吱吱朕 (已結業)

Took me a long time to finally dine in here. I was really excited about it! Food here was terrific, really, but the place was too small. It was not very comfortable sitting here.Very refreshing and appetizing salad, with lots of crab meat and avocado.This portobello tasted so much better then it already looked! I did not know there was cod roe inside. As it's grilled, the savory cod roe melted with the crab meat on top, plus the mushroom! Oh, yum!~~~Again, as a big uni fan, I had to have this to

無意中經過中環的一條小街道，看見很有趣的裝修，佈置，有三隻鑊在門頂上，內有宮女服，便想研究下好不好食，就親身入去試下先！地方算清潔，服務有禮！連餐牌設計都非常特別！聖旨一卷+功夫秘笈！超喜歡呀！是影相好去處！叫了一个古時酒杯裝了海膽+蟹子+吞拿魚茸刺身的飯，很可愛！味道不錯。而油甘魚刺生夠厚，新鮮度屬中等水平。最好味的是燒帶子！上面有d明太子沙律醬，😋😋👍非常喜歡！總結是很有趣的一餐下午茶！

環境中式設計幾靚幾特別，不過坐位都幾迫吓！牆上掛咗啲中式戲服，幾有FEEL，加上係食少少日式食物，FUSION感覺夠特別！注意音樂聲都幾大，傾緊有啲難，食物偏貴，感覺食環境多！海膽杯:比較細個 唔係特別鮮味，勝在飯有調過味。薯條：有啲燒汁芝麻做個漿料鋪上炸薯面味道新穎，香口濃郁，初初食好味，但食多兩條好滯！沙律：用瓦煲上，影相一流，味道就常冇咩驚喜鰻魚飯：可以唔食，飯好實，鰻魚大片但味道一舨，漿汁得個濃味，好膩口食到滯。有外觀冇內涵，如果唔係特別中意鰻魚更加唔好試總結就係幾特別餐廳，食物質素正常，同朋友FEEL吓新環境就唔錯！不過坐得唔算舒適同好嘈就係要注意！

話說雷霆有日比一位朋友嘅相吸引咗，唔好誤會，係食野嘅相炸覺得d食物嘅賣相唔錯，而且器具特別，所以就決定嚟e家位於上環半山嘅Bar,沒錯，原來佢係一間bar,不過都多人嚟食晚飯。係行到喘曬氣之際，終於到達e間bar,舖面比想像中細，而我發現到e度嘅特別之處，就係佢嘅裝修好中式，有皇袍，仲寫住奉天承運，真係幾得意，但同時，我發現menu上大部分都係日本野，真係無諗過，仲有刺身，到落單果下，e?係外國人？講英文？e間野又真係幾fusion喎我地叫咗一個前菜夜光杯同一個包青天(鰻魚飯), 夜光杯嘅海膽幾新鮮，仲有三文魚籽，而d飯係熱嘅，可惜份量比較少，兩啖食完。至於條鰻魚，入口即溶，好大條，但就有d多骨，要小心。總括嚟講都唔錯，食個feel, 但大食嘅朋友可能要打咗底先嚟，兩樣野，承惠300丫唔該。

朋友生日建議到蘇豪區呢間吱吱朕試下，地鐵站出黎都要行幾遠先到，入到去比想像中細，牆上掛左d古裝服俾人影相都幾有特色，我地3個人被安排左坐高枱，枱面有d細，我地叫左表哥薯條份量都幾大，另叫左網上好多人試既夜光杯，幾特別，海膽同魚子下面係有飯，我同兩位朋友一致認為帶子係最好食！

朋友見到呢間餐廳有得著皇試宮女裝覺得幾得意就試試比我想像中細，BOOK左有點但係都等左一陣先執完枱比等地。可能因為係中環，去到有好多人HAPPY HOUR緊食小食。一坐底就試下D衫，特登黎當然要影好多相，不過原來佢我但套衫，好彩岩岩4個人唔係就麻煩，D衫仲要比人著到爛爛地。。好啦叫野食野飲，我一開始只係知道有得DRESS UP，著得皇試衫得諗都係食中餐，點知佢係食日本野。叫左個鰻魚飯，海膽拖羅容飯加少少小食。個海膽有驚喜，估唔到佢甘好食。叫左D Drinks 都好中式，唔難飲不過冇特別。日本餐黎講佢都算偏貴，有得Dress Up就算係甘啦。

