吉野家 (已結業)

今日去開大埔做野，身水身汗搵地方食午餐。突然好想食蝦籽，但又唔想去爭鮮買壽司，諗諗下就去左大埔中心一田附近間吉野家啦，呢度坐位比較小，但係因為在商場內，冷氣夠，唔錯，就決呢度食。叫左蟹籽三文魚飯，飲機出凍檸茶唔洗加錢，哈，原來依家有得加錢轉鮮檸，不過都係唔洗。排隊時見到前面個人問，原來呢個飯原來唔比外賣，我估可能呢個飯成本最高，所以唔比，不過我堂食無影響。講番個飯，蟹籽份量真係唔小，可以好滿足咁一大匙咁食蟹籽，真係yummy yummy，抵食，份量一定多過去爭鮮叫十粒蟹籽壽司，哈。

好多年無食過吉野家，以前中學年代會成日食，趁今次尋找那些年先。我始終叫返佢地既signature dish 紫菜溫泉蛋牛肉飯，肥牛夠薄少脂肪，溫泉蛋流心蛋槳加埋本身佈滿牛肉汁既牛肉飯，識食一定係撈埋一齊食，珍珠米夠晒白滑呀，仲有飲品凍檸茶，係我鍾意既雀檸呀，二十幾蚊既飯包埋野飲，抵啦。

一個人簡簡單單食一餐，唔想諗就食個快飯，咁岩撞正下午茶時間，見到新出醬煮豚肉飯，只係19蚊，仲平過牛肉飯，同出面既茶餐廳，梗係要試試醬煮豚肉飯，飲汽水加$2，驟眼睇好似牛肉飯，豚肉切到好薄，份量都算足夠，內有洋蔥同漬物(酸酸地咁），醬汁味似係燒汁，甜甜地，而汁都好多，夠晒伴飯

天氣轉涼，最適合便是吃暖笠笠的東西。所以這晚沒有約會之下，便回大埔與姐姐去吉野家打邊爐。人人都有相同的想法之下，大概等了15分鐘才有位。一直覺得多間快餐店中的一人火鍋，最抵吃的就是吉野家，而今年的鍋也算很足料。一番帆立貝鍋 ($63.9)：肉類可選特切火鍋牛肉 / 雞肉；湯底可選芝士番茄湯 / 日式濃湯 / 野菜清湯；麵飯可選讚岐烏冬 / 韓式粉絲 / 珍珠白飯；飲品可選百事汽水 / 麵豉湯 / 日本茶我們點了2客一番帆立貝鍋，一份選了火鍋牛肉、日式濃湯、韓式粉絲及百事汽水(惠顧滿$120可免費增量)，另一份則選了牛肩肉(+$5)、野菜清湯、韓式粉絲、凍檸茶(+$2)。可能人手不足的關係，最後2份都是日式濃湯，而出餐的時候又錯給2份烏冬，不過是小問題吧~我們一來便先吃牛肉，那份預設的牛鍋牛肉實在很肥，結果吐掉了很多脂肪出來。而那個牛肩肉則夠腍，加$5算抵食。至於整個鍋，除了主打的帆立貝外，也有墨魚仔、蟹柳及各種野菜，還有一粒叫作櫻花芝士丸的東西。這個價錢本來就不抱要吃些甚麼珍貴的食材，雖然帆立貝鮮味欠奉，但也夠爽口；墨魚仔也算收貨。至於那個櫻花芝士丸吃的時候要小心燙口呢，不過如果可以再

間中午飯的時間比較趕忙便光顧快餐店作為午餐。又嫌有些美式的快餐店食物太過油膩，於是便光顧這家日式快餐店吉野家。這裏的飯離不開牛肉飯和煎雞飯，還有較有特色的東坡肉和三文蟹籽飯。今次點了一個玉子粟米煎雞飯，玉子即是溫泉蛋，味道不錯。而且還有一個麵豉湯送，不用三十蚊，以後食較健康的快餐又多個選擇。

看到宣傳已有些時間，終於有機會試試。看到豐富的雜錦火鍋料，心急地待着湯熱起來。芝士蕃茄鍋的芝士味不濃，但蕃茄味足而不酸，是好吃的。青口、蝦丸、魷魚、餃子、魚蛋、豆腐角、金菇、粟米、南瓜流沙包、粉絲逐一弄熟，入味而鬆軟，新鮮、料足亦十分好吃，令人滿足。自覺味道很難形容得貼切，希望再嚐。

一日之計在於晚,琴日大嗜shopping完夜晚就番到黎屋企附近打番個速成邊爐.4個人買左4個餐.要左3個濃湯,1個蕃茄湯底.我黎開食吉野家邊爐都實會叫濃湯,其他湯底唔係無試過,不過總係覺得味道比唔上濃湯.個餐有跟烏冬或粉絲同肥牛,我簡左烏冬.唔知點解就係覺得粉絲比烏冬更飽肚.煲裡面已經有蟹柳。豆腐。娃娃菜。南瓜。金菇...大概,仲有個又香又好味既芝麻醬搭埋tim ahh.今次個肥牛認真麻麻,肥膏多過肉,叫我點食好?! 我挑番d肥膏出黎都挑左一排,食就得番個少少ja,真係唔抵羅!不過個烏冬就好好味,入味不特止,點埋d芝麻醬簡直一流阿!!!錄到出黎又滑嘟嘟,唔會過腍wor.掂晒!!成餐我最唔滿意都係個肥牛ja.其他都可以

今期新搞作: 蕃茄咖哩牛肉飯.原先估計, 是咖哩牛肉飯加入幾舊蕃茄,原來是咖哩牛肉飯上面, 加入蕃茄蓉, 又咖哩, 又蕃茄醬, 色彩的確非常鮮艷,影相幾靚, 但味道就九唔搭八, 完全唔match的,下次唔會再order啦.

