周記石磨腸粉

营业中

休息中

搭巴士時常經過見到，但總是冇落車去試。今天經過門口，就算係食完午餐和甜品。但都想去試食。本來要叉燒腸粉，但落完order後老闆娘未整，她卻說做埋十零天約滿便結業了。我一知即刻改叫蝦米腸粉。老闆娘說都係頂唔住個租金。腸粉好滑好正。各位朋友要食嘅就快手D去啦！

我每次返親嚟香港都要喺度食早餐！水準一流，又平又正！好過其他啲連鎖店。香港島好少有咁正嘅石磨腸粉！識食一定要食豬潤腸！啲豬潤超滑！我每次返嚟都係係到食腸粉做早餐！冇其他地方好似佢咁。不過聽講四月就唔做租貴。如果離開依度附近一定要食佢嘅。地址對住英皇道HSBC對面近北角街市，不過冇乜人知道依間腸粉店。佢哋有買粥又買蒸麵同蒸米粉不過我每次嚟親都係淨係食佢嘅石磨腸粉超好食信我啦。店內有幾張凳仔多數都係外賣自取。

好好食，腸粉本身比較爽唔係呢啲好淋嘅款式。比較偏潮汕腸粉。如果有花生醬淋上去就更正宗了。蝦米豬肉蛋都可以加。我個人比較鍾意蛋肉腸。佢嘅醬油都鹹淡適中唔會死鹹。希望保持到質素