君好扒燒西餐廳 (已結業)

一向來紀念日都在外用餐，而這次看到其他的食評，特別選擇來試試看，畢竟酒店的餐廳在水準和服務上，都會比一些普通餐廳好很多，7點鐘就來到南洋酒店，餐廳在二樓，電梯門一開，就隱約聽到輕音樂，門口服務生已經非常有禮貌的打招呼，安排位置坐下。點了石頭燒（大蝦拼肉眼扒，鮑魚拼羊扒）就去拿沙律，有蝦，青口，各類凍肉，煙三文魚及各種蔬菜，生果沙律，真的很新鮮，推薦可多吃，健康服務生幫我們端來湯和蒜茸包（烤得香脆） 頭盆吃得差不多，石頭燒終于上來啦，因爲看到別桌上石頭燒時，已經感覺很特別，而且自己放調料，加上牛油上去煎，好像很好玩，服務生很仔細的教我們如何煎以及注意的一些細節，非常細心，因爲頭盆吃得很多煙三文魚，再加上這自己用牛油炮製的石頭燒羊扒，真是非常滿足，酒店環境優雅，可能是周日晚，沒有滿座，所以客人都有隔張桌子，一邊切這特別的石頭燒鮑魚，一邊享受浪漫音樂，吃完這主食，另一邊還有很多各種的甜品，每一件不太大，適合可以試食多種，我挂著食，相片影少啦，大家自己去試試看就知道推薦沒錯的。

朋友話見到雜誌推介石燒，一行二人去試吓。此店是半自助餐形式，飲品有兩杯，可選擇一款主菜，其他任食。任食之食物：-薯仔沙律：普通，無特別雞蛋沙律：普通，無特別總共有四款芝士，我只食了兩款，味道不錯，但伴芝士吃的餅乾卻＂淋＂了，試了幾塊都是＂淋＂的火腿片：普通，無特別黑椒牛肉片：普通，無特別凍青口：很新鮮凍蝦：很新鮮生果最少都有三款選擇，記憶中有西瓜、哈蜜瓜、蜜瓜：但我無食薑汁蕃薯忌廉湯：我無食，不過朋友話似蕃薯湯水走甜加忌廉班乾雞絲湯：即麵條絲湯，我只要了湯走料，味道很清蒜茸飽：店員放於桌上的，一籃有四片。夠蒜茸味，很香脆，又無燶，又熱，好綠茶奶凍：不是太甜，很滑芒果布甸：不是太甜，好焦糖燉蛋：第一次食到凍的焦糖燉蛋，味道都不錯，不是太甜，蛋很滑甜品全部都很細件，很好，可以試多幾款主菜：-石燒大蝦小牛排：朋友叫的，我試了小牛排，很好食，不韌，十分juice石燒大蝦牛柳：我叫的。蝦很爽口，又大隻，十分好；牛柳普通，無特別，較小牛排快熟，可能我煮得太久，所以有少少韌餐飲：-可樂：店員主動加了一小片檸檬，變成有淡淡檸檬味的可樂紅酒：朋友叫的，她話很好飲。我坐旁邊都聞到很香的紅酒味，聞到我已經很

在Openrice上網見到很多食評都唔錯, 一於生日試下呢個半自助晚餐, 當然最想試啲還是"石在燒"啦 ! 訂咗位原故, 故不用等侯, 可能這間餐廳不多人認識, 而是在酒店內, 而樓下又沒有放置任何宣傳banner, 如果多啲好口啤, 相信會多些人光臨 ; 國慶日光臨, 坐位只是一半滿座 ! 我們分別點了一客羊扖$258+10%, 另一客是鮑魚及大蝦 $308+10% , 這個主菜便是自己石燒 ; 接住便可以拿自助吧枱的食物, 食物水準不錯, 包括 "青口, 凍蝦, 煙三文魚, 煙火腿等, 還有數款不同的沙律供應, 另外, 每位送二塊算蓉飽 (很美味) ; 又有不同水果 (西瓜, 蜜瓜, 菠蘿 等)..... 餐廳職員會讓我們先吃自助吧枱食物, 然後徵詢我們才起石燒主菜...主菜來了, 大蝦和鮑魚不負所望, 經理會過來細心教我們石燒技巧, 包括羊扖和蝦, 鮑魚最佳煑好品嚐的時間, 也會介紹枱上的黑胡椒和鹽, 牛油及其他調味料什麼時間添加會最美味, 又會介紹我們可隨意選擇醬汁, 包括薄荷醬, 蘑菇醬, 薯菜配搭 等等... 我們叫了紅酒和白酒一杯, 作為品嚐海鮮和肉類點綴 ! 我覺

