吳越之間 (已結業)

睇完戲同honey食tea~ 見佢$18有麵有小食有豆漿幾抵~叫左北京水餃麵同無鍚排骨面, 小食係豆沙窩餅同薄餅~嗯... 樣樣都普通, 麻麻地好食...d侍應仲好唔憂做咁... 唔怪得間野咁多位啦...

擒日同３個同事一齊去咗呢間嘢食晏去到好快就有位都心知不妙，係中環食晏時候唔駛等位既鋪頭都唔荒好食得去邊啦，當日我叫咗個蔥爆牛肉擔擔麵(HK$34) 再埋杯豆漿(HK$4)，麵都還可以唔太淋但係就無擔擔麵個種花生香味至於個碗蔥牛肉就真係難食到死，唔明佢點解要另上仲要係啲蔥同啲汁煮到一Pat 嘢咁見到都唔開胃仲有啲牛肉好鬼老，收我HK$34 蚊比啲咁既質數我食唔怪得食lunch 時間都唔駛點等位

未齊人，唔俾入，我可以理解，但都唔洗鬧人，話人地阻住佢做生意嗟，客客氣氣講都得卦，人地都係企係門口外面等，問一句可唔可以坐住等，都無話要強行入去~ 叫左杯豆漿，因為覺得好甜，想叫佢俾杯水，就冷言對待：『無架，我地無水架！』所以職員其實都係幫老板趕客！呢間餐廳，應該唔會有客番轉頭幫櫬！

今日行開果頭又唔知食乜好，行行下就去左呢間極品上海麵家，之前聽過朋友話呢間野Ｄ衛生麻麻，話有時會有小強幫手，但係又想食下上海小籠包同煎餃子，見佢之前好似唔知做乜裝修，同希望小強今日休息啦。入去坐低之後就覺得有Ｄ奇，唔係見倒李奇，奇係奇在明明之前見倒佢裝修，但係點解一Ｄ都唔似裝修，Ｄ野都係陳陳舊舊，唔緊要，通常咁先會有風味。我就叫左個薰魚菜飯+煎餃子，個飯就跟碗酸辣湯。先黎個酸辣湯，個湯就無乜特別，個人覺得比較淡，之後就黎個經典薰魚菜飯，食一口之後我就覺得好有屋企ge感覺，感覺係好似食淨幾舊鯇魚放入雪櫃，之後第二日令返出黎即刻食果種感覺，咁我就同個好專業ge店姑講，果薰魚好凍咁播，哈，我以為自己問得妙，點知佢仲答得嬌，店姑道，係亞，呢個係凍食，冷盤黎架，你唔鐘意凍食，咁幫你整熱佢囉。當時腦海浮現，冷盤，如果有D冰粒係底坐住，應該會係不錯ge食法。我諗大家想像下一條淡水漁凍食ge味道有幾正。跟住就黎個炸餃子，無錯，我可以形容佢係炸，D油多到可以再用黎煎半打餃子。最後知道小強今日真係放假，不過佢老友西班牙烏蠅就替佢。想請問俾分數個位點解無- 分?

This restaurant is staffed by people who have no interest in creating food or a platable dining atmosphere let alone being able to remotely understand what Shanghainese food is all about. As to properly making Shanghainese food? forget about it.The staff is your typical gang of mid-aged si-lais. They have no interest in serving customers or making basic pleasantries. The spicy bean paste noodle was cold, and it was supposed to be served cold as we were rudely informed by one of those si-lais pre

有日lunch唔知食咩好wor,又見依到無咩人,就喇喇聲黎食la.估唔到..咁平...一個lunch,有個擔擔面,另小lung包5個,加個豆漿,都只不過係30蚊.味道呢,個面一般,唔係好重麻醬味.麵食起來有點粗糙.小lung包唔得呀,因為佢個皮好厚,仲要穿埋,d汁流曬出來.

中午1-2pm, 同圍人多多, 夫差勾踐之間向來比較少人排隧. 其上海小炒也不俗.午餐叫了個冷麵, 味道好正宗, 份量亦不錯, 30元一個lunch, 可以說比例抵食.北方麵食都好多選擇, 而且不要太麻木叫午市套餐, 因為散叫加豆漿, 其實差唔多價錢. 套餐俾多份煎餃你又未必會食得哂.