吉野家最出名就係牛肉飯，下午茶時間，一碗野菜牛肉飯配綠茶都只係$15，平霸以這個價錢都知道不能要求太多，但這個牛肉飯既牛肉真係超肥，肥肉同瘦肉既比例可能係一比一。真係舊舊都咁肥，早知就叫燒雞飯LA，至少去左皮淨食雞肉都健康得多LA~但$15 真係周圍都用唔到呢個價錢買到個飯個笑面係比個$15既牛肉飯既~P.S. 呢度叫凍檸樂只係加2蚊，好平架!!

又去吉野家食下午茶，見到有新出的餃子粉絲所以就試下，可以配雞或牛，湯底可配地獄湯或清湯，我最終揀左牛肉同地獄湯底，牛都係同牛肉飯的一樣好食，餃子就平平啦，塊皮ok薄，入面d餡我就食唔出係咩黎，味道就好淡，地獄湯就可以接受啦，係咸左d，辣味唔太重，如果鍾意食辣的人可能會覺得唔夠辣，粉絲就值得一讚，口感幾好，幾彈牙！

夜晚屋企冇煮飯 又係時候約朋友出街食啦=)經過吉野家見到有火鍋打 所以就係到食啦^^叫左個牛肉火鍋 要濃湯的一開始等人地起爐都等左好耐 最終要自己行去叫人先有人理不過好彩我地個火都幾大…好快就滾左可以開始食啦=)個湯好甜 D烏冬放入去等一陣就入哂味 好食而且都有好多野食 又有金菇又有冬菇 重有D菜咁 一個女仔一定夠食 連我依個咁大食的人都食唔哂不過D牛真係好肥…

星期五, 太太不想煮飯. 二人便約好出街食. 因為工作關係而遲了點, 令得齋妹有少少不開心. 不過遲到總好過不來. 見了面, 二人先來看看看有沒有其他選擇. 不過, 有不少餐廳都沒有合她吃的東西, 就算有, 可惡的咖喱店說明了咖喱汁有蒜有牛肉. 再巡查大埔廣場其他食肆, 都沒有一家看得上眼. (想坐得舒適一點). 最後便反撲歸真, 齋妹一早已說了在家樓下的茶記, 被我reject之後, second choice便是吉野家. 來到時, 已經近9點, 店內依然人多多, 要找位子坐. 好不容易. 找位子, 就由太太負責, 而我就負責買野食. 她每次來吉野家, 只會有一個野菜丼啱佢食. 常食的, 不用再多說. 而我就看到人人一鍋鍋的, 一個個Shabu Shabu. 我也想來一個....玩玩火. 正在猶疑食唔食火鍋之際, 看見一個甚麼芝士鐵板牛燒肉餐, 同樣是有得玩下火的. 烚野食, 不如炒炒野食. 無懼熱氣, 我要炒炒牛肉片.店員同我點了火, 好讓牛肉慢慢煎熟, 當牛肉半熟, 加點照燒汁, 打埋隻雞蛋去炒. 這樣炒牛肉份外的香, 連齋妹都說香味四溢, 味道果然佛跳牆.倒返上白飯去食, 多了

2010年4月8日 ( 吉野家 - 1 ) 早餐今天相約山友們到大埔行山，起點是由大埔中心，攀越九龍坑山，再經沙螺洞落教育學院。早上來到大埔中心找地方吃早餐，最後...在大埔超級城(吉野家)用餐。早餐有牛肉飯、熱奶茶、炒蛋。今天客少頗清靜，坐得舒服，食物質素幾好，牛肉依然好味，炒蛋香滑，熱奶茶是一般了。

見佢新出個鰻魚飯...個日同左老公買回家la...回到家一食先知...奶野...個鰻魚飯真係同佢相個個差好遠lor...一個鰻魚十牛飯...一個鰻魚飯...仲有2條鯖魚...但條鰻魚係2隻手指拼埋咁大到...個鰻魚無咩肉ka...但個味先慘...勁難食...一陣腥味lor...個汁都蓋唔到d 味呀...真係超級的難食lor...d 鯖魚一樣咁差...無咩味...有一條仲有怪味呢...如果落左lemon 都可以蓋到d 既陣味...但真係唔係咁得lor...不過d 牛都ok 既...

18 號既晚上 8 點半來到新位置既吉野家~唔算多人排隊~於是唸住買自己一向都鍾意食既牛肉飯食~點知...只係排 5 個人~但可以等足 24 分鐘~對怏餐來講~絕對慢....仲要等完再等姐姐比外賣....個經理姐姐比我個時杯可樂係唔穩既~叫佢整整~佢好求其整完~之前我話要比既牛肉汁同調味料咩都冇比...返到屋企..就係因為個經理既 "唔幫人"~最後係不足 5 分鐘既路程~返到屋企已經冇左一大半~仲要個飯已經唔熱 la...之前食既都係好好味既牛肉~加個牛肉~今日唯一好味既係青魚~雖然唔多人食~但我覺得整得都唔腥~加上有酸汁 and lemon ~ 好味不過就算你公司既野好食~但係你咁既態度好唔要得囉~如果我下次再來仲係咁~我會好唔比面咁投訴囉 !!!!