吞POT 雞煲火鍋.住家菜 (譽發廣場) (已結業)

同朋友聚會傾計，唔想去任食打邊爐，所以黎左哩間靚view又高質既火鍋店食，今次來到油麻地呢間主打雞煲既火鍋店試下😝先講講店內環境，餐廳座位寬敞，每枱之間嘅空間充足，全景落地玻璃view,好多枱都是在窗邊可以一邊打邊爐一邊欣賞靚景。我哋去食嘅時間早，晚上6:00去到，欣賞到日落景色，好正。火鍋配料選擇豐富同埋高質，有黑松露丸，牛既不同部位同質素都有，而且仲有多款雞煲可供選擇。調味料整齊排列，連埋豉油有九款咁多。平時食雞煲都食開惹味既雞煲，今次試下轉下口味，因為當日剛剛天氣轉凍，人又餓想暖暖身，所以點了花雕藥膳雞煲，我地只得兩個人食，所以只點了半隻雞，雞煲一端上來便聞到好香的藥材味，而且湯底非常之清甜，雞件十分嫩滑彈牙，香濃既雞味加埋佢既油滋滲晒入藥膳湯入面，我地都一邊食雞一邊飲湯，飲晒湯後，我地先叫服務員叫湯再打邊爐😋我點了佢自家炸響鈴，佢主打即叫即炸，我真心覺得值得推介，可能因為我鍾意食響鈴，而響鈴又十分索味，我覺得呢個係必點既打邊爐配料，我還叫了自家製鮮蝦雲吞，佢皮薄餡料足，蝦和餡份量適中，配上藥膳湯底真係好正😝我地食到七點半前埋單，配菜可以半價，我地兩個人食雞煲食埋打邊爐🍲加埋埋單

吞pot位於旺角彌敦道726號23樓，地點便利店內燈火通明，座位闊落舒適食物方面，有多款口味的雞煲及配料，種類繁多而醬料費是 $12/位，客人可以自己調配自己喜愛的醬料滋補螺片花膠雞煲(半隻) $208雞煲十分足料，雞肉肉質細嫩，花膠彈性高具嚼勁，螺片滋味鮮美熬出來的湯底變得非常鮮甜大檸樂 $36 大鹹檸七 $36這個大小的檸樂 檸七令人很滿足檸樂 味道清爽消暑咸檸七 味道甜中帶咸，鹹甜交雜，冰涼清新手打墨魚丸$85吃下去粒粒墨魚肉，口感豐富，爽脆彈韌自製韭菜餃 $68餐廳自製的水餃，皮薄餡靚，肉把清雞湯完全吸收，吃起來特別香西班牙頂級豬腩片 $128豬腩片油脂瘦肉層層相間分佈平均，豬肉味道濃郁象拔蚌片 $75肉質比較爽滑，咬在口中有脆嫩感，味道鮮甜牛骨髓 $62口感像啫喱一樣， 嫩滑無比，入口即溶吸入花膠湯底，味道鮮甜可口總括而言，小編覺得餐廳食材新鮮，服務優良，適合大夥兒聚會

Openrice訂座順便訂埋個4人餐 $888，雞煲5款中揀左標價最貴既滋補螺片花膠雞煲（1隻雞）花膠又多又大塊，唔係入口溶化果種，有少少咬口。最正係個湯，加湯打邊爐之前一人飲左碗，好鮮甜。頂級雪花肥牛 擺盤幾靚，肉質都幾好 手打四寶丸（牛丸，蝦丸，墨丸，黑墨丸）個牛丸太過結實，墨丸比較彈牙。餃餃陣（韭菜餃，鮮蝦雲吞，蟹肉雲吞，魚皮餃）全部自家製，每款兩粒，大大隻餃好足料。象拔蚌片 唔知係咪唔識烚，灼一灼都覺得好韌，搞唔掂爆芝響鈴 有驚喜，店員話啱啱炸起，烚一下即刻食，咬落去先知有芝士，好流心！（之前無望Menu唔知爆芝）菜菜籃 有兩款菜三款菇。飲品四杯大大杯，我飲鹹檸七，打邊爐最爽就係飲汽水。我地五個人，另外叫多兩碟蔬菜同一個烏冬，夠晒飽！

