味の俱樂部

仲有一張團購券，都要硬住頭皮用埋佢唔好嘥，點知都係一肚氣，仲激氣過尋日，好彩本小姐預咗，早有心理淮備，唔係實監生激死咗！又係同一個女人招待，攞晒啲menu來，可能佢預咗我唔會加錢換餐，所以無再多講。但其實我有諗過加錢換餐，因為知道又會俾佢黑面，而且天氣成３０度，無杯嘢飲下真係好攞命，不過見佢面咁黑又無禮貌，實在唔可以助長佢，所以要返團購餐。點知佢真係離譜到交關。佢話：”牛肉鍋要等好耐，你都係趕住返工，唔想阻時間咖，不如叫海鮮鍋啦，唔係有排等咖！”仲要，無晒雞軟骨，仲喺我面前劃咗佢，剩返其他，咁你之前唔劃既？連呢啲都要諗縮數，其實老實講，一串嘢+一個鍋$39其實都係普普通通，唔係平，你仲要咁樣牛肉又要慳，雞軟骨又要慳，真係離晒大譜！咁樣做生意邊到得咖？我唔上open rice公告天下，點對得大家住？海鮮鍋來咗，得兩圈魷魚圈（無錯，係兩圈，兩隻都無！）、蝦毛一隻、蟹柳一舊仔，咁就話海鮮鍋，出手真係太低！仲有蕃薯串得兩舊，仲衰過雞軟骨串，真係太過份！再講味道，海鮮鍋淡mou mou，無來味道，蕃薯又乾又硬，來呢度簡直個人同個口都活受氣！呢度連$39都唔值，何況$102？一定要來呢度投訴！如果你出唔起手，唔該唔好set個餐上團購賣！Set好咗唔該你好好做生意，唔係搵機會hard sell其他。做生意好靠人話俾人知，你咁樣只會臭名遠播，好自為之啦！…查看更多

又中團購禍！！！打電話去訂位，攪到成肚氣。上星期五打去訂星期六、日、一、二，無位。我問咁點啊？好話我唔早啲打來，到臨到期先打來，無位怨得邊個！真係可怒也！記得之前打過都話無位，我先一直拖到而家。個女人跟住話咁中午來食啦。我買咗兩張團購券，唯有分兩日去食，我話訂一位，佢仲要覺得好奇怪咁，唔得咩？個地點難搵，仲要原來係私人樓宇二樓，仲要無lift搭，要行一條勁窄多雜物樓梯。上到去禁鐘仔，有個女人出來開門，入咗去坐，叫嘢食，佢俾份menu來，勁sale加錢換其他餐，唔係加幾蚊／１０蚊８蚊，係要閒閒地加幾十蚊換餐，有無攪錯，coupon明明話個餐值$102，咁其他餐咪$200譜！好啦，我話唔轉，要返原本個餐，佢即刻黑面，語氣又差！仲要加句話：牛肉鍋要等，可能要幾個字咖！(實情係時間係12點半，仲早，根本得兩三張枱仔，唔係多嘢做，無可能要等咁耐。）本小姐就係要叫，絕對唔可以助長佢借團購hard sale加錢換其他0既風氣。團購價＄３９，個餐可以揀：牛肉鍋／海鮮鍋一款串燒我揀咗牛肉鍋＆雞軟骨。牛肉鍋：個鍋都幾細，一隻手咁大，仲要醎到不得了，團購價都係剛剛好，話佢值$102？無可能！雞軟骨串：得一串咁大把，又係勁醎，普普通通，無特別。最特別係水都唔俾杯你，佢特登唔俾你，等你叫嘢飲，我都特登唔叫，飲住牛肉湯頂住，寧願出去另外買嘢飲。唔可以助長呢啲風氣。食物差，服務又差，不知所謂！…查看更多

經團購買了一個39蚊火鍋+一串串燒，本身都唔抱住有咩期望架啦，因為之前睇過下d食評麻麻，但買咗都要去食下，上到去沒有特別裝橫，坐咗好耐一杯水都無，要問先俾你，仲要狂sale加錢轉d貴價餐，但本人覺得唔係好抵，之前又未食過，所以都係食個團購嗰個先再算兩個鍋嚟到係好細架，一個煲仔飯煲咁上下，d串燒似返小小樣啦，但唔知點解佢樣樣嘢都係好咸囉，可能想d人叫嘢飲啩，個鍋細到好難想像佢原價係88蚊囉，味道好普通，一定唔係d咩高級食材，連烏冬或飯都無碗，39蚊都覺得唔係好值，心諗好彩無加錢轉貴價餐者另外，服務態度都唔多好，因為我同男友叫咗兩個唔同嘅鍋，咁問個侍應俾兩隻碗啦，佢第一個反應就係答我，咁都仲要碗呀，我覺得真係好無禮貌囉，你擺團購都係想人哋幫你宣傳下者，食物已經唔好，但你服務都無，本身我都唔係會唱衰食店嗰d人，不過呢間真係要同大家講千其唔好幫襯，團購見到平都唔好諗住試，我哋用平價買餐食者，你唔係free俾我架，唔加錢轉係我哋自由囉，一唔加錢轉就態度轉差，真係不知所謂﹗…查看更多

