吉野家 (已結業)

吉野家火鍋一向係我嘅最愛，但上次推出嘅蕃茄湯底比較失望，終於等到佢出新湯底了，今次係龍蝦湯。相比起之前嘅火鍋，今次配料比較少，只有青口同蝦，先試試湯底，非常鮮甜好味，有好濃郁龍蝦味，唔會好似上次蕃茄湯咁淡，蝦都算爽口唔霉，青口細粒但鮮甜。部份分店惠顧兩個龍蝦湯火鍋，加65蚊就可以有一隻龍蝦，咁抵梗係要試。龍蝦雖然唔係好大隻，但放落鍋度就剛剛好，約煮十五分鐘之後就食得，龍蝦肉夠爽口，而煮完龍蝦嘅湯底昇華到更加鮮甜，令我不其然咁飲咗一大碗 ，有d後悔無煮完龍蝦先落烏冬。總括黎講，今次個龍蝦湯底非常正，可惜要食晒所有配料先可以落龍蝦，如果唔係肯定更加好味。

一直都有食開吉野家下午茶，幾抵食，但今日無食早餐，實在太肚餓，落堂就去左吉野家食午餐。十一點半左右，店內都幾多人，點餐要排隊5分鐘左右。上菜速度都好快，話咁快就有得食。但我一望到個飯即刻灰左，同以前比好少菜！連個飯面都蓋唔哂。由於平時覺得個雞汁太鹹，所以叫左汁另上，同埋可以食到飯同其他配料既原味以及質素。雞肉煎得太焦，放入口既時侯只有焦味，唔係雞味，最後我要去哂啲雞皮先食，都叫做食得健康啲既。最後，成個飯最好食既只有佢既珍珠米。雖然個飯唔太好食，但都希望唔好浪費，食得唔好嘥！

🙏🏻🙏🏻😖😤8 號風再次星期日來襲素來對吃要求過分的人在尖沙咀沒有了永年車仔麵復失去了三哥米線又要平又要食得落口在晚上問緊見吉仔開門唯有入場排隊不過又出了意外搵到一個40$ 套餐見狀立即大讚自己選擇英明唐揚雞赫赫有名是日本人引為驕傲的名揚炸雞這裡一套4 塊舊舊酥脆彈牙實在令食家的我另眼看待一大碗白米飯雪白晶瑩全沒想到太咸的面豉湯結果要倒點飯下去才能入口一隻小碗連蓋子小巧玲瓏⋯⋯非常專業令人感動日本人絕對稱得上專業炸唐揚的

平時如果想簡簡單單打一個邊爐，就會選擇吉野家一人火鍋，唔使洗之餘，價錢都算合理。60幾蚊可以享受打邊爐嘅樂趣。吉野家火鍋最鍾意食嘅就係佢個芝士竹輪，獅子狗裏面包着芝士，淥完之後芝士有溶化嘅感覺，好好味。另外配合佢個吉野家烏冬，好滑身，最鍾意嘅就係佢嘅濃湯，因為味道濃郁，更能入味。

無言過左lunch time繁忙食飯時間，去左尖沙咀金馬倫道既吉野家外賣自取。店舖人流正常，但店舖人手依然嚴重不足。Order左幾個餐及小食，額外另加既小食漏左無俾，見到收據上面有電話號碼，就打去問一問啦～只不過打左好多次去分店電話都係長響。。亦長期無人接聽。結果，要自己行番去分店問收銀，然後問完一個職員卸一個職員，原來真係零服務零公關可言🤷🏻‍♀️，搞好耐👎🏻👎🏻👎🏻👎🏻👎🏻

見到推廣話有新出嘅蘑菇牛肉飯，就立刻去試吓。磨菇有啲似KFC嗰種蘑菇飯，都幾惹味，味道濃郁。細飯加杯餐飲＄29，都算夠飽。食親吉野家牛肉飯都一定要加配牛肉汁，撈飯一流！

。 踩過上次黑松露芝士大伏之後 人總係犯賤嘅。 見到新產品就會想試 我承認我係花心咗啲嘅。 入正題 佢撈完之後就會變成胡麻醬湯(勁水) 唔係點醬嘅感覺。 玉子自己散開曬之後就冇左回事。 再嚟幾粒充滿童真嘅粟米。 今次真係牛有牛味 烏冬有麻醬味 味道分開曬 一啲啦能都冇。 至於奶茶紅豆冰 得奶茶味。 冇錯啦 佢就係一杯有幾粒紅豆喺度嘅奶茶。 媽 我究竟喺度食緊啲咩

本人因為鐘意食芝士，見到近期個海報張貼推出三重芝士食品，見有三隻芝士包括巴馬，車打，莫札里拉芝士，完全可以滿足到我想食芝士既喜好咁抵食就試下啦，而晏就4點幾先$28個飯，凍飲加幾蚊，都幾吸引就入去吉野家，不過當我點了呢個新出三重芝士既牛肉飯感覺都覺得芝士陣味唔太好聞，要好鐘意食芝士既人先會鐘意呢個芝士味，cheese 有粉未加芝士粒加芝士醬融合。面書上對呢個飯反映麻麻，但本人係食得曬食個飯既。。不過都係覺得配番牛肉汁先係最正！！！！所以如果但求食時有牛肉香氣既又唔太鐘意芝士陣味就點番溫泉蛋牛肉飯個類 。

