吞POT 雞煲火鍋.住家菜

营业中

休息中

平時星期一至五都喺屋企食，難得週末梗係出去周圍試吓唔同嘅美食☺️今個星期我同班朋友就嚟咗吞Pot🫶🏻食物選擇真係多到唔知揀咩🤣 我哋最後叫咗香辣雞煲，雞件夠惹味又大舊😁啖啖肉。鍋底嘅洋蔥🧅俾我夾灑咁濟🥰跟住就可以加湯打邊爐。配料我最推介3秒象拔蚌同埋牛小排😆象拔蚌一淥即熟，爽口又彈牙。夠新鮮。牛小排一睇個擺盤已經好想食😋肉質較結實，帶有小許筋膜，油脂豐富。好吃！辣雞煲一定要配有氣嘅飲品，鹹檸七就最啱不過。透心涼，啱晒夏天。

呢度唔係放題，逐樣叫嘅😝選擇種類都多。因為未齊人，所以我哋叫咗兩款小食食住等，wasabi 牛柳粒，生蝦刺身。牛柳粒好惹味，大概七成熟，所以依然好嫩。生蝦刺身亦都唔錯，大隻又爽口，中間個泰式生蝦醬調得好好。湯底我哋叫咗雙拼，尤其是蕃茄味嗰邊，真係超正🤤濃濃嘅蕃茄，真材實料。配料亦都好出色，海蝦同埋封門柳樓都係必點！兩樣都咁新鮮，同放題嘅食物冇得相比，好高質。最後我哋棒住個肚走都只係人均三百幾蚊😃抵食又好食。一定會推介俾朋友。

我鍾意呢度嘅雞煲係因為夠麻夠惹味😝之前食過幾間都係得個辣字，麻嘅感覺欠奉，另外雞嘅質素都好緊要，呢度真係砌得返一隻雞出嚟🤣雞胸雞髀🍗雞翼等等全部齊晒😍配料方面大推芝士響鈴世一！即叫即炸，炸到卜卜脆，就咁食都夠正，放落雞煲湯底幾秒真係不得了😂又脆又軟，加埋芝士，邪惡到極點😙另外其實薯仔都係同雞煲好夾，呢度好嘅係厚切，食落更加有口感更入味。食完今餐之後大家都係好滿意，吞POT係我喺香港食過最好食嘅雞煲Top Three之一🤩一定會再嚟

餐廳而家做緊優惠，只要7:30前離座或者係9:30後入座，所有火鍋配料和小食都有半價。我見到呢個優惠實在太吸引😍好抵！所以即刻約埋三個朋友一齊嚟試。我哋首先叫咗個麻辣雞煲，依個雞煲用咗好多香料嚟炒，所以一上枱已經勁香勁麻😜最鍾意食入面啲洋蔥，配料一定要叫竹笙，營養又美味，最緊要係吸收晒雞煲湯底，真係一人一碟都唔過份。我哋四個人想試多少少肉，所以叫咗一個牛肉拼盤-牛三郎😝鍾意食邊個部位都有，每款都好新鮮，大滿足。總結，餐廳本身價錢都好合理，而家做優惠仲要半價！更加抵食。大家一定要夾好時間嚟食😋😋

朋友生日指明要嚟吞pot慶祝🍾️我哋當然識做即刻book枱。第一次嚟食嘅我終於明白點解朋友一定要揀呢間餐廳慶祝，食物水準在太高了🥰不論火鍋湯底或者配料都好好食！湯底我哋叫咗招牌嘅雞煲翅，湯頭好鮮，奶黃色🥹滿滿嘅骨膠原！人人先飲一碗湯😙另外都叫咗好多配料試吓，最鍾意係以下三款😍十全大寶丸係全晚最驚喜，五種不同手打丸類各兩粒，嗰啲配搭真係未食過😜但係又出奇地好夾，留返大家自己揭曉🤓水魷魚好新鮮，爽彈有咬口。牛三郎分別有三款唔同牛肉嘅部位，包括雪花肥牛，牛肋片，牛柳粒。三款都各有特色，雪花肥牛就最得我心，肥瘦適中，入口即溶。

