周記茶餐廳 (已結業)

買蒸飯食～好幾年之前食開鳳爪排骨飯，早幾個月前又再食鳳爪排骨飯，感覺比以前差，隔一排再幫襯買多一次鳳爪排骨飯，都係差，排骨只有肥豬肉掂住少少瘦肉。今次轉買咸魚肉餅飯，沒有最差，只有更差！😡😡😡肉餅基本上沒有肉存在，肉餅的口感，像一啲差嘅酒樓的蘿蔔糕一樣，係無餸嘅蘿蔔糕，肉餅的口感，食漿糊一樣，毫無口感，可能這肉餅飯俾留俾上年紀無牙嘅人食，肉餅完全唔需要用牙去咀嚼，就咁可以滑入食道而不會做成梗塞的！

香港仔無人吾識依間老字號手工點心舖😍今日週末想入黎香港仔半日遊特意中午黎懷緬下濃濃人情味的懷舊點心❤️注意店鋪下午3點就關門啦～要食記得早點去啊🫖週末茶位$5☕️普洱茶好融好深色我喜歡兩位要了6樣點心一共$144 沒有加一服務費 價錢親民合理✨干蒸燒賣 $27燒賣豬肉成分比較多 蝦仁存在感較低外皮會比較薄容易爛✨蝦餃 $27皮不算薄🦐蝦仁餡也算足料彈牙勝在新鮮蒸出來熱辣辣✨魚翅餃 $20懷舊點心之一 推薦要試試有四粒大大隻好抵食🥟餡料有蝦肉同豬肉 加了木耳絲帶點爽口的口感✨糯米包 $20由於工序較多 也是買少見少的特色港式點心了 黃皮包薄💛糯米餡加了點臘味跟花生 調味恰到好處蒸得夠熟透 色澤均勻又糯唧唧😍食完暖笠笠✨干蒸牛肉 $20有四粒蒸得大大粒 裡面加了馬蹄比較爽口點埋喼汁就是牛肉球的味道✨鮮竹卷 $20相對比較普通的點心 不過不失 腐竹皮食落比較油膩📍周記茶餐廳 (香港仔)香港仔香港仔大道154號

每次經過都見到大排長龍，今天行山經過，去到差不多2:45，只得三四個人排隊，自己也有點肚餓，所以便叫了兩籠少小點吃。$20 一籠，才$40 。份量是足料的，牛肉大大粒也有很多腐竹我最喜歡。酒樓的點心當然粉的比例略高，但是可以接受。鮮竹卷不算太多芡汁，也沒有蒸過龍，仍有咬口。已經算是很經濟了。另外有盅頭飯，都係28至$32 ，很多人叫，下次一試。服務方面，已經有兩位哥哥在門口負責外賣，我都只係等咗大約一兩分鐘已經到手。其實已經非常快手，態度是友善的，當然買外賣啫，都唔會有什麼問題。

呢度充滿人情味，點心大件夾抵食，重點係佢會係廚房推一車車既點心出黎，所以一定要叫係車上面新鮮出蒸爐個d！另外，餐廳出面總有一條龍排隊等食，不過都唔使排好耐，我最多試過排15分鐘就入得😎去飲茶，燒賣($27)同蝦餃($27)就必叫既，仲叫左馬拉糕($11)、鳳爪排骨飯(細)($28)同北菇滑雞飯(細)($28)。全部都好傳統，大大舊好足料。馬拉糕好鬆，蒸飯既餸舖滿成個飯面，好食唔使多講，值得多提係滑雞真係好滑！總括黎講，呢度既點心平！靚！正！

店名寫住茶餐廳，但係其實裏面好像舊式點心茶樓， 即叫即正食點心唔好睇佢其貌不揚， 佢嘅點心大大件，好足料味道出奇地新鮮好味， 只有牛肉腸的餡有點不像樣，冇牛肉味，腸粉皮都好厚， 叉燒包個外皮鬆開了，口感不夠紮實， 其他的點心都很好味，而且熱水的溫度很高, 沖出嚟的茶很香 , 很好飲, 整體有點喜出望外 🤗

