同撈同煲

营业中

休息中

屯馬開通真的很興奮，去到九龍城呢間好有香港特色既餐廳，八十年代既感覺，門面已經好適合打卡，賣魚勝既檔口係正餐廳外面，地板都係以前既小階磚，牆上面又有霓虹燈，連餐具都係成日係電視古裝戲既餐具，我真係以為時光倒流我地揀威個冬甫美人鍋湯底，好味又足料，上面仲有好多蟲草花，我地飲左碗先打邊爐，加拿大象拔蚌好新鮮，即叫即開，抵食，餃子食得出自家製，皮薄餡靚，鴛鴦滑都幾唔錯，夠彈牙，呢到竟然有鱔片， 份量唔算多但爽口，整體來說都幾好，可以再來

今次又book同朋友慶祝生日 不過星期六日朝早屯馬線開通左之後真係超級多人，不過對於飲食業來講應該係好事嚟嘅Nice decoration未齊人我同朋友出叫左蝦多士，雞軟骨同炸魚皮送酒蝦多士啲蝦膠爽滑，多士夠脆 椒鹽雞軟骨 粒粒都惹味髮鬆化 食咗一陣店員過嚟過話有優惠 之類 我哋就叫多咗一份炸魚皮要左麻辣味同埋孜然味shake shake粉 由於啲雞軟骨食到七七八八 同埋覺得好夠味所以冇用包粉 反而魚皮 我哋分咗一半黎試個人比較喜歡麻辣味香香辣辣 Cheers湯底方面 今日叫左東甫雞湯底依舊保持到湯鮮甜美味 飲完不口渴配料都好新鮮有脆肉鯇魚 鵝腸 皇帝菜 蟹子包最鍾意係皇帝菜 索晒啲湯 而且一枱人都鍾意食皇帝菜嘅人好少 🥲珍惜之後叫咗一份野生竹笙 同薯粉啲野生竹笙大嚿到嚇親我哋 不過食落又好爽口好滿足食食吓我哋都係決定叫象拔蚌 😂鮮甜彈牙最後送咗杯凍檸樂同啫喱滿足

宋皇臺站終於開，去九龍城方便咗咁多，當然立即要去果區搵食！呢間火鍋店走懷舊風，入到去好親切，好有昔日香港嘅感覺！美人鍋～湯底入面有冬瓜、蟲草花、雞、娃娃菜、桃膠等等，感覺幾養生！上菜前會預先將雞隻煮到8成熟，店員上菜後會幫忙將雞切件，待湯滾起就可以飲湯同食雞！湯算係幾清甜，但加咗清湯打邊爐就好快無味，雞隻食落都無想像中嫩滑。必點：墨魚丸、黑松露墨魚滑，咬落去好爽彈！爆醬瀨尿牛丸都唔錯，入面好多汁！豬腰，水魷都好新鮮！手切本地牛～雪花唔算好均勻，切得又薄，咬落去有啲韌之餘又無乜肉味，有啲失望！梅花黑豚肉～將豬肉砌成兩朵花都唔算好新意，但黎到仲要等佢退冰先夾到起！每塊豚肉跟一片青瓜，夾埋一齊食又幾特別。

已經唔知第幾多次再幫襯因為個湯底真係好好味！好足料呢個價錢，哩個服務今時今日香港真係唔知邊度仲有😭😭🤍🤍其實呢間餐廳每一次嚟到都有唔同嘅優惠今次叫咗個$300有幾款海鮮嘅拼盤海鮮非常無敵新鮮！今次第一次食胡椒豬肚湯好香好濃 不過一啲都唔難which i think is good!!! 不過可能去到最尾嘅時候 越煲越濃味最後一轉落嘅食物都比較鹹今次佢哋甜品唔單止送咗平時會送嘅啫喱仲送多咗糖不甩比我哋 話係俾我哋試吓食然後突然之間又有抽獎雙數會送可樂，單數就會送四粒小籠包個人覺得真係好抵！買單叫咗咁多樣嘢食 又大牛又2碟午餐肉都只不過係$1000頭咁嘅質素咁嘅服務香港仲邊度有咁平？買單嘅時候當月20號前再光顧湯底做半價！已經立刻book咗月底前食多次！