剛剛完出差回来、寫返個感想先～！個日一朝又同老闆一斉帯個客来香港、返到港島区某酒店又夜、個日又約左女友食飯都唔知準唔準時収工之際。見到酒店有餐廰Menu價錢OK～所以就約左女友来酒店食。餐廰好多人、但０等候、而且唔太嘈！不過座左最入個個位、念住”O~NO”　一定無Staff 理我地la.！但座落又唔係wo。一叫就有人過来、而且個位係超近甜品。嘩正～我本身鐘意食甜品＾＿＾O～Sorry～一路都講左好多廢話F^＿^；入正題～主菜我唔講～咁多人講過～而且我個人比較心急、所以D主菜一食得就・・・浄番D骨F(・＿・)但D甜品真係幾好食～我見到都係咁食相都唔記得影～只係影左”燉蛋or鮮奶布丁”（其実係第二杯F^＿^；先有影）而Tiramisu 唔太甜好好食、跟著所有布丁類我都試過最好味係芒果～其他都無再食因為太飽～！最後、有個高級D嘅Staff教左杯酒比我、最初我依為係普通咖啡、但一飲”O～難以形容”因為真係好好飲、所以我問左個調教方法。自己返屋企教嚟飲F＾＿＾；整体服務都唔差、環境都OK！直得推介！

昨日同朋友慶祝生日，諗左好耐都唔知食咩好....記得上次有朋友post 果e 間野d相,打比佢問下.....佢就勁推介e間野啦....佢話好好味嫁d野.....我地就五個人上去食.....我打去book 既時候....個服務員好主動咁問我....係唔係慶祝生日.....佢地會有紅酒同生日蛋糕送番比我地....勁好....上到去果然冇令我地失望......個地方舒服......傾計一流....個經理仲要勁好人....見我地影相....特登自動過黎幫我地影相...搞住個個經理咁耐.....真係勁唔好意思......講番食物先,,,,,我好鍾意佢果麵包可以比客人整熱......熱辣辣咁食.....good...!!!當然唔少得我既主菜鵝肝啦.....超好味.....一食就知唔係出面d平野...最後就係我最鍾意既甜品.....甜品都ok啦......仲可以比我任食....P.S 我朋友食果個石頭燒...都好好味嫁....GOOD...GOOD....e 個價錢...食到咁既野...咁好既服務....超低....XXXXD

揾地方同老公慶祝生日, 見呢間咁多好評就決定一試. 唔知係咪我期望過高呢, 最後大失所望.首先打去訂位, 接聽既待應話無任何生日優惠. 我問有無泊車優惠, 佢話送兩小時免費泊車. 我再問自己泊入停車場定係代客泊車, 佢好負氣咁答"我唔清楚喎!". 去到酒店既時候, 門口既保安話"無位喇喎!", 原來只有酒店入口幾個車位可以泊, 結果要泊去附近既停車場, 所以要去食飯既朋友唔好期望有免費泊車!上到去點好餐首先試下啲頭盤, 款式都算多, 值得推介係青口, 好新鮮. 坐咗好耐見無人理我地, 於是問下幾時上主菜, 但回應係要等多陣. 我地已經坐咗個幾鐘喇喎, 仲要等?? 唔知係唔係唔夠石板, 要等第二枱食完先有呢?! 之後我醒起睇過啲食評話蒜茸包好味, 但係我坐咗個幾鐘都未見上枱喎, 於是問個經理, 佢先話"係喎, 唔記得咗", 真係火都嚟埋!! 而且啲包上枱又硬又凍, 一啲都唔好食!講返個主菜, 叫咗個西冷拼鮑魚同埋牛柳拼大蝦, 都唔錯既, 但係隻蝦就唔太新鮮. 雖然價錢算係抵食, 不過咁既服務我唔會再去多次囉!