講起就扯火！嗰晚同個朋友去食團購日式鍋啦，咁有個海鮮蔬菜鍋同牛肉鍋，其實食落就好普通，算啦，團購價 $39，當普通食餐飯。但啲 service 真係唔知佢想點！我哋上到去都十幾分鐘水都無杯，算，呢個比較 minor。但真係細鍋咗少少唔多夠食。咁本身個 set 係有飯嘅，咁去到你話無咪無囉，但你過兩分鐘補咗句：飯送完無架喇，加多 $10 就有飯。嘩，大佬，咩態度！？唔送飯咪唔送囉，cwb 咁多嘢食我一定要係你度先有飯食架！？我係要洗多 $10 先飽都唔益你啦！頂．．．中間嗰行就係燒蕃薯，我會用「兩個硬幣」嚟形容佢個體積。食完條粟米有啲渣涉咗入牙罅嗰刻先知咩叫做「涉牙罅都唔夠」．．．…查看更多

團購$39火鍋, 同之前評價一樣, 菜肉各兩件, 無跟飯, 仲要超咸食完好似冇食過野咁加咗杯可樂, 要$20真係嬲到陣.......樓上CAFE, 招牌都冇個, 點招客? 團購俾佢呃一次, 都唔反返轉頭佢係一個住宅入面, 好奇怪佢仲有酒賣的…查看更多

真可惜, 用Beecrazy coupon的一餐地方一d都唔就腳, 好難搵!上到去要人加錢upgrade, 仲話唔upgrade就要等得耐...最後冇upgrade到,,足足等左差唔多成個鐘先來到一個牛肉鍋... 真係呆左..味道...超普通!! 39蚊食鍋咁ge野...吉吉家抵過佢啦..服務態度都係一般, 落完單知道唔upgrade, 佢就好似彩你都傻咁...…查看更多

BEECRAZY的COUPON $39 , 去啦....一D都唔近MTR,講就在CAUSEWAY BAY ,其實在天后圖書館過2條街冇明確的招牌,難搵,好偏僻!上到去一條友都冇,已經怕,之前見到個WAITER,定老板?樣都幾令人害怕.....之後,佢立即叫我地飲SOFT DRINK,我聽到佢話包的!因此,我女人唔飲凍野,都叫左2杯 !一路都幾好客,2個鍋都有叫,等緊時,發覺其他店員躲在里面,加上寧靜....氣氛好差....上菜同上面其他師兄差唔多,不過,我地的好似多菜,幾片肉....味道普通!!我地心想,快D食完走,之後,佢來收野,我地起身走,佢裝裝我地,心急地走出來同我地講要埋單!下?埋咩單呀!原來係SOFT DRINK !仲要 $ 36 !!!營商手法,令人側目 !!!一定BLACK LIST !!!…查看更多