一個月前約了家人來吃飯，見到他們的懷舊風格很期待呢湯底方面揀咗美人鍋 家人吃過說很好吃湯底鮮味甘甜，雞肉嫩滑，喝碗湯後已胃口全開鱔片很鮮甜老友鬼鬼可以就咁食，香脆的油炸鬼包住黑松露餡料，好正！鵝肝墨魚丸爽彈，內裏甘香，天衣無縫鴨血香嫩彈牙珊瑚蚌爽甜鮮美豬腰沒有任何臊味，處理得很好這個金錢雞不得了！已很多年冇吃！入口油香豐腴味美，呢一刻請忘記膽固醇！我哋都揀咗刺身拼盤，有章紅魚 帶子 赤背 同蝦章紅魚新鮮甘甜帶嚼勁，帶子赤貝同蝦都很鮮甜幸福最後有送糖不甩 賣相精緻內裏煙靱，外邊花生糖很香很甜 今餐同家人吃得很高興！食物很好，員工殷勤服務態度也很好，真的值得一讚，令人吃得愉快放鬆呢度款式很多，要來多幾次先得！

朋友生日諗住過嚟慶祝食晚飯、因為帶住兩個小朋友又拎住兩個BB車職員態度十分友善安排我哋入座還特登比靠牆位置，環境係懷舊風格很有特色東甫美人鍋湯底非常出色個湯底非常鮮甜！裏面有成隻雞雞嘅肉質非常之滑一啲都唔鞋　另外仲叫咗個shake shake炸魚皮有唔同嘅粉俾你灑上去好特別整體打邊爐嘅菜式都好新鮮好味，臨尾仲有甜品啫喱送、上面把遮仲可以玩、大人小朋友都食得好開心

秋風起當然又係出動打邊爐嘅時候😋行經九龍城其實本身都冇指定想食邊間，見到呢間餐廳個裝修好味道於是就決定一試🤪餐廳行懷舊風，播緊流行經典五十年嘅廣東歌再配合本身嘅餐具同佈置，好似時光倒流咁🥸去到一開煲當然係咁叫嘢食，主要推介個炸魚皮同即炸響鈴❤️❤️❤️兩樣炸物都好出色，炸魚皮可以簡味再入袋shakeshake，響鈴就更加鬆脆，好少會打邊爐食咁多炸嘢🤭佢嘅自家丸就試咗芝士蝦丸，四粒乒乓波咁大，食落口都足料。另外餐廳提供幾款牛選擇，冇乜驚喜不過不失，打邊爐志在同朋友一路食一路吹水，整體都滿意

撈起！撈起！一齊同撈同煲🤘🏻🤘🏻位於九龍城嘅呢間火鍋店好有特色全場都好有懷舊特色聽到好多以前八九十年代嘅金曲最正係佢嘅地板都好有feel以經典茶餐廳嘅綠色格仔pattern為主首先加咗自己鍾意嘅醬料提提大家呢度要收醬料費㗎！呢度嘅火鍋湯底真係冇得輸我叫咗個醉雞湯底 啲味好正係真材實料 而且唔會飲完口渴啲雞仲要滑不溜手 餐桌上面有張膠片可以自己圈出火鍋配料我就揀咗幾款 包括鱔片 QQ豬皮 皇帝菜 百葉豆腐 稻庭烏冬QQ豬皮好正！吸晒湯底啲味道仲有百葉豆腐 非常之彈牙 而且咬落去有啲似墨魚丸、豆卜同埋魚蛋嘅混合體 出邊比較少見呢款食材另外最令我難以忘記嘅係呢度居然有甜品送係青檸啫喱佢係以前非常懷舊嘅傘仔啫喱！細細個喺茶樓推車仔嘅姐姐永遠都會問我叫唔叫仲有好得意嘅天鵝糕點令人諗起好多兒時回憶 實在非常難得臨走之前記得玩埋出邊啲懷舊遊戲平時喺文具舖必玩架😆😆

