吉野家 (已結業)

依家香港既飲食業好多餐廳都會同手機 App 有掛勾，而且啲 App 內有好多不同既優惠，例如有啲消費儲積分嚟換食品，有啲消費滿指定金額就有特別優惠等等。今日我食吉野家之前就裝咗佢個 App 睇吓有乜優惠，做咗會員之後裏面有三張優惠券，兩張 $29 蚊和風牛肉飯連汽水同一張 $19 蚊和風牛肉飯連日本茶。當時大約十點幾，所以可以用到超值既 $19 蚊和風牛肉飯優惠券。😆 😆味道水準都保持到，雖然係 $19 蚊但係都幾大碗，而且牛肉份量幾多，另外我再叫餐廳比多一碗牛肉汁，加埋牛汁食十分滋味。

星期六，一覺醒來又12點多了，梳洗後就去大埔中心與蝸牛媽會合，齊齊去一田買手信回廣州探親。路過吉野家，見有位，就先去吃個late lunch 再去入貨。之前同事介紹下載吉野家apps，會有優惠券，而當中有2張是11點前或2點後可以用19蚊買細碗飯套餐，這天差幾分鐘就到2點，所以就先坐下，5分鐘後再去買了野菜煎雞飯及牛肉飯各1份。牛肉飯是一貫的滋味，牛肉加了洋蔥煮，肉很簿又不韌，還帶洋蔥的香甜，肉汁配珍珠米煮的白飯，飽肚好味道。野菜煎雞飯的雞肉煎很皮脆，但肉有些鞋，而且味道很淡 ; 野菜是紅蘿蔔、豆角、西蘭花等，煮得不會太淋，但也是較淡，而且汁不多，所以就是比較淡。綠茶是一般的茶包，而味噌湯內有海帶和油豆腐，不太鹹又夠熱，是拌飯的好拍擋。吉野家19蚊1份飯餐，有菜有肉，新鮮熱辣，算是不錯了。

吉野家下午茶真係糧尾必選。經濟實惠，好味又飽肚，所以下午茶時段都一樣咁多人。下午茶有好多選擇，有飯、麵、烏冬。現在仲有「36層丹麥多士」。和風牛肉飯（細）牛肉經過秘製醬汁烹煮，入晒味。牛肉質地柔軟，唔會韌。香綿的珍珠米飯吸收晒牛肉汁的精華，啖啖吸引。36層丹麥多士配榛子醬 酥脆富牛油香的丹麥多士，綠茶味的顏色都幾靚，不過味道就俾榛子醬蓋過了。餐肉一丁麵熱辣辣的餐肉一丁麵，加入一小包麻油，麻油香味撲鼻，更加吸引，一定要食。麵條嘅軟硬度啱啱好。

過了兩點, 想買下午茶來吃, 記得吉野家推出了一佪$20下午茶餐, 於是便等到3點3來光顧.很久沒吃牛肉飯, 原來也有不少顧客光顧呢. 職員問我要飯定烏冬時, 我答了烏冬, 回到家時才留意到點烏冬是沒有牛肉的!!早知道就吃牛肉飯.是負責外賣入袋的職員問題嗎? 我拿起袋子的時候, 內裡的東西全都歪歪斜斜的, 幸好食物在盒內沒有倒出來.整個餐除了一小碗烏冬, 還有一件胡麻豆腐, 和一個切開兩半的脆豬, 跟日本茶.烏冬和豆腐味道不錯, 可是脆豬一點也一脆, 煉奶倒是給足夠份量的.如果想食唔同款式的食物, 可以點這個餐, 否則, 點下午茶$24的牛肉飯會更滿足.

突然好掛掛住濃湯吉邊就同朋友一齊去食，點知大失所望，不及我記憶中萬分之一，雖然上次食已成年前...都係最基本59數濃湯芝士竹輪鍋，配肥牛加粉絲。單睇鍋比我印象中更多料，竹輪三顆、蟹柳兩條、金菇、豆腐、、粟米菜等等...就賣相係ok既，不過... 料多左但水準低左。粟米完全唔甜，菜感覺唔新鮮...唉而牛肉差唔多，顏色鮮，都解左凍一夾就一大塊，同之前差唔多。而最重要！湯底！好失望！非常淡，就算煮完粉絲後都要加芝麻醬先好味，比之前食淡左好多！而店裡自助加湯...濃湯顏色極淡，我一度懷疑我拎左既係清湯。總結而言，60蚊邊爐唔可以要求咁多...但當年好味吉邊...唉

凍冰冰嘅日子，當然係想去打下邊爐啦，因為咁先可在暖下個身嘛。咁同另一半就去左吉野家平平地叫左個邊爐黎打，珍寶蟹棒鍋，滿$120仲可以免費升級汽水。咁個鍋味道都唔錯，配料尚算ok，配烏冬撈埋d湯黎食都幾好。

今日早餐突然想食飯 所以就專登去咗吉野家度食早餐 呢個早餐簡直係性價比極高之作 因為有個雞飯 有杯茶 亦都係講緊20蚊20蚊一個早餐相信喺第二度唔會有得食呢個飯非常之有咬口 口感煙韌 而雞扒亦都煎得好香 雞皮好脆 雞肉好嫩滑 搭配香甜嘅粟米同埋海苔紫菜 味道非常之襯 20蚊嚟講真係完全冇得挑剔 非常抵嘅早餐呀

