吉野家 (海悅廣場)

营业中

休息中

張圖勁美好，嚟到食物質素真係勁差，份量又少，全餐飯咁樣都要$177，難怪啲人北上食好西啦！去櫃枱點餐後，等左20分鐘先出餐囉！食火鍋都要等咁耐，真係oh my god啊！真係要改善下囉！牛肉勁差🥱😵‍💫加左$25 有多2盤，都未必都夠食啊，啲牛呢黑色㗎！唔知雪咗幾耐呢？芝麻醬俾得勁少囉，問佢有冇多碟芝麻醬，竟然要收$5 🫠😡😂😂😂😂😂到吉野家食嘢真係比智商稅啊！香港人真係想食哂快餐都要$177 😚😚不了😛😛

行過見到佢哋有下午茶嘅選擇，而且我又肚餓，就決定坐低食啦！😋我叫咗個雞扒烏冬，本身已經夠食，但係見加多幾蚊就可以多一份雞扒，我就叫多咗份雞扒啦！多雞扒多幸福嘛！🍗🍜另外，我仲加左個牛肉汁，配烏冬真係超級好味！牛肉汁嘅濃郁味道同烏冬嘅滑溜口感好match！每一口都令人滿足！🥩🍲吉野家嘅下午茶選擇真係唔錯，加完份雞扒先$29！如果你係日本料理愛好者，同時又不想花費太多金錢，吉野家下午茶是一個不錯的選擇！🍗🍜👍

今年第一次幫襯，土瓜灣這間店，人不太多，幾好，環境都好乾淨，飯中規中矩，牛肉都好食，但碗味噌湯，實在太差，水汪汪，又咸，以前食過好多次吉野家，碗湯一直唔錯。冇下次。

今日不想煩惱吃甚麼，就簡簡單單來個快餐食完休息，那吉野家就是很好的選擇。來這裡都是吃牛飯或雞飯或雞牛飯啦，那很快就選好食雞飯，因為想坐得舒服些，耐些，所以就加錢轉了一個特飲，抹茶紅豆冰。吉野家的食物味道都不用多介紹，雞飯就是生煎雞扒+甜雞汁+野菜+珍珠飯。我仲加了泡菜，都是正常泡菜味，不用幻想。那個抹茶紅豆冰就淡了少少，紅豆都偏少，不過只是+$8就算了。這餐飯$61，有點貴，但可以舒適坐了整個午餐時段，都一可以接受。

吉野家的下午茶依舊是10分便宜的。今次是看到有支付寶優惠再減$5 ，所以行過先去食，醫下肚。下午茶中最便宜的一款可算是這個野菜牛肉飯了。這次食的味道也算正常，分量也是正常下午茶的份量。以這個價錢來說，也可以接受。唯一有點可惜的是這次的飯溫度不算很高，菜有點不夠熱。但以這個價錢來說都沒什麼可以要求了。很久也沒有食所以都不知道原來而家的多汁是不會另外有一碟汁了，要多汁就應要另外加錢啦。每個餐可以要求給一包酸薑。

昨日經過海悅廣場吉野家，見到有個88蚊嘅半放題火鍋，價錢合理又唔貴，心思思就入去一試，詢問收銀員個半放題火鍋有咩特別，個收銀員就好用心好有耐性去介紹，原來呢個鍋係極上拼盤鍋，有蝦、蜆、蟹柳、嚮鈴，還有八款唔同嘅配料任食，包括有我最鍾意食嘅芝士竹輪、鮮蝦魚皮餃、雞肉腸、芝心丸、粟米、金菇、冬菇、娃娃菜,同埋茶，湯，汽水，奶茶咖啡可以任飲，有三款湯底可以選擇有日式濃湯、清湯、蕃茄湯,跟一份牛肉或雞肉,如果驚唔夠食還可以加28蚊升級牛肉雞肉可以任食,呢個價錢喺第二度真係食唔到,食材新鮮，味道有水準，員工補給食物迅速，今次真係黎個大滿足，下次一定會帶埋朋友去一齊食

今日行行吓嘅時候發現到有間好細嘅吉野家喺土瓜灣一個細商場度喎，下午茶時間有啲肚餓，就想去食下先。估唔到有依款配搭好特別嘅下午茶餐啊！有個餐包、麵鼓湯、凍豆腐、豬肉飯。如果我冇記錯好似係$20咋！味道都OK嘅，每樣野份量少少哋，啱女仔食。佢都有普通飯嘅下午茶餐，價錢都係好平。但係坐咗喺度食下午茶嘅大約30分鐘期間，有客人話緊店員，又有客人坐評論業主立案法團，氣氛緊張，大家面紅耳熱！如果有個安靜啲嘅環境食嘢就好啲啦。

無意路經海悅廣場的「吉野家」，見到很多人在食火鍋，一人一小鍋，幾得意。一直以為「吉野家」只有牛肉飯，原來還有火鍋的。我和老公叫了兩個火鍋，一個蠔鍋，一個芝士竹鍋，可以選出前一丁、烏冬或飯。鍋內的配菜都有幾多，芝士獅子狗很好吃，還有蟹柳、豆腐、豆卜、金菇、冬菇和少量紹菜。蠔鍋就多了蠔，少了芝士獅子狗，其他餸都是一樣。另外，我們還加了鯖魚$17和金菇牛肉串$12喜歡吃火鍋又不想自己買餸，來「吉野家」食這個簡單火鍋都不錯。

