影片
以上资料只供参考，请与餐厅确认详情
去到土瓜湾唔知食乜好，行吓行吓见到一间门面细细马路边嘅面店。见到食汕头嘢，又有吊龙呀咁，尽管试下。叫咗鲜牛肉干捞粿粉，味道特别，起码香港其他地方食唔到，肥肥嘅老板好nice,会续样介绍啲嘢食，老板话呢款干捞面响汕头每户都识整，但每家嘅口味都唔同，捞面个酱系用麻酱，沙茶酱，花生酱沟出嚟。牛肉系鲜牛肉，但因为为咗迎合香港人，啲牛肉用咗苏打粉腌，无咗鲜牛嘅烟韧，但都畀出面其他嘅好味。仲叫咗个牛肉鸡蛋肠粉，个粉浆系老板自己调教，布拉即蒸，肠粉里面有蕃茄，都几鲜味，唔错。老板另外推介鱼册菜汤，未听过咩叫鱼册，就试下，味道同鱼皮鲛一样，但外面包嘅系用海鱼肉做，外皮薄，相比一般鱼皮鲛口感好啲。下次经过可以再食。
继续阅读
住在土瓜湾四十年，第一次品尝到由汕头新鲜到港嘅吊龙，配上米粉已经都十分满足。口感QQ软软绵绵，配上牛肉清汤非常滋味。食得出系冇点落味精，食完唔会后悔花118蚊食番自己家乡嘅地道菜。难得有一间咁好味同高质嘅汕头粉面店，我一定会再嚟呢间铺头试下其他嘢食。佢地好勤力，由朝早十点半开到晚黑十点半都未打烊，呢一区嚟讲好食嘅餐厅唔多，讲真一到十点几想揾间有质素同好味嘅食店真系难过登天，我唔介意多花几十蚊食番啲有特式同好味对得起价钱嘅中价食物。佢哋服务真系好好，有礼貌笑容仲同我讲家乡话，虽然识听唔识讲，但系好有亲切感。希望佢哋可以好好经营落去。
继续阅读
您可能会有兴趣的...