因為疫情關係，想食點心都冇得堂食，咁啱出海，順路買啲點心出海食，周記喺香港仔好多年，由細食到大。最鍾意佢個蝦餃同燒賣，蝦肉大大嚿，好有香港仔嘅味道😂另外仲叫咗叉燒腸粉、馬拉糕、奶皇包...$112連外賣盒。雖然佢個蝦餃皮唔係好薄，但唔會好硬同味道搭救。一向都好鍾意食馬拉糕，佢個馬拉糕今次有啲甜，不過都OK嘅。佢個腸粉唔係好滑個啲，都係叉燒腸粉既味😂😂，有啲芫荽同叉燒，凍咗爭少少🤏🏽🤏🏽如果有埋佢個茶就正，食點心一定要配茶。

周記-香港仔區出名人龍店，長期要排隊。店內零裝修，作風市井粗豪，較適合麻甩，所以我選擇外帶。趁個空檔，一口氣買了叉燒包、干蒸牛肉和雞扎（共＄60）。《叉燒包》-經典的廣式茶樓點心，周記的叉燒包個頭大，包皮鬆軟，外型甚 “靚仔“。遠遠就聞得到叉燒的熱騰騰香氣；一口咬破，驚喜發現，合味道的是叉燒而不是叉燒醬，這小點心最能吃出大師傅的功力。《干蒸牛肉》-在喼汁調味下，牛肉球口感豐富。肉質純正；入口濃汁噴濺。加入馬蹄粒，清新爽口，亦可解去牛肉的油膩，很有家的味道。一籠四個，欲吃從速。《雞扎》-幾種材料的鮮味一起併發，引爆你舌尖上的每粒味蕾。雞肉嫰滑，可惜帶骨，用雞柳應更好。配搭的魚肚很軟腍，入口鮮甜，火腿條份量十足，也相得益彰。加上有嚼頭的粟米芯，千滋百味，都上心頭，而腐皮則吸盡內餡的味道，更是精華所在。小店點心好，周記名聲顯；籠籠皆精品，朝朝成經典。

在番工時特然想和朋友飲茶之後睇到周記，入去睇下發時裝修懷舊，我們叫了鳳爪排骨，北菇滑雞飯，加了一些點心，傳統早茶代表蝦餃燒麥和腸粉也很推薦，燒麥上面有黑松露和蟹籽 很鮮很好吃．

放假要揾食，每每諗唔到食咩 - 周記啦！老店沿用舊式水㷛，加上深色蒸籠，散發著老舊痕跡。$5茶錢，彷彿時光倒流！小炒、碟頭飯都經濟實惠！每次必食 - 鳳爪排骨飯！餡料滿滿嘅叉燒腸可叫一個嘅拳頭大叉燒包90後應該未食過 - 冇魚翅嘅魚翅餃，4粒大大件，保留肉汁，迫爆蒸籠大蝦蝦餃雞扎絶無欺場，魚肚每次都是大大件的！乾蒸牛肉，現在只有少數老店有做，配上特製喼汁簡直絶配！一定要多多支持地區小店，希望一直能夠吃到老舊、人情味點心！

人情味濃的街坊小店在現今社會已買少見少，周記茶餐廳絕對是其中之一。一睇門面就知道是街坊小店假日茶錢只是$5/位，有點時光倒流吧！點心價錢都是街坊價鳳爪排骨飯 ～排骨肥瘦適中，蒸飯粒粒分明，滲滿肉香，每次必食之選😋😋😋义燒腸 ～ 餡料漲卜卜，莞茜、义燒都比其他食店多，真係抵食夾大件蝦餃 ～ 不過不失，但這價錢絕對可以雞扎 ～ 大大件，用料新鮮，魚肚也絕無欺場這裏所有蒸包類都是每個計價的，對於一衆公公婆婆實在方便不少，不怕叫太多吃不下。不過$7的义燒包有拳頭👊大，义燒爆滿，可能吃一個也飽了！這裏著實有太多外面已經絶跡點心，唯有留待下次再會！

