名門壹號

营业中

休息中

好耐冇過過嚟呢邊飲茶，屋企人好鍾意去呢度，因為夠闊落啲茶都幾好飲。我就鍾意呢度下午茶多款式。今次第一次試乳鴿唔係炸嘅豉油王感覺上冇咁熱氣， BB鴿又幾嫩。每次嚟都冇嗌點心拼盤，其實真係幾抵啱啱好一個人一籠。同埋佢啲蒸餃啲皮好薄，唔會食皮都打爆自己。呢度個灌湯餃都好大隻裏便好似食緊雞絲份卷裏便個餡咁低嚿雞肉餡相當滿足。粥都係必嗌嘅，因為真係個粥底煮得夠面，不過所有就唔鍾意佢係用山竹牛肉嗰啲牛，唔係用免牛。如果挑剔少少嘅話就係個芋角就乾咗少少唔算熱。芝麻流沙包比較甜咗少少。跟住要再嗌番返鹹嘢嚟食。豬手同埋肉骨茶鮮竹卷都好入味，之後再食埋楊枝甘露糕輕甜作結！

This Chinese restaurant is a decent option for a family dinner, primarily because of the large portions. However, the food quality is just average, with nothing particularly outstanding.We ordered several dishes, and the overall impression was that they were a bit too salty. The fried rice, however, was the highlight of the meal. Each grain was separate and distinct, with a nice "wok hei" flavor and well-balanced seasoning. If I were judging solely on the fried rice, I'd give it above average

食物已經唔算好，叫個職員阿姐攞BB凳，佢拎張BB凳嚟嘅時候，將張BB凳飛埋張枱度，枱上面嘅茶都瀉出來。仲同你講，你即管投訴我啦，我唔怕架！啲咁嘅服務態度，點同大陸比。

4月27日周六，我朋友一家15人為了大桌面去了宇晴軒的名門一號酒樓用晚餐，食頭圍6點入席。要了一份12人全包宴外，另叫3份素菜。由一位年青侍應接待，好快便上了4碟餸菜，朋友向部長提出減慢速度，不用太急，希望慢慢用餐。豈料等了很久很久都未見上菜，食完4碟後叫年青侍應來問，竟然反指是朋友要求唔要急上菜, 所以就慢了。為怕他們在餸菜做手腳，只好忍氣要求重新上菜，這時部長過來，語氣非常不友善咁話：唔好再要求改上菜速度。之後部長及年青侍應都沒有再出現，餸菜到來，傳菜左望右望也不見有待應, 只好自行上菜。跟住的傳菜都不再揾人, 並好自動咁幫我地上菜。非常勞氣食完一餐。

今日唔知同屋企人去邊度飲茶，屋企人突然間話去呢度飲，全部住新界嘅人走出嚟九龍飲茶為咗咩呢，原因係呢度二搵位易啲喎。星期日都懷疑搵位，感覺有啲伏。入到去，環境都算寬敞，樓底亦都好高，所以就算多人都唔覺得佢會好嘈吵。開左左壺香片幾好飲有回甘。見到張點心紙，下午茶再加埋特價點心都有好多選擇，比起出邊一般下午茶嘅下單紙多三份二嘅選擇，簡直係心心眼。蒸嘢嚟講新鮮熱辣份量亦好足。幾鍾意佢個雞絲份卷，而家出面唔係好多酒樓有得食，同埋呢d餡料，好多時候都喺廚房長期擺放會有機會變壞，但係呢度就唔會。裏便啲西芹粒重好爽脆。蝦餃亦都相當大粒爽口。藥膳豬手都好淋滑，試左個汁有藥材香但無味，呢個就解釋唔到。不過個鴨腳柚皮就有啲失望，塊植皮處理得唔好，仲有苦澀味。平時都好少食炸嘢，但屋企人鍾意食，就叫咗一啲來試，皮薄餡多，最重要係唔會炸到油淋淋，平時好少叫炸嘢，因為出邊好多時候都炸到又黑又滿口油。呢度嘅韭菜餃係超驚喜，嗰邊係脆㗎。而蜆蚧鯪魚球亦都好彈牙。另外叫咗個福建炒飯，裏面有啲鮑魚BB，並唔係鮑汁。$60都唔使真係冇投訴。唯獨個艇仔粥較失望，冇乜料同埋個粥底比較稀。其實食到都差唔多飽，最後都係忍唔住食埋個燒腩