< 九龍城同撈同煲火鍋🍲 > 📍九龍城呢幾日天氣涼返好多🌬就可以瘋狂打邊爐🤣 家姐話九龍城有間新開嘅火鍋好味😋 一於去食😛🍲老港沙嗲鍋 $108呢個沙嗲湯底好濃郁 入面加咗芋頭粒好特別👍🏻👍🏻 加咗兩次湯仲係好杰 超入味😋😋🥩本地手切牛肉 $238手切牛肉好大塊 一碟大約十幾片 有厚度 唔係薄身👍🏻👍🏻 食落重牛味 唔太韌 同沙嗲湯底好夾🤤🥩安格斯牛肉 (小) $ 168安格斯牛肉肉質好嫩 大約係手切牛肉嘅一半 有少少入口即溶嘅感覺😛個人鍾意食呢個🥰 🦑墨魚滑豆卜 $68一份有十幾粒 都幾多 豆卜索晒湯底嘅精華 好入味😋😋 墨魚滑好彈牙 食到有墨魚粒🦑 唔錯🦐芝士蝦丸 (半份) $58半份有四粒 每粒都幾大 蝦丸爽口彈牙🦐 芝士好多 有流心效果❣️❣️🐮醬爆瀨尿牛丸 $48牛丸大大粒 入面仲有包心饀👍🏻👍🏻 咬落去爆晒肉汁 好好食😋🥠即炸響鈴 $58係我食過最脆嘅響鈴🤤🤤 黎到枱面仲係熱辣辣 超級鬆脆🤣🍍大菠蘿冰 $48真係好大杯🤣🤣 入面差唔多有十舊菠蘿🍍 好解渴👍🏻

成日聽人講九龍城打邊爐正，但我又未試過，所以尋晚就特登去九龍城試下打邊爐啦。其實我都唔知九龍城最正嘅邊爐係邊間，不過我食完之後覺得呢間都幾正。呢間火鍋係sell懷舊風嘅，店內裝修好似幾十年前啲舖頭咁，都幾得意。同埋注意，佢係懷舊唔係殘舊，所以雖然設計懷舊，但啲檯凳其實係新淨乾淨嘅，所以都坐得舒服。仲一路播住啲懷舊歌曲添。食食下聽到佢突然播生日歌，應該係有人生日，睇黎呢到幾適合同朋友慶祝生日。不過壽星啲朋友好似真係唔太識做，播生日歌嗰陣都唔拍手，又唔一齊唱嘅，尷尬。定係其實係壽星想低調呢？所以我都唔知係邊檯有人生日。入返正題，講講我食左啲咩先。🥣老港沙嗲鍋 $108沙嗲鍋好濃味，濃到唔似沙嗲湯，似食嘅沙嗲汁多啲，好正。湯入面會食到有花生，湯嘅味道已經好足夠，唔需要再點豉油，用唔著我親自精心調配嘅醬料。裝湯隻鍋好寬好大隻，比較平身，啱晒用嚟打邊爐。🦐芝士蝦丸（半份）$58芝士蝦丸有四粒，蝦味十足，好彈牙。咬落去會爆芝士，芝士好香，同時唔會蓋過左蝦嘅味道。🐮安格斯牛肉（細）$168牛肉係有驚喜，雖然作為一個窮學生嘅我揀咗最平嘅牛肉，但係出嚟嘅牛肉好靚，每片嘅牛肉厚度切得非常工整，雪花牛肉食落

