吉野家 (已結業)

今日星期日去咗尖沙咀行街，夜晚我哋6點幾，7點左右嚟到吉野家，已經勁多人，收銀得一個人有時仲要出去出餐嗰度幫手，人手比較不足。但呢間吉野家地理位置優越，一出尖沙咀地鐵站🚉就見到吉野家，非常方便。😄有一段時間我冇食到吉野家，因為覺得湯底淡左好多，唔知系分店問題定咩。今日同友人食返，又覺得好濃味個湯底，真心唔錯。叫左芝士竹輪火鍋吉野家火鍋真系幾抵食70蚊每人，食到勁飽😬火鍋依舊都係甘足料。基本上排隊至少等半個鐘，系半個鐘。等位就唔需要等好耐，好快就有位。

如果兩三點都未食晏晝飯嘅話，但係夜晚又約咗人早食飯喎，在這種情況之下我都會平平哋食一個吉野家嘅四碗牛肉飯，$23有飯有肉有菜有嘢飲，我覺得簡直係屈機。其實吉野家keep個Standard keep得幾好，喺唔同分店食出嚟嘅牛肉味道都唔會有太大分別。不過想讚下呢間，有關於佢上餐嘅速度，喺收銀處叫咗，基本上你行到過去取餐處已經有得攞你個餐，呢一個流程十分順暢。

近日天氣轉冷，上來一趟便宜又方便的火鍋，吉野家實在是不二之選。主打芝士車輪轉火鍋，牛肉份量尚算多，推薦叫日式濃湯比蔬菜湯更令烏冬入味。轉出前一丁不用另外加錢，相信比粉絲烏冬更多人選擇！

今晚和好朋友運動，簡單食賣相吸引，一邊東坡肉，味道濃郁，半肥瘦，一邊煎雞，外皮香內嫩滑，中間多款疏菜，營養均衡，底層系好香香飯，太好食，好似兩餸飯飲埋香滑奶茶，好棒啊

今日又走咗去尖沙咀，找來一間集團式食店，這間位於地庫的❨吉野家❩，門口都很明顯，也為於地鐵站出口附近，走進地庫後，內裡的位置很寬闊及開揚，光線柔和正因下午茶的時間，所以揀嚟一個輕量的茶餐， 這個叫❴丹麥三文魚沙律迷你牛肉飯❵，牛肉飯用上一碗細細的分量，但牛肉質很嫩滑，但飯底就被較為淋少許，至於丹麥三文魚多士，三文魚只是一些罐頭食品，多士就欠缺鬆脆， 可能因是集團的問題或只是💲27元的消費，所以提供的質量不可以太高要求個人感覺如果只是希望能已經濟的價錢來享用一個下午茶，還是其一的選擇

吉仔不嬲都喺我山窮水又盡既時候救我一命,  賜我正餐溫飽一星期總要幫襯各地既吉仔一次以保持荷包重量下午茶套餐最近有新搞作,    20蚊餐香港地, 好耐無"20蚊買到一個餐"依支歌仔落樓下買野食都唔會袋得一張廿蚊紙喺身吧依個餐十分ok,   二十元正剛剛好有一碗迷你牛肉丼,  兩個雞串燒 或腸仔,  芝麻豆腐,   小綠茶感覺正正就是日本那種早餐,  一小碟一小碟,  又有白飯 又有清茶健康簡單牛肉飯一如以往好味,  飯份量少 , 更適合女生,  肉同飯個比例其實反而高左,  唔會食剩飯了  (肉:飯)串燒不要期望太多,  這次食既時候有點唔夠熱,  有待改善  (天啊但才20蚊我唔想批評)豆腐,  日本豆腐加芝麻醬無得輸   攝取一下健康calcium!

又係放工嘅時候，當然要食好西，但又要平，又好味道，真係要動動腦筋先至諗到 。😉喺尖沙咀行咗一陣，向左望望，見到久違了嘅吉野家，接近一個月沒有食了，見到佢個招牌，立即衝落地牢，係下午茶完結之前，買返個招牌牛肉飯🐮🍚品嚐一番。排咗大約20分鐘，就已經買到我至愛的牛肉飯🐮🍚加熱茶🍵。識食嘅你，當然會和我一樣，加牛汁啦。雖然一個月冇食過，但係牛肉飯依然保持著一貫嘅水準，我五分鐘之內已經食曬啦，真係回味無窮。識食嘅我，會將一半汁倒喺牛肉飯裏，一半嘅汁用嚟點牛肉，呢個係最高嘅享受 。牛肉嘅分量都算多，我食完一塊又一塊，都停唔到口 。24蚊咁平，咁實惠，真係窮人恩物，果腹之選。

食晏時間，好多尖沙咀打工仔都要四岀覓食，雖然尖沙嘴好多野食，但係價錢合理，味道又有保證既並唔多。其實吉野家係非常好既選擇！價錢公道之餘，品質一向好可靠！牛肉同野菜煎雞一向係吉野家既皇牌 兩樣都咁好食 但偏偏以前只係可以二選一 不過我地終於唔駛糾結喇 因為宜家有得二合一 - 雙拼牛肉同野菜煎雞，再唔使選擇困難，即可以享受牛肉既鮮味，又可以品嚐煎雞既香脆外皮和嫩滑 又好味又大份，都只係50蚊，當然包左野飲喇，平過好多一般既冰室同茶記 簡直係一舉多得！

