後生仔海南雞1998

Lunch又去周圍試新餐廳，我哋呢班後生仔，當然食返後生嘢：後生仔海南雞1995！餐廳主打泰式菜式，Lunch set的選擇夠晒多，平均50蚊一餐。第一次踩踩點就當然叫份招牌之選：招牌無骨海南雞飯！本身無咩食欲的我，見到黃黃的油飯，胃口大開！飯粒夠乾身，粒粒分明，而且帶微微的雞油及黃薑味。海南雞的皮唔算厚，入口皮滑肉厚，點埋個微辣的薑蓉汁，夠晒惹味，送飯一流。餐廳另一招牌之選係薑蔥無骨海南雞飯，呢份海南雞同雞係另上，係海南雞上幾乎密舖的薑蔥，味道比無骨海南雞更惹味。整體雞算幾好食，如果整體的温度可以再熱啲就會更好。==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)…查看更多

帶魚蛋去麥花臣驗血,有成個鐘時間得驗血報告,去食個快飯先,難得成日想食後生仔海南雞都冇時間,自上次佢地話裝修後都冇黎過,入面唔同左既係,牆上面既畫唔同左,文宣corner 冇左,可能後生仔都要搞新鋪既野,好攰咁呢,辛苦曬啦,今日唔見後生女,應該去左西九新鋪呢,最後都係叫返招牌無骨海南雞飯,青檸梳打,飯到啦,賣相一樣靚仔,一樣有雞啫喱,有雞啫喱既雞係最正既,入口嫩滑有雞味~油飯好香,粒粒分明,但係食落味道好似唔同左?定因為我飲左青檸梳打先呢?唔緊要,我會再食試清楚XD雞汁好味~青檸梳打酸咪咪,飲完好鬼醒神,搵日去西九試下新鋪先.…查看更多

經過旺角一於試下呢間海南雞，晚飯時間都KEEP住有人排隊，等左15-20分鐘左右入得。小店規模，店員都係後生仔，但係地面就濕濕地，要小心冼親。🔥招牌無骨海南雞飯 $55評分：★★★★☆海南雞飯可以免費轉做油飯，最彼我地一個叫普通飯一個油飯，飯嘅份量十分之足，起碼有成兩碗飯。海南雞有雞味，都幾嫩滑，係雞胸位置會有小小鞋口，最值得一讚係雞皮爽脆，雞皮下同肉之間有做到層啫喱，食落唔會覺得油膩，十分之推介。🔥薑蔥無骨海南雞飯 $55評分：★★★★☆呢個薑蔥南雞叫左油飯，食落係黃薑粉帶小小雞油味道，個飯唔會太乾身，但亦唔會油淋淋，不過女仔食就真係冇可能食得哂個飯，細食嘅可以叫少飯。蔥油加鼓油醬汁用黎撈飯一流！薑蔥雞就係海南雞但加左醬汁，食落會更加惹味。鍾意食薑蔥嘅唔可以錯過。🌟總括：五十幾蚊，有個雞飯仲有埋杯熱飲品，轉普通凍飲都係加$3蚊，CP值好高，挑剔唔到D咩！…查看更多

上次同朋友出開旺角 突然想食海南雞 一諗就諗起通菜街開左間專食海南雞既餐廳 就即刻行過去睇下有冇位 想試下 點知咁岩餐廳裝修冇得食 唯有下次再黎試下 咁岩今日又出旺角 就去睇下佢地開返未 去到餐廳唔洗等位 即刻入得 就同朋友一人叫一個招牌無骨海南雞飯試下 海南雞飯點可以冇黃油雞呢樣野 呢個係一個完美既配搭 少梗樣都差梗啲野 等左陣 兩個飯黎左喇 一黎到俾佢個份量嚇一嚇 飯既份量望落好大 好似好多咁 海南雞都有好多舊 黃油飯好香口 好夠味 食落唔算好油 海南雞冇骨 最中意食啖啖肉 海南雞啲肉好滑身 仲會配埋個酸酸甜甜既汁俾你點啲海南雞 好好味 開頭以為一個既份量會好多 但其實一個人食係岩岩好 值得一試…查看更多

