吳越之間 (已結業)

食過2 次, 一次食酸辣湯麵+小籠包+朋友既牛肉麵, 另一次食担担麵麵底係ok, 唔會一pat 野,都爽爽地既.. 小籠包就差d, 皮好厚不過都有肉汁, 唔會一口油, 係即蒸既, 新鮮~呢個價位, service同野食都唔會太好係正常, 不過都唔差既, ok 啦~ 所以係笑既

$10早餐, 食過熱豆漿+ 餈飯同菜肉飽加小米粥.熱豆漿唔夠豆香, 餈飯唔錯, 夠味夠料, 菜肉飽OK, 無乜特別, 小米粥有炸菜送, 唔錯, 剩食就無味, 太淡.

前言：下午到中環開會。四時半左右，店子都有四組客人，算旺場。食物和評語：點了一客「$10下午茶餐」。 a. 蒸菜肉包：兩個菜肉包，大概是那種預先蒸好和包裝好的的超市貨色（$6/6個），尺碼比酒樓的略大。因為是立即翻熱，以及餡料的菜量算多，雖然肉偏肥和多油，味道尚可接受。 b. 熱豆漿：一大碗無糖熱豆漿，味道相當稀和淡，有「維x」一公升裝純豆漿的影子。註： a. 裝修跟店名一樣，算叫做算有特色。但木餐桌和木椅子有點油污，感覺黏黏的，坐得不太舒適自在。 b. 說到底，才十塊錢，亦不能要求多多，但求裹腹便叫做「交到功課」。

食完麵繼續往上走，向左轉行行重行行，看見半山扶手電，便記起了皇上的食評。我竟被HK$10下午茶餐，吸引了進去！-唉好一個不析不扣的小男人^m^。-要了餡餅和熱豆漿熱豆漿：先來，極淡無豆味，希望衹是茶餐版本。餡餅：10分鐘後到，新鮮熱辣，好香。餡料菜而肉少。貪心的我，將餡餅填滿了豆板醬。豆板醬：咸、辣、香(蒜香)豆板醬把同場的辣菜脯比下去了。

午茶餐, 十五蚊有一個麵+蔥油餅/豆沙餅/豆漿要了個無錫排骨麵+豆沙餅個麵上「木台」時暗暗讚賞一下, 麵同排骨分開上, 唔會搞到d麵油哂. 不過食物好一般, 麵似壽桃牌, 排骨變了骨同肉碎, 而且乾爭爭, 只係淋過豬肉乾少少. 而且個汁完全食唔出有酸味, 扣哂分. 我諗食上海雲吞會好好多, 起碼完整先啦.個麵未食夠一半伙計已經將個豆沙餅拎黎, 可能咁樣所以食時已經凍哂. 個皮唔錯唔油都幾軟而且唔會好大舊粉, 不過豆沙好罐頭貨.呢個tea勝在抵食而且飽肚, 四點幾食完到九點都唔覺肚餓.

今日兩公婆到蘇豪區遊下，臨走前經過呢度，見到佢門面裝修，還以為一定沒有什麼抵食下午茶。一看之下，竟然出乎意之外，十五蚊以經有個餐，即刻入去試試啦。叫了四川擔擔麵+豆漿，北京水餃麵+蔥油餅。兩碗麵份量並沒有將貨就價，都夠晒喉。麵質都幾爽口，湯底好夠味，尤其是我的四川擔擔麵，好辣，肉碎份量恰好，正！另外老婆的北京水餃，水餃皮幾夠薄，餡料幾足。但個蔥油餅就略嫌個皮厚d，如果再薄少少就更好。埋單每人都係十五蚊，抵呀！如果去得多沾仔記的朋友覺得悶，不防行落幾步試下呢度都唔錯。

買完沙翁, 行左去閣麟街, 見門口寫住d 下午茶好平, $10 都有得食, 就入去試下, 叫左個$15 素餃面+ 蔥油餅(唔食蔥油餅, 可另選, 豆沙餅/ 豆漿), 素餃味道一般, 唔叫得好食, 面都ok, 都有d 彈牙, 如煮多半分鍾仲好, 上檯後第一口面就唔會太生, 而蔥油餅(直徑有4吋)上檯個樣唔錯, 即叫即煎, 又唔會油, 只錯在唔記得落鹽! 總結黎講, $15食得你飽仲想點?

9點幾同阿媽食,同埋個anut去食上海野,那野在行人天橋附近,我都見個好多次,但未食過的,間野叫吳越之間,鋪面都ok,點在好多好多野,成檯都是,首先當然有食上海野必叫的小籠包~~~~~~~個包皮薄餡靚,而最重點就是包中超香濃的湯汁,在口中爆發出來果野,哇~~~~~~~~好美味呀!!!!!!!!簡直是極品,then來了2碟煎餃and炸銀絲卷,餃子d皮脆卜卜的,正~~~~~~~金黃色的炸銀絲卷,哇,香脆的外皮,鬆軟的內涵~~~~~~~~一絕呀~~~~~然後來個南湖辣肉飯,紅豆餅and香蔥餅,個辣肉飯d飯黏黏的,應是壽司米,good,and d辣肉又辣得過癮,碗飯仲要是超~~~~~大碗的,食到我勁飽,到個紅豆餅啦,甜而不漏,super煙韌,令人一咬傾心,與之前的芒果pancake有得fight,正,再叫在2個排骨飯and2杯豆漿外賣to老豆and阿叔............埋單$134~~~~~~~~除翻開一人30蚊都駛,平靚正3點都整晒,美味指數我俾4星半,5分滿分,大滿足了

呢度有多款早餐供應，見個阿姐在包餈飯就買了豆漿同餈飯的組合試試。餈飯份量幾大，以早餐來說實在係幾豐富，搞到成朝個胃頂住頂住；豆漿一般，好在不是太甜。又係10蚊，便宜得很。

同個同事來吃午飯，呢度都幾多人等位，我地都等左十分鐘至有位，當然唔使問係要搭檯。叫左五香牛肉、雪菜毛豆、排骨麵同東坡肉麵。五香牛肉唔韌夠入味，同雪菜毛豆都係唔錯的冷盤；排骨麵的炸豬扒好林，無咩肉味；反而東坡肉就幾好食，炆得甜甜地，用來送麵幾正；這裡的陽春麵幾彈牙，唔錯；總的來說是好食過以前北京水餃的。加埋兩杯麻麻地的豆漿，埋單八十幾，算OK。

以前係食北京水餃，依家變o左食上海野，lunch time好多人，要上閣樓先有位。睇個menu好似好多選擇。我食o左個酸辣麵，湯夠辣料都算多；另外再叫o左個燻魚同蔥油餅，多數d燻魚都比較乾身，佢用成碗汁浸住條魚，搞到就又濕又淋，一d都唔好食。而個蔥油餅都未吸乾油以經比客食，有成匙油係底，見到都驚。本來我o地叫o左一籠小籠飽，但係我o地食晒d野都未o黎。這間野入o左我Bad list名單中。