周記茶餐廳 (已結業)

住喺香港仔嘅朋友，相信無乜人會唔識周記！周記的盅頭飯和點心完全係出哂名！普通酒樓根本俾唔上佢的水平！！午飯時間要成３個人做外賣都做唔切，十幾蚊一個盅頭飯仲要咁好味，你話去邊度搵？！堂食就更加多人，大家迫迫夾夾咁搭枱都無計，好味係咁架啦！！盅頭飯至為出色，飯同餸都蒸得咁靚，人人起碼一盅！！加個點心，新鮮熱辣一定好新鮮好好味，一出爐阿姐推出黎，枱枱都黎兩碟，話咁快就賣哂架喇！！

住係呢區都經常幫襯，今日臨返工搭車前咪買燒賣、粉果各一籠外賣上車食囉！開始食燒賣就熱辣辣既，但當我食第一啖粉果居然係凍架，其餘兩個都係一樣！有無搞錯呀，夏天已經到食品溫度保持唔到既，連咁基本既野都做唔到，外賣企檔個幾個阿哥都做左咁耐喇，refill野既時候唔該將凍個啲放係底、熱個啲放係上面！我諗隔一排先會再幫襯囉......

很久沒有食＂鳳爪排骨飯＂做早點，今早經過周記，被它＂香噴噴＂的味吸引來幫襯的。這家的味道很懷舊，排骨的肥瘦很適中，啱晒我口味。可惜D飯就硬咗D. 希望下次蒸耐D啦！唔使落咁多豉油。

幫襯衣度超過兩年, 雖然地方比較逼, 但食物一向保持一定水準. 試過香港仔另外幾間茶記, 開頭去食都仲ok, 但就越整越差, 最差係厨房唔肯轉lunch set餐牌, 個個星期都係干牛河, 星米, 肉絲炒麵搭個xx煎蛋飯, xx炒飯, 食到怕, 最後就直情唔去, 有D仲執埋或轉左手. 講番周記, 午市我多數都係食碟頭飯, 28蚊起, 夠大碟亦多料, 係香港仔黎講算平. 點心就比較少食, 但雞扎就不可不試. 有時朝早都係度買個盅頭飯+個點心食. 盅頭飯portion大, 料夠多, 畧嫌飯身較濕. 試過既雞飯, 肉餅飯及牛肉飯都好好味. 點心就比較中意鲜竹卷, 雞扎及粉卷. 衣日同friend and 佢太太食lunch, 同fd一人一個碟頭飯, 多料大碟好味, 我fd多數都食唔哂. 佢太太既盅頭飯只食左一半就飽, 可能係另外清左一碟鲜竹卷之故. 我食既涼瓜雞柳飯, 雞柳夠多, 涼瓜就較硬身(佢地D涼瓜一向唔會煮到太淋), 我就比較中意食淋身D既. Fd既火腩豆腐飯, (炸)豆腐就一般貨式, 但火腩就唔同好多茶記咁, 只比D頭頭尾尾比D客食, 呢度D火腩真係腩位肉 ... 一個"正"字.

世界盃開了鑼，之後那晚了起床，就在家附近找點吃好了，一直未試過較為近香港仔另一邊的街坊茶居，今天就一於來吃一吃，這所店子大部份的生意也是外賣，在等位的時候，有非常多的人其實也是會一袋二袋的拿回家吃，也看見一個有趣的場景，就是在門口賣點心的同時要兼顧收錢，店員會將收到的錢放到用上游繩吊着的膠桶，這個方法是以往街市或雜貨舖才有的裝置，此情此景，亦看出此店的歷史。過了不消，店員安排了我們入座，二人被編排與另外兩人一起坐進四人桌，其實在此等店子吃東西，也有了心理預備要搭枱，知道此處的盅飯是不錯的，最後二人點了一盅鳳爪排骨飯、雞絲粉卷、馬拉糕及鮮竹卷，應該都很夠吃了吧。先來的是雞絲粉卷，粉卷不同於腸粉，總是厚厚的，但吃起來夠綿夠軟，厚厚的皮吸了不少甜甜的醬油，就是吃粉卷的樂趣，加上在內的豬肉餡搓得不實有咬口，混合了點香菇及芫茜等，吃起來味道又不會過份單調，不錯！再下一城的是鳳爪排骨飯，其鳳爪其實只有一隻，但吃起來又硬又不太有豉汁香，真的慶幸只有一隻，反之另外的排骨就非常之多，足有七至八粒的排骨，排骨雖然有着不少的脂肪，但這就正好讓其排骨汁充滿豬油，粒粒的白飯掛上一層有油香的排骨汁，加上本身有點豆