真係冇諗過火煱店可以甘多打卡位，D到嘅環境佈置好有特色，好有6、70年代嘅feel ,D餸個名樣樣都咁精緻，真係十分之正！今晚同朋友仔慶祝生日，真係冇揀錯地，服務員態度非常友善又好客，今餐食貴D都抵D個美人鍋真係正，不但有陶膠同蟲草花仲加埋半只雞，真係好滋陰補腎腎，大大煲，爽呀沙嗲湯底好重味道，配埋薯粉同菜好滋味鵝肝墨魚丸好特別，外層好爽口，內裏有鵝肝，本來兩種大欖都扯吾埋嘅味道，竟然一拍即合，出乎地😊韮菜餃好大只，用料十足！羊肉真係唔騷，食到一塊接一塊停吾到口，大大件，好有口感豚肉卷到靚靚甘，真係吾捨得食架D款炸魚皮真係邪惡到一個點，有淡淡嘅鹹蛋香味，淨係食佢都夠豆腐好濃豆味又軟身D個糖不甩係免費架因為我預先訂位時同佢地講話我朋友生日，仲全埸播音樂唱生日歌😝真係好感動

今日放假入九龍城一間好出名又有特色既火鍋店食火鍋🥰好有懷舊feel，成間店都係打卡位啊😍待應仲好細心咁幫客人淥埋碗添🥰打邊爐既時侯背景音樂係好懷舊既歌，真係完全投入懷舊情懷😛小明為食餐單: 火焰醉雞煲(半隻)🥘 $168雞煲上枱時香噴噴，好濃郁既味道，有半隻雞份量😋上枱時待應仲會加少少酒再爆香d，見到有一下有火起，真係火焰雞煲啊，好有鑊氣🤩食落雞好惹味😋食食下可以叫待應加雞湯繼續淥野打邊爐😛懷舊蝦多士🍤 $68好香脆蝦夕士，舊舊金黃，沾上酸酸醬汁，好正既小食😋依個係唯一一個唔洗淥就食得既食物😋鵪鶉蛋燒賣🥚 $48好大粒燒賣，面頭滿滿蟹籽，有粒大大粒鵪鶉蛋，放落雞湯淥，店主話要淥6分鐘，淥完燒賣仲有粒左🤣不過好好味😍特式蝦米腸粉🦐 $38蝦米腸粉淥完好滑，有蝦米有蔥，好味啊😉小籠包🍲 $38大大隻小籠包淥起一咬湯汁噴出黎，滿口湯汁加肉係口，好滿足😁秘製醬汁鳳爪🍲 $28一開始以為鳳爪係就咁食，原來都係要淥😆好好味，秘製醬汁好配鳳爪😋冬爪薏米水🥤 $28打邊爐飲冬瓜薏米水就好解渴又清熱😋忌廉🥤 $13一枝裝既忌廉邊打邊爐邊飲😋甜品(啫喱)🧁 餐後送食完飯仲有啫喱甜品送添🤤好耐無食過，真係好

呢度嘅裝修同畫都好有特色，好有懷舊嘅感覺。同埋佢哋播嘅歌都係八九十年代，啱我。朋友竟然話一首都冇聽過，可惜。一嚟到枱面仲有好多醬料俾你揀，但係我哋揀嘅沙嗲鍋味道好香濃，所以我都冇乜點醬。呢個火鍋有好多湯底選擇，我哋就叫咗沙嗲湯底。呢度啲嘢食好高級，我咁大個女都未食過啲咁高級嘅嘢呀！以下係我哋食咗嘅嘢：火鍋料：細安格斯牛肉、梅花黑豚肉、水魷、蟹籽蝦滑、即炸響鈴、芝士蝦丸、墨魚滑豆腐卜、紅薯粉。熟食：椒鹽豆腐飲品：藍妹啤酒、冬瓜薏米水甜品：啫喱、花生糖不甩篇文太長冇人睇，咁我重點介紹：甜：啫喱有花奶，仲有把遮仔好可愛。花生糖不甩好突別！本身個爐都爐都熄咗，點知個糖不甩嚟到嗰陣店員開返？！原來佢會用個沙嗲湯底煮，佢仲話麻辣鍋都係照煮？！本身都有少少驚（笑），但係煮完加埋啲花生碎又幾特別，鹹鹹地甜甜地！肉：牛肉同埋豬肉都好足料，估唔到細分嘅牛肉都咁大！豬肉佢哋卷咗就一朵花嘅形狀，好靚好特別！肉嘅鮮味都好足夠，唔係便宜貨！魷魚都好好咬口！丸：呢度嘅火鍋配料份量比較多，一set都幾多粒，其實都夠三四個人食。我食咗嗰啲個味道都好好，我最鍾意就係芝士蝦丸，啖啖蝦味入邊仲滲透左芝士香。飲：如果冇杯，可以