一行3人星期六9:30pm去到諗住一人一鍋dhabushabu，點知 已經賣晒火鍋，唯有試下其它嘢食。叫個三重芝士牛肉雞排雙拼飯。佢地個poster話有莫扎里拉芝士，車打芝士，巴馬芝士，雖然望落真係有一pat芝士，但食落唔太夠味，亦都無拉絲效果，有d失望。另外下面無咩汁，個飯好dry, 要自己走去問 d staff 攞d 牛肉汁先夠味。里間環境比較差，可能人流比較多，每個位都濕濕地，或有幾粒飯，坐地前要小心檢查。

吉野家的牛肉飯，在香港，應該無人不識。下午茶時段，野菜牛肉飯只是22元，很抵食。而叫兩飯，都只是出面茶餐廳的價錢，但能吃得超飽又好味。而每次叫牛肉飯，加牛肉汁是常識吧。牛肉汁雖然較油，但味道超濃，是牛肉的精華！如若果不撈飯食，會覺得很鹹。所以我都會直接把肉汁倒進飯中。飯粒很大，咬落彈爽口，很好吃。飯粒不會很乾，吃落不會覺得很難放入口。反之，飯粒較棉身，多水。而飯均合了洋蔥，十分惹味。它的洋蔥實在是太美味了，煮得很入味。口感嫩滑，即口即溶。有洋蔥本身的蔥味，但完全吸收了牛肉汁的精華，所以很引人入勝。紅蘿蔔清爽甘甜，口感很爽脆。重點的牛肉超多片，肉汁仍很多。不如帶點靭，若果能滑一點則更好味！

吉野家搞打邊爐，真係做得好成功，比其他任何快餐店都做得好。皆因價錢抵食，又多新意多花款，美味嘅肥牛肉亦都係重要原因之一，歷久不衰。只要係人數少少，又想打邊爐嘅話，必然選擇吉野家。湯底味道都出過幾款，不過始都係原本嘅濃湯味最正。果日食嘅係櫻花蝦主題，櫻花蝦最好係食嘅時候撒面，如果唔係會煮到淋晒。加左櫻花蝦嘅湯底同食物，鹹鹹香香幾惹味。肥牛肉加芝麻醬呢個配搭一如既往，不可或缺，亦都係最值得食之選。港式打邊爐同日式shabu shabu remix，食一碗吸收晒湯底精華嘅冬，正。最開心係尖沙咀分店仲有日本啤酒賣，係吉野家打邊爐都終於可以啤一啤佢。

吉野家嘅下午茶超抵食，今日叫左個田園燒雞麵，再加杯汽水都係約$26蚊到，好抵食，鐘意食Tea嘅朋友唔好錯過！吉野家啲公仔麵味道有點兒似出前一丁，會附送麻油俾食客，香味濃郁，而且又夠飽肚，確實唔錯！至於啲燒雞皮脆口，雞肉嫩滑再加上燒雞汁配搭，愈食愈開胃。至於招牌"牛肉飯"下午茶嘅份量都唔算細，牛肉軟彈煙韌，再加上秘制嘅牛肉汁，黎到吉野家當然要試一試。

I always go to Yoshinoya for breakfast as chain stores means stable quality. I ordered beef Udon breakfast set. It served with a cup of hot green tea, plus requested extra beef sauce which was free of charge. The beef was soft, juicy and easy to eat. It fired with onion, it came with the good smell and sweet of onion.

［吉野家食豚]星期六book左剪頭髮，要黎個快食。一個人，吉野家同手上部iphone絕對係快食嘅好朋友。其實好耐都冇食過吉野家了，唔想食牛，見到有個新野： 玉子粟米豚肉飯，有晒我最喜歡嘅完素，即試！再加多個關冬煮同凍檸茶！豚肉飯雖然比起平時食嘅牛肉飯mini, 佢都係用番似牛飯嘅汁，但汁唔多，有蛋汁同粟米撈飯，啖啖都有爽脆粟米，好有咬口。關冬煮個蘿白勁林勁入味，仲有芋絲同魚蛋，食完其實飯都食唔晒。就係咁，吉野家同我一齊享受左短短嘅二十分鐘快食時光。

自從十多年前某連鎖快餐店想出一人一鍋之後，直到今時今日已經很普遍了。在眾多的選擇當中我較為喜歡吉野家的火鍋，因爲吉野家每次都會給我一點驚喜😎今期火鍋以蟹棒和海鮮做主打加上加拿大籃青囗當然牛肉飯還是吉野家主菜啦蟹棒火鍋 - 日本信州味噌湯底味道鹹鮮能帶出青口和蟹棒的鮮味蟹棒絕對吸引十分大條，而且配料十分豐富有栗米、豆腐丶黃芽白、金菇、鮮冬菇、油豆腐當然小不了肥牛肉和烏冬，肥牛質量高不會切得太簿香滑冇渣，烏冬十分煙韌青口比較細粒，沒太多鮮味🤔和風牛肉溫泉玉子飯 - 牛肉蓋滿飯面看見已叫人興奮，牛肉味道鹹鮮再加上七味粉調味👍🏻跟玉子混合絶對令人感覺幸福