呆吉甜屋 (已結業)

今天來到旺角窩打老道的附近找一些小吃食下，遇到了這間小店， 兩公婆一齊做，小食我叫了個芝士漢堡包、日本紫菜麵和飲品， 估唔到好好味！ 真係食到芝士，漢堡都大大件，加埋麵其實飽滿了， 只係$3x ! 老闆娘和老闆仲要好好人， 和我有傾談下佢嘅都想做不同類型的小食等， 而附近多學生上課，下課後可品嚐到美味的食物，而佢哋盡量做到價錢比較便宜吸引力多啲呢！ 人情味好好的小店， 行經要再支持下了！ 呆吉甜屋旺角窩打老道79號k 地下…查看更多

今日放工由地鐵站慢慢行返屋企，經過這間小店，通常都係關了門的，今日可以早放工，所以有機會見到佢開門。＄10有7粒魚蛋，其實都唔算太貴，再加上佢唔係一般見到嘅魚蛋，而係加左陳皮嘅陳皮魚蛋，並非一般嘅魚蛋嘅味道，相差太遠，太好食啦！魚蛋本身有好香嘅鮮魚嘅肉味，在配搭上陳皮，就好似而喺屋企蒸魚食嘅一樣，另有一番風味。老闆娘仲好好人，問你要唔要辣，因為佢有秘製嘅辣豉油。佢除咗有新鮮魚肉炮製嘅陳皮魚蛋，仲有用新鮮魚肉炮製嘅魚肉燒賣，都係好好食，下次要一併食晒。…查看更多

一心諗着去勝利道食好西，沿途經過呢間店仔，口乾咪入去叫左杯菠蘿多多同食左陳皮魚蛋。菠蘿多多口味fit晒我，酸酸地唔會太甜，上面塊菠蘿食得出係新鮮菠蘿唔係罐頭, 估唔到店仔細細都用新鮮菠蘿。fit晒我呢個菠蘿怪嘅要求😅😅，唔怪之得個個入嚟都飲呢樣。陳皮魚蛋都好香，店主推介我加啲辣椒油，咪試下lor。 原來佢哋個辣椒油係自家製, 唔怪之得辣得嚟有蔥香味，唔錯。食食下隔離啲店個男人嚟買湯圓，但賣晒，店主話要等一陣，要即場包。嘩，估你唔到，咁細嘅店湯圓竟然係自家製嘅，今時今日真係唔係咁多店咁有誠意。下次再嚟我都想試下佢地個湯圓。。。…查看更多

本人路經這裏數次，見到此店幾有特色，最終忍唔住都要試吓，一試之後，真係不得了。魚蛋真係有陳皮味，燒賣超級好咬口，佢個銀杏腐竹薏米糖水，真材實料，白果一啲都唔會苦，食咗幾樣之後，都見幾好食，於是再叫多個素麵，很有清新嘅感覺。咁樣食法，都係30幾蚊。真係抵到爛。…查看更多

老闆非常細心 因為係外賣，所以將西瓜汁同西瓜分開處理，返到公司飲既時候先將西瓜汁倒番落西瓜度，又乾淨衛生、又得意手工蕨餅又係必食之選，入口即融但又有口感，煙靭得黎又唔痴牙，呢種感覺有D難形容，一個字…查看更多

今天天氣實在太熱喇，路經窩打老道見到有間甜品店新開張，就馬上入店內買杯檸檬特飲降降溫先，清香的檸檬味，有汽、冰凍、清涼超正！菠蘿多多都唔錯喎，多多冰凍味濃！西瓜波波，原個西瓜滿滿都是打碎的西瓜肉，清甜好味，如果有幾粒西瓜波波肉在內就更完美！黑豆漿清甜無豆青味，入口時覺得有種特別嘅味道（好似有少許桂花香味好清新）。豆漿味濃唔太甜味道適中，值得推介！…查看更多