數天前在同事的極力推薦下，光顧了這間周記茶餐廳論店內環境，陳設、裝潢似是七八十年代的光景，頗有懷舊風味座得唔太舒服，感覺上也不太衛生論食物質素，其出品的點心可算是信心保證，比旁邊的大酒樓還要好以山竹牛肉為例，有別於酒樓用豬肉混雜著牛肉，而是純牛肉而製成的，十分足料，也十分有牛肉味馬拉糕相當鬆化軟熟，用筷子一夾，似是海棉的柔軟；吃下口感不俗，而且不太甜蒸粉果的皮薄而不黏口，非熟練老師傅不能製作到的水準聽同事講，原來周記廚房的師傅大多數是資歷深厚的老伙記，所以水準維持得這麼穩定論價錢，真的十分抵︰細點七元、小點九元….特點二十元，而且連珍珠雞也只計作細點我們一行四人，也只是吃了八十元，你話抵唔抵呢？

每次經過周記茶餐廳，門外總是擠滿了人羣，有的是買外賣點心，有的是等位入內，很多時都給我和老公唔憂做的感覺‧其後在網上瀏覽周記茶餐廳的資料，發覺小小的店舖的評語都唔錯，所以老公趁着今天放假，便帶我去周記茶餐廳飲早茶‧由於今天是星期五，老公和我在九時許到達，座位很快便可找到‧坐定後，侍應亞姐很快便端上所叫的普洱茶和水給我們清洗杯碗和飲用‧由於厨房不停地製作點心，若想吃新鮮的點心，可以靜待點心亞姐把點心用車仔推出來‧我和老公叫了以下的食物，味道則如下：普洱茶($3位)： 有茶味，價錢平‧鳳爪排骨飯(細)： 鳳爪和排骨夠淋和入味，味道幾好‧山竹牛肉： 可能牛肉貴，所以小肉多粉，味道和質感都唔得‧雞絲粉卷： 雞肉好味，認真唔錯！值得推介‧雞札： 雞肉好味，而且用魚肚，不是豬皮，亦都唔錯‧蝦餃： 餃皮不太厚，蝦又新鮮好味，十分好‧論食物質素和價錢，這間店舖真的唔錯，唯一問題是不可以一邊慢慢嘆茶，一邊慢慢看報紙，因為店舖細的關係，侍應亞姐會超速地幫客人收拾吃完的點心碟，令客人不敢過度逗留‧

一間賣茶樓點心的店郤叫茶餐廳, 真是奇怪!店員效率極高, 一進入便會為安排坐位, 然後是問人飲咩茶, 送上碗筷及一兜熱水洗o野, 等你剛洗好, 茶便剛好送上, 快而流暢!小女子一人, 只叫了個細盎的雞飯, 有4件雞, 份量不少, 一人剛好, 店內最受歡迎的是鳳爪排骨飯, 出了2輪, 本人因不吃鳳爪而選了雞, 也不錯! 點心每隔約十分鐘便會出一輪, 但每次只有幾款, 熱門的很快被搶完, 所以出口要快! 點心最平$7, 大部份常見的都是$9, 只有蝦餃腸粉才會再貴一點, 抵食! 平日茶錢$3, 連$16的細飯, 我只要$19便可埋單, 非常實惠!

