味千拉麵 (已結業)

最不滿意的是湯麵的湯和配料是凍的，實在不可原諒，見他的廣告大賣誠意，吃完卻不見任何誠意所在，更見廣告欺人之嫌，失望。

琴晚0係度食,我叫個南瓜拉麵,男友就要香蔥辣麵,另外叫0左2個芝士焗蠔~個南瓜拉麵都几得意,清清地,冇肉的,但只得3塊南瓜肉我覺得少0左d.南瓜用天婦羅方法整,再放在麵上,湯底應該係普通豬骨湯,但加0左d南瓜色(我唔覺個湯有南瓜味...)湯入面又加0左金菇,冬菇同蘿蔔絲,都可以試下.個香蔥辣麵要少辣,但都已經好辣,冬天食完成身暖哂...個焗蠔都几好食,芝士下面夾0左洋蔥同煙肉,隻蠔都好鮮甜~服務都唔錯~有求必應,環境都ok,係迫0左d,但冬天咁凍,迫d 感覺更溫暖...

前兩日去同男友食叫左一個面豉拉面，一個炸豪同埋一個味千拉面唔使點等位同埋d服務態度幾好d野食都黎得幾快同埋個豪好好食，仲好熱呀~呢個價錢都算係咁

今晚同朋友0係度食,4個人,一人一碗麵再加2個小吃.4碗麵包括:大蝦拉麵,豬軟骨拉麵,帶子拉麵同豚肉拉麵.小吃就係:手造餃子,韓式八爪魚.總共食0左180蚊.個大蝦拉麵賣相唔錯,隻蝦真係好大隻...總共2隻,但係大到可以食得飽的,麵放0左辣醬,配埋d蝦食,都好野味.豬軟骨好軟,煮得好入味.帶子拉麵好多料,d帶子鮮美,不過帶子裙好似多得濟.豚肉拉麵0既豚肉好滑同好多...個餃子等0左好耐都未有,問第一次,個女仔check都唔check就話上緊架喇,等多陣.等到食完咁濟再問,問番幫我地落單個男仔,佢先話"oh,唔好意思,唔記得落單"....之後個男仔俾部長鬧,但我覺得抵鬧0既係個女仔囉...上之後,出哂煙,好夠熱.d餃子几好食,皮好薄,餡好多,仲有d蒜味呢~而個韓式八乏魚就一般啦,係泡菜味,不過同八乏孫好似唔太夾.今晚食得都ok啦,雖然佢都有做錯0野,但其他方面0既服務都唔錯,加茶加得好密,都叫有禮貌.

今晚同男友0係度食,由於几肚餓,都几0左几多0野.我地叫0左日本芥辣八爪魚$18,唔知咩熊吉定吉熊炸蠔$25,豚肉拉麵$36同辛冷麵$37.個八爪魚几好食,不過好辣...哈哈,而芥辣配青瓜又几好食喎~個炸蠔就中般即,一碟5隻,但係超細隻,大概半隻腳趾公咁大啦,又冇咩蠔味,佢提供0既燒墨魚醬太濃味,點太多就遮哂蠔味喇.個豚肉麵都ok,d肉好滑,佢又切得好薄,不過有d好碎,搞到賣相冇咁好.個辛冷麵其實試過,不過男友鐘意所以再食,但今次好似辣0左d,越食越辛苦...哈哈埋單差不多數$130,我問佢地點申請會員卡,佢地話加20蚊就得,所以就加0左20蚊做會員喇~

被迫入咗去食,被同行人捉(沙田新城市分店)第一次食味千,因為一直認為佢唔會好食果然不濟,畀我預期更不堪其他嘢費事講啦,碗拉面無論湯,麵,料都完全唔掂,難食到極,實在係試過既數一數二的差

?呢度d湯麵算係ok,因為始終都係港式日本野,唔可以要求好似正宗個d日本拉麵店既質素。湯低清一色豬骨味,真係白色湯底,不過好濃好咸,食完好口渴。反而個冷面好味,d汁好清,夏天食落去真係透心涼,d料又多,有火腿有青瓜有蟹柳有蛋絲等,唔洗下下食豬軟骨咁強嘛!而d小食就普通啦,唔係好抵,碟碟都好細碟。

湯麵唔夠熱，日式叉燒又肥都死。六點半入到去，叫個算幾熱門下o既金菇肥牛都話未有o既，點做生意呀

好耐冇食, 因為難食!D湯麵唔夠熱, 粗製濫做…又唔抵又逼…

上次在此食個炸南瓜,又好味又大碟,而且食落唔似先烚/ 蒸後炸,所以口感幾好;不過佢o既乜乜蟹就唔得啦,好似呀媽d 蒸肉餅咁,又冇乜蟹肉...食唔過.仲有,豬軟骨好咸呀!!!! 都係食番我最愛o既栗米麵同金菇牛肉卷穩陣d.點都好,我仍然係喜歡食味千的...而且呢間分店好似有個操流利日文的女侍應,上次佢送o左好多炸雞比我地呀!!好開心,哈哈.

我未食過這麼難食的麵，我一向大吃，但當日到味千拉麵吃麵，我只吃了兩口便停口了！然後再到麥當勞醫肚！真是自己煮的公仔麵仲好吃多倍！

如果食過橫綱拉麵你就知點解我試過一次味千拉麵就決定`No Next Time`。因為味千拉麵的麵鹼水味太重，麵質唔爽，最重要的湯都唔得。除了宣傳出名之外無什麼特別。

當年少不更事去過..大大話話都有三年囉..我從來唔覺得好食wor~<br>"味精拉麵當之無愧,,最緊要一樣o野係價錢同質素係反比,仲貴過橫綱不過橫綱正過佢o地多多聲<br><br> 到o左今時今日都仲咁多人排隊,真係難明! 人點都唔會停留在某一個階段..<br>

很多出了名後的食肆都會有品質下降的情況,而分店越多的越會是。

唔知係咪D 餐廳一出o左名就會差o左o既呢?? 味千可以話係表表者，開頭食o既時候真係好正架喎，服務又好，o野食又唔錯，大件夾抵食，但宜家.. 全部相反囉，唉..