天氣涼左少少，好想食啲熱辣辣ge野，所以就黎左呢度食雞煲。店員安排我地坐係落地玻璃窗位，可惜我地遲左少少黎，如果唔係可以睇埋日落應該好正。我地因為6點已經到，當時時間早仲有好多枱，但無耐就全場爆滿，大家都好鍾意食雞煲啊。天氣涼最arm食啲辣野暖下身，但因為我地今晚想食清啲，所以就無叫辣。花雕藥膳雞煲(半隻)$188雞件份量正常，我地每人可以食到幾舊，亦有我最愛ge雞脾位。湯底就有啲紅棗同杞子，整體湯底偏淡啲，煲耐左會多少少味，之後食菜藥膳味就會出少少。水魷$62魷魚係低脂高蛋白質ge海鮮，係增肌減脂ge好選擇。娃娃菜$38食清啲就唔少得要叫菜啦，用個藤籃舖到整整齊齊上，份量都唔少。醬料$12有豉油同8款調味料。總括而言，食材新鮮亦比較高質，藥膳湯底就偏淡啲。價錢唔算平，但我地埋單果陣發覺平啲，走果陣見到門口貼住7點前離座配料有半價，咁又ok抵食喎haha

叫左響螺片花膠雞煲一隻份量$298 ，但係份量得半隻，勁唔抵食，仲有花膠得嗰4舊仔，跟住叫咗一份脆肉鯇片$70 ，大約有10片，叫咗兩份生菜，係新鮮嘅👍🏻，湯底比較淡

天氣有啲凍，又想打邊爐了😋 店員安排左𥦬口位，可以望到油麻地街景 平日既夜晚唔算多人，walkin都唔洗等位，而且坐位隔得開，都幾闊落店員好快就俾左醬汁調味盤我地 調完佢就會收番走 呢個雞煲火鍋店價錢都算偏高，不過唔好睇小雞煲個份量🙊🙊 我地兩個人叫左一個雞煲+3個餸，飽到傻🤣雞煲有好多味道可以揀，我地揀左滋潤螺片花膠雞煲，勁多花膠同雞件，食極都食唔晒🤣個湯底好正 就咁飲都好好味 花膠好爽口 食完其實都有6成飽架啦西班牙黑豚豬梅肉，份量就唔係好多，不過都算嫩滑自家炸魚皮 呢個份量十足，又係食極都食唔晒，佢有另一款叫酥炸魚皮，個人覺得嗰款好食啲 芝心響鈴 好足料既cheese喺響鈴入面 好邪惡 兩個人食三件啱啱好😋

雞煲黎講都幾出名而且同友人一邊打邊爐一邊欣賞夜景🌃真係好Enjoy仲要望住朗豪坊食再遠啲又見到中環個邊 IFC都睇得見喺鋪頭既地點已經贏晒好喇好喇入正題講野食一坐低佢就俾左兜熱水我地 洗一洗啲餐具尼點係幾好既我習慣都鍾意洗一洗先用尼點好同埋佢會拎啲醬料俾你位位$12用完可以叫佢俾你再用都得我地兩個人叫左個滋潤螺頭花膠雞煲 $208想叫啲清淡少少既湯底都幾足料花膠又大舊食完真係補下仲有叫左個西班牙頂級黑豚豬梅肉 $118好爽口 好有肉味而家叫左兩個自家製嘅野食一個係自創爆芝響鈴 $45一個係自家炸魚皮 $65個響鈴係岩岩炸好拎出嚟放入去浸幾秒之後食啲芝士成口真係而啲魚皮就好鬼多成兜都係我哋兩個人就係食尼啲野都係食唔晒建議唔好叫咁多廢事做大晒鬼啦！