　　不要被「周記茶餐廳」這名稱騙倒，它是非一般的茶餐廳，與其說是茶餐廳，不如說是平民化茶樓（但也有茶餐廳的食物提供），這裏所提供的是熱騰騰點心。這店亦不需要甚麼易拉架式的廣告以及一些貼在玻璃的巨型食物照，單是門外等候買外賣的人龍，以及高高的點心籠已是生招牌。　　今次兩口子光顧了：普洱茶、鳳爪排骨飯、雞絲粉卷、雞紮、牛肉腸、燒賣。總數$69　　鳳爪排骨飯及燒賣是每次必食的點心，自小上茶樓也喜愛吃燒賣這款點心，這裏的燒賣很正宗有冬菇、豬肉，不像時下新潮酒家的甚麼蟹子燒賣、帶子燒賣；因為午餐的緣故便吃了這個蒸飯，個人較喜歡不加豉油，吃其原汁原味；雞紮的材料有滑雞、火腿、魚肚、粟米仔，因為新鮮蒸，很能保持水份，味道也不錯，但不知從何時開始雞紮有了火腿、粟米仔這類材料，個人不甚喜歡，還是喜歡用芋頭；這店的牛肉腸是第一次吃的，牛肉與腸粉的比例，似乎牛肉份量小了點，見了鄰桌的齋腸，反而想一試；雞絲粉卷也不錯。還有，很多食客都叫了蝦餃，想必一定不錯，下次再試吧！　　在這裏吃點心真是花心眼亂，又想吃這個，又想吃那個，一車一車的在你面前經過，一次一定未能試勻想吃的點心。而且，因為點心流量快，所以送到食客面

我老公只不過係三十出頭啫，唔知點解好鬼鍾意飲茶？逄親放假都話要去飲茶， 而我就對飲茶冇咩興趣；冇辦法啦！俗語云：愛屋及烏。但係＂周記＂就令對飲茶冇咩興趣既我改觀。行到一間貌似八十年代既舊式茶樓，門口旁邊擺滿一籠籠既點心同咪盅頭飯，而且仲鬼咁多人排隊；最好笑既係：佢個招牌大大隻寫住＂周記茶餐廳＂五個大字，明明係間充滿點心既茶樓， 點解會叫佢做茶餐廳呢？我地叫左一盅大排骨飯，幾個點心，同一碟 菜遠牛肉飯。好耐冇食過咁好味又新鮮既點心啦，因為點心流量高，所以久唔久就有新鮮既點心同盅頭飯推出，仲可以叫奶茶咖啡飲；但係講到最精彩既就係嗰碟 菜遠牛肉飯，碟飯係選用酒樓平時用黎蒸魚用嗰隻碟，而且成碟都裝得滿一滿，都只不過係買 $28，真係大件挾抵食。

大約年幾前左右，放假同家人去南丫島旅行，回程香港仔餓住上岸．正當躊躇吃甚麼之際，老豆指對面街間舖，嚷去十八樓C座．行到門口暗暗咒：乜鬼茶餐廳？！一籠籠點心飯盅放出來，是間疑似地茶樓．隨便點幾個，禁不往要拍．好久沒有吃到如此實在的點心，推介盅頭飯蝦餃齋腸，尤其蝦餃，蝦鮮皮彈牙，不挑吃的老豆都大讚，敢情老細是水上人，才有如此貨色．見菜牌有薑蔥魚腩飯，也就點了一客，亦驚喜之作，把以前吃過的都比下去．不單止好，重要平；不介意環境擠迫的話，這裏是不二之選．

因事到香港仔，臨走在周記外賣了個鹹魚肉餅盅頭飯。這個飯不是特別的好，肉餅稍為‘實’，鹹魚也不夠香，只想說原來這裏盅頭飯的份量不少，跟平時的碟頭飯沒有太大分別，但價錢卻平了一半：只賣15元，外賣加1元飯盒錢，也是16元，認真平。

周記做的都是街坊生意。一大清早，就預備好各式各樣點心。每次幾籠，由亞姐推車叫賣。若果等不到想吃的點心，亦可以叫亞姐幫你到廚房或店外外賣處拿回來。那天，試了幾款：燒賣很好味；魚翅餃是脹卜卜的；雞札用料很足，裏面的魚肚不錯；粉卷很滑。最稱心的，是每樣點心都是熱辣辣，新鮮出爐，絕無欺場。周記鋪面不是很大，七八張四人枱，或圓或方，街坊朋友，搭搭枱，大家都無所謂。店内雖是人來人往，但很乾淨，幾位夥計（女士）都是勤快的人，無論是執枱、開茶定擺位，都很爽快。看見不少人點了盅頭飯，真的想試，但太飽了，就留個“伏綫”，可以再去多次！PS: 看到牆上貼了碟頭飯和小菜的餐單，這將會是伏綫number 2 喇！