係香港仔開左幾十年既茶樓,咁多年黎既質素都維持一貫既水準.環境上比較差,因為位好迫同有小小污糟,但食物水準不錯.個人推薦蝦餃,雞扎同排骨飯.價錢都比較宜人,大概每人50-80蚊到,係值得一試既茶樓

今天放午飯比較晚，下午二時許，天色昏暗，有風雨欲來之勢，沒帶遮的我自然不想走遠，幸好周記還未關門。（開五點半、收下晝三點，是其官方營業時間）其實，早就留意到這家有點歷史的店，起初注意，非因為長壽商台廣播劇１８樓Ｃ座，而主要是因為我把它與西營盤的一家同名食店給混淆了，後來分清楚了，卻仍是從沒來過，就在今天乘機幫襯。午市過後，也是店子一天經營的尾聲，點心很多也從缺。餓了大半天，就想吃澱粉質，從餐牌上看到有糯米卷，點來食住先。這裏的版本調味尚可，但我本身就更喜歡飯粒比較分明的做法，這我不很愛，內裡幾粒花生就幾香口嘅。然而，在這個飢腸轆轆的瞬間，就不能多計較了，兩下手勢已經清了碟。手執糯米卷啃咬着的同時，也一併點妥了主食。在靜待它來臨的那小片刻，又喚來了一籠蝦餃。說不上是狼呑虎嚥，但確實也一口緊接着一口。它的優點在於蝦的爽實，敗則敗在餃皮過厚，而且也不夠熱氣騰騰。縱然看起來它總算工整圓渾，就唯有端上來水氣氤氳，趁熱入口，才是我嚮往的風景。是的，我選的是時菜什會炒河。是的，這裏是那種不用餐牌言明，能做便盡做的地方，我喜歡這樣的不公式化。它作料豐富，土魷、豬膶、豬肚、小白菜等等都炒得很夠熱度，勾了

難得假期，帶女朋友黎香港仔逛下，順便黎試下老店周記茶餐廳食點心懷舊下。其實我地黎食都係想感受下d老店既人情味，老闆跟老員工同老顧客之間既互動，聽到搭枱既人同朋友講佢幫趁左呢度幾多年呀。。。食物質數雖然只屬一般，但人情味加分，所以眼見不斷有人等位。山竹牛肉:好食，有肉味夠淋但粉偏多。糯米包:已經好難係一般酒樓度食到糯米包了，可能功夫多吧，好耐無食，覺得特別好食，裏面有d臘腸碎同花生，好好食，只係蒸得濕左d，乾身d會更好食。燒賣:粒粒都好大粒，好食既。但唔好expect 一粒裏面會搵到成隻蝦。蒸排骨:好滑好夠味，只係油左d。

朋友再約香港仔，介紹再去週記吃點心，這次有點失望，原想吃排骨鳳爪飯，上次來23元，這次29元，短短2年，加足二成，但看到有位師傅帶一對膠手套，又抹枱拾野去厠所，直接用手加水加米落不銹鋼碗，當堂無哂吃慾，想嘔。衛生每况愈下，難怪人流比上次來少人。

鐘意飲茶嘅我要求有小小高～茶樓處處都搵到，總有兩間係附近。 好味嘅，食完會返轉頭嘅就買少見少。所以每次行入一間茶樓都係以探險心態（好似誇張左少少😂 真架lol)周記喺你行過都知佢有料果種～哈～我次次去果頭都一定要去食有咩係必食！？ 樣樣都好正～睇你平時飲茶鐘意食咩啦～ 我就一定要食燒賣蝦餃奶黃包牛肉球同鳳爪排骨飯。 今次食食下， 呀姐話：食唔食雞紮呀， 今日雞紮好靚呀睇過🤨 又真係幾靚wo 飲茶最好都係一大班人去， 可以叫多D嘢食呀嘛KKKK...（嘢口笑）