君悅咖啡廳

营业中

休息中

生日飯第一次去君悅食自助餐， 首先環境唔算好新但係都舒服嘅， 等入場嘅時候都幾多人， 不過食到好嘢都值得必須一讚就係佢出名嘅海南雞飯同天婦羅，真心好食另外一讚嘅就係佢哋嘅服務， 唔知係咪我係咁影相， 以為我係傳媒人， 服務非常好， 經理主動走嚟問我啲嘢食好唔好食，所以服務滿分生日去食， 所以可以免費order一個生日蛋糕， 不過記得預先去講定

黎到君悦酒店，當然要試佢地出名既Buffet, 酒店餐廳既服務員好好，reception同事好好笑容好有禮貌，一見到你好似識你好耐咁，好快帶左你埋位坐低，安排左window seat, 景觀非常開揚，飽覽藍天白雲，當日少少陰天，可以享受一下柔和既自然光，但前面地盤施工有些少影響，好彩冇乜噪音。一入到去，先揾洗手間洗手，雖然講得好清晰好好簡單，上樓梯轉右，但見到道木牆有洗手間標誌，但推唔開又冇反應有d 無奈行開左，揾下有冇其他入口，之後服務員極速馬上幫我用自動感應開咗對門，佢哋嘅洗手間收得好埋，隱藏得好好，唔驚d細菌出嚟大堂搵食物。另外，雖然出面有野飲自己斟，但客人一坐低，服務員就會問你咖啡茶，非常細心，咖啡夠熱但唔夠香濃，帶丁點果香，丁點酸，因為我本身中意偏香濃偏苦既咖啡，但都飲左2杯。佢地既食物真係好用心預備，而且種類繁多，多到好似天上繁星咁數唔哂，每件食物都好高質素， 生果有出面唔常見嘅熱情果。平時我少早起身，所以今次為左buffet早起，但因為未餓，食左3碟就完左。試左中式菠蘿牛肉炒飯，菠蘿好好香甜，炒飯香濃惹味，乾身近乎冇油，中式水晶皮素餃，餡料幾好味，幾香菇味，唔會太咸，蘿蔔

生日月book左staycation，package內包括君悅咖啡廳嘅buffet🤪天婦羅即叫即炸，好有誠意，炸漿脆口，連埋清新嘅蘿蔔蓉一齊食，一啲都唔漏👍🏻日式刺身鮮甜，推介帆立貝👍🏻西式凍海鮮新鮮，龍蝦大大隻，好厚肉；蟹腳冇雪味，肉質唔會一pat pat，好食😋甜品款式多，淨係雪糕都好多款味道，啱晒我呢啲鍾意食甜品嘅女仔🤪整體侍應服務態度好，環境舒適，雖然坐滿人客，但食物補充得快，攞嘢食都唔駛等好耐，會推介比身邊嘅朋友😋

君悅真係我最愛自助餐之一, 好高質素 幾年前黎過一兩次 之後佢就裝修。今次就係佢裝修後我第一次黎食。嘩!! 食物種類多左好多! 真係令人眼前一亮。鵝肝: 依個絕對係受歡迎食品啦, 想食真係要排一陣隊先拎到既! 岩岩新鮮拎出黎 加埋一片脆卜卜既多士同埋蘋果。 人完都令人回味魚生飯: 依個真係好特別, 唔係間間酒店有得食, 我見佢岩岩拎出黎立即走過去拎一碗仔先啦! 嘩! 味道非常新鮮 再加埋青瓜, 真係越食越開胃呀!! 另外燒蝦呀! 魚生都好好味, 甜品我冇乜點食 因為唔太鐘意食好甜既野! 總結: 非常值得去試下既自助餐

信用咭有快閃優惠，立即登記。準時到達，坐底後首先去中式菜，找到炒龍蝦，多肉夠鑊氣。之後去隔離炸蝦天婦羅，即叫即炸夠脆口。之後試中式蒸海鮮，有魚，蚌，螺，而帶子略小，同時有海南雞，乳豬，叉燒。中湯陳腎西洋菜湯幾濃和咸，有機十榖龍蝦海鮮粥好鮮濃。魚生帶子鮮味，吞拿魚有些根。西式試了燒牛肋肉，大蝦，鵝肝，三文魚和和牛餡餅不錯。甜點芒果椰子果凍和士多啤梨卷蛋不錯。在疫情下能夠保持一定質素的自助餐。只是環境比較暗。

長假期度度都冇位，就黎左grand cafe食個tea，本以為酒店嘅cafe都應該起碼乾淨，衛生做得好啲，奈何情況堪比茶餐廳🤢一坐落枱發現成地都係飯、麵包碎住左咁多次酒店，食左咁多次酒店飯，真係連3、4星酒店都唔會咁。。。隨便叫左3件蛋糕，價錢係幾平，不過咁嘅presentation，里個價錢真係差不多，唔講以為去左樓上cafe，仲有個小插曲係黎錯左其中一件蛋糕好在味道不錯，尤其係朱古力蛋糕，味濃仲有不同口感嘅配搭~Peppermint tea，杯外面有頗多類似茶葉碎嘅黏附物😓peppermint tea係好冇誠意嘅茶包，味道不過不失(某程度上係因為茶壺都好細個，所以味道算濃)唯一值得讚賞嘅應該係個景吧

