影片
港铁土瓜湾站C出口, 步行约3分钟
继续阅读
电话号码
59740150
营业时间
今日营业
11:00 - 21:00
星期一
全日休息
星期二至日
11:00 - 21:00
以上资料只供参考，请与餐厅确认详情
呢间系土瓜湾江西街嘅上海面馆，系最近转咗手，前身都系上海菜餐厅，转左手之后 第一次食，见到舖入面keep住上手原有嘅装修。今次嗌咗一个嫩鸡煨面同埋小笼包，餐牌写下昼两点至五点半order，可送豆浆一杯。首先呢个嫩鸡煨面有啲小棠菜、鸡粒同冬菇，鸡粒份量比较少，另外个面就比较淋同涨咗d，食个阵唔系好洗咬就可以吞，食唔到面原有既质感，至于个汤就比较杰身，同埋有少少浆住既感觉，似系平时渌面同个汤一齐煮时冇过冷河个种texture。另外呢个小笼包，叫嘅时候系即刻蒸完送上枱，个皮都够实，唔会一夹即刻穿，小笼包入面都有汤汁，但入口觉得啲肉比较鞋，变左成个包口感好似争少少唔系好夹咁。仲有个蒸笼旁边有块唔知系咪皮嘅嘢，唔知佢之前洗唔干净定点，感觉有啲呕心😥
继续阅读
香港第一！香港之光！第一正宗上海店！！上一手嘅老板娘早该退位让贤，煮嘢咁难食冇水准，得曾智华盲撑吹捧，幸老板娘有自知之明，返归照顾家庭，先有呢间完美的上海店喺土瓜湾出现！造福土瓜湾居民！土瓜湾能有此店是土瓜湾居民的荣幸！附近间老上海竟比唔上佢嘅万分之一，此店非常正宗！同老上海比，一分便知高下。老上海不值一提！隔离街巧兴啲水饺都冇呢度咁好食！𠮶几个阿姐真系要嚟学下嘢！仲有呢度嘅性价比比巧兴高好多！食水饺感觉到好新鲜，啲猪肉仲好似仲喺农场咁活泼好动！啲菜新鲜到好似仲喺田度生长咁！啲面仲好食过江苏街𠮶间刀削面几十倍！我系上海生活过几年！呢度啲小笼包好食过全上海啲小笼包！鼎丰泰嘅小笼包都唔够佢好食！新鲜多汁！$38/4只小笼包已经收平你哋！师傅经验丰富！厨艺精湛！炒面有镬气！比喜满楼更有镬气！一食嘢就知师傅烹饪经验丰富！故此我唔钟意后生仔开嘅舖头！后生仔缺乏经验，入厨经验冇20年都唔好开舖头啦！师傅入行嘅时候，附近餐厅啲后生仔都未出世呢！所谓”北极朝廷终不改，西山寇盗莫相侵。“，后生仔唔好谂住抢生意，一时生意好，唔代表一世都生意好！后生仔应该向自己嘅客人多介绍此店！五十几蚊，我宁愿食个水饺面都唔食all day breakfast！因为我对后生仔煮嘢冇信心！本人不喜欢后生仔！呢间上海店，睇得出佢好想将上海嘅饮食文化推动到大湾区，融入国家发展！大家都要去呢间上海店消费，要入去叫多啲嘢食！支持他们一家！！！
继续阅读
之前去过系食客饭嘅上海菜转咗手竟然好多上海包食第一次去嘅时候遇著佢哋下午茶时段嗌一个面就已经送豆浆仲开加十蚊就有小息食上次我就选择咗食春卷我钟意食素春卷跟住之后都有去再成今日听到佢哋喺openrice后摆到所以嚟写食评之前介绍朋友嚟食佢就话小笼包正银丝卷都好炸猪扒好食高力豆沙球都非常非常好食我自己就选择食咗粗面啦好多地方都已经冇粗面食㗎喇上海粗面呀上次食个猪扒炒粗饮咗碗酸辣汤佢最好15蚊有一碗唔系用黑醋㗎真系以前饮𠮶种味道呀料又足生煎包都唔错今日早收工特登再坐车落嚟食我今次唔蚀底喇嗌咗个酸辣韭菜饺粗面再加咗个我最喜欢食嘅素春卷我另外个朋友食完话佢嘅高力豆沙球好好食本来已经饱到都不得了所以都忍唔住叫咗两个高力豆沙球我其实系一个唔食甜品嘅人惊喜好特别原来高力豆沙球系咁㗎佢啲豆沙又唔系好甜㖞但系咬落去我唔识得形容呀个口感好特别呀好食仲有一样嘢系值得推介嘅我上次去食过就坏佢嘅担担面好够热我之前食𠮶间九龙城话好出名𠮶间竟然个担担面系暖嘅佢呢度好够热好香好好味超级大众化价钱佢最好就系如果叫生煎包又想食锅贴佢可以畀你每样两件咁样结街坊生意真系街坊生意今次我王牌推介你哋去试下啦我啲朋友都唔系住附近㗎都愿意去尝试一下出嚟嘅效果个个都赞
继续阅读