以為平日嚟會冇乜人特登去食雞煲，估唔到7點半🕢嚟到已經差唔多張張枱坐滿哂🈵🈵🈵見到佢哋大部份應該都係幾個friend放工想傾吓偈飲吓啤酒🍻燒酒🍹汽水🥤爽返吓…呢啲配雞煲梗係perfect match啦！呢度樣樣都有，唔怪得揀呢度💯門口就已經聞到好香好大陣熟悉嘅雞煲味🐔🐔🐔成日諗起食完雞煲會好熱氣，又會好邪惡，就算有幾想食都卻步😈😈好彩呢度想過癮要麻辣又得🌶想養生要花膠底又得✨✨✨即刻同班朋友叫咗個花膠螺片雞煲，jeng啊好足料。花膠全部都大大塊又爽口，4個人share每人都食到at least幾舊，啲螺片夠哂彈牙又有口感，啲雞仲好入味好嫩啊🐥🐣🐥🐣。連食開辣中意重口味嘅朋友都唔會覺得呢個淡味，食落係好舒服嘅感覺，啱哂幾個女仔食。夠養顏可以補吓collagen啊嘛哈哈🧏🏻‍♀️😂雞可以揀原隻或半隻，我哋4個女仔嗌左原隻雞再加碟美國肥牛🐮，餃子set，手打丸同響鈴。芝士響鈴🔔🔔🔔必嗌呀啱啱炸起脆到saak saak聲!! 唔放湯食就脆卜卜💥💥💥，放湯食又係另一種風味💫我就推介浸2️⃣秒先食，入面啲芝士好拉芝啊🧀🧀🧀🧀🧀🧀店員service都好唔錯啊，下次會再嚟😍

夜晚唔知食啲咩好就走咗嚟食雞煲， 我哋叫咗一個辣酒花螺雞煲係小辣嘅。 啲雞好嫩滑啲味好濃。 有佢嘅即叫即炸鹹香芝士響鈴， 包你食飽。 加咗水之後愈食愈辣， 另外佢仲有好多配菜真係好豐富。 九點半之後嚟食，真係抵。

星期日去左旺角吞pot雞煲火鍋食晚飯， 二人行， 叫得唔算太多野。 因為一個雞煲都KO 左我地。是日菜單胡椒豬肚雞煲半隻脆肉鯇腩蜂巢豆腐脆皮炸大腸胡椒豬肚雞煲， 胡椒味夠香，唔會太辣搶喉， 可以當湯飲， 雞肉大大件， 又嫩又滑， 雞件肥美， 胡椒加雞肉，味道好夾， 將雞的甜味更加提升。脆肉鯇腩， 非常新鮮， 滾一滾就可以入口， 魚肉嫩滑， 小食魚的我都覺得好食。蜂巢豆腐， 吸哂胡椒湯的味道， 入口即溶， 豆味香濃。脆皮炸大腸， 火鍋已夠邪惡， 加埋豬大腸真係惡上加惡， 但無辦法， 太好食了。 豬大腸，皮脆肉軟， 香口撲鼻， 真係食到唔停口。

呢排開始凍凍哋🌬咁啱同朋友約食飯所以即刻諗起又係時候去食雞煲🐔🥘今次揀咗間少數居高臨下又有大大個落地玻璃窗睇夜景位於市中心嘅旺角雞煲專門店開餐😋雖然今次係平日大概夜晚7:30嚟食但係都full house🤯我諗想食嘅朋友最好book定枱先🤭一坐低職員就會攞一個九宮格嘅醬料俾客人自己調好先👍🏻搞掂之後佢哋就會攞走啲調味料唔會阻住客人張枱一陣放食物同個雞煲👍🏻今次我哋有4個女仔所以揀咗一份滋補螺片花膠雞煲($298/全隻)潤一潤佢😚果然無揀錯！因為未聞其煲先聞其香😂一上枱我哋就已經聞到好香嘅螺片花膠湯，証明真係真材實料🤩職員同我哋講唔洗等佢再煲滾已經即刻食得🥳入面有好足嘅大大片爽口花膠同埋好鮮甜嘅螺片，再加上新鮮嫩滑嘅雞件熱辣辣嘅湯，簡直完美👌🏻我哋每人食咗6-7隻雞件之後，就試埋佢哋好出名嘅自創爆芝響鈴($75/6)😙不得了….真係一食愛上🤯響鈴本身炸得好脆，放落湯滾一滾，入面啲芝士溶化咗🧀一食落口流心芝士嘅口感再配埋又脆又有少少咬口嘅響鈴真係好創新嘅食法🥺我哋驚唔夠食所以再叫咗份餃餃陣🥟($120/8)同美國特級肥牛🐂($198/碟)都好正好好食😋餃餃陣一共有4款唔同嘅餃子各有兩粒，分