今日我daddy生日, 終於book到南洋酒店入面既Grill Cafe食石燒上次係open rice見到都已經想試, 但我預早3日book佢都full左>< 今次早一星期book^^我地一家4口準時7點去到就有位喇. 我地一坐低, 個captain就問我地想飲紅酒定白酒, 個陣我地先知原來每4人就可以送一支. 仲有佢地自制蒜蓉飽就每張台都會有一客, 正!!我地揀好左個main course之後, 就急不及待咁出左去拎冷盤, 我地極力推介d蝦, 青口&煙三文魚 另外佢仲有自助沙律, d蔬菜都好新鮮, 同埋有幾款醬汁比我地揀. 食到咁上下, 我地就叫佢可以上個main course.D waiter好有禮貌, 佢一上個main course個陣會同我地講解一下點樣燒塊扒, 仲有條圍裙比我地唔驚整污糟件衫. 岩岩燒個陣都有d雞手鴨腳, but燒燒下就好快習慣 即燒即食既感覺真係好好, 我覺得佢地既羊扒同西冷扒好好. 羊扒就好多肉汁同埋唔蘇, 而西冷就好嫩, 好有肉味又多汁!! 極力推介!! 另外就係佢既大蝦, 超爽口勁多膏, 好鮮味, 唔洗點任何醬汁都好好味!! 冇

Daddy就泥生日, 正當煩惱緊唔知食咩慶祝之際, 見到lee間餐廳係openrice既食評好好, 加上我地又未試過stone grill, 咁所以就去左一試喇~~~我地book左7點半, 一入到去個環境都幾舒服, 可能枱與枱之間都有d距離, 所以傾晏都唔怕俾人地聽到~~值得一讚~~坐低左之後, 侍應都講解左個menu俾我地知, 最後我地叫左2個大蝦拼羊架, 而媽咪就叫左個大蝦拼牛柳~~雖然個餐係每位都包左2杯酒, 但由於我地都唔飲, 所以最後都冇叫到~~好, 試左個自助沙律吧先,有好多選擇, 其中青口同凍蝦都好新鮮, 而餐湯我地就試左個"蝦仔濃湯", 果然味道好濃郁, 好滑, 好有口感~而蒜茸包亦都非常香脆, 唔單止有好香既蒜蓉味, 仲有好多特別既香味, 哦~~原來佢係用8種香料焗成架, 唔怪得之咁特別啦~又值得一讚~過左冇耐, 個主菜泥喇!!!開頭都怕唔知點燒, 但好彩侍應都好詳細咁講解點樣食石燒, 同埋點樣先可以燒得靚~~我地要帶左圍裙先, 感覺好搞笑~~~開始燒喇, 個石頭好熱, 又成差唔多300度@@"我地每隔一分鐘到反一次, 燒左冇耐就食得喇~~^o^首先食個羊架, 我一d