團購瘋系列 -- 近排頗為喜愛上團購網站搜羅一些與飲食有關的優惠券，兒子放洋留學使外幣，兩老留港自然係使已貶值到無可再貶的港元，不過儘管港幣唔值錢，也不應胡亂花費。現在百物騰貴，通賬加劇，就算外出用膳，也盡量以檢樸節約為原則。當然購買團購券存在一定的風險，所以選購時亦要加倍小心。某日看到有團購網站推出一間叫「味の俱樂部」的 $39 日式私房火鍋 + 日式串燒一人套餐，先上 OpenRice 看看口碑，原來此食肆是間新開的餐廳，當時亦只得一個笑臉食評，不過見價錢那麼相宜，也不妨一試，所以亦購入了兩張聲稱原價為 $102 的兌換券。後來在開飯網站陸續看見有購買了此店優惠券的食家之食評，發現竟然彈多讚少，心中不免有點納悶，不過既然已買了，就以平常心處之吧。星期五晚上，預約了八點用膳，等埋老公收工，由天后站步行往摩頓台。原來這食店是位於一幢商住兩用的樓宇之內，大廈門外連一個餐廳水牌也沒有，相信若非做了團購推廣，單靠顧客口碑，實難以想像會有多少人懂得自動找上門來呢！訂座當日，剛巧客因故障而被封閉，我倆只得沿樓梯步行上餐廳。在長走廊找了一會兒，見其中一單位鐵閘半敞，門外貼上一張印有餐廳 logo 的紙張，噢，是這間了。原來內裡顧客也坐得七七八八，當然嘛，畢竟據網站统計，有二千二百多人購了此項優惠啊。熱情的女店員以親切的笑容招呼我們坐下，先以日式茶杯奉上清水，然後細心地介紹此份團購套餐的選擇。原來店主早已預備了另一份包括有前菜、沙律、炸物、鹽燒鯖魚、鍋物、生羗燒、果物等的二人套餐，看來十分豐富，若想轉換此餐單，每位顧客則需另付 $45， 是否更換，悉隨尊便，不過店員沒有太 hard sell， 亦沒有因你不改選此份晚餐而變臉，仍保持良好的服務態度，值得加許。說回我倆的火鍋串燒套餐，其實幾乎是無得揀，只有海鮮野菜鍋和牛肉火鍋，當然是各點了一份。至於串燒方面，有雞軟骨、燒雞腎、燒銀杏、燒冬菇、燒蕃薯、燒粟米可供選擇。點了雞軟骨和燒雞腎各一串，先加入少許檸檬汁，串燒入口雖然欠了點炭燒味，但熟度烤得恰到好處，尤其是雞軟骨油份充足，軟骨位亦夠咬口，吃來鮮嫩味美，相當不錯。至於雞腎串燒，味道也不算差，入口帶點甘香，只是略嫌口感較韌。至於兩個鍋方面，與團購廣告宣傳句語上所提到的 “日式火鍋，自己一爐，齊齊烚下烚下，滾多幾回” 大相逕庭，開頭還以為晚餐是火鍋形式，原來只是煲仔鍋物，不過每個鍋都有一碗白飯跟餐，以我倆的食量來說，份量還算挺適中。先說說海鮮野菜鍋，其實內裡材料也不算少，包括有魷魚、青口、蝦、冬菇、金菇、小唐菜、椰菜、豆腐、洋蔥等，湯底入口頗為清淡，而各樣海鮮的鮮甜度亦只是一般，當然較便宜的蔬菜，份量自然放得較海鮮慷慨，整體味道，較適合愛清爽口味的食客。至於另一款牛肉火鍋，蔬菜的份量和款式大致上與野菜鍋相差無幾，只是把海鮮換上牛肉，以這個價錢來說，牛肉的級數只屬一般貨式，當然嘛，一分錢一分貨，幸而牛肉吃來並沒有過韌或過嚡的口感。至於湯頭方面，個人覺得醬油味極重，鹹度略高，不過老公愛吃濃味食物，而且以濃湯伴飯，鹹香惹味，也算不錯。 若單以兩份團購餐來說，味道雖不算特別出色，但也不過不失，論價錢和質素方面，與一般連鎖快餐店亦不相伯仲，當然如果以所謂正價的 $102，相信大家都寧願去酒家打邊爐好了。值得一提是這裡座位比快餐店寬敞，女店員做事亦甚為勤快，加上店裡裝有超級大電視，可邊吃邊觀賞，也不失為一個可轉換口味，嘗新的好地方。…查看更多

食物質素：牛肉鍋味濃，伴飯好食。海鮮鍋一般，溫度夠熱，但用料一般。串燒有雞軟骨、雞腎、粟米、蕃薯、菇選擇，味道不錯，上菜溫度適中。總括，味道可以接受，但食物的份量比較少，約半碗飯，男士食一定唔夠，可以改良一下。不過，店主有禮，著重食客意見，服務態度值得一讚！…查看更多