之前已經訂咗枱諗住慶祝生日，點知疫情之下就要被迫cancel。依家終於可以晚市糖食，我哋就決定再book枱食。出去拎嘢食都要帶返口罩，每個人都比較注重衛生。至於嘢食方面其實都有好多選擇，自己比較喜歡嘅係叉燒，佢係半肥瘦叉燒，不會太肥但係又唔會太瘦，10分有驚喜。而且唔少得當然有龍蝦，蟹以及其他刺身。個人覺得龍蝦都幾鮮甜👍🏻👍🏻至於魚生就唔敢食咁多淨係試咗甜蝦，他都幾新鮮，鮮甜🥰至於鵝肝覺得比較油膩，只係可以食到半舊，要同朋友share一個！

早一個禮拜先訂枱， 原本要分開兩張距離較遠嘅枱坐， reconfirm時安排到兩張枱可以喺隔離🙂👍由於早前食過cafe too好失望， 今次做足準備， 見到各方評價grand cafe選擇多， 果然冇失望由頭盤到主菜， 我覺得選擇都唔少。 龍蝦有凍有熱盤， 蟹腳都算ok， 煎鵝肝攞極都有， 食呢幾樣都回本。 而熱盤嘅片皮鴨同埋海南雞， 不過不失啦。 基本上冇全部嘢食曬， 已經好飽， 最後連屋企人食完推介嘅五穀海鮮粥都食唔落。 但見到粥入面滿佈海鮮，屋企人話鮮甜無比。食飽仲可以叫杯嘢飲， cappuccino同朱古力都唔使加錢， 諗住唔使加錢就唔會特別好飲，但係兩杯都滿分， 不過真係飽到飲唔哂唯甜品水果種類唔多， 拿破崙亦較為遜色。

Eaction嚟到第二日，一早起身就係早餐嘅時間。Grand Cafe早餐種類唔算太多元化，起碼冇日式同印度式，但勝在每一樣野都好精緻好有水準。果汁都係鮮榨嘅，有超過10個選擇，確係醒神。水果種類算大路，但勝在夠新鮮同晚餐自助餐一樣，煙三文魚係自家製嘅，雖然方法有啲唔一樣，但一樣美味。而且仲有我最喜愛嘅牛油果醬同feta cheese睇樣就冇咩特別，識落先知好食呢個Copper ham真心推介，如果有杯香檳就好啦Cereal同乳酪都有好多選擇始終熱盤係我嘅最愛，有Canadian Bacon同脆煙肉，仲有血腸、雞肉腸同豬肉腸適合唔同飲食習慣嘅人Egg station可以幫你即場整唔同嘅蛋，大部份人都會叫奄列，而我就叫咗響屋企整，失敗率相當高嘅poach egg 中式counter有粥、豆漿、麵檔同埋點心，竟然仲有八寶粥，我唔記得臘八節好似邊度人有食八寶粥嘅習慣，咁臘八咪可以過嚟食早餐有八寶粥，唔使自己煲囉！其實中式counter仲有乾燒伊麵同炒飯，我見個炒飯炒得好靚，但咁多其他嘢食我就唔試啦。不可不提嘅仲有我嘅最愛 - 酸麵包sourdough，呢樣野係我整到個starter之前都唔會

一到埗，看見窗外的風景，樓底高，心情特別輕鬆舒暢。酒店要求每次進入食物範圍都要消毒雙手，很衛生，感覺手都要爛了哈哈😂一進入的位置就是吃沙律冷菜的角落，便隨意拿了喜歡的風乾火腿、哈密瓜和煙三文魚。味道鮮甜不會過鹹。旁邊還有值得一試的鵝肝和燒大蝦，燒得香口，配鵝肝的麵包轉多士會配搭更美妙🤩天婦羅最令人意想不到，即叫即做，炸粉夠薄，平日不吃天婦羅的我也愛上了它呢😚再直入就是凍龍蝦、蝦等等。還試了龍躉和西班牙炒飯，味道是可以的，熱食再熱一點會更好呢。超愛這裏的魚生，很大方，每款都不是小分量，叫三種已經是一碟子❤️這裏的甜品更叫人驚喜，每款都很好吃！咖啡果凍非常特別，拿破崙也是必食的！整體來說食物質素是可以的，甜品特別出色和漂亮，價錢來說，是吃氣氛吧！

冇食自助餐有一年，疫情下防疫措施十足。攞食物要帶口罩同先用酒精搓手，所以我每次會比平時攞多幾樣。食物方面仍然貴精同選擇不多。冷盆食左粟米蟹肉沙律，Parma Ham, 海鮮：龍蝦唔錯、蟹腳就咸左D，魚生有五款，都算鮮甜。出名嘅海南雞飯可以，但如果單點就唔底食，返為叉燒有驚喜。片皮鴨一般。天婦羅有蝦，蕃薯同南瓜，三樣都好味。燒牛肉生左D。甜品：雪糕同奶凍最好，其他一般。

