等不太多人先)，因想試一下他們的便當．價錢中等，新城市價錢．

睇完新城市既鳥巢相展，過黎食晚飯！小巴黎走了，經數星期裝修後，味千拉麵現已開張。 味千拉麵 - 本來老婆想要豬軟骨，但最後還是選了叉燒。叉燒入味有四塊，肥瘦適中，配有雞蛋和芽菜，拉麵稔稔地，豬骨湯夠熱夠濃，唔會鹹。 麻辣牛肉拉麵 - 牛肉新鮮但肥，拉麵和湯底同上，加有麻辣紅油，但並唔太辣。 店舖細細的人流多，都幾迫，人手亦似乎唔太夠。