見有廣告，朝食早餐，會員價$20,非會員$23，衹雖下載apps成為會員便可，於是下載成為會員，前天早上，到土瓜灣海悅廣場購買早餐堂食，購買時亦有出示會員apps,但對方仍然收非會員價，我問收銀員，為何仍收非會員價……回答係，水牌咪寫咗$23蚊囉，咩$20蚊呀，我覺得收銀員真係好無禮貌，跟住仲要同我講，咩廣告呀？有咩廣告你地家陣個個有手機，可以睇到嘛……，於是我就開會員apps嘅廣告比佢睇……睇完後……都係好無禮貌咁話……頭先同你'嘟咗，自動會扣番比你，……重點係，你嘟，係會員積分，張單仍係收$23吖嘛……旁邊嘅職員睇咗個apps後，都話係咼，退番$3蚊比客人喇，但該名收銀員仍然聲大夾惡，話自己無錯……其實，成件事再不是$3蚊嘅文問題，係服務態度，待客之道嘅問題，今日你返工著住吉野家件制服，係代表吉野家……希望該公司要好好注重培訓……亦要員工清楚。了解公司嘅產品及優惠

今日黎到海悅廣場既吉野家食下午茶，吉野家既下午茶比起其他餐廳都好抵食，全部基本上唔過$30蚊。望左餐牌一陣，原來吉野家推出左新既下午茶餐，叫邪惡豚魔，漢堡包之類既套餐，可惜我對漢堡包之類無咩興趣，所以無試到，我點左最常食既野菜煎雞飯套餐，再加配凍奶茶。落完單，等左5分鐘左右，終於拎到餐啦個飯賣相算唔錯，而今且燒汁亦好夠，所以食落去都幾好味，而奶茶都夠凍，可惜味道淡左一D，唔知係咪加冰加得多左D！？

細細哋食個吉野家細蘑菇牛肉飯（HKD29連飲品），記得叫多份牛汁，唔係會乾咗啲。不過蘑菇同牛肉都係有少少唔太夾，下次都係食返牛肉飯啦。美咪指數：6.5/10抵食指數：7/10

Honestly, I am not a beef rice lover but my daughter loves it so much. Last Sunday we went there for a quick lunch. Restaurant was only half full and there were many emptied table. Having settled down my daughter on one of the emptied table, I discovered the table was very sticky and there were so many dirt marks on it. We had changed the table 3 times but all with same situation. Finally I gave up and just used tissue to wipe and the white tissue changed to brown color, oh no.....Then I placed

都市人做咩都要快, 打個邊爐都想快食, 吉野家會係一個好選擇!平時追求快既我, 我都好中意幫襯唔同分店既吉野家店講真, 食得吉野家都唔會追求好好食架喇不過今次會打呢度既食評, 係因為覺得呢間伏伏地最伏既係店員俾我既肥牛, 竟然好多黑色點點!真係嚇一跳!!!!!!!當我同返店員講, 要求佢換俾我時, 佢竟然拎過盒灰色既肥牛俾我到我再要求換過盒時, 對方解釋盒牛係冇問題, 只係來貨變左色......結果成盒冇食過

今晚晚餐一個人吃，又要諗，諗來諗去想起附近的吉野家，最近都來過幾次，不過星期六、日晚飯時間通常無位，因為好多一家三係度打邊爐，我要外賣先得，今天因為係平日，所以有好多位。要了一個一番巨丼($55)，加$3可以飲白桃乳酸梳打，收銀話可以以$10，換購原價$13的金菇牛肉卷。一番巨丼即係牛肉飯，味道同牛肉飯一樣，不過份量加大，我喜歡牛肉好薄，易於入口。白桃乳酸梳打，唔覺得有桃味，有些乳酸味，只屬一般。金菇牛肉卷，煎得幾香可惜有些靭，個汁就幾好味。

紅日放假想食麥記早餐點知多人到爆又得反5分鐘就無早餐食於是去附近既吉野家睇下有無早餐食！從來未食過吉野家早餐但對日本既すき家有好好既印象所以諗住都係食牛肉飯既吉野家如果佢有早餐應該都好唔錯！見到個牌仔寫住朝食，推介既係米粉配一小碗牛肉再加份炒蛋然後有杯野飲，仲有個港式奶油豬，都係20幾蚊！食慣麥記既關係本身打算拎包黑椒同鹽灑落個炒蛋度然後最後都係食一啖先算，佢唔會預先比定黑椒同鹽咪就係佢本身都好夠味囉好彩我無拎到喳😆😆😆米粉好味！連湯都飲埋，牛肉就係平時食牛肉飯既牛，雖則比不上日本既すき家但香港黎講已經好好！奶油豬要讚美一下就係夠多奶！正呀！如果個米粉可以大份啲就完美喇！不過呢個價錢呢個份量係真係好抵架喇！