住係樓上，難得來呢度食個正餐。本身就無好大期望，不過叫左六人套餐，都中規中矩。龍蝦很彈牙，伊麵調味適中，小朋友很喜歡。個燒鴨其實有驚喜，皮脆肉香，加上薄餅青瓜大蔥，對得起個價錢。

最近我與友人和友人的家人去長沙灣/荔枝角那邊食午餐，她久不久都會光顧這間「名門壹號」在宇晴軒商場二樓的酒樓。這裡地方大大，人流多，常常見有食客在門外等位。週日，朋友與母親、家人與我們一齊去光顧！我們一行幾人，叫到成枱點心，超多，超飽！瑤柱蛋白海皇飯 HK$88.00原籠蒸馬拉糕（中）蜜汁叉燒包（中）潮州蒸粉果（小）生菜鯪魚球粥（大）皮蛋瘦肉粥（中）原籠墨魚仔蒸飯 HK$88.00鮮蝦炸雲吞（中）脆皮燒腩仔 HK$55.00原本都想給好評，不理他多好食/抵食，但我們很有禮貌的「唔該」前「唔該」後，換來的竟然是部長/侍應因為太忙，太多工作，想我們行快啲，最後向老人家講了句粗口，真是激氣！

中午同好朋友到酒樓食飯，平時等位的人不多，今日就等了大約15分鐘左右才有位，我哋有六個人，可以叫多啲款式嘅點心。上菜速度快，食物方面，除咗蝦餃和糯米飯味道偏鹹，最出色的係XO醬炒腸粉，其他食物都ok，份量亦不少。

星期六早上同老公去飲早茶，唔使等一去到就有位，我哋10:15去到啱啱趕得切早茶。叫咗兩個孖寶套餐，點心跟粥 $25.8，跟煲仔飯就$28.8。抵食！ 一共叫咗七個點心 ，上餐都算快，一個鐘到就食完。整體味道算唔錯，四個人埋單 $200有找。

網上預訂咗一個四人盆菜, 追加龍蝦伊麵, 四大一細食, 兩個老人家食量都唔多, 但係食唔飽, 盆菜分量好小, 菜都唔多條, ，$688 /4人份， 唔會再幫襯， 啲鮑魚似罐頭鮑，十幾蚊隻嗰啲， 乾瑤柱都超細粒， 貢丸都係得四粒， 非常唔足料， 超多蘿蔔墊底， 失望😩 通常盆菜都係會食唔曬， 第一次清曬個盆， 食埋龍蝦伊麵($198) 都唔夠食😩以為酒樓的盆菜都會唔錯， 但係大失所望， 貴啲嘅食材每人一嚿都可以理解， 但係連 貢丸， 芋頭 ， 冬菇都得四舊😔 建議四個成年人, 起碼叫六至八人份先夠食, 冇下次, 市面有很多 其他 的選擇， 仲會免費送貨

聖誕節凍冰冰，屋企唔想煮飯，又唔想食西餐，於是乎打破傳統食聖誕羊腩煲😄😄，由於冇晚市堂食關係，於是為有外賣返屋企。估唔到佢哋嘅誠意非常之十足，煲仔飯和羊腩煲係原個瓦煲俾你攞返屋企，雖然個瓦煲唔係值乜嘢錢同埋已經計咗落去個價錢度，但係咁樣嘅賣相絕對可以一再幫襯👍🏻👍🏻今日叫咗個蜜桃拔絲排骨，一個羊腩煲（仲有生菜跟），一個雙腸滑雞煲仔飯，兩隻乳鴿，佢仲有兩碗糖水同兩罐啤酒送，多謝盛惠$420 ，抵到爛啦😱😱想搵個阿姐禮貌好到不得了👍🏻👍🏻👍🏻👏🏻👏🏻👏🏻（下次再去買外賣，可以還煲當$5用，十分環保♻️）