舖面陳設玩味十足，主打日本菜，以中式餐具作fusion。但舖面侍應以南亞裔人士為主，與舖頭特色格格不入。午餐時間原來只有set menu, 選擇少之有少。因見鄰桌有部分食物並非set menu餐牌內，詢問是否有a la carte, 侍應回應只有set沒有其他。於是指著鄰桌的薯條🍟（不在餐牌內）問是否有french fries, 侍應才回覆有cheese french fries，還問sauce on top or put aside, 豈料送來的只是普通一盤炸薯條加一碗茄汁！當再問侍應不是有cheese french fries 嗎？她竟說從沒有說cheese, 一直都是說French fries only 🙄 而場內雖不爆滿，奈何鄰桌5個大人偏被安排坐4人位，於是整頓飯我們兩枱人就全程手踭撞手踭。二人惠顧點了兩個set, 加一小食（薯條）。送了一份餐來，侍應問是否要share? 回答：點了兩份餐，不用share。待應才恍然大誤落漏了單🤦🏻‍♀️ set 附送沙律菜和miso湯，等了又等卻只送來一份沙律菜和湯，最後都要追單才補回。食物賣相討好，入口才知中伏！安格斯牛肉飯只吃到酥味，肉質

喺蘇豪區黎講呢間真係抵食！日式菜中國特色嘅餐廳真係好特別，成間餐廳用左好多中國傳統嘅裝飾，傳統得黎唔老土！佢仲有一啲龍袍同格格衫俾你借黎一路食一路著！好趣怪！再試下做格格影返輯相，可以黎呢度至於野食，真係好出色！饅魚飯，三文魚牛油果沙律，表哥薯條，鴨舌，生蠔都係推介推介！呢個價錢呢個質素呢個地段真係好吸引！3個女仔食人均150-160$，唔算太豪不過好飽！想食好啲可以試埋夜光杯(係海膽杯)！都幾特別㗎！嘢飲都幾唔錯！佢用嘅中國傳統杯碟上俾你，好岩打卡！

一早聽過呢間裝修得好靚好有Feel, 中環返工既我當然lunch把握時間試下。原來除左裝修好之外，我係呢間餐廳搵唔到其他優點。首先我哋晏晝一點鐘左右去到，Menu入邊有兩個無得叫，就係有三文魚個兩個，喺呢間餐廳signature之一但竟然無得食，咁都冇辦法，唔入都入左來坐低食。叫咗個鰻魚飯同埋個高級餐蛋飯，坐左好耐， 嗰店員先話要等二十到二十五分鐘，中環食晏時間竟然要等咁耐。都係個句，唔來都來左，逼住要等。等左二十分鐘，啲飯終於黎齊，其實條鰻魚真係好腥，完全唔知道佢哋點樣處理啲食材。咁餐蛋飯其實就好安全嘅，好難會難食，但老實講真係好油。最令人無奈嘅事就係後面張枱啲人竟然叫三文魚飯有三文魚。起初我哋叫嗰時，個店員個態度仲要好差。收錢嗰時，仲要計錯數。三個字總括來講，冇下次。有興趣去嘅人，不如上YouTube睇啲皇帝服裝算，食物一啲都唔掂。

久聞吱吱朕係打卡聖地，菜式擺盤特別，今次光顧叫左一個沙律，一個小食，兩個主食加兩杯雞尾酒。燒雞泡魚乾，略嫌燒得唔夠乾身，有啲腍。櫻花牛油果蟹鉗肉蟹子沙律，蟹鉗肉唔算多，不過沙律菜非常新鮮爽口，份量非常充足，又用傳統嘅沙煲上，好盞鬼！到戲肉個鰻魚飯，眼見每台都叫一盤，鰻魚同手掌嘅長度差唔多，肉質肥美無細骨，不過個飯唔夠熱，飯粒唔係飽滿。

