影片
今日晏昼喺马鞍山叫咗味千拉面嘅外卖，系由西沙go park过嚟嘅同平时嘅面类外卖唔一样，佢哋个兜好大，原来系附赠左一个加热包，令到成个外卖嘅感觉好似高级咗。不过其实外卖嘅距离都系比较近，所以我觉得呢件事唔算太有必要。因为佢送到嚟嘅时候啲汤都仲系热嘅，所以最后我哋都冇用到佢个加热包，但系都欣赏佢哋嘅诚意。我哋叫咗一个职人叉烧拉面，味千之霸同埋加咗三只饺子。两个嘅汤底都系差唔多，豚骨汤底，但系味道比较淡，面质亦都冇乜咬口。佢嘅叉烧好大浸猪骚味，$88嘅拉面只系得两块薄片叉烧，有少少吝啬。另外叫嘅小食：三只饺子，都算大粒，味道正常。味千拉面已经系小时候嘅回忆，而家再出现，好似已经有啲过时，当香港周围都开咗好多日本过江龙拉面之后，港式日本拉面实在比不上。而且佢价钱又唔系平，下次食拉面可能都宁愿会俾贵少少食第二间。
继续阅读
今次嚟到西沙 GO PARK，入咗味千拉面食个轻松lunch。除咗拉面，定食选择都几多，叫咗个豚扒铁板滑蛋定食，加杯饮品都唔算贵，性价比中规中矩。🐷 铁板滑蛋吉列豚定食 $68吉列猪扒即叫即炸，外层香脆，炸浆唔厚，猪扒厚薄适中唔算鞋。底层滑蛋热辣辣，蛋汁捞饭几掂，不过调味偏淡，如果多少少酱汁会更惹味。定食配埋白饭、渍物、汤，份量刚好。🍹 蜂蜜百香果茉莉绿茶 $12（加配价）酸酸甜甜，入口清新，有百香果味，不过几解腻，配炸物都算夹。环境方面干净企理，出餐速度快，啱晒打工仔或者想快快食完行街。
继续阅读
自从食咗日本拉面之后 好耐都冇再食过港式嘅味千拉面 早排去到airside放狗 见到入边本身都冇乜舖头好拣 所以就食咗呢间味千拉面 同朋友一人一叫一碗味千之霸 再加碟饺子 贪佢乜都有 味道不过不失就系好基本嘅港式拉面嘅猪软骨汤味 唔可以期待太多
继续阅读
味千拉面🍜我细细个就听过呢个名啦😊年纪越嚟越大，佢铺头既数量就越嚟越少🫢估唔到系新区域Go park竟然会见到味千拉面既足迹👣咁耐冇帮衬就要试下佢味道如何先啦🤗😋味千之霸汤底系浓厚猪骨😊猪软骨好入味又够淋👍🏻叉烧薄切易入口😚面质唔会太淋有口感🙂😋鸡白汤鸡扒拉面鸡白汤系我最钟意嘅汤底，佢呢度嘅鸡扒汤都整得好浓郁，鸡扒㶶㶶地有焦香味🤫舔舔脷指数👉🏻6.5😋/10😋满分 可以一试😋
继续阅读
我谂味千拉面绝对系80后嘅回忆，「好食」呢两个字从来同呢间拉面舖毫无挂钩，尤其是依家当街当行都系出色嘅拉面舖，味千拉面由高峰期每区都有多间分店，到曾经执净一两间，我谂真正既香港人都睇得出问题喺边度，最近见佢哋「死过翻生」，今日去到西沙个商场竟然见到有间「味千拉面」？既然一个咁高格调嘅地方都遇到你，咁我同女友就觉得都系一种缘份谂都唔谂直接冲入去试吓佢到底系咪仲keep住味千20年前嘅味道！餐单：猪骨汤叉烧拉面野菜酱油拉面加钱小食炸鸡价钱小食饺子基本上唔需要逐样嘢品评佢哋嘅味道！你食到嘅只有一味死咸嘅味精汤！冇错，系一饮落去就知系味精既汤，拉面冇弹力，又未至于20年前嘅水准，但系相比市面上求其一间以拉面为主既拉面舖，我相信水准都未至于去到咁，就等于你入去一间乜都有嘅日本餐厅嗌咗碗拉面食咁嘅水准，我谂大家都明个味道大概系点！炸鸡基本上都系超厚嘅炸粉，根本食唔到鸡味，饺子反而系中规中矩最冇嘢好挑剔嘅一度𩠌！食完嘢行出嚟已经感觉非常口干，咁大家谂吓到底攞咗几多味精去整𠮶个汤底！相隔20年，大锣大鼓开返咁多间分店，大家都以为你「改过自新」，结果又系令人失望！拉面来说冇错价钱系好平，但我真系唔介意俾多少少钱，去食一碗好好食嘅拉面！而唔系食完一次中伏冇回头！再见啦，味千拉面✋✋✋真系冇下次！
继续阅读