趁生日來吃個矜貴的午餐,以為經濟差又没有buffet供應,ㄧ定少了食客,餐廳安排坐門口位也沒關係。豈料由12:30-2:30pm只見不停有客入又有外賣出,鄰座某枱更翻了兩次枱😲幸好枱間距離還算足夠, 只是没有預期的寧靜, 只不停反問: 經濟不是很差嗎？置身餐廳𥚃完全感受不到。言歸食物質素, 來到就不能不點海南雞飯, 自問對吃雞很有要求,第一口是雞腿肉果然有驚喜,肉嫩多汁很有層次感的鮮味。不過由於ㄧ碟有成1/4隻雞,份量都幾大,而且有2/3碟是雞胸,越吃越飽,去到後期醮了醬油就更覺苦苦地。至於雞油飯是可以的，但不算得上很香。冬瓜湯? 個人覺得是蘿蔔湯,豪華版蘿蔔湯,因為加了金華火腿😋而Set lunch的肉眼是塊爷頭扒,ㄧ人吃幾乎要捧腹。扒是烤過的很香,牛味卻不是很濃(個人喜歡重牛味),燒汁很香有酒味,薯條完全無油,脆脆的,ㄧ邊傾計ㄧ邊慢慢吃很是滋味!甜品點了lemon tart和日式梳乎里,都是屬酒店水準。咖啡很香,感覺比以前來吃buffet時的咖啡香很多,令人回味!

今次嚟到灣仔君悅酒店！食豐富自助晚餐！勁寬躺大堂！勁靚嘅環境！準備入去啦！店員安排左海鮮區附近座位俾我哋！仲幾近live Band添，樂手表現都非常陶醉！好啦講吓食物先！海鮮佢當然唔少得龍蝦，長腳蟹，藍青口！等等！最有驚喜就係法式焗田螺，食落去同出邊食到嘅唔同，田螺肉汁比較有口感！唔會似出邊食得唔新鮮感覺！另外配埋薯蓉！！正正！然後又講吓熟悉區，燒羊架，焗生蠔🦪。。然後仲有鵝肝多士。。燒豬仔骨！成餐自助餐整體來講！都係非常享受！有情調有氣氛有質素嘅一間自助餐！極力推介

首先就食下前菜先啦，拎咗牛肉他他、哈密瓜拼巴拿馬火腿、鵝肝，鵝肝比想像中大件，件件起碼半寸厚，絕對唔係平時係酒店見到既size，油脂非常豐盛，食落非常香口，前菜整體質素屬於中上水平。好啦跟住黎到主菜，就梗係要試吓佢招牌菜海南雞啦！平時你依度食單點一個海南雞飯都要二百幾蚊嫁，黎到食自助餐梗係食返夠本😆，海南雞真係做得幾出色，雞身夠滑油飯夠香！黎到必定要食啊！最後到甜品喇，甜品有草莓奶油蛋糕、拿破崙蛋糕🍰、綠茶芝士蛋糕等等，每款甜品都相當有水準。自家製雪糕就記得點綠茶味啊，綠茶味香濃！

今次係第三次去食dinner buffet，因為慶祝生日，所以好想食！上一次食已經係2016年，隔咗幾年再去，質素依然令人滿意。我哋坐喺近窗位置，唔近食物枱，但我覺得都ok，個景開揚啲。6:30pm去到都唔多人，但坐坐吓就已經滿坐，所以就算平日去都係訂位先隱陣。我哋第一樣去攞嘅就係燒鵝同海南雞，因為男朋友記得佢嘅燒鵝髀係有限供應，所以一定要去攞左先。我就拎咗海南雞飯加3件燒鵝髀，廚師將燒鵝放落個爐道熱一熱先再俾我。燒鵝有啲肥，都幾香，但皮唔脆。海南雞係滑嘅，如果油飯再香d就更好食。之後就開始食凍海鮮，龍蝦正常，青口好大隻，幾嫩滑。刺身我話每款都要，廚師俾咗每款三片，好多！全部都幾好食😋。當晚嘅燉湯係黨參燉烏雞，好甘甜，好飲。最好食係鵝肝多士，每塊鵝肝有成8cm左右咁厚，口感嫩滑，夾埋件甜梨食，超正，食咗兩件。😋😋燒牛肉就個邊乾咗，中間位都嫩嘅。甜品我飲咗碗雪耳雪梨糖水同埋食咗件榛子拿破崙，兩樣都唔錯。最後侍應捧上生日蛋糕，細細件外型唔算好出色但勝在朱古力mousse好香滑。熟食隔離仲有檸檬茶可以任飲，茶味夠濃。全晚食物總括嚟講都好食，係我個人最鍾意嘅自助餐餐廳。