我公司好多時都會來呢間酒店開會, 但都冇試過係呢間餐廳食dinner, 咁arm之前上泥搵野食見到個comment 都唔錯, 就試試啦~星期日7:00pm 到, 唔係太多人即刻有位, 睇下個set 有d 咩食先:1．餐前紅/白酒：要紅酒啦當然,食扒ma2．自助沙律吧：好多款食物揀，但只係食左青口，煙三文魚，青口好新鮮, 同埋自己整左一個凱撒沙律，d 菜好新鮮好爽口,仲有一個著仔沙律都幾好食 餐湯有什菜湯同黃薑湯，2個人都要左什菜湯, 不過不失啦, 跟住每枱都有蒜茸包，同之前食評講係一樣, 新鮮焗出黎, 超正!!!!3．主菜：食完沙律頭盤，waiter過來教我地點樣整d石燒，其實之前去stonegrill 食過都知點玩, 但佢地都介紹得好詳細，我地叫左西冷拼鮑魚同肉眼拼大蝦，2款扒輕輕燒一分鐘就夠, 好有肉味, 最讚係大蝦，好大隻，爽口有蝦味, d 蝦糕爆哂出泥勁正，至於鮑魚，都ok ga , 但2揀1的話一定要揀大蝦, 仲有薯菜, d薯仔本身已經炒過, 好好味, 仲有d 蕃茄, 本身都好甜, 如果放上塊石到燒1,2 分鐘更好味, 食扒食到咁上下中和下都唔錯4．自助甜品：食左少少, 因為

我朋友生日約埋另外2個好朋友, 一行4人食飯, 但冇人肯話事去邊度食, 咁我地就上open rice睇下啦, 大家都覺得呢個價錢ok, 同埋我地4個人, 冇一個食過石燒, 咁咪試下啦.去到之後真係冇揾錯地方, 好好味之餘, 仲好好玩, 一定會再去

兩星期前有同事去過呢間餐廳食石燒話唔錯，咁啱同亞女响時代廣場City Super買完書包順路去試下，好彩朝早訂左位，晚上七點到左經已有好幾枱坐滿，我地一家有叫石燒，又有叫精選晚餐。成個Set包括有：1．餐前飲品／餐後甜酒：細路要咗汽水，大人揀咗餐後甜酒，因為個餐有紅酒送，我地先飲紅酒。2．自助沙律吧：好多款食物揀，比較出色有青口，凍蝦和煙三文魚，沙律可自己配上唔同沙律醬，餐湯有兩款，同時，每枱都有蒜茸包，新鮮焗出黎，真係非常得，亞女叫我返屋企整比佢食，問左服務員Ｄ蒜茸包點整，原來用左八款香料黎一齊焗，嘩！响屋企點整呀？咁好味嘅蒜茸包，仲即刻落多一個柯打，我地趁熱食清哂。3．主菜：食左約半個鐘沙律後，服務員過來講解點樣食石燒，都介紹得好詳細，要我們要記住密密反轉，蝦要煮耐Ｄ，有薯菜和醬汁自由配搭，仲有圍裙比我地，唔駛驚整污糟件衫。好明顯石燒比精選晚餐來得精彩，始終自己落手煮梗係好味Ｄ，尤其是大蝦，真係好大隻，有蝦味又彈牙，鮑魚都唔錯，小牛排比牛柳的味道較好，好有肉味，值得推介！亞女話下次再嚟嘅話都要叫石燒，真係好好玩。4．自助甜品：有Cheese Cake, Tiramisu, Mous

今個星期一約左3個朋友諗緊去邊食飯..上openrice睇下銅鑼灣有咩好食..見到石頭燒好似幾得咁..咁就打去訂左位去試下啦間餐廳6點30開始到晚上10點..我7點鐘去到..一入去個感覺唔錯..今晚都唔少人...不過訂左位有sofa坐一坐低餐廳員工會講解比我地知menu等等..好nice..4個人order石燒有紅酒一支..唔錯..開始頭先係自助沙律吧....凍蝦凍青口...仲有每位送蒜蓉包一客(聽講有8種唔同香料..正)4個人食下飲下紅酒..差唔多上主菜..期待...我地都要戴番條圍巾..好得意我地叫左羊扒.大蝦.鮑魚.肉眼等等..黎喇..待應上石喇由部長同我地放食物上石頭上..超細心向我地講解點樣燒....讚...大蝦真係超大隻..鮑魚又唔會韌..羊扒牛扒正..再自己拎唔同既汁同薯菜..GOOD食完石燒再拎D甜品番黎...都幾多款...最好係唔多細細樣...岩晒我地為食可以食多幾樣...原來早一日訂位4位以上有一個CAKE送....都唔錯,下次一定再去