一路都有聽過依度嘅雞煲翅好出名，但係一路都冇機會試，咁岩前幾日朋友話見到餐廳做緊優惠，只要晚上7:30前離座或者9:30後入座，火鍋配料及小食都享有半價。所以我哋就趁住放假即刻book枱試吓😋雞煲翅果然名不虛傳，湯頭濃郁無比，好似用咗100隻雞去煲咁🤣🤣魚翅係一梳梳，真材實料，真係好有驚喜。另外我哋叫咗幾款小食，火鍋湯底都好滿意。印象最深刻就係芝士🧀️響鈴，係我第一次食，我相信以後每一次嚟到都係必叫，每一啖都食到香滑芝士，啱晒我依個芝士控🥹

近依個月因為要減肥，所以差唔多日日都食得好清，但係實在太掛住打邊爐🤣所以今個星期日就嚟到吞pot😋決定打個低脂版嘅邊爐🫕我哋叫咗芫荽皮蛋湯，下火又唔肥😃肉類方面就可以盡情食，因為澱粉質好少，盡量避免叫加工食物或者油炸食物就可以了😎減肥恩物魚肚都係我好鍾意食嘅😘減脂又吸收晒湯嘅精華，好好食。要讚嘅係餐廳處理得魚肚好乾淨👍🏻另外一個必點小食就係泰式生蝦，估唔到火鍋店泰式生蝦水準咁高！而且份量超慷慨，總共有12隻大大隻，爽彈又鮮甜。所以只要識得叫嘢食，打邊爐都可以好輕鬆減肥🥳

今日同朋友去開旺角行街，喺OpenRice見到吞pot好多好評🥰所以決定試吓。餐廳環境舒適，落地大玻璃，枱與枱之間唔會擺得密密麻麻，坐得好舒服。我地叫咗重慶麻辣雞煲，夠香又夠麻，兩者平衡得幾好，而且唔會好油，雞件亦非常入味，最鍾意係啲雞唔會砌得好碎，食起上嚟就啖啖肉。配菜方面爆芝響鈴真係好出色😍即叫即炸 ，雖然好邪惡，但係唔係成日食都OK嘅☺️所以我哋都叫咗淮山balance下😝淮山係減肥恩物，有薯仔嘅口感，但係澱粉質極低😗整體嚟講，價錢合理，啱晒一大班朋友來聚餐。

我哋叫咗雞煲翅，湯料好多。真係同Menu張相一樣☺️雞件就算煲咗好耐都唔會覺得柴，仍然好滑，好有雞味。魚翅亦都吸收晒湯底嘅濃郁精華，入味又鮮甜。肉類方面，我哋最鍾意就係頂級安格斯牛小排，廚師刀工了得，每片大小相近👍🏻肉質鮮嫩，同放題質素冇得比。整體嚟講食物質素好，價錢又合理，所以一定會再光顧。餐廳而家星期日至四做緊優惠，只要like/follow ig, fb，就可以享有全單八五折。咁叫多幾樣嘢都唔會肉痛啦😙😙

上次已經來吞pot試過雞煲翅，大家一致好評，所以今日又來試吓重慶雞煲🤩雞煲一上枱已經香到不得了🤤有好多香料，所以呢個雞煲都係偏重口味，但係又唔會太鹹，同埋唔會太乾身。另外份量非常慷慨，兩個女仔應該未必食得晒。因為我哋兩個都係牛魔王，所以叫咗一碟牛三郎😎一次過可以試到三款牛肉(雪花肥牛，牛肋片，牛柳粒)每樣都好高質😃三種不同口感，我最鍾意就係牛柳粒🤣最重牛味🐮另外今次叫嘅雞煲好辣，所以叫咗杯青瓜特飲，解辣之餘又唔會太甜，夏天飲簡直係透心涼，正嘅👍🏻

聽人講旺角有呢間雞煲好有人氣。梗係要約埋朋友來大飽口福！裝修風格偏簡單大氣既工業風，給人鋼筋水泥般的感覺，空間視野好開闊，傍晚來用餐還能看落日，環境好好，讓人感到安靜舒適🔹花膠雞煲湯汁非常濃稠鮮美黃燦燦睇著都已 經好有食慾😋雞肉肉質鮮嫩多汁，飯前來一碗湯真的美滋滋🔹雪花肥牛雪花牛肉既紋理分佈均勻，鍋裡涮一涮就熟了，牛肉入口即化吃起來仲有一股淡淡的奶香味♨️🔹新鮮大蝦另外，仲有新鮮大蝦，大大隻，好新鮮，淨係呢度都已經回曬本🔹魚肚魚肚又係超鮮甜的，吸曬花膠湯既精華，好滋補，女生一定要吃。🔹即炸午餐肉 還有最愛邪惡午餐肉，呢個不得了，熟食又得，但原來火鍋浸係湯度食又別有另一番滋味，超正的。

