影片
自从食咗日本拉面之后 好耐都冇再食过港式嘅味千拉面 早排去到airside放狗 见到入边本身都冇乜舖头好拣 所以就食咗呢间味千拉面 同朋友一人一叫一碗味千之霸 再加碟饺子 贪佢乜都有 味道不过不失就系好基本嘅港式拉面嘅猪软骨汤味 唔可以期待太多
继续阅读
味千拉面🍜我细细个就听过呢个名啦😊年纪越嚟越大，佢铺头既数量就越嚟越少🫢估唔到系新区域Go park竟然会见到味千拉面既足迹👣咁耐冇帮衬就要试下佢味道如何先啦🤗😋味千之霸汤底系浓厚猪骨😊猪软骨好入味又够淋👍🏻叉烧薄切易入口😚面质唔会太淋有口感🙂😋鸡白汤鸡扒拉面鸡白汤系我最钟意嘅汤底，佢呢度嘅鸡扒汤都整得好浓郁，鸡扒㶶㶶地有焦香味🤫舔舔脷指数👉🏻6.5😋/10😋满分 可以一试😋
继续阅读
我谂味千拉面绝对系80后嘅回忆，「好食」呢两个字从来同呢间拉面舖毫无挂钩，尤其是依家当街当行都系出色嘅拉面舖，味千拉面由高峰期每区都有多间分店，到曾经执净一两间，我谂真正既香港人都睇得出问题喺边度，最近见佢哋「死过翻生」，今日去到西沙个商场竟然见到有间「味千拉面」？既然一个咁高格调嘅地方都遇到你，咁我同女友就觉得都系一种缘份谂都唔谂直接冲入去试吓佢到底系咪仲keep住味千20年前嘅味道！餐单：猪骨汤叉烧拉面野菜酱油拉面加钱小食炸鸡价钱小食饺子基本上唔需要逐样嘢品评佢哋嘅味道！你食到嘅只有一味死咸嘅味精汤！冇错，系一饮落去就知系味精既汤，拉面冇弹力，又未至于20年前嘅水准，但系相比市面上求其一间以拉面为主既拉面舖，我相信水准都未至于去到咁，就等于你入去一间乜都有嘅日本餐厅嗌咗碗拉面食咁嘅水准，我谂大家都明个味道大概系点！炸鸡基本上都系超厚嘅炸粉，根本食唔到鸡味，饺子反而系中规中矩最冇嘢好挑剔嘅一度𩠌！食完嘢行出嚟已经感觉非常口干，咁大家谂吓到底攞咗几多味精去整𠮶个汤底！相隔20年，大锣大鼓开返咁多间分店，大家都以为你「改过自新」，结果又系令人失望！拉面来说冇错价钱系好平，但我真系唔介意俾多少少钱，去食一碗好好食嘅拉面！而唔系食完一次中伏冇回头！再见啦，味千拉面✋✋✋真系冇下次！
继续阅读
味千拉面 gopark滑蛋吉列猪扒饭蛋浆滑口软嫩，略为有啲咸。吉列猪扒肉质松软带淡淡猪肉味道，而炸浆脆口干身少油腻。煎饺子猪肉馅料味浓少咸，馅皮烟靭可惜煎煮未够香口，配柚子汁酸酸甜甜好味算补返数。凉拌菜酸甜惹味，够醒神开胃，份量略为太少。例汤欠缺诚意，似饮盐水汤，下次可以唔使考虑。白饭味道浓郁有饭味，口感软糯带点点粟米味道，似乎系使用东北大米代替珍珠米。餐厅日式设计，简洁明亮座位略为逼夹，碗筷杯碟自助形式，碗碟清洁干净。
继续阅读
排咗差不多45分钟队，有枱又唔入人，入面忙得滞，见到啲同事好攰。有个客人抱住小狗嘅，因为外面张枱未清，佢又要再等过，后面𠮶啲入晒先至再慢慢帮佢，其实都几老土。，啲汤底好难食，仲差过自己喺屋企煮，个鸡翼同个饺子就做得几好。叫咗个锅，不过啲猪肉有啲臭味，叫佢换咗佢，又冇得拣换啲乜嘢，想拣返自己钟意食嘅嘢，又话只可以拣返一样，又做唔到退钱因为已经俾咗钱。食得好唔舒服同唔开心。之前都喺外面食过味噌，呢间真系唔系太好食，唔知系咪冇跟返总公司个汤底调配。
继续阅读