九龍城有好多泰國餐廳同好食嘅餐廳，但估唔到依到有間好特別嘅火鍋店。最近好hit懷舊主題，依間餐廳裝修好有懷舊feel，好似電視記錄片上講嘅舊時香港，好似去左90年代嘅香港，無論坐邊個位都好適合黎打卡。一路食，佢一路播以前嘅舊歌，好似返左去以前，感受下當時嘅香港。佢係以單叫嘅形式，可以避免眼闊肚窄，但都食到好飽。佢每枱都有一盤醬料同調味，你唔洗走出去，非常貼心。老港沙嗲鍋：佢有好多種湯料可以選擇，因為成檯都唔食辣，然後就簡左依個鍋，湯底都幾好，唔會愈淥愈淡味。安格斯牛肉：牛肉係打邊爐必須有嘅食物，冇左佢就唔係打邊爐。叫左個細份，但份量都幾多，佢切到薄薄一片，好快就可以淥熟，食落牛肉味好濃，一分錢一分貨。梅花黑豚肉：從佢嘅賣相就已經好吸引，佢捲到成朵花咁，好值得為佢留下靚相。佢食落同佢嘅賣相一樣好正，黑豚肉真心好食，食落冇渣，入口就即溶嘅感覺。蟹籽蝦滑：蝦滑成份都係整隻蝦，唔會偷工減料，冇其他野加入去，真係啖啖都係爽口嘅蝦肉，佢嘅份量都唔少，好值得點黎食。墨魚滑豆卜：從佢嘅名就知道佢嘅成份，佢將墨魚滑放入豆卜內面，佢嘅外觀好似魚肉燒賣，口感都幾似，佢嘅份量都幾多。芝士蝦丸：又係好味嘅芝士，

📍 九龍城同撈同煲火鍋地址: 九龍城打鼓嶺道70-72號地舖秋天最啱打binlo，今晚就同朋友一齊食！第一次同 babuka食野，有啲緊張🤭。原來佢好靚女，又好好傾，希望之後可以成日約啦😻！環境餐廳係走懷舊風格，長期播住啲80/90年代嘅歌🤪。餐廳嘅裝修亦好舊式，牆上面又有好多畫，好有香港🇭🇰特色。四人卡位非常寬敞，坐得好舒服，食物都夠位擺！店員店員好貼心🥰，一開始會幫我哋消毒餐具。見到我哋個湯有好多泡嗰陣，又會幫我地「不」走佢！其他店員都好熱情，同我哋有傾有笑🤗！沙嗲鍋打binlo我通常都係食蕃茄同豬骨湯，今次就試下新野！佢嘅沙嗲味都幾濃郁，仲見到有唔少香料🤩，香噴噴！醬料佢有6款配料可以加，悉隨尊便，你地可以慢慢配搭！細安格斯牛肉牛肉味都幾濃，花紋幾靚，仲一啲都唔韌，好容易咬！佢哋切得一啲都唔薄。細都好大碟，夠曬我地3個人食😍。梅花黑豚肉擺盤超精緻，有兩朵玫瑰🌹！唔好睇佢細細舊，其實有8大舊㗎。豬肉一啲都唔鞋，切得都幾厚，啖啖肉，正！水魷食落幾爽，唔錯！蟹籽蝦滑一嚟都嚇親！有成兩大筒😍，超多啊，好抵食。仲見到大大隻蝦🦐係入面，蝦滑都好彈牙好真材實料！即炸響鈴上到嚟有6大條，條條脆卜