味の俱樂部

仲有一张团购券，都要硬住头皮用埋佢唔好嘥，点知都系一肚气，仲激气过寻日，好彩本小姐预咗，早有心理淮备，唔系实监生激死咗！又系同一个女人招待，攞晒啲menu来，可能佢预咗我唔会加钱换餐，所以无再多讲。但其实我有谂过加钱换餐，因为知道又会俾佢黑面，而且天气成３０度，无杯嘢饮下真系好攞命，不过见佢面咁黑又无礼貌，实在唔可以助长佢，所以要返团购餐。点知佢真系离谱到交关。佢话：”牛肉锅要等好耐，你都系赶住返工，唔想阻时间咖，不如叫海鲜锅啦，唔系有排等咖！”仲要，无晒鸡软骨，仲喺我面前划咗佢，剩返其他，咁你之前唔划既？连呢啲都要谂缩数，其实老实讲，一串嘢+一个锅$39其实都系普普通通，唔系平，你仲要咁样牛肉又要悭，鸡软骨又要悭，真系离晒大谱！咁样做生意边到得咖？我唔上open rice公告天下，点对得大家住？海鲜锅来咗，得两圈鱿鱼圈（无错，系两圈，两只都无！）、虾毛一只、蟹柳一旧仔，咁就话海鲜锅，出手真系太低！仲有蕃薯串得两旧，仲衰过鸡软骨串，真系太过份！再讲味道，海鲜锅淡mou mou，无来味道，蕃薯又干又硬，来呢度简直个人同个口都活受气！呢度连$39都唔值，何况$102？一定要来呢度投诉！如果你出唔起手，唔该唔好set个餐上团购卖！Set好咗唔该你好好做生意，唔系揾机会hard sell其他。做生意好靠人话俾人知，你咁样只会臭名远播，好自为之啦！…查看更多

经团购买了一个39蚊火锅+一串串烧，本身都唔抱住有咩期望架啦，因为之前睇过下d食评麻麻，但买咗都要去食下，上到去没有特别装横，坐咗好耐一杯水都无，要问先俾你，仲要狂sale加钱转d贵价餐，但本人觉得唔系好抵，之前又未食过，所以都系食个团购𠮶个先再算两个锅嚟到系好细架，一个煲仔饭煲咁上下，d串烧似返小小样啦，但唔知点解佢样样嘢都系好咸啰，可能想d人叫嘢饮啩，个锅细到好难想像佢原价系88蚊啰，味道好普通，一定唔系d咩高级食材，连乌冬或饭都无碗，39蚊都觉得唔系好值，心谂好彩无加钱转贵价餐者另外，服务态度都唔多好，因为我同男友叫咗两个唔同嘅锅，咁问个侍应俾两只碗啦，佢第一个反应就系答我，咁都仲要碗呀，我觉得真系好无礼貌啰，你摆团购都系想人哋帮你宣传下者，食物已经唔好，但你服务都无，本身我都唔系会唱衰食店𠮶d人，不过呢间真系要同大家讲千其唔好帮衬，团购见到平都唔好谂住试，我哋用平价买餐食者，你唔系free俾我架，唔加钱转系我哋自由啰，一唔加钱转就态度转差，真系不知所谓﹗…查看更多

讲起就扯火！𠮶晚同个朋友去食团购日式锅啦，咁有个海鲜蔬菜锅同牛肉锅，其实食落就好普通，算啦，团购价 $39，当普通食餐饭。但啲 service 真系唔知佢想点！我哋上到去都十几分钟水都无杯，算，呢个比较 minor。但真系细锅咗少少唔多够食。咁本身个 set 系有饭嘅，咁去到你话无咪无啰，但你过两分钟补咗句：饭送完无架喇，加多 $10 就有饭。哗，大佬，咩态度！？唔送饭咪唔送啰，cwb 咁多嘢食我一定要系你度先有饭食架！？我系要洗多 $10 先饱都唔益你啦！顶．．．中间𠮶行就系烧蕃薯，我会用「两个硬币」嚟形容佢个体积。食完条粟米有啲渣涉咗入牙罅𠮶刻先知咩叫做「涉牙罅都唔够」．．．…查看更多

团购$39火锅, 同之前评价一样, 菜肉各两件, 无跟饭, 仲要超咸食完好似冇食过野咁加咗杯可乐, 要$20真系嬲到阵.......楼上CAFE, 招牌都冇个, 点招客? 团购俾佢呃一次, 都唔反返转头佢系一个住宅入面, 好奇怪佢仲有酒卖的…查看更多

真可惜, 用Beecrazy coupon的一餐地方一d都唔就脚, 好难揾!上到去要人加钱upgrade, 仲话唔upgrade就要等得耐...最后冇upgrade到,,足足等左差唔多成个钟先来到一个牛肉锅... 真系呆左..味道...超普通!! 39蚊食锅咁ge野...吉吉家抵过佢啦..服务态度都系一般, 落完单知道唔upgrade, 佢就好似彩你都傻咁...…查看更多