終於抽到時間去呢間打邊爐。因為早放工，所以嚟個1人邊爐。可能疫情關係，餐廳都幾細心下，一坐低就提供一盤滾水沖一沖餐具（右上出煙嗰盤就係），熱到真係咩菌都殺死晒😂醬料方面，基本上都齊晒：生蒜、炸蒜、指天椒、蔥花、沙茶醬等等點咗個螺片花膠雞湯，睇圖都見到，係奶白色的。啲湯好濃味，建議打邊爐前先飲一大碗雞湯，因為真係好鮮甜，唔好蝕🤣話說，見到餐牌寫「新鮮肥鵝腸」，當時仲諗緊可以有幾肥，一嚟到，望見都肥美，但食落口唔會膩，幾爽口下。呢盤丸就認真巴閉，有海膽丸、墨魚丸、鵝肝丸、蟹肉丸….. 裡面係真係有餡，唔係講笑。超大件鵝肝，好香….. 初時仲以為係普通丸，點知原來係包心😙呢個係包海膽🙈唔記得影埋蟹肉…… 款款都好驚喜另外，左個豬頸肉，脂肪同肉嘅比例超出想像，正😋最後加碟粉絲，真係好飽好飽。值得推薦👍🏻

今天，無約朋友，但又唔想煮飯，惟有出去食飯。最近，身體又不太好，補吓身都好，係旺角行行吓，見到有“藥饍”兩字都眼發光。咁啱又見到有間雞煲，仲要有“藥饍”選擇，所以，就搭lift上去，幫襯吓囉。服務員態度親切，馬上就為我安排左座位。呢度22樓，鋪頭又一排落地大窗，一入去就感覺居高臨下feel, 仲有夜景你慢慢睇。裝修就俾人乾淨整潔感覺。我叫左藥饍雞煲加烏冬，因為只得一人食，所以都只係叫左半隻雞。其實，除左藥饍呢個味道外，雞煲都有好多不同口味的選擇，店內推薦螺片花膠雞煲。淨睇張相都超吸引，下次一定要試吓呢個。雞煲啲雞雖然在湯煮過，但仍然能夠保持新鮮嫩滑。👍至於個湯，充滿藥味，但又有好濃雞味，所以非常易入口。💖💖💖大家可以嚟試吓。

好耐冇打邊爐，朋友介紹食呢一間吞pot雞煲火鍋，就即管試下，上到22樓，一入到去感覺好開揚，因為係全落地玻璃，好遠既景都可以睇到，可以一路打邊爐一路睇夜景。我地唔係好肚餓，所以唔敢叫雞煲，驚食唔晒，我地叫左個招牌鮮魚湯鍋，自家炸響鈴，特級雪花牛肋片，手打四寶丸同埋萵筍片。招牌鮮魚湯鍋-除咗先魚湯，入邊仲有豆腐，蕃茄同埋秀珍菇。自家炸響鈴-由於響鈴係即叫即炸既關系，所以要少少時間，但係新鮮滾熱辣。特級雪花牛肋片-打邊爐又點少得牛肉。手打四寶丸-有黑墨魚丸、丸墨魚丸、牛丸同埋蝦丸。萵筍片-平時喺屋企好少整，因為功夫多，打邊爐必食。

朋友話想打邊爐，於是就選址位於油麻地嘅吞POT雞煲火鍋住家菜。入面環境非常寬敞，我哋進場嘅時間尚早，仲可以欣賞到日落景色，非常優美。火鍋配料選擇豐富，而且仲有雞煲可供選擇。調味料整齊排列，連埋豉油有九款之多，一定啱你口味。因為我同朋友都唔太肚餓，所以就放棄咗雞煲，直接叫咗招牌鮮魚湯鍋。魚湯呈奶白色，入面仲加入咗蕃茄、豆腐同埋菇菌，完全冇魚嘅腥味，怕飲魚湯嘅朋友都一定冇問題。特級雪花牛肋片每塊都幾大片，而且都局部有雪花紋。手打四寶丸分別有手打黑墨丸、手打蝦丸、手打牛丸、手打墨魚丸，個人認為手打黑墨丸味道係四款之中最優秀。另外自家炸響鈴係新鮮炸起，呢個真係值得推介，可能因為我都鍾意食響鈴嘅關係，我覺得呢個係全晚火鍋配料中嘅No.1！萵筍片份量適中，而且都新鮮。呢一餐嘅體驗大家都相當難忘！