始料不及「後生仔海南雞1998」作為位於「旺角」「通菜街」裡面，以「泰式海南雞飯」作為招牌菜食品的的泰國菜餐廳，竟然還有台式手調飲品風格十分濃厚的「口爆水蜜桃茶」。「口爆水蜜桃茶」裡面的茶底是一般的「紅茶」，「紅茶」的味道很濃厚，令「水蜜桃茶」飲品裡面的「水蜜桃」甜味濃度感覺被放大。至於「口爆水蜜桃茶」裡面，一咬立刻應聲爆破的食材「口爆」，其實即是外型類似一般食用「珍珠」，但是口感相對比較爽脆，一咬即爆的「爆珠」。至於「後生仔海南雞1998」裡面的食品「招牌無骨海南雞飯」，「海南雞」雞肉的質地雖然算是很幼嫩，「海南雞」雞肉的口感感覺也很軟腍，唯一缺點是「後生仔海南雞1998」廚房斬出來的雞絲太粗糙，不夠幼細。之前我曾經食過的「泰式海南雞飯」，「泰式海南雞飯」裡面的每條「雞絲」，都切得幼細，而且粗幼程度都是一致，不像「後生仔海南雞1998」「海南雞」雞肉那麼粗枝大葉。儘管「後生仔海南雞1998」「招牌海南雞飯」裡面的「海南雞」雞絲，除了口感嫩滑之外，而且還隱約滲透一陣新鮮的雞肉甜味，跟鹹味味道。至於「後生仔海南雞1998」為「招牌海南雞飯」而附上的「豆瓣醬」，「豆瓣醬」的味道跟我以前食到的「豆瓣醬」，「豆瓣醬」裡面的豆瓣甜味、辣椒辣味跟醋酸味幾乎一模一樣。至於「招牌海南雞飯」底層呈現偏黃顏色，味道不算鹹，也欠缺雞油香味，只有一股來自「薑黃」辣味的油飯，暫時不是我食過的「海南雞飯」裡面最喜歡的飯底。但是由於「後生仔海南雞1998」「招牌海南雞飯」附送了一碟充滿「豆瓣」鹹味、「辣椒」辣味，還有「醋」酸味的「豆瓣醬」，「豆瓣醬」足夠令「招牌海南雞飯」實際味道還能夠保持濃厚感覺。可惜「後生仔海南雞1998」餐牌「牛腩」需要另外加錢，砌成一份集齊「雞油」香味和「豆瓣醬」酸辣味道的海南雞牛腩雙併飯，需要付出更多的金錢。這是我對「後生仔海南雞1998」感到有點失望的地方，或者下次我再光顧「後生仔海南雞1998」，可能要放棄享用「招牌海南雞飯」，改試「泰式咖喱牛腩飯」了。…查看更多

係旺角區算係較抵食嘅食店，裝修壁畫設計幾靚。✨食物62分，環境68分，服務70分。.🔸招牌無骨海南雞飯($52)雞肉皮薄肉厚，唔太入味，尚算嫩滑，不過有一舊唔夠熟，唔係好咬得開。飯量夠多，油飯夠色水，但係味道唔夠。.🔸泰式青咖喱雞配飯($56)轉油飯(+$3)青咖喱水份較多，太稀，味道唔夠濃，整得濃稠啲，撈飯都會正啲。.晚餐會送一杯熱飲，幾抵食。不過希望質素有待改善。😆.💈旺角通菜街2號鴻光大廈地下L號舖…查看更多

地方唔算好大，1點食要等一陣先有位大部份套餐50蚊内，仲包一杯熱飲，好抵食！！只收現金，記得㩒錢招牌無骨海南雞飯($45)好大份飯量好多，可以揀白飯或者油飯，食海南雞梗係叫油飯🤤🤤油飯好食唔油膩，食到最尾有少少鹹雞肉無骨，偏肥都幾多肥膏，皮下無白色啫哩可惜得一種醬汁，如果有埋酸甜醬就好 椰汁(跟餐價$12)以為沙冰係碎冰，點知啲冰好大粒椰汁口感香滑甜甜地，飲落似椰汁大王泰式炒金邊粉($48)有蛋、雞肉絲、芽菜同豆卜。好鹹，重口味嘅話接受到…查看更多