周記手工餃子

营业中

休息中

今日收工突然間想食啲清淡嘅嘢，突然間醒起屯門新墟附近有間好出名嘅手作水餃店😋即刻同屋企人去食吓先！手拍青瓜$25味道夠酸，而且夠辣，係夏天嘅開胃小食，青瓜爽口，多汁，食完一舊接着一嚿食唔停🤣A餐$56入邊分別有韭菜鮮肉餃，白菜鮮肉餃，芹菜鮮肉餃同薯粉，韭菜鮮肉餃好香濃嘅韭菜味，韭菜帶出豬肉嘅香味，白菜鮮肉餃唔使講白菜脆卜卜颯颯聲，配埋豬肉食係絕配嘅配搭，芹菜鮮肉餃呢，食落去口感好獨特，第一次嘗試表示下次都想再食🤣，跟住薯粉燥底，薯粉好煙煙韌韌，但又唔會咬唔開，呢方面真係好值得稱讚😘馬蹄甘筍，雞肉餃$45入邊有六隻煎餃係香菇鮮肉拼粟米，我平時最鍾意食香菇鮮肉粟米水餃，估唔到原來煎餃都咁好食，超級大粒，入邊好多香菇同粟米好香😍，豬肉亦都大大份唔會得個少少🤣周記手工餃子 (屯門)屯門青菱徑6號富麗大廈地下D2號舖

好耐冇食過咁好食嘅餃子，三種餃子9隻$51，抵食夾大件。湯嘅淮山都好特別。韭菜芹菜係我嘅至愛，食完一大碗酸辣湯都唔覺得口渴。湯底薏米同埋啲豆都非常之正。好快會去再去。

超級鍾意食餃子既我. 餃子食材新鮮兼大隻，經常過嚟食. 各項餃子都非常好食. 個人最鐘韭菜和芹菜. 必點. 然然後再加個上海麵. 湯底仲要系自家老火湯. 超正.講真係我既食堂.

虹橋間裝修得好靚既餃子店執得好快，然後比現時接手既周記頂左黎做！ 店肉内仍保留大部份裝修同枱櫈，而家講返佢既餃子！我係餃子控，對質素必會有一定要求！啲餃係好大隻，但係餡料啲菜切得太大粒，菜除左食到有好大塊既紹菜，仲竟然食到豆角，係咩地道餃子黎？我唔覺得自己食緊餃子！我買了湯餃六隻粟米忌廉豬肉同12隻京蔥羊肉，但兩款啲味好似差唔多咁，連個湯都冇驚喜。 So maybe 唔係好啱我口味！冇影相，大家試過就知！

小店開張, 都多人食, 買盒生餃支持下.買個陣見個盒都好重型, 心諗需唔需要每隻餃子有獨立位呀？好似用多左膠, 我又重用唔到個盒放雪櫃第二朝做早餐, 問題嚟喇餃可能本身比較薄皮, 佢亦都做得比較濕軟, 我冇一隻可以成功完整攞到出嚟而唔爛..可能放冰箱雪硬會易d攞, 但買盒鮮餃放冰箱? 我真係冇諗過..又或者可以用啲牛油紙之類墊底或獨立包住, 平底盒ok啦餃本身係冇問題, 都大隻足料, 可惜爛到甘, 好難enjoy啦..因為爛咗唔想煮咁耐, 有兩隻我自己煮得唔係咁熟, 希望冇肚痛會再幫襯, 希望快d改善啦