同男朋友兩個人去左'吳越之間'食上海野,坐樓上閣樓環境認真麻麻...叫左個set lunch, 有擔擔麵, 小籠包同豆漿一杯,擔擔麵唔似擔擔麵, 如果佢唔講我一定以為佢俾錯我,兼且個阿嬸拎俾我陣成隻手指公插入碗麵到, 勁驚! 小籠包唔駛講, 拎到埋黎掂都未掂就穿左,味道當然係唔會好得去邊啦!豆漿無咩特別, so far so good囉...總括黎講,都係句啦, 我唔會再食第2次囉!

昨天晚上幫襯以下食品:-- 担担麵: 麵質ok但湯無麻醬及花生味- 豆漿: 好似豆水- 雞子菜飯: 菜飯內加有鹹肉/金華火腿,有點欣慰- 涼拌大荳芽: 份量不足- 壓軸小籠飽: 裡面的肉充滿亞摩尼亞味...什麼是亞摩尼亞味? 尿味是也!

同朋友食晏，互相講起想食餃子，於是佢提議黎依間睇下有無得食，但佢又嫌果度係用蒜香整所以寧願叫水餃麵，但結果仍然係令佢失望。佢話d 餃子既餡帶苦，令人難以下咽，所以見佢變左齋食麵。我都唔好得佢好多，叫左碗所謂既改良擔擔麵，但個麵既無乜野，麵地又無咬口，而且個湯底仲鹹到飛起。最奇怪既係叫得做擔擔麵，但既見唔到有花生醬汁，d 辣味又帶點酸，真係唔敢想像如果叫碗無改良既會係點。跟餐既小籠包同樣令人失望，包內搵唔到有灌到湯，個皮又味如一舊麵粉，餡則太實令口感盡失。佢地連杯豆漿都唔得，唔知係咪無隔渣，杯野飲落好粉。其他方面，儘管係坐閣樓，地方尚算减 落；但服務就麻麻，落單同出菜都有d 混亂，最搞笑既係d 職員係d 顧客面前用d 半鹹淡廣東話係度互相指責，真係唔明點解依間野外仲會有咁多人幫襯。我諗吳越之間既真正意思其實係不倫不類。

我有一排常常來買粢飯做早餐, 因為好味又平! 直到有一次發現亞姐拿完我俾佢0既錢之後, 立刻用翻同一對手黎包粢飯,真係好無衛生, 我就以後都唔想再買喇!!!

放工後見仲夠時間接老婆放工，就過左中環。當日身體唔係咁舒服，老婆話不如係中環食左先，免得餓過頭。又走到威靈頓街附近，老婆話不如試下吳越之間。1. 酸辣湯麵- 老婆覺得不過不失，因為唔係太酸又唔太辣，我反而覺得算好味，因為我唔鍾意太酸。2. 擔擔麵- 普通，因為唔似擔擔麵，冇咩花生醬。3. 紅油抄手- 好甜，唔太辣。味道唔係平日食的紅油抄手，老婆覺得好味，我覺得一般。4. 雞絲粉皮- 好味，全晚最好味的餸。5. 小籠包- 老婆覺得ok，因為好似皮還皮，肉還肉的感覺。我就幾鍾意，因為包裡的湯唔錯。埋單$88好抵，都可一試。

order tam tam noodle....noodle very 'un'...not eatable..soup base full of chicken stock....dont waste your time, buy some ingredient from supermarket and anyone can cook better noodle at home than they do....the place is also very dirty...the big air con is full of dust and dirt, blowing out....well polluted gas..乾淨(Cleanliness): I want to give negative 10

呢個星期放假, 到成12點幾, 剛巧又有要事到中環一躺, 事情攪掂曬成下午2點45分, 勁肚餓! 中環唔係我地頭, 路經閣麟街, 見下午茶餐$16有擔擔面食同豆漿一杯, 入去試啦!落單後大約5分鐘左右一碗熱擔擔麵就出現我面前. 但原來這間擔擔麵食味係酸同辣! 冇花生味, 麵重好UN, 好似滾唔夠耐咁. 我重以為擔擔麵間間舖差不多食味, 可能不是我杯茶, 味道不合我.失望!

before talking about the food, the place's hygene is really really bad...I went in at about 2:15pm....you can smell some sort of wet moist and makes you feel uncomforatble. I order 'Dam Dam' noodle, the noodle was like rubber band...soup is not hot...noodle is not cook..ok i mean $16 tea set..I accept you can not ask too much...and then it comes. A gal walk in and sitted down...suddenly she scream out on top of her voice 'crochoch'...I think ok...another girly thing that about little tiny insect