Happy Friday Night !! 放工後同幾個同事黎到中環soho 區的吱吱朕，地點唔算方便，地鐵站要行15分鐘鋪面不大，但好多人，一定要訂位，我地5個安排到坐高枱，有d 逼。。menu 係好特別的聖旨，是一個影呃like 相既必用道具Happy Hour 酒精飲品都幾抵飲，我叫左white wine 反而signature cocktail 偏貴，要100蚊以上一杯野食方面中式的餐具配上日式既食物，每次上菜，我地都要影相食先，要去呃like 呀麻夜光杯：似係必點的食物，海膽新鮮，下面係飯，飯係撈左日式飯素，好食既但貴左d , 要88蚊杯，有拖羅的再貴d蟹肉燒大菇：我見其他食評的相，上面d 蟹肉好滿，我呢個好明顯唔係，不過都係好食既，菇很多汁表哥薯條： 普通，只係薯條上面加茄汁，蛋黃醬和日式飯素鰻魚飯：呢個又係影呃like 相一流，鰻魚好大條，但可能5個人share, 每人幾啖就好快食哂雞泡魚干：呢個堅好食，送酒一流呀總結係，野食係好食的，但份量唔多，價錢又唔平，好似個表哥薯條咁，真係好普通野，只係勝在樣樣野都present 得好靚

為了有趣的主題而來，裝潢確實花心思，餐牌的菜名都很搞笑，拍照一流。午餐抵食，但選擇不多也不吸引。沙律正常。窩蛋安格斯肥牛丼，瓦煲造型可愛，卻沒想到飯只有微溫。肥牛不韌但偏乾，最大的問題是太甜，甜得實在太誇張。唯一欣賞的是窩蛋撈飯的口感。餐廳把相同的單留在一起處理，全場的咖喱豬扒丼一起上。等了很久，友人的牛肉飯都快吃完時，咖喱豬扒丼終於來了。吉列豬扒的炸粉不錯，很鬆脆，而是豬扒是熱的。肉雖然沒有肉汁，但不嚡不韌不乾，算是不俗。咖喱內有薯仔和蘿蔔，以日式咖喱來說不算甜，還有點辣，都幾驚喜。用上珍珠米，軟硬度控制得不錯，可惜一點飯香都沒有，淡而無味，而且是凍的。不過，伴較熱的咖喱汁還好吧。食物沒有預期中好，尤其是肥牛丼，十分失望。

想食好耐⋯唔係因為佢既野食/cocktails 😏而係佢既裝修！😂😂係皇帝主題唷😈·🍣包青天（$198）明明我唔鍾意食鰻魚架⋯但呢個我都覺得好好食🤩鰻魚好肥美又無咩細骨🤤🤤推！🦀燒明太子蟹肉大啡菇（$58）我唔食得蟹但見到👦🏻食得好滋味🤤滿滿既蟹肉好豐富～🐟極上夜光杯（$108）三文魚子，拖羅蓉加埋海膽😍😍但最最最好味既⋯係佢落左飯素🤤🤤每一啖飯都有海苔/芝麻/鰹魚味道😭好好味🐠東海龍王（$158）比較普通～本身想叫牛魔王，但👦🏻係三文魚怪～平時唔俾佢食，驚佢成肚蟲😂😂一次半次無所謂既🐟🐟🐟

朋友約我去吱吱朕食，話貪佢環境特別喎仲一早book定枱，去到其實鋪都唔算大，我諗可以坐得落20人左右啦外表確實有點特色，但可惜的是日式食品就差少少了，可能我對食有要求，好食就好食，唔好食就....他他牛係我覺得比較ok. 日式食品啲飯真係煮得麻麻地。由於個frd唔飲酒，真係唔知去黎做乜鬼，食物一般，朋友令我無得飲酒， 我就更無mood.

吱吱朕一向都係港女打卡嘅勝地。作為港女嘅我同兩位朋友當然要趁住呢個happy friday去朝聖。呢間餐廳相當細，可能為咗容納更多嘅客人所以枱同枱之間幾乎冇空位，非常之擠迫，甚至係連出入都有困難。裝修係做得唔錯，但係本Menu竟然係爛咗一大忽，溶溶爛爛，連字都唔係好睇到。加上店員似乎相當忙碌，舉到手都麻痹都好似冇人見到我咁。幾經辛苦終於落到單。嘢食到咗之後又係另一陣嘅失望。我哋total叫咗三樣嘢，包括夜光杯，包青天同埋表哥薯條。包青天做得唔錯，好似一個超巨型鰻魚壽司咁，打卡一流，味道亦都唔錯。夜光杯就略為有啲失望因為調味偏咸，不過都食得出用料係新鮮嘅。至於表哥薯條就真係相當之失望，係超級多嘅沙律醬加無敵多嘅茄汁再加林晒嘅薯條。我諗呢間餐廳真係是一次都夠晒了亦都唔會推薦朋友嚟。因為環境相當之侷促，食物同服務質素亦一般，不如去下附近其他bar飲嘢食嘢好過。