名門壹號

营业中

休息中

趁住公眾假期同朋友試試呢間酒樓，十幾個人被安排了張16人大枱，十分闊落，仲有位置擺放BB車。酒樓環境舒適，而且唔嘈，方便大家傾計。難得公眾假期都有下午茶優惠，我地叫到成枱點心，仲有炒飯，每人平均都只係$1xx， 好抵食！雖然平，但點心質素都好好喎, 蝦餃大粒，腸粉又滑，飯又夠大碟有時候去油尖旺d酒樓又貴又嘈，呢間係荔枝角地鐵站上蓋都好方便丫，又有得泊車，坐得舒服，最適合一班人來慢慢歏茶傾計。見到佢地仲有D得獎名菜，好想試拔絲咕嚕肉，不過個肚已經full左，下次可以再來呀!

星期六一行4位惠顧午市飲茶其中一道點了「芋絲夾」，五香粉味濃到刺喉，又煎得不夠火候中心不夠熱又散，所以退回食物及取消柯打。故此結賬時特別核對清楚賬單以防「芋絲夾」柯打未被取消，結果發現被多收至7位茶錢😠聽到職員講，最近原來不只一次有客人反映被多收茶錢。大家惠顧時記得對清楚賬單先付款！！！

公司有新人加入，歡迎午宴例牌到茶樓飲茶是也。炸雲吞很難做得難食，這裡就成功地做到了。皮厚而炸得不夠透，變成硬塊，肉餡又實，兩客六件，一枱十多人都有吃剩。叉燒肉質很柴，欠缺叉燒應有的蜜味，咬完後要狂“了”牙。全餐最好食的要數這個送的文昌雞了，至少雞有雞味，滑而不膩，薑茸調味亦是可取，不會過咸。海蜇青瓜不過不失，雖然青瓜激硬，明顯拍得不夠鬆，還幸醬汁咸中帶辣，令整道菜提味不少。本來叫的生炒骨不知何解變成了拔絲骨，倒亦不差。排骨炸的酥脆，糖汁稠杰狀態恰好，包著顆顆肉排，夾起來更有拉絲的效果。翡翠蛋白炒飯賣相已經不堪，綠得來一點都不翡翠。食味就只覺得是炒菜飯一碗，毫不突出，平平無奇。蛋是超級超熟，皮蛋又少又欠蛋香，菜蔬又有筋，是為史上最難吃的金銀蛋上湯莧菜！其他點心例如燒賣、雞扎等都是肉質很實，不甚入味；不過最差的是山竹牛肉，好像有股怪味，不太新鮮。吃完後大家都胃口全消，連店方奉送的甜品都不吃便離開了。可能會再光顧，但起碼未必再叫點心。

哩間D點心還可以，。 就是貴咗D和款式不是很多；。 服務態度差。 至於晚市小菜份量太小但是味道幾好架，燒鵝夠脆夠肥味仲有燒肉都好靚值得推薦。 環境就乾淨舒適既，近排早茶蝦餃做緊特價好底食架