勁耐冇黎吉野家邊爐，今日同朋友去完 SALON 整頭，不如黎啦 !! 黎到又冇咩人都幾好呀 !! 起碼唔駛等餐死 !!我地每人都叫左個 芝士竹輪火鍋配牛肉，佢要左 烏冬，而我今晚好想食粉絲 !! 野飲仲可以加大杯汽水 ~~ 哈哈 !! 抵呀 !個湯底大家都選左甜豉油 !! 除左蕃茄我覺得最好味就係佢 !! 好配牛肉同其他配料既味道 !! 今晚大家唔知係好餓 ... 食完唔多夠 ...仲加左一碟牛肉同一碟菜 !! 但兩個人每人 80蚊 都真係抵到爆燈 !!但唔知大家覺唔覺得 ... 份量好似少左咁 ... 係咪我心理作用 ??

今日喺尖沙嘴行街 打算食個簡單d既dinner喺米線同吉野家之間最後選擇左去吉野家打邊爐知道最近出左個雪見鍋 打算叫黎試下佢係多左白蘿蔔蓉同埋d豬肉片我諗住配白蘿蔔蓉要清清地所以叫左清湯點知個湯真係清到好似水咁而且d白蘿蔔蓉撈左落d湯之後其實係冇味豬肉片就算係正常 但都係偏鞋佢有個類似柚子汁既俾你點豬肉個汁都ok 酸酸地幾開胃食到最後我倒曬成鍋湯之後加番濃湯先煮粉絲如果唔係一定冇味整體覺得呢個雪見鍋麻麻地有d後悔放棄左自己最鍾意既芝士竹輪試新野

今次就係吉野家外賣左個英式早餐食，內裡有魚柳，蛋，火腿，茄汁豆同奶茶。。。打開外賣盒，覺得份量好少。。亦或係個盒太大？而家吉野家外賣盒仲用梗類似發泡膠物料，我覺得可以改善下，反正已經轉價了$1外賣盒費用係客人到，不如改善一下，令環境都好d. 日本人不是環保意識都高嘛，希望能將日本美德帶到香港及世界各地。講番d 食物質素，火腿，茄汁豆相信都是現成貨，無須多評論吧。至於炒蛋、算是滑蛋，不過略咸。魚柳說是即叫即炸，沒帶炸到太燶，岩好。。。可惜魚肉太少，粉較多。。。相信下次還是幫襯傳統的牛/雞飯或烏冬，始終還是你最好

睇完醫生,就發現還未食飯,諗住搵間快餐店睇下有什麼選擇,剛好見到吉野家做優惠,當然選擇呢間吧!19蚊就有一個細碗的野菜煎雞飯,覺得呢個都係經濟之選,雖然做緊特價,但都沒有偷工減料,依然足料之餘,也有香濃的醬汁。配上一杯熱乎乎的熱茶,真的覺得好抵食,而且件件煎雞也夠大份,既可以飽肚,又可以滿足到我對雞的熱愛。真的希望吉野家能夠多做優惠,讓我平時也能品嚐它的美食。題外話,收銀員姐姐不但好友善,仲會提醒我是日特價,值得加分!

一個人打邊爐首選…走唔甩係吉野家…不嬲都係支持者…雖然近排唔算凍…見到有新出火鍋就去試下就係呢個豚肉火鍋同菜單上面果球差好完😅…其實係白蘿白蓉…好似日式天婦羅汁配果啲咁…加埋日式濃湯…味道都算夾滾起左其實咩都睇唔到…不過湯底食落都仲有少少蘿白甜味豚肉就普普通通…算比較肥仲有個特別既醬汁…柚子酸汁…令到唔算特別好食既豚肉好味返少少…用黎點牛肉都夾總括黎講…由於豚肉唔係特別好食…價錢比原本普通火鍋貴十蚊…只可以叫可以一試既level

諗唔到食咩 經過吉野家好似都好耐無食過 好啦 今餐就係吉野家火鍋啦!最近好似仲出左相撲鍋，份量會大啲其實我都應該食得哂但係! 相撲鍋好似無芝士竹輪!!!咁唔得架嘛芝士竹輪根本就係重點黎所以我地叫左四個芝士竹輪鍋 配牛肉($57)!最愛日式濃湯!擺到明好甜唔健康但我鐘意以平價小火鍋黎講 其實吉野家都無咩可挑剔女仔都夠食既 男仔就應該唔夠喇朋友仔話叫粉絲會吸多啲湯底仲正但我都係鐘意配烏冬芝士竹輪真係好好味吉野家座位位置咁細都好貼心咁設計左櫈下面有個小籃可以放中型手袋另一樣要讚既係出餐姐姐既態度我前面有位女士既態度唔係咁好但姐姐都好專業咁處理值得讚揚!!

諗諗下都成大半年無食過....咁啱經過就再食返次.....叫返個溫泉蛋牛丼食.....唔知係咪太耐無食過.....覺得幾好食....不過有少少偏鹹....食完要飲哂杯汽水