這是第二次用膳.Bees Crazy的優惠, $39 一個窩和一串串燒.第一次去的時候,都幾難搵.因為是住宅,要由不同的門口入.最近而有看更的在7-11隔離的AB座入口.右手邊樓梯上一層便到.一樓樓梯外有指示的.個單位不算大.不過幾欣常裡面的設計.用不同的架分隔了兩個區域.有一部投影機.大大的將電視投在牆上.不過,重要的是個廁所都幾大幾乾淨,只係太大好浪費位置....講番食物.這個是海鮮窩,湯底幾清,最值得讚的是豆腐真的好滑好好食,d菜很多, 對於我那吃菜的朋友好開心.且有r日本蔥,好好食,牛肉窩的湯底偏咸.第一次去的時候沒有白飯.但今次去,配著珍珠米的白飯,真的好夠味,我較喜歡食洋蔥,很好....這是他們的串燒...抵唔抵就見人見智...不過,朋东們勁愛吃他們的雞軟骨.因為唔硬,同埋好夠味,仲有少少檸檬汁,十分好食.約12元一串啦.叫多了幾串食都唔覺嫌因為唔太夠飽...bee crazy的唔跟飲品,得個窩同埋一串串燒.所以叫了其他嘢食, 發現最抵食了方法.不過沒影相.叫了生姜豚肉飯定食.68,元.前菜是八爪魚仔. 仲有粟米沙律. 勁鍾意個生姜豚肉飯, 個汁勁好食.唔竦但好香.d洋蔥同豚肉真的好好食..加埋杯嘢食.勁正..且有個好得意的玩具....唔俾攞走...隻手勁得意.....Total買了十一張優惠卷, 己經用了9張.仲吃過烏冬,鯖魚.(這個硬了少許), 炸蠔.....他們有茶飲的...叫了玄米茶......因叫了許多炸物,最後318找數.(6人)總括而言,唔算好抵食,但我地坐足兩個鐘,店員不斷加水.仲要係暖水.同埋不斷的改進....仲有是有wifi的...不過要問他們攞PW幾個約埋上去是不錯的...…查看更多

上個月約幾位好友慶祝朋友生日, 第一次光臨這食店. 環境乾淨, 服務周到 我們點了不同類的食物 豆腐胡麻沙律 串燒: 牛舌, 雞軟骨 燒物: 雞泡魚乾 – 香脆, 與啤酒最佳配搭 燒大蝦 – 香口 炸物: 芝士年糕 - 脆口鬆軟 吉列蠔 - 香脆 火鍋: 牛肉火鍋 + 烏冬 – 份量十足 時令生果拼盤 總括來說, 按食物, 服務的水準, 交通方便, 價錢合理. 可以值得再去…查看更多

在Beecrazy見到這間餐廳的團購見HK$39(原價HK$102)，我買了兩張。我地選了肥牛同海鮮各一個肥牛鍋, 湯底偏甜，只有4小片牛，同埋少少菜，豆腐，菇份量少(其實係唔係因為優惠價先得咁少牛?)而海鮮鍋，湯底偏淡，有一隻蝦,一隻青口,兩隻帶子，同埋少少菜，豆腐，菇，份量中等...個鍋好無飯或面跟...根本食唔飽....(不過，以HK$39計，都算OK)兩個串燒無咩特別...之後叫左個牛肉拉麵餐HK$68，d烏冬好"林"，湯底普通...價錢同銅鑼灣差不多，但佢位置偏僻...有一點加分既，個老板娘好熱情。…查看更多

買左兩張Beecrazy既團購卷， 諗住試下，於是Book左今晚同媽咪去食。我地叫左一個牛肉火鍋，一個海鮮火鍋，兩串燒雞腎。點知火鍋份量真係少得可憐，無飯又無麵跟，個牛肉火鍋湯仲要超咸，真係好難相信火鍋原價係$88！最後，我地仲要去元氣再食先夠飽。真係有d被人騙既感覺 …查看更多

最近十分流行團購,在beecrazy發現了這間餐廳的團購見$39, 好像頗便宜的, 而且原價好像要 $10x, 相信應該會比快餐店的好於是購下了~~~去之前還抱著很大希望去到非常非常失望!!!!!!!比$39真係太貴了!!!我寧願食快餐店!!!!個份量非常非常的少,有肥牛同海鮮選擇我們選了各一個先說肥牛的, 只有3小片牛,另外就一件豆腐,幾條菜,少少菇而海鮮鍋就只有一隻蝦,一隻青口,兩隻帶子,同埋少少菜,豆花,菇每個鍋都有一個串燒要了一串雞軟骨,一串雞肉又係細到不得了的快餐店的火鍋都有一個麵提供,但這裡是什麼麵也沒有雖然只是$39, 但也不應該這樣的,而且根本不值$39我和男朋友沒有再叫其他食物了因為感覺被這裡欺騙了我們吃完要去m記食返個餐先夠買了的朋友就被迫要去如果沒有買,請不要去了~~~隔離台的情侶另外叫了一個拉麵餐那個餐都要$68, 份量不多,而且賣相不好看$68還有很多其他選擇的~~~請大家不要被騙!!!!…查看更多

位置有點難找，總之樓梯上一樓，閘門上有貼logo就是。店裡的氣氛不錯，也不用左等右等。拉麵有中等水平，麵條和叉燒OK，湯底不濃，隨麵送一碟餃子，埋單$48來說算抵。同事另加$20，多一碟沙律&螺肉，開胃不錯。午飯有時間的話，可以到這裡偷閒。…查看更多