今日又幫襯吉野家食下午茶～叫左呢個三重芝士牛丼，睇佢個海報介紹好似幾正咁，有三種芝士，包括巴馬臣芝士，車打芝士，莫札里拉芝士～實物同張海報差唔多～賣相都相當唔錯既～牛肉上面放左一大pat芝士，再加一條條芝士同埋一d芝士粉～我估呢度就分別係果三款芝士卦～查實我都分唔出邊隻打邊隻芝士，哈哈。。總之就有好多芝士啦～開頭怕會好膩，因為真係芝士撈飯食咁滯，但食緊既時候又唔覺膩，味道都唔錯～芝士味好香，岩晒我呢d鍾意食芝士既人～而d飯其實都有d牛肉汁，可能係d牛肉度流落去，咁好彩個牛肉汁撈埋芝士食又唔會好怪～但食到大半既時候，已經開始食唔落去，但留意番呢個其實係細飯黎架咋。。平時食細飯係完全食得晒！相信因為咁多芝士所以都好飽滯～總結：下次都會再黎食，但會等到五點幾先食，當食埋晚飯！因為會飽好耐。。

所謂好既又一餐，唔好既又一餐，今日為咗醫肚就隨隨便便去左吉野家食過快餐!雖然話係快餐但係本身對吉野家嘅印像都唔差， 但今次真係比以往嘅感覺差。我同太太嗌咗兩個牛肉飯餐 齋睇埋相都幾吸引。 但兩個飯食落真係同以往有啲唔同，首先太太話個飯好淋， 完全冇日本米嘅咬口， 應該係太多汁引致。再食落去發現咗呢嚿牛肉，開頭以為畀人食過，但係最後發現應該係牛肉冇灘開引致縮埋一舊， 賣相認真麻麻至於我個碗牛肉飯就冇太太那碗咁大問題， 算係正正常常但都冇任何驚喜

星期六下晝， 阿仔課外活動完，一餓鬼咁樣 ，又嗌住要去食嘢， 今日揀咗嚟呢一度。 唔知點解今日買票條龍好長， 我見到有啲人俾個電話啲收銀員睇， 唔知係咪有啲咩promo，我地就無不過呢度座位都唔少， 大概分咗三個用餐區， 我哋兩個人都有位坐。 叫咗輕怡蟹籽三文魚飯餐加可樂， 要加$2。三文魚蓋滿飯面，上面仲有蟹仔， 味道唔錯。 和風牛肉飯餐配日本熱茶， 唔使加錢 。保持水準。發育中嘅小孩特別肚餓， 我畀咗啲飯同牛肉個仔食 ，我都夠飽。 仲可以喺櫃面叫佢地畀豉油，薑，七味粉..... 廿零蚊一個下午茶， 味道不錯又夠飽， 真係幾抵㗎。

放工諗唔到食咩，吉野家又無乜人，於是同朋友即刻覇位！叫左經典竹輪火鍋，濃湯，牛肉！其實老老豆豆，吉野家火鍋真心好抵食，而且係連鎖快餐店火鍋中最好食的，以前要叫姐姐加湯，而家愈來愈有系統，喺出面有個水機咁嘅物體，要幾多自己拎！不過，換左個爐之後，似乎加熱速度比以前慢，好耐都未食得！

今晚7點去到大埔超級城果個吉野家，排隊排長龍，以為要等很長時間，結果10分鐘之後就有得打邊爐，算快架店舖面積唔大，座位有d逼，特別係一張檯三四個人同時打邊爐既時候，野食太多，擺唔落，店入面有一個位係可以自己加調味料同湯底，調味料有豉油，柚子醋（推介！），蔥花，蒜泥，炸蒜泥，辣椒蘿蔔泥（推介），很日式既調味料，很健康！我加柚子醋，蘿蔔泥蔥蒜辣椒，酸酸甜甜很正又健康我叫左新既櫻花蝦火鍋 雞肉同韓國粉絲湯底揀左濃湯，甜甜地，日本風味，唔錯，所謂櫻花蝦，佢用細膠盒裝住成盒櫻花蝦，鮮紅既櫻花蝦，打開盒蓋，一陣蝦既鮮味，本身心諗一盒倒落去陣間唔係食唔到了咩，用筷子夾有排夾啦！但之後發現落左韓國粉絲之後濃湯，櫻花蝦同粉絲一齊撈，超級好味，同埋都可以快速撈埋櫻花蝦，韓國粉絲都算唔錯喔，值得一試，本身覺得烏冬麵太多所以揀韓國粉絲，後面發覺韓國粉絲都很大碗，一d都唔少我揀左雞肉，因為之前揀肥牛全部都係肥肉，太heavy，一d瘦肉都無，唔想中伏，都係揀雞肉穩質d，雞肉唔少，同埋較肥牛瘦d健康d，適合keep fit既朋友櫻花蝦鍋係海鮮鍋，有一條很長既竹輪，不過入面係空既，無夾芝士，一啖咬落去都算滿足，很大件

明白下午茶時間會多人食，員工會易出錯，叫左二隻奶油豬,但俾少左一隻奶油脆豬，所以我下次自己都會打開望清楚係咪俾齊我先走啦。奶油脆豬係都整到幾好味但份量細個，牛肉飯仲係都唔錯既，牛肉唔會食到好多筋。

今日下午茶諗唔到食乜 又唔想餐餐都係麥記，行下發現吉野家，平平地又好食 最平都是20蚊 都係牛肉飯啊 豚肉飯啊 下午茶都係22 份量ok 而且冇乜人 位都唔洗等 太和最容易搵位餐廳

係收銀果邊諗緊食咩既時候，阿姐推介我果日特價餐：蘑菇煎雞飯，lunch28蚊，下午茶24蚊，送野飲係便宜既，雞有五舊，不過蘑菇切得很薄，基本都係芡汁，好似唔係咁健康，白飯份量足夠，不過餸有d吾夠，最尾唔想齋食白飯，所以剩低d，飲完一杯可樂先飽其實有d後悔點左尼個，不如加多十蚊是一個質素高d既套餐宜家咁樣又唔健康，很快又肚餓，好尷尬