影片
以上资料只供参考，请与餐厅确认详情
谂住系后生仔海南鸡结业之前一定要再帮衬一次🥲前两日就订咗一只之前就好想试嘅杞子花雕醉鸡，今日lunch时间去拎💛到店门市未开净系做外卖，本身想再加通菜油饭但都冇得返鸡😂于是就唯有拎住我只花雕鸡好唔舍咁返屋企啦🥺打开见到两盒鸡都系排得好整齐咁，花雕汁分装，入边都有唔少杞子，可以依自己口味倒埋落去，作为爱酒人士我梗系全部倒埋啦😆影完快快食一啖，果然系招牌海南鸡嘅食感，肉嫩皮滑，皮肉间仲有少少啫喱，酒香浓郁，食唔停口呀🤤杞子花雕醉鸡 7.5/9本身其实我只系想订半只先，但又觉得万一想再食就冇机会啫🥲反正要帮衬就帮衬多啲喇～另外半只可以摆冰格再翻热之嘛～食完觉得订一只真系一个好醒目嘅决定🥹咁好质素嘅海南鸡结业真系好唔舍，希望有机会可以再开返💛
继续阅读
海南鸡饭(7.5/10)：鸡肉、鸡皮都颇嫩滑，生熟刚好，也不过肥。黄油饭，偏向像印尼黄姜饭，暖呼呼黄姜味重，但不会油腻。虽然未算是全港最高质那批，但质素已达中上，而且晚市价钱很实惠，海南鸡饭只售$55，加$7转半脾，加$14转全脾，还包一杯热饮，物超所值。———————————————————————————⭕️总评：良心小店，物超所值的海南鸡饭，会翻食 ✅ 💵Budget: $65 pp (dinner)
继续阅读
今晚回家食母亲节饭，买外卖加𩠌😗听讲过旺角有间海南鸡几正，行过又咁岩见到呢间店！要左个孖宝试吓$118海南鸡+卤水猪手海南鸡真系唔错！好食～鸡肉又香又滑，连埋鸡皮食好鬼正😂卤水猪手味道都OK的，不过就肥左少少🤏个汁捞饭都OK😬两样嘢嘅份量都算几多下！又抵又好味！下次仲想试埋炸虾饼、泰式咖哩！同埋要早少少黎试下堂食会唔会有另一番滋味😆整体评分：⭐️⭐️⭐️⭐️
继续阅读
🐥 后生仔海南鸡 💛作为一个小毒毒已经好耐无出城了其实之前都有出旺角食后生仔海南鸡只系太懒无出Post今次团购又帮衬左就放番之前堂食既相出黎先半只姜葱无骨海南鸡 $92 啲葱多到埋左只鸡呀个阵葱味好正好浓而且啲鸡好滑最正系无骨 食落啖啖肉呀 半只口水鸡 $92一样啲鸡好滑好入味辣度刚刚好泰式猪颈肉 $88好耐无食过泰式猪颈肉啦呢个都几岩我口味份量都好满意呀泰式青咖喱牛腩 $88呢个用黎送饭一流呀而且屋企两老好少有咁一致赞好个牛腩够腍无乜牙都食到٩(๑❛ᴗ❛๑)۶
继续阅读
见佢哋冇得6点后堂食，专登搭车去支持佢哋。明明过咗繁忙食晏时间（2点入去），店内唔算太多客人，但啲店员都做错嘢，一嚟嗌乜冇乜（冇青咖哩，冇金边粉，冇白饭得油饭，冇网虾春卷），咁原本嗌咗个青咖哩饭转炸虾饼堂食，点知等好耐，佢哋落单以为系外卖....。我另外嗌海南鸡饭拎走，卖单时张单又冇删到个青咖喱饭，又唔知要转个海南鸡饭俾我拎走（张单完全冇落），要我提话有个鸡饭先识即刻整。未完，咁有mee会员做九折优惠，我啱啱dl个app唔识用，卖单问佢哋侍应点用个优惠，几个都唔识，最后有个在厨房做嘢嘅女仔心水清识用。至于味道，失望，我个猪颈肉饭啲肉竟然唔系热，涷嘅! 搞到偏硬。个海南鸡饭系佢哋招牌（因外卖回家冇影相），但啲鸡煮得太熟，变咗啲肉比较死实。椰汁糕冇乜班兰味，椰汁味亦唔重，但口感唔错烟烟韧韧。炸虾饼就有啲辣，同埋唔夹佢个柚子汁。如果有啲人唔食得辣就唔好叫虾饼啦。结论唔会再嚟，我楼下两间海南鸡饭店仲好食过佢，滑过佢，猪颈肉又热过佢。发觉次次帮衬黄店同人迫都算，食物水准都不似预期，为何要贴钱买难受？
继续阅读