趁住限聚令修緊的前一天， 到宇晴軒名門壹號食海鮮餐， 188元一位 ，本來沒有什麼期望， 但卻愈食愈有驚喜， 頭盤是叉燒燒肉青瓜， 燒肉肥瘦適中， 叉燒又很林青瓜爽脆， 跟著來了酥炸生蠔和黃金蝦 ，生蠔雖然不大但很脆 ，黃金蝦的蛋黃也不少 ，清蒸鮑魚和扇貝火候恰到好處， 黑松露班球 可以吃到黑松露的味道， 最後龍蝦伊麵， 龍蝦半隻 的大小 剛好， 伊麵索滿龍蝦汁很好吃， 最後的桂花糕和紅豆沙 都有水準， 完成了 沒有堂食 的前一晚上最後衝次，留有美好的回憶

是日休息，去四小龍宇晴軒商場飲個茶食個包😁😁名門1號都做好多結婚飲宴，所以佢哋個場都算幾大及樓底幾高，坐得十分舒服👍🏻👍🏻今日人少少，只係叫咗幾樣嘢食炸雲吞-老實講要炸雲吞唔好食，除非啲油唔得，如果唔係都好少中伏👌🏻👌🏻醬汁蒸鳳爪-味道不錯，鳳爪有咬口👌🏻👌🏻紅燒乳鴿-乳鴿就瘦咗少少， $38隻唔算特別平不過都仲可以接受點心拼盤-呢個好，絕對適合人少少叫唔到多嘢嘅時候，每樣嘢都有啲都係$88 ，非常合理👍🏻👍🏻好可惜，今日帶位嗰個大媽心情應該麻麻，不過佢心情如何係唔應該關我事嘅，佢嘅面口同語氣真係唔係好得囉，因為佢一個人餐廳減分😔😔😔😔不過要補充一下，唔好害左其他人，除咗帶位嗰個大媽之外，其他人嘅服務態度係好都不得之了🙏🏻🙏🏻

與舊同事飯聚，有人推介呢個$188海鮮餐我地見價錢都幾平就試吓，但嚟到發現仲有好多餐選擇，有啲仲平仲抵食我地一行四人，諗諗吓好似叫另一個海鮮餐仲抵！$548六個海鮮我地原本諗住呢個餐只得海鮮唔夠飽，想叫埋自選一餐$348，但侍應姐姐話兩個都係四人餐，驚我地食唔晒，咁我地最終都只叫咗超值海鮮大會餐！龍蝦伊面超級咸細細隻龍蝦仔，肉質尚可，如果唔係咁咸都算幾好，唔知點解要咁重手黃金蝦，冇咸蛋味，夠熱夠脆口，味道反而唔咸！真係估佢唔到炸蠔啲脆漿多得好誇張，蠔本身都正常size都唔細唔知點解要配咁多脆漿上碟脆漿雖然好厚，但夠脆食落唔漏條魚屬於bb size好細條，佢有講明係龍躉仔，但都好新鮮嘅鮑魚無乜特別，算正正常常，但陳皮完全無味扇貝似雪藏又係勁咸，港人都追求健康好耐啦⋯⋯點解要咁重味全部餸都偏咸送嘅綠豆沙反而好正！夠香又唔太甜！仲有西米添

朋友是這𥚃的熟客，而我則是第一次過來，從荔枝角地鐵站過來，也是很方便。環境寬敞，光猛十足，適合與朋友聊天，唯一就是員工人手不足，這麼大的場地，只有幾個服務員，會累壞員工。縱使員工殷勤，也未能一一照顧，所以加茶加水，往往要自己負責。因為鄰近端午節，所以叫了咸肉粽和鹼水粽，咸肉粽沒有什麼餡料，這些應節食品，可能不是自家製造，質量真的不成。其他點心出品不錯，當中以咖喱魷魚和鯪魚生菜，最為出色，份量也不少，照片是吃了一點，才想起要拍照，因此看起來比較少。整體來說，也是一個不錯的飲茶酒樓。