近幾次出街打邊爐都係食麻辣湯底😝或者係雞煲，已經好耐冇食過傳統嘅港式邊爐。今日挑起條癮好想食，所以就嚟咗吞pot😙我哋叫咗鴛鴦湯底，分別係薯仔蕃茄湯同魚湯。兩款湯頭都好正🤩 蕃茄薯仔飲得出用咗好多蕃茄嚟煲，湯鍋仲有大量薯仔蕃茄，真材實料！魚湯更加有驚喜，湯係奶白色🤤仲要一啲都唔腥，好鮮甜，正👍🏻所以我哋都專登叫咗魚肚，即炸響鈴，兩者好似海綿咁吸收晒湯底嘅精華🤣大家一定要試！另外飲咗杯青瓜特飲都好正，夏天太熱，清涼消暑。

平時同朋友食飯最鍾意就係烚吓烚吓打邊爐😋一黎可以坐耐啲，二來食物又多元化，今次我哋就嚟到旺角試吞POT雞煲火鍋。呢度係單點形式，食物選擇好多，單單係丸類都超過10款🥳今日我哋就叫咗重慶麻辣雞煲，唔使等好耐雞煲就上枱，超多辣椒蔥蒜，所以係勁香，而且啲雞件全部都大大件，唔會碎濕濕👍🏻非常入味。配料方面我哋最鍾意就係頂級安格斯牛小排，超大一盤，擺盆整齊，每片牛肉切得好一致，雪花夠靚☺️ $300唔使真係好抵食。整體嚟講，單點一定比放題更加有保證，今晚食嘢全部食材，雞煲都好滿意👍🏻

我朋友極力推介我要去呢間舖頭度打邊爐，原來有原因㗎，夏天我真係唔多胃口想食嘢，但嚟到呢度就完全係兩個唔同嘅胃口，因為呢度太吸引啦！ 一坐低我哋就帶咗兩杯嘢飲，鹹檸七，超正！ 啱晒夏天飲，好消暑，我再追加多左一杯。 另外我朋友飲咗幾枝啤酒，原來呢度個雪櫃有好多啤酒嗌㗎，唔怪得知佢極力推介呢間啦🤣🤣🤣嘢食方面我哋嗌咗個雞煲翅，好濃郁好好味，啲雞嘅數量超級多，仲有好多大大塊嘅翅，好足料啊真係！ 所以火鍋配料之外我哋就簡單叫咗個肥牛同埋烏冬，其實都已經好滿足好飽肚❤️ 值得一提嘅係個肥牛係好大盆㗎，同埋佢嘅紋理好清，充滿着牛香。 同埋我好鍾意呢度嘅環境，啲座位好闊落，好企理。 仲要有落地玻璃添！ 睇晒成個油麻地旺角，正！ 呢間絕對會推介俾朋友😆👍

個個都話打邊爐會熱氣，但其實打邊爐都可以好健康㗎，首選推介呢間喺旺角中心地帶嘅吞Pot，佢有兩間分店，一間喺旺角一間喺油麻地，兩間都係好近地鐵站夠晒方便。 中完Covid 之後，食嘢都好小心，所以我哋嗌咗呢個蕃茄湯底，真心呢個湯底超好味，好健康好足料，有好多金菇蘑菇同埋蕃茄，好入味好補元氣，正。 另外配料方面我哋叫咗茶樹菇魚肚同埋十全大寶丸，全部都好正氣好健康，正！ 十全大寶丸呢個名好得意，擺盤賣相都好靚，最重要係啲丸有唔同嘅餡料喺入面㗎，最鍾意黑色嗰粒，充滿着墨魚汁味，其他啲丸都好咬口，好彈牙。 另外值得一提嘅，呢度除咗火鍋之外仲有雞煲啦，同埋有好多前菜嘢食，例如生蝦，辣酒煮花螺等，就咁聽個名都覺得好正！ 不過個肚嘅容量有限，下次要叫呢啲食先😆😆😆