之前從來都未試過食石燒,今次第一次嘗試一行3人分別叫了 西冷 ,大蝦配羊扒,同埋鮑魚配肉眼係上石燒之前梗係要食d頭盤,煙三文魚同埋青口都好好味,拎左2轉原來佢仲有蒜茸包比我地,咁就去拎左個羅宋湯去送包食主角終於都上場我地3個人決定分甘同味,每樣都分開黎試最快熟的係肉眼扒,放落去幾分鐘就可以食了(大約有5成熟)係燒既時間可以自己加鹽加黑椒調味而我想食熟D 就切開後再放上石燒上再燒多一陣同時西冷都準備好,好味特別一提係燒鮑魚.,一D都唔韌,好味好味最後等到 羊扒 同埋大蝦 都熟了因為經理先生話大蝦要差唔多20分鐘先熟晒其實我本身都唔太好蝦,但係見到咁大隻,都忍唔住去試下,蝦肉都好爽口食完石燒,再出去拎左d甜品番黎食,完成左今餐石燒

今年生日本來都無乜特別想食啲乜....諗住去開銅鑼灣，咪上openrice search吓有乜好食....點知被我搵到呢間餐廳！我見大家啲comment都唔錯，價錢又唔算貴，仲話有蛋糕送....咪一於去試吓。二百幾一位食石頭燒喎...仲要喺酒店，超抵啦！打電話訂位先知送蛋糕唔係因為有人生日...總之四個人一齊去，仲要提早一日訂位就有得送！！但我即日先訂位...無得送...都唔緊要啦，自己帶蛋糕上去切又唔駛切餅費....正呀！同埋四個人一齊去食，送紅或白餐酒一支，仲送埋餐前飲品(可以叫酒)。星期日六點半就去到，唔算太多人，靜靜地都唔錯。我自己叫咗大蝦配牛柳石頭燒，家人點了帶子配煎三文魚扒、煎牛柳 (原來可以唔要石頭燒，用碟上！)主菜未上，我哋已經食咗三輪頭盤，老爸連甜品都食埋！哈哈！ 我自己超鍾意食青口，掃咗兩次，都refill 得好快。終於我嗰石頭燒到喇！經理先生仲好耐心教我石燒，件牛柳好好味呀！仲可以自己揀汁，磨菇汁有好多菇，配埋牛柳食最正！生熟程度又可以自己控制，有得食又有得玩！食到最後，我哋切埋蛋糕...開心完滿嘅一餐！

在很久很久以前, 在這裹吃過自助餐, 已經覺得質素很高, 一直想encore 再食 可惜成日都跟朋友夾唔到時間....到而家居然轉埋石燒, 決心搵日去試下果然不負所望....依然很有水準...我和朋友各點選了一款石燒, 跟住又有餐前飲品和有餐後飲品, 再每人送一杯紅酒即係每人起碼有三杯野飲落肚.之後又可以出去自助沙律吧、餐湯跟住個扒就上枱啦~~成日睇電視啲美食節目, 啲主持都會話肉有肉味扒有扒味咁當你食第一口嘅時間就會深深咁體會到呢句時話肉扒好juicy, 好有肉汁, 由於係自己燒嘅關係, 自己可以控制到扒嘅生熟程度肉扒本身係冇味的, 要幾咸要落幾多黑椒都係由自己話事值得一讚嘅係位經理和侍應, 好有禮貌好有耐心地講解石燒嘅程序如果去到銅鑼灣食飯又唔想等位的話 不妨可以選擇去下呢度真係值得一試嫁!