同治堂 (已結業)

我們選了一客「米線餐」（$34）和一客「飯餐」（$26），另加一份菜（$5）。埋單$65，份量足味道OK，服務幾好，是沒話說。米線餐（$34）：選了「蝦膠春卷」和「香菇貢丸」作配料，配上「蕃茄魚湯」的米線。係好味份量足。甜品是「椰汁雜果西米撈」，亦足料味美。加上鮮打「木瓜汁」，亦是大大杯，沒下多少水或冰塊，好滿意！飯餐（$26）：選了「茄子肉醬飯」，一般碟頭飯質素，但用油偏少，好！亦附送「椰汁雜果西米撈」和「木瓜汁」。另加一份「西生菜」（$5），補充纖維和其他維生素！=================================================另：然而，這是一頓極不愉快的晚餐！問題不在店家態度、食物質素、亦不在環境價格…，只在同店其中一位女食客的態度和行為。我入座時說明要吸煙席，店家亦好正路地安排我到吸煙位！點餐後，有一對男女被安排坐在我鄰桌，都無問題！當我和友人點煙時，鄰桌那女食客「發晒癲」咁話：「死喇！呢舖實肺癌！」用手往空氣大力地掃，企圖打散煙味！？跟著大罵和指責我和友人的吸煙行為，還咒罵我們因吸煙致癌而去世！我和友人跟那女食客說，這個座位係吸煙席，食得煙bo

週四，到附近辦事後，巳經係晚上七點幾。回家前，在公車站（荃灣千色店前）前的中式涼茶店，吃了這份米線晚餐。多款魚湯米線、魚湯泡飯、拉麵，單點由廿四蚊起，最貴好似係三十二蚊左右。配蠔油菜，加五蚊；配果盤和是日果汁，加八蚊。近日腸胃麻麻，只點份「赤板叉燒蕃茄魚湯米線」（$24）配「蠔油生菜」（$5）。免加一，埋單$29，幾抵！那米線名稱好勁，曰「赤板叉燒蕃茄魚湯米線」！何謂「赤板叉燒」？類似日式叉燒，超鬆軟甘香，讚！蕃茄魚湯好好味，我喝了數口哩！米線爽滑，吃得好滿足，好感動！那油菜，份量不少，係「海x粥店」那九蚊菜的兩倍份量！！對這店深生好感。========================================另：企堂穿白汗衣制服的兩個年輕男子，動作勤快，招呼週道有禮。其他兩個中年女侍應，只懂坐係度呼呼喝喝，兩個極端。

同許xx同出一徹,都係有多樣化的甜品店既涼茶店,不過此間,就多左樣熱食~~拉麵,咪以為呢度d拉麵唔方好得去邊,我都食過幾款,唔錯架,拉麵唔會煮得過腍,d配料都幾好,而且都幾似日式拉麵,有粟米同半隻蛋,每次吃,個盆都有樽七味粉架,落小小,辣辣地,好味~~甜品方面,都試過幾款,熱既甜湯,會保險d,凍方面.就可能比較失色,不是指味道,味道係ok既,但溫度就唔凍唔熱,暖暖昧昧咁,最憎架喇,所以通常叫熱既多~~這裡還有小食供應,以前最愛燒賣,一來夠大粒,二來內裡有冬菇之類,同街邊販賣既唔同,食落都有少少酒樓風味,不過近來變質了,沒以前咁好味了,另外,佢既滷水拼盤,都ok架,仲有蘿蔔糕,食左幾次,上檯時都係熱呼呼的,正~~(當然出街食既蘿蔔糕,都係糕多過蘿蔔架啦,否則,蝕多過賺呀)反而涼茶,龜苓膏,就唔係幾得,要飲涼茶,食膏,就最好另作它選啦~~

之前去親都冇諗過去食麵~不過試過一次就真係好想食多喎~我食過赤坂 叉燒麵, d 叉燒係日本叉燒~~~~湯底好好味, 仲有冬菇肉醬麵, 肉醬汁好正架!!要試喇!! 麵餐有埋生